ராஜீவ் கொலை வழக்கில் தண்டனை குறைக்கப்பட்ட 7 பேரை விடுதலை செய்ய தமிழக அரசு முடிவு செய்துள்ளதாக முதல்–அமைச்சர் ஜெயலலிதா நேற்று அறிவித்தார். உடனே டிவிட்டர், ஃபேஸ்புக் என்று எல்லாவற்றிலும் அதை பாராட்ட ஆரம்பித்துவிட்டார்கள். குற்றம் புரிந்தவர் தமிழர், அவருக்கு விடுதலை என்றால் உடனே தமிழ் பாசம் என்று பொங்குவது ஃபேஸ்புக் மக்களுக்கு சரியாக இருக்கலாம் ஆனால், அரசு அப்படி செய்வது எப்படி சரியாக இருக்கும்.
தேவை இல்லாத தாமதம் காரணமாக உச்ச நீதிமன்றம் தூக்கு தண்டனையை ஆயுள் தண்டனையாக குறைத்தது சரி என்றாலும், ஒரு தீவிரவாதி கூட்டத்துக்கு, அதுவும் ‘அமைதிப் பூங்கா’ என்று பேர் எடுத்த தமிழகத்தில் முன்னாள் பிரதமர், போலீஸ் அதிகாரிகள், பொதுமக்கள் என்று காவு வாங்கிய கூட்டத்தை விடுதலை செய்வது என்பது மிகவும் கண்டிக்கத்தக்கது.
நாளை ஒருவர் தண்டனைக்கு உள்ளானால், மத்திய அரசு. ஜனாதிபதி, வக்கீல்கள் இழுத்தடித்தால் அவருக்கு ஆயுள் தண்டனையும், மாநில அரசு நினைத்தால் அவருக்கு விடுதலை கிடைக்கும் என்ற மோசமான முன் உதாரணமாக இது அமையக் கூடும். அதோடு இல்லாமல், இந்தியாவில் தீவிரவாதிகள் குண்டு வைத்து மாட்டிக்கொண்டால் விடுதலை கிடைக்க வாய்ப்பு இருக்கு என்று அகிவிடும். நாட்டின் பாதுகாப்பிற்கே இது ஒரு சவாலாகிவிடும்.
உடனடியாக உச்ச நீதிமன்றம் இதில் தலையிட்டு இந்த கூத்தை நிறுத்த வேண்டும்.
ஜெயலலிதாவின் இந்த மூவ் அரசியலில் பலருக்கு ‘செக் மேட்’ வைக்க உதவும், ஆனால் உயர் நீதி மன்றம் முன் இருக்கும் மனுநீதி சோழனுடைய சிலை ஒரு வரலாற்று முரணாகிவிடும்.
Read More...
Collapse...
