தி கிங்டம் ( The Kingdom ) - சினிமா விமர்சனம்

ஒரு வருடம் முன்பு 'தி கிங்டம்' ஆங்கில படத்தின் டிவிடியை ஒருவர் எனக்கு கொடுத்து பார்க்க சொன்னார். மறந்துவிட்டேன். சில நாட்கள் முன் இந்த படத்தை பார்த்துவிட்டு அதன் விமர்சனத்தை என்னிடம் அனுப்பினார் 'ஜெய் ஹனுமான்'( அவர் பெயர் வரக்கூடாது என்று சொல்லிவிட்டார் ) விமர்சனத்தை பிரசுரிக்கும் முன் நாமும் அந்த படத்தை பார்த்துவிட்டால் நல்லது என்று தோன்றியது. இன்று தான் அதை பார்க்க முடிந்தது.

ஜெய் ஹனுமான்' எழுதிய விமர்சனத்தை கொஞ்சம் எடிட் செய்து இங்கே...

பயங்கராமான ஆக்ஷன் படமோ, திர்ல்லர் படமோ இல்லை. ஆனால், அதை எடுத்துள்ள விதம் சினிமா என்ற உணர்வே இல்லாமல் இயல்பாக பி.பி.சி நியூஸ் சேனலில் காண்பிப்பது போல இருப்பது பலம். 1996ம் ஆண்டு சவுதியில் உள்ள கோபர் டவர்ஸ் என்ற இடத்தில் நடந்த தீவிரவாதத் தாக்குதலில் 19 அமெரிக்கர்கள் கொல்லப்பட்டனர். நூற்றுக்கணக்கானோர் படுகாயமடைந்தனர். இந்த சம்பவத்தை அடிப்படையாகக் கொண்டு இந்த படத்தை எடுத்துள்ளார்கள்.

எப்படி இப்படி அடிப்படைவாதிகளாக மாறிப்போனார்கள் என்பதை எண்ணெய் வளம் கண்டுபிடிப்பதற்கு முந்தைய சவுதியிலிருந்து கடைசியாக எண்ணெய்வளம் கண்டுபிடித்து அமெரிக்கர்களுடன் இனைந்து ”அராம்கோ” என்ற அமெரிக்க - சவுதி கூட்டு நிறுவனத்தைத் தொடங்கி, எண்ணெய் மூலம் உலகின் ஆதிக்கத்தில் உள்நுழைவதும் அதனால் ஏற்படும் அடுத்தடுத்த மாற்றங்களையும் ஒரு சில நிமிடங்களில் சொல்லிவிட்டு படம் ஆரம்பமாகிறது. அப்படி சொல்லும் போது படத்தில் அவர்கள் காண்பிக்கும் சின்ன சின்ன கிராபிக்ஸ் பல செய்திகளை சொல்லுகிறது.

இஸ்லாமிய அடிப்படைவாதத்தின் ஊற்றுக்கண் சவுதிஅரேபியா. ”தூய இஸ்லாம்” என அவர்கள் சொல்லும் வஹாபியிசத்தை உலகமெங்கும் அமைப்பதும், இஸ்லாமைத் தழுவாதவர்களை ( infidels) கொல்வதும் கூட இறைப்பனியே மற்றும் மதக்கடமையே என நம்புபவர்கள். அவர்கள் வணங்கும் ஏக இறைவனுக்கு இனையாக கும்பிடப்படுகிறார்கள் என்று கருதி அவுலியாக்கள் ( இறைநேசச் செல்வர்கள்) உறங்கும் தர்காக்களை இன்று இந்தியாவிலும், பாகிஸ்தானிலும் தகர்த்துக்கொண்டிருப்பவர்கள் இந்த வஹாபிகளே..கல்வி, இசை, நடனம், விளையாட்டு என்ற எந்தவிதமான பொழுதுபோக்கும் இல்லாமல் இறைவனை மட்டுமே வணங்க வேண்டும் என கத்திமுனையில் நடத்தும் / நடக்கும் ராஜாங்கம்தான் இந்த வஹாபியிஸம்.

இஸ்லாமிய அடிப்படைவாதிகளால் சவுதியில் அமெரிக்கர்கள் குடியிருப்பில் நடத்தப்படும் தற்கொலைப்படை தாக்குதல்களில் பல அமெரிக்கர்கள் இறக்க, அதை புலன்விசாரனை செய்ய ஐந்துபேர் கொண்ட குழு(FBI) சவுதி அரேபியாவில் புலனாய்வு செய்து குற்றவாளிகளைக் கண்டுபிடித்து அவர்களிடம் சிக்கியிருந்த புலணாய்வு செய்யவந்த ஐவரில் ஒருவரை மீட்பதுவும்தான் கதை.

திரைப்படத்தின் ஆரம்பத்தில் ஒரு கையில் புனித குரானும், இன்னொரு கையில் இயந்திரத் துப்பாக்கியும் கொண்ட முகமூடி அணிந்த தீவிரவாதிகளை, இன்றைய தேதியில் உலகம் முழுக்க இருக்கும் தீவிரவாதிகளின் அடையாளம்போல ஒரு நொடி கான்பிக்கிறது கேமெரா, உலகம் முழுக்க நடந்த தீவிரவாத செயல்களை அப்படியே ஒவ்வொரு ஃப்ரேமாக கான்பித்துவிட்டு, நேரடியாக சவுதி அரேபியாவின் வறுமை நிறைந்த இருண்ட சரித்திரத்திலிருந்து ஆரம்பித்து அதன் சரித்திரத்தை ஒவ்வொரு காலகட்டமாக கான்பித்துவிட்டு, இன்றைய வளமான சவுதியின் பளபளப்பான மசூதியின் தூபியும், மாலைநேர மறையும் சூரியனையும் காட்டி நிற்கிறது கேமெரா..


அடுத்த காட்சி தொலைக்காட்சியில் ஒரு பெரியவர் அல்லாவின் பெயரால் தாக்குதல் நடத்த ஆனையிடுகிறார். அதைப் பலர் கேட்கின்றனர். அடுத்த காட்சியாக ஒரு பெரியவரும், சிறு பையனும் பைனாகுலரில் அமேரிக்கக் குடியிருப்பைப் பார்க்கின்றனர். முதலில் குடியிருப்பில் நிலவும் மகிழ்ச்சியான மனநிலையும், அப்படியே கேமரா அந்த மகிழ்வான சூழ்நிலையைக் காட்டியபடியே பின்னால் பயணித்து அந்தப் பெரியவரும், சிறு பையனும் பைனாகுலரில் அமேரிக்கக் குடியிருப்பைப் பார்ப்பதில் கொண்டுவந்து நிற்கிறது கேமெரா..சின்ன பையனை அவர்களது உடையும், அந்த சூழ்நிலையுமே ஏதோ விபரீதம் நடக்கப் போவதை உணர்த்துகிறது. அப்படியே நடக்கிறது அந்த விபரீதம்..

போலிஸ் உடையணிந்த ஆயுததாரிகள் அங்கு மகிழ்சியாய் விளையாடிக் கொண்டிருக்கும் அமெரிக்க மக்கள்மீது சரமாரியாக சுட்டுக்கொண்டே வர எல்லோரும் உயிரைக் கையில் பிடித்துக்கொண்டு நாலாபக்கமும் சிதறி ஓட, போலிஸ் சீருடையில் இருக்கும் தற்கொலைப்படையைச் சேர்ந்த ஒருவன் எல்லோரையும் ஒன்று சேர்த்துவிட்டு ”அல்லாஹு அக்குபர்”, ”அல்லாஹு அக்குபர்” எனக் கத்திக்கொண்டே தனது உடம்பில் கட்டியிருக்கும் குண்டை வெடிக்கச் செய்கிறான். பெருவாரியான மக்கள் இறந்து போகிறார்கள். எவ்வளவு இயல்பாக இதை எப்படி எடுத்தார்கள் ?

சதித்திட்டம் நிறைவேறிய மகிழ்ச்சி அந்தப் பெரியவர் முகத்தில். குண்டுவெடிப்பை பைனாகுலரில் தனது பேரனுக்குக் காட்டிக்கொண்டிருக்கிறார் அந்தப் பெரியவர். அந்தச் சிறுவனுக்கோ அதைப் பார்க்கப் பிடிக்கவில்லை. முகத்தைத் திருப்பிக்கொள்கிறான். ஆனாலும் அவர் அவனது முகத்தை வலுக்கட்டாயமாக திருப்பி அவனைப் பார்க்க வைக்கிறார். இந்த குண்டு வெடிப்பை வீடியோவிலும் பதிவு செய்து வைக்கிறார்.

புலனாய்வு செய்ய வரும் அமெரிக்க குழு தாக்குதல் நடந்த இடங்களில் கிடைத்த தடயங்களை சேகரித்து வைக்கின்றனர். அதில் சில கோலிகுண்டுகள் கிடைக்கிறது. தடயங்களை தாக்குதல் நடந்த போது இறந்தவர்களின் உடல்களில் இருந்தும் சேகரிக்கின்றனர். அதில் கிடைக்கும் தகவல்களும் அவர்களுக்கு உதவியாக இருக்கின்றது.

இறுதியில் அவர்களுக்கு கிடைத்த தகவலின் அடிப்படையில் சோதனைக்குச் செல்லும் வழியில் அமெரிக்க விசாரனைக் குழுவின் மீது தாக்குதல் நடக்கிறது. பலமான துப்பாக்கிச் சண்டையில் இருதரப்பிற்கும் சேதமிருக்க புலனாய்வுக் குழு தரப்பில் எல்லோரும் தப்பிப்பிழைத்து கடைசியாக இருக்கும் வாகனத்தில் தாக்குதல் நடத்தியவர்களை துரத்திச் செல்கின்றனர். அதில் ஒரு புலனாய்வுக் குழுவில் ஒருவர் தீவிரவாதிகளிடம் மாட்டிக்கொண்டுவிட அவர்களைப் பிடித்து சிக்கிக்கொண்ட குழு உறுப்பினரைக் காப்பாற்றச் செல்கின்றனர். அவரை தீவிரவாதி குழு வீடியோ காமெரா முன்பு வைத்து கழுத்தில் கத்தியை வைத்து ஏதோ படிக்க அந்த காட்சியில் அந்த அமெரிக்கர்கள் காட்சியில் தெரியும் பயம், இவர் நிஜ தீவிரவாதிகளிடம் மாட்டிக்கொண்டாரே என்று என்று நமக்கே பயமாக இருக்கிறது. அவ்வளவு இயல்பு.

துப்பாக்கியால் ஒரு போடு போட்டால் முடிந்துவிடும்..ஆனால் வீடியோ படமெடுத்து அதை உலகெங்கும் காண்பித்து பயமுறுத்த முயலும் காட்சியும், அதற்காக அந்த அமெரிக்கனின் கழுத்தை அறுத்துக் அவர்கள் மேற்கொள்ளும் முயற்சி அவர்களின் லட்சியம் அமெரிக்கர்களுக்கு பயத்தை உண்டாகுவதுதான் என்பதை வசனமே இல்லாமல் எடுத்திருக்கிறார்கள்.

கடைசியில் அமெரிக்கர்கள் மீது தற்கொலைத்தாக்குதல் நடத்திய அபுஹம்சாவின் வீட்டிற்குள்ளேயே.. அங்கும் பலமான துப்பாக்கிச் சண்டை நடக்கிறது. இறுதியில் விசாரனைக்குழுவில் உள்ள ஒருவர் சண்டை நடக்கும் இடத்தின் கடைசித்தளத்தில் ஒரு குடும்பத்தைக் கான்கிறார். அங்கிருக்கும் குழந்தை பயத்தால வீரிட அவர் அதனை சமாதானப்படுத்த தன்னிடம் இருக்கும் லாலிபாப் மிட்டாயைக் கொடுக்கிறார். அந்தக் குழந்தை பதிலுக்கு ஒரு கோலிகுண்டைத் தருகிறது. இந்த இடத்தில் அந்த குழந்தையின் முகத்தில் தெரியும் இன்னஸன்ஸ் பல செய்திகளை சொல்லுகிறது.

தாகுதல் நடந்த இடத்தில் கிடைத்த தடயத்தில் கிடைத்த அதே போன்ற கோலிக்குண்டு. புலனாய்வுக்குழுவுக்கு அவர்கள் எங்கிருக்கிறார்கள் என்ற உண்மை புலப்பட்டு அங்கு அமர்ந்திருக்கும் பெரியவர்தான் அபு ஹம்சா என்பதைக் கண்டுபிடித்து அவர் சுடப்பட இறுதியில் சாகும் தருவாயில் பேரனிடம் அரபியில் “ எல்லா முஸ்லிம் அல்லாதவரையும் கொன்றுவிடுவோம்.. வெற்றி நமக்கே" என சொல்லிச் சாகிறார் அடுத்த தலைமுறை கொலைபாதகக் கும்பலை உண்டாக்கிவிட்டு உயிர் துறக்கிறார்.

கடைசி காட்சியில் அந்த சிறுவனி கண்களில் தெரியும் கொலை வெறி மேலும் பல செய்திகளை சொல்லுகிறது.


இதில் ஆச்சரியப்படும் விஷயம் இந்தப்படம் முழுக்க சவுதியிலேயே எடுக்கப்பட்டுள்ளது இந்தப்படம் முழுக்க சவுதியிலேயே எடுக்கப்பட்டுள்ளது போல இருந்தாலும், அரிசொனாவிலும் , ஐக்கிய அரபு எமிரேட்டிலும் எடுக்கப்பட்டது! சிறப்பான ஒளிமற்றும் ஒலிப்பதிவுடன் படம் விறுவிறுப்பாக செல்லும்படிக்கான காட்சிகள். படம் முடிவடைந்த பின்னரே நாம் நிகழுலகிற்கு வருகிறோம். அவ்வளவு அருமையாக திரைப்படத்துடன் ஒன்றச் செய்யும் அளவு சிறப்பான திரைக்கதை..


”அல்லாஹு அக்குபர்” என்று தீவிரவாதிகளும், தீவிரவாதிகளை அழிக்கும் சவுதி போலீஸும் சொல்லுகிறார்கள். இஸ்லாமிய நாடுகளில் மனமாற்றம் நடந்தால் தான் தீவிரவாதத்தை ஒழிக்க முடியும். அல்லா அவர்களுக்கு துணையிருக்க பிராத்திக்கிறேன்.


படத்தின் டிரைலர்



எச்சரிக்கை: இன்று அவதார் படம் பார்க்க போகிறேன்...