ஸ்டார்ட் மியூசிக் !

இதை டிசம்பர் சீசன் என்பார்கள். என்னை கேட்டால் இது ஒவ்வொரு வருடமும் சென்னையில் நடைபெறும் ஓர் உலக அதிசயம் அல்லது ஒரு மிகப்பெரிய இசைக் கோலாகலம். நூற்றுக்கும் மேற்பட்ட சங்கீத சபாக்கள், ஆயிரத்திற்கும் மேற்பட்ட இசைக்கலைஞர்களுடன் நடத்தும் நானகு வாரத் திருவிழா. நான்கு வாரமென்று சொன்னாலும் இது கிட்டத்தட்ட ஜனவரியின் மத்தி வரை நீளும். திருவையாற்றில் “பூஷ்ய பகுள பஞ்சமி” அன்று நடைபெறும், தியாக ப்ரம்மத்தின் பஞ்ச ரத்ன கீர்த்தனை உத்ஸவம்தான் இந்த இசைத் திருவிழாவிற்க்கு சூட்டப்படும் மகுடம் போன்றது. இது கிட்டத்தட்ட பொங்கல் சமயத்தில் நிகழும். அத்தருவாயில் அனைத்து சங்கீதக் கலைஞர்களும் அங்கு குழுமி ஒரே குரலில் இசைக்கும் பஞ்ச ரத்ன கீர்த்தனங்களை அனுபவிப்பதற்கு இந்த ஆயுள் போதாது.


இந்த சீசனை முதலில் ஆரம்பித்து வைத்த பெருமை அக்கால காங்கிரஸைச் சேரும்.1927ல் காங்கிரஸ் கட்சியின் சென்னை மாகாண கூட்டம் ஒரு இசைச் சங்கமமாகத் துவங்கியதுதான் இன்று நடைபெறும் இந்த டிசம்பர் சீசன் கச்சேரிகள்.

உள்ளே என்ன நடக்கிறது?. கச்சேரி or Carnatic Music(CM) Concert. நமக்கு புரியாத சங்கீதம் ஆனால் தெரிந்த இசை. ரீதிகௌளை என்றால் தெரியாது. ஆனால் தமிழ்நாடு முழுக்க ரசித்த "கண்கள் இரண்டால்" சுப்ரமணியபுரம் பட பாடல், இந்த ராகத்தில் இலக்கண சுத்தமாக அமைந்த பாடல். தவிர, கவிக்குயில் படத்திலமைந்த சின்னக்கண்ணன் அழைக்கிறான், முதல்வனில் அழகான ராட்சசியே மற்றும் தலையைக் குனியும் தாமரையே என்று ரீதி கெளளையில் அமைந்த திரையிசைப் பாடல்களின் பட்டியல் மிக நீளம்.
நம்ம சினிமா டைரக்டர்கள் மெலடி சாங் என்றாலே, மியூசிக் டைரக்டரைக் கூப்பிட்டு கல்யாணி or சிவரஞ்சனி or மோகனம் என்று ராகத்தை செலக்ட் பண்ணுவதுண்டு.

TV சீரியல் டைரக்டர்கள், டைட்டில் சாங் என்றால், கூப்பிடுவது நித்யஸ்ரீ மகாதேவனை.
பாம்பே ஜெயஸ்ரீ , உன்னிகிருஷ்ணன் , சுதாரகுநாதன் எல்லோ௫ம் உங்களுக்கு தெரிந்த பாடகர்கள். ஆக கர்நாடக சங்கீதத்துக்கு ஒரு அறிமுகம் வேண்டியதில்லை என நினைக்கிறேன். சங்கீத இலக்கணத்திற்கு அறிமுகம் வேண்டுமெனில், இங்கே http://www.mahadevanramesh.com/music.html.


கி.மு,கி.பி மாதிரி CMக்கு அ.மு,அ.பி. அதாவது அரியகுடிக்கு முன், அரியகுடிக்கு பின்.
அரியக்குடி என்றால் அரியக்குடி ராமானுஜ ஐயங்கார். அந்த காலத்தில் CMல் எல்லா வித்வான்களையும் கூப்பிடுவது அவர் பிறந்த ஊர் பெயர் வைத்து தான். பின்னூட்டத்தில் அப்படி இல்லாத அந்த கால வித்வான் பெயர் எழுதவும். உங்கள் எல்லோருக்கும் தெரிந்த பெயர் தான். "இருக்கும் ஆனா இருக்காது கேஸ்" , ஓகே ). அரியக்குடி தான், CM கச்சேரிகளுக்கு ஒரு முறையை (கச்சேரி பத்ததி) வகுத்தார். இந்த ஃபாஸ்ட் யுகதிற்கு ஏற்றார் போல், இரண்டரை மணி நேர கச்சேரிதான் அவர் கண்டுபிடிப்பு.

அதற்கு முன்னால் கச்சேரி மாலை ஏழு மணிக்கு துவங்கி விடிய விடிய போகும். என்ன ஆச்சர்யம் என்றால், எல்லா பாடல்களும் தெலுங்கிலேயே இருக்கும். வேறு வழியே இல்லை. பாரதியார், பெரியபுராணம் பாடல்களில் பக்தி இருந்தாலும், பல்லவி, அனுபல்லவி & சரணம் என்ற கட்டமைப்பு இருப்பதில்லை. அது இருப்பது தியாகராஜ ஸ்வாமிகள்,முத்துஸ்வாமி தீக்‌ஷிதர் மற்றும் ஷ்யாமா சாஸ்திரிகள் பாடல்களில்தான்.

எல்லா வித்வான்களுக்கும் இந்த மூவர் தான் தெய்வம். இவர்களை சங்கீத மும்மூர்த்திகள் என்பார்கள். 18ஆம் நூற்றாண்டடில் வாழ்ந்தவர்கள் இந்த மூவரும் தமிழ் நாட்டில் பிறந்தவர்களே. ஆனால் சுந்தர தெலுங்கினில் பாட்டு இசைத்தனர்.

நம்ம சிங்கார சென்னை தான், கர்நாடக இசையின் மெக்கா. அந்த மெக்காவில் உள்ள mosque தான் சங்கீத வித்வத் சபை எனப்படும் ம்யூசிக் ஆகாடமி. கர்நாடக இசைக்காக 1927-ல் துவங்கப்பட்ட முதல் சபா இதுதான். துவங்கியவர் டி.டி.க்ருணமாச்சாரி, இந்தியாவின் முன்னாள் நிதியமைச்சர் மற்றும் பிரபல தொழிலதிபர்( TTK Prestige Cooker மற்றும் உட்வர்ட்ஸ் க்ரைப் வாட்டர் தயாரிப்பு நிறுவனம்). இங்கே வருடா வருடம் வழங்க படும் "சங்கீத கலா நிதி " விருது தான் நம்ம வித்வான்களுக்கு நோபெல் பரிசு. M.S.சுப்புலக்‌ஷ்மி ஒரு கலாநிதி. இருபது வருடங்களாக முன்னணிப் பாடகர், crowd puller ஆக பாடி வரும் சுதா ரகுநாதனுக்கு இன்னும் வழங்க படவில்லை. Minimum 30 வருடங்கள் இசை தொண்டு, ஒரு பத்மஸ்ரீ ,ஒரு பத்ம விபூஷன்,பத்மபூஷன்,கலைமாமணி இவை எல்லாம் வந்து விடும் அல்லது வந்து இருக்க வேண்டும். இங்கே பாடுவதற்கு சான்ஸ் (prime slot) கிடைத்தால், அவர் அந்த வருடத்தில் உள்ள top 30 வித்வான்களில் ஒருவர் என்று நினைக்கலாம் .

இது மாதிரி ஏகப்பட்ட சபாக்கள் . இப்பொழுது 2009ல் யார் யார் பிரபலம் என்று பார்ப்போம்.
ஒரு சின்ன லிஸ்ட் தான். பிரபலம் என்றால் விஜய் மாதிரி அல்ல. கமல்,சிவாஜி மாதிரி.

Top பாட்டு கலைஞர் : சஞ்சய் சுப்பிரமணியம் (போட்டோவில் இருப்பவர்), T M கிருஷ்ணா.
Top வாத்திய கலைஞர் : Mandolin U ஸ்ரீநிவாஸ்.
Top ஜன ரஞ்சக பாடகர் : அருணா சாய்ராம்.
Crowd puller பெண் கலைஞர் : சுதா ரகுநாதன், நித்யஸ்ரீ மஹாதேவன்.
பிரபல மிருதங்க வித்வான் : Vellore, Trichy, Umayalpuram (பின்னூட்டம் , சரியா !).
Emerging star, பாட்டு கலைஞர் : சிக்கில் குருசரண் . Smart looking, மணிரத்னம் இன்னும் இவரை பார்க்க வில்லை என நினைக்கிறேன்.

நீங்கள் பின்னூட்டத்தில் சென்னை மியூசிக் சீசனில் எவ்வளவு concert என்று எழுதவும். சரியான விடைக்கு ராமேஷ் மகாதேவன் எழுதிய ""A gentle introduction to Carnatic Music" புத்தகம் பரிசு.

- வேதநாராயணன்

(மியூசிக் சீசன் பற்றி எழுத ஒப்புக்கொண்ட வேதா நாராயணனுக்கு நன்றி - இவ.)
[ கார்டூன் படம் நன்றி: ஹிந்து,
சஞ்சய் படம் படம் நன்றி : http://thetraces.aminus3.com ]

( சில எடிட்டிங்குடன் இந்த பதிவு மீண்டும் )