மீடியாவிற்கு தெரிந்த வெளிச்சம்

இரண்டு நியூஸ் நீங்களே முடிவு செய்துக்கொள்ளுங்கள்.


ஒன்று:

சமீபத்தில் ஜார்கண்ட் மாநிலத்திற்கு சுற்றுப் பயணம் மேற்கொண்ட ராஜ்நாத் சிங் சர்ச்சையில் சிக்கியுள்ளார். காரணம், விளக்கு வசதியில்லாத விமான ஓடுதளத்தில் ஜீப் வண்டிகளின் விளக்கு வெளிச்சத்தைக் கொண்டு இவர் பயணித்த ஹெலிகாப்டரை டேக் ஆஃப் செய்ததற்காக. இது அப்பட்டமான விதிமுறை மீறல் என்று உள்நாட்டு விமான போக்குவரத்துத் துறை அமைச்சகம் கண்டித்துள்ளது, விசாரணைக்கும் உத்தரவிட்டுள்ளது. மறுநாள் பத்திரிக்கைகள் மற்றும் வட இந்திய ஆங்கில மீடியாக்களில் பரபரப்பாக அடிபட்டது. CNN-IBN, NDTV, முதலிய மீடியா ராஜ்நாத் சிங்கை போட்டு தாக்கியது.

இரண்டு:

மேற்கூறிய அதே கதைதான். நபர்தான் வேறு. நபர் எதிர்கால விடிவெள்ளி ராகுல் காந்தி அவர்கள். உத்திரப் பிரதேச மாநிலம் சீதாபூர் பகுதியில் சுற்றுப் பயணம் மேற்கொண்ட ராகுல் காந்தி, மோசமான வானிலையில், வெளிச்சம் அறவே இல்லாத (Zero Visiblity) ஓடுபாதையில் விமானத்தை தரையிறக்க விமான ஓட்டியை வற்புறுத்தியுள்ளார். விமானமும் தரையிறக்கப்பட்டுள்ளது. இதனை ராகுல் காந்தி திட்டவட்டமாக மறுத்துள்ளார். நானே ஒரு விமான ஓட்டி, எனக்குத் தெரியாதா என்ற ரீதியில் பத்திரிக்கையாளர்களிடம் கடுப்படித்துள்ளார். ஆனால் இந்த குற்றச்சாட்டைக் கூறியது மீடியாவோ அல்லது பாஜக வோ அல்ல. உத்திரப் பிரதேச காங்கிரஸ் கட்சித் தலைவர் ரீடா பகுகுணா. இதற்கு உள்நாட்டு விமான போக்குவரத்து அமைச்சகத்திடமிருந்து ஒரு கண்டனமோ, விசாரணை உத்தரவோ ஏதுமில்லை. மீடியாக்களிலும் ராகுல் செய்தது சரி தான் என்பது போன்ற சல்ஜாப்பு.


இரண்டுமே அப்பட்டமான விதிமுறை மீறல் என்ற நிலையிலும், மாமியார் உடைத்தால் மண்குடம், மருமகள் உடைத்தால் பொன்குடம் என்ற ரீதியில் ஆங்கில மீடியாக்களும் இயங்குகின்றன