அடுத்த வருடம் ஓய்வு - கலைஞர்

நேற்றைய தினம் அருந்ததியர் அமைப்பு ஏற்பாடு செய்திருந்த நிகழ்ச்சியில் பங்கு கொண்ட தமிழக முதல்வர் கலைஞர் வெளியிட்ட ஒரு அறிவிப்பு பலருக்கு அதிர்ச்சியையும் ஆச்சரியத்தையும் ஏற்படுத்தியிருக்கலாம். அடுத்த ஆண்டு மத்தியிலிருந்து, தோராயமாக ஜூன் மாத இறுதியிலிருந்து அரசியலிலிருந்து ஓய்வு பெறப் போவதாக கலைஞர் அறிவித்துள்ளார்.

இது குறித்து அவர் பேசியதாவது, " நான் என்னுடைய பெரும்பாலான இலக்குகளை எட்டிவிட்டேன். புதிய சட்டப்பேரவை கட்டுவது, அண்ணா பெயரில் ஒரு பொது நூலகம் அமைப்பது, உலகத் தமிழ் மாநாடு நடத்துவது போன்ற கனவுகளும் கைகூடி வருகின்ற நிலையில், உலகத் தமிழ் மாநாட்டிற்குப் பிறகு நானும் உங்களில் ஒருவனாக அரசியலிலிருந்து விலகி, அமைச்சர் பதவிகள் ஏதுமில்லாமல் இருப்பேன் என்று கூறியுள்ளார்.
மேலும் கூறுகையில், தன்னுடைய அரசியல் வாழ்வின் தொடக்கத்திலிருந்தே ஏழைகளின் நலனுக்காகப் பாடுபட்டு வருவதாகவும், எஞ்சிய வாழ்நாளிலும் ஏழைகளுக்காகப் பாடுபடுவேன் என்று கூறினார். தவிர, சமூகத்தில் பிற்படுத்தப்பட்டவர்களுக்காகப் பாடுபட அமைச்சர் பதவி ஏதும் தேவையில்லை எனவும் கூறினார்.



அப்போ அடுத்த வருஷம் ஜூன் முதல் எம்.ஜி.ஆர் ஆட்சி என்று சொல்லுங்க. எம்.ஜி.ஆர் ஆட்சியில் தான் அவருக்கு முன்பு ஓய்வு கிடைத்தது.