கமல் கலைஞர் சந்திப்பு - போட்டி முடிவுகள்

கமல் கலைஞர் சந்திப்பு என்ற பதிவில் தமிழக முதல்வர் கருணாநிதியை அவரது இல்லத்தில் நடிகர் கமல் மரியாதை நிமித்தமாக சந்தித்துப் பேசினார். என்ன பேசியிருப்பார்கள் ? என்ற போட்டி முடிவு.


நாரத முனி அனுப்பியதுதான் வந்த கமெண்ட்களிலேயே (எடிட் செய்த பிறகு) கொஞ்சம் ரசிக்கும்படியாக இருந்தது. நாரத முனிக்கு என் வாழ்த்துகள்.

கலைஞர்: " தம்பி வா... திரை படம் எடுக்க வா.. காயிதே மில்லத் என் கனவிலே வந்து கூறியது போல காவியம் படைக்க வா, அண்ணாவின் நூற்றாண்டு விழா தருவாயில் இந்த அண்ணனுக்கு நூறாவது நாள் விழா அழைப்பு கொடுக்க வா.. [edited]

கமல்: இப்போ நான் என்று ஒரு குன்றிற்கும் நீ என்ற ஒரு குன்றிற்கும் இடைப்பட்ட சமுதாய கோபத்தின் பிரதிபலிப்பு தான் இந்த உன்னை போல் ஒருவன்.. கதைக்கான கரு நான் களத்தூர் கண்ணம்மா பண்ணும்போதே எனக்குள் தோன்றினாலும் வாத்தியார் போட்ட வேகதடையினால் சற்று தாமதம்.. எனக்கு நசுருதீன் ஷாவும் வேணும் பெர்னாட்ஷாவும் வேணும்.. இந்த பிரபஞ்ச கூட்டின் நிலயான்மை உணரவே, கோணங்கி எழுதின "உப்பு கத்தியில் மறையும் சிறுத்தைகள்" நாவல தழுவி "தப்பு புத்தியில் மறையும் சிறுகதைகள்" னு ஒரு படம் எடுக்க போறேன்...

கலைஞர் : யோவ் வீரபாண்டியாரே, அப்பல்லோவுக்கு போன் போடுயா.. இந்த ஆள் என்ன விட பயங்கரமா கொழப்பறான்.

இந்த (God)அனானியின் கமெண்டும் பராவாயில்லை.

தம்பி, உன் வாரிசு சுருதி இசை எல்லாம் அமைச்சிருக்கலாமே?
உங்க வழிய தான்யா நான் பின்பற்றி வரேன்...
சரி சரி சந்தோசம் ஆனா ஜாக்கிரதையா இருந்துகோப்பா... சுருதிக்கும் ஸுப்புலஷ்மிக்கும் பிரச்சனை ஏதாவது வந்திட போகுது அப்புறம் "உன் இதயம் இனித்திட கண்கள் பனித்திட" நீ ரொம்ப கஷ்டப்பட வேண்டி இருக்கும்...
சரிங்க அய்யா.

நாரத முனி உங்க விலாசம் அனுப்பினால் புத்தகம் பரிசாக அனுப்பி வைக்கிறேன். கலந்துக்கொண்ட அனைவருக்கும் நன்றி.