திருப்பாச்சி நினைச்சா, காங்கிரஸ் ஆட்சி

ராகுல் காந்தியை சந்தித்த பிறகு ராகுல் காந்தியைவிட விஜய் அதிகம் பிரபலம் ஆகிவிட்டார். அவரை பிரபல படுத்தியவர்கள் யார் .....?



1. கல்கி, ஜூவி, துக்ளக், விகடன், குமுதம் என்று எல்லா பத்திரிக்கையிலும் அட்டை படம் அல்லது இரண்டு பக்க விஜய் செய்திகள் போன வாரம் பிரசுரம் ஆனது.



2. ஈழ நலனுக்காக நடிகர் விஜய் தனது ரசிகர்களை திரட்டி உண்ணாவிரதம் இருந்த போது அதனை ஆத‌ரித்த பெ‌ரியார் திராவிட‌ர் கழகம், அதே விஜய்யை எதிர்த்து இன்று மாநிலம் முழுவதும் போஸ்டர்கள் ஒட்டி எதிர்ப்பை தெ‌ரிவிக்கிறோம் பேர்வழி என்று விஜய்யை பிரபலப்படுத்தினார்கள்.

3. திமுக தரப்பிலிருந்து விஜய்க்கு ராகுலை சந்திக்க வேண்டாம் என சிக்னல்(அறிவுரை) போனதாக கூறப்படுகிறது. இதனால் திமுகவை பகைத்துக் கொண்டு ராகுல் காந்தியை சந்திக்க விஜய் விரும்பவில்லை என்றும் கூறப்படுகிறது. இரண்டு வாரம் முன்பு விஜய் கல்யாண மண்டபத்தின் பந்தல் போக்குவரத்துக்கு இடையூறாக இருப்பதாக போலீஸ் அவருக்கு நோட்டீஸ் அனுப்பியது. கழுகார், ஆந்தையார் இனிமே இதை பற்றி எழுதி தள்ளிவிடுவார்கள். வேட்டைக்காரன் படத்தில் விஜய் போலீஸாக நடிக்கிறார் என்பது குறிப்பிடத்தக்கது!


4. சமீபத்தில் ரொம்ப எடக்காக பேசும் EvKs "நடிகர் விஜய், காங்கிரசின் அடிமட்டத் தொண்டராகத் தான் இருக்க வேண்டும் என்பதில்லை; தொண்டராக இருக்கலாம்" என்று கூறியுள்ளார். இதற்கு என்ன அர்த்தம் என்று விளக்கமாக விஜய்யிடம் சொல்லலாம். ஆக விஜய் காங்கிரஸில் சேருவதற்கு முன்பே கோஷ்டி ரெடியாகிவிட்டது.

5. விஜய் ரசிகர்கள் தங்களின் தலைவர் புகழ் பாடும் பேனர்கள் வைத்து தமிழக காங்கிரஸ் கட்சி தலைவர்கள் மற்றும் திமுகவை எரிச்சல் படுத்த ஆரம்பித்துவிட்டார்கள். ஒரு பேனரில், திருப்பாச்சி நினைச்சா, காங்கிரஸ் ஆட்சி' என்ற வாசகமும், மற்ற பேனர்களில் "விஜய்னா வில்லு, காங்கிரஸ் [XXXXX]' காங்கிரஸ் என்பதற்குக் கீழே இருந்த வார்த்தை, வெள்ளை ஸ்டிக்கரால் மறைக்கப்பட்டிருந்தது. விஜய் நினைத்தால் மட்டுமே தமிழகத்தில் காங்கிரஸ் ஆட்சி வரும் என்பதைப்போல, வாசகங்கள் இருந்ததைப் பார்த்து, காங்கிரஸ் தொண்டர்கள் கொதிப் படைந்துள்ளனர் என்கிறது செய்தி.


6. இந்த மாதிரி விஜய் பதிவுகள் எழுதும் நானும் படிக்கும் நீங்களும்! :-)