மைடியர் பாடிகாட் முனீஸ்வரனே! - 21-09-2009

முனிக்கு இந்த வாரம் இட்லிவடை எழுதும் சுமார் கடிதம்.

அன்புள்ள முனி,
சௌக்கியமா ? அன்னிக்கு ஏன் ’உன்னை போல் ஒருவன்’ படம் பார்க்க வரலை ? சரி, படம் பார்த்தாச்சா ? நல்ல படம்.

இன்னொரு முறை பார்க்கணும். பருப்பு விலை போல டிக்கெட் விலை இறங்கிய பின் படம் பார்க்கலாம் என்று இருக்கேன். டிக்கெட் விலை எல்லாம் கன்னா பின்னா என்று இருக்கு. ’உண்மை தமிழன்’ தமிழனே இல்லை. படம் பார்க்க போய்விட்டு பிளாகில் டிக்கெட் வாங்க மாட்டேன் என்று அடம் பிடிக்கிறார். தமிழன் என்றால் லஞ்சம் கொடுக்க மாட்டேன் என்று ‘இந்தியன்’ மாதிரி படம் எடுக்கணும். ஆனால் பிளாக்கில் டிக்கெட் வாங்கிப்பார்க்கணும். என்ன இருந்தாலும் உண்மை தமிழனுக்கு தைரியம் ஜாஸ்தி. சும்மா பிளாக்கில மட்டும் பினாத்தாம, செயலில் காண்பித்துள்ளார். பினாத்தல் சுரேஷ் சொல்லுவது போல “திருட்டு விசிடிக்கும் தியேட்டர் காத்து ஓட்டறதுக்கும் வேற யாரும் காரணம் இல்லை” இந்த மாதிரி அதிக விலைக்கு டிக்கெட் விற்பதும் ஒரு காரணம் என்கிறார். உண்மை தான்.

படத்தில் டைட்டிலில் ’ஸ்ருதி ஹாசன்’ பெயர் வரும் போது நல்ல கைத்தட்டல். ‘வசனம் இரா.முருகன்’ வரும் போது கைத்தட்டலாம் என்று காத்துக்கொண்டிருந்த போது, அவர் பெயர் வரவில்லை. இரண்டாவது தடவை படம் பார்க்கும் போதாவது அவர் பெயர் இருக்குமா என்று பார்க்க வேண்டும். கடைசியில், படத்துக்கு காப்பி சப்ளையர், ஆட்டோ டிரைவர் போன்றவர்களின் பெயர்களுக்கு முன்னாடி ‘வசனம் இரா.முருகன்’ என்று ஓடுகிறது. ( பின்னனியில் “பரித்ராணாய சாதூனாம் விநாஷாய சதுஷ்க்ருதாம் தர்ம ஸந்ஸ்த்தாபநார்த்தாய சம்பவாமி யுகே யுகே" ).

கமல் ரசிகர்கள் மாமியாக இருந்தாலும், மாமாவாக இருந்தாலும் இதை கண்டிக்க வேண்டும். நமக்கு தெரிந்த ஒரு எழுத்தாளருக்கு தரும் மரியாதை இவ்வளவு தான்.

அப்பறம் சொல்ல மறந்துவிட்டேன். கமல்-50 விஜய் டிவியில் கோபிநாத் எல்லோரையும் அழைத்து பேசிக்கொண்டிருந்தார். அப்ப மனுஷ்ய புத்திரன் சொன்னது “கமலுக்கு இலக்கியத்தின் மீது ரொம்ப ஆர்வம், அவர் இலக்கியவாதியை தேடிச் செல்வார்....” நல்ல தமாஷ்.

தமாஷ் என்று சொன்னவுடன் சாரு பதில்கள் விகடனில் இந்த வாரம் நினைவுக்கு வருது. சில பதில்கள் மட்டும் இங்கே:ஏர் ஹோஸ்டஸாக ஏன் பெண்களை மட்டுமே நியமிக்கிறாங்க ?
“ஆண்கள் குனிந்தால் அழகாக இருக்காது.... “

சூப்பர் மேன் ஏன் பேண்டுக்கு மேல ஜட்டி போட்டுக்குறார் ?
செத்த கிளிக்கு கூண்டு எதுக்குன்னு நினைச்சிருக்கலாம்

பிராந்திக்கும் விஸ்கிக்கும் என்ன வித்தியாசம்
வித்தியாசம் தெரியாது, ஆனால் எனக்கு பிடித்தது பிராந்திதான் காரணம் முதல் ரெண்டு எழுத்து.

இது இந்த வார விகடனில் 100 பக்கம் ஸ்பெஷல். அதே விகடன் 72 ஆம் பக்கம் இந்த துணுக்கு செய்தி: “17.2.35 விகடன் இதழில் தாத்தா தாதா என்னும் தலைப்பில் டாக்டர் உ.வே.சாமி நாதய்யர் அவர்களின் 80வது பிறந்த நாள் கொண்டாட்டத்தையொட்டி ஒரு நீண்ட கட்டுரை வெளியாகியுள்ளது. இதில்தான் ஔவையாருக்கு எப்படி ‘தமிழ்ப்பாட்டி’ என்ற பட்டம் பொருந்துமோ, அதுபோல தமிழுக்கு தாங்கள் செய்திருக்கும் தொண்டினால் ‘தமிழ்த் தாத்தா’ என்னும் பட்டம் தங்களுக்கு பொருந்தும்’ என்று உ.வே.சா அவர்களுக்கு பட்டம் கொடுத்து கௌரவித்திருக்கிறான் விகடன்”. சின்ன விகடனில் வந்த பெரிய செய்தி, பெரிய விகடன் வந்த சின்ன செய்தி.

அடுத்த ஸ்பெஷல் நியூஸ் கேட்டாயா ? மு.க.அழகிரி மத்திய அமைச்சர் பதவியிலிருந்து ராஜினாமா செய்ய விரும்புவதாக சொல்றாங்க. அங்கே டில்லியில் இவர் ஏதாவது திட்டினாலும், மற்றவர்களுக்கு புரிவதில்லை. மற்றவர்களுக்கு ஆங்கிலம் அல்லது ஹிந்தி மட்டும் தான் தெரிகிறது. அதனால் தமிழ்நாட்டு அரசியலுக்கு திரும்புவதுடன், திருச்செந்தூர் சட்டசபை இடைத்தேர்தலில் போட்டியிடவும் அவர் விரும்புவதாக தெரிகிறது. ஆனால் கலைஞர் அதற்கு ஒத்துக்கொள்ளவில்லை என்று சொல்லுகிறார்கள்.

டில்லிக்கு போனால் சாயம் வெளுத்துவிட்டது. சரி உங்க சாயம் என்ன என்று நீங்கள் பார்த்துக்கொள்ளலாம். உங்க பெயரை கொடுத்தால் உங்க கலர் என்ன என்று தெரியும். இங்கே



கமல் ரசிகர்களுக்கு ( உனக்கும் தான்) Match the following கேள்வி

மகாநதி - ஞானக்கூத்தன்
ஹேராம் - மா.வே.சிவகுமார்
தேவர்மகன் - கிரேஸி மோகன்
தசாவதாரம் - ராகி.ரங்கராஜன்

மேலே உள்ள கேள்விக்கு சிந்திக்க முடியாதவர்கள். கீழே உள்ள கேள்வியை சிந்திக்கலாம்.


“நமிதா உங்கள் மீது மோதினால் நீங்க தேங்க்ஸ் சொல்லுவீங்களா ? அல்லது சாரி சொல்லுவீங்களா ?”


இப்படிக்கு,
இட்லிவடை

பிகு: பதிவை படிக்க முடியாதவர்களுக்கு இட்லிவடை தரும் ஆடியோ பதிவு இங்கே

( ஒரு முறை இங்கே போய் பாருங்க பாஸ் http://mile.ee.iisc.ernet.in:8080/tts_demo/ )