ஆடுவோமே பள்ளு பாடுவோமே

கர்நாடக இசை உலகில் மாமேதை என்று சொல்லலாம் டி.கே.பட்டம்மாளை. ஆங்கிலேயர் ஆட்சி காலத்தில் தடையை மீறி மேடைகளில் பாரதியா‌ரின் பாடல்களை பாடியவர். இந்தியா சுதந்திரமடைந்தபோது (அதாவது ஆகஸ்டு 14-ந் தேதி இரவு) அகில இந்திய வானொலியில் பாரதியா‌ரின் ஆடுவோமே பள்ளு பாடுவோமே பாடலை பாடும் வாய்ப்பு அவருக்கு கிடைத்தது.
இது நேரடியாக ஒலிபரப்பப்பட்டது. தொடர்ந்து 2 மணி நேரம் அவர் வானொலியில் தேச பக்தி பாடல்களை பாடினார்.


ஒரு முறை திருநெல்வேலியில் டி.கே.பட்டம்மாள் இசைக்கச்சேரி நடத்தியபோது பாரதியார் பாடல்களை உணர்ச்சி பூர்வமாக பாடிக்கொண்டு இருந்தார். அதை முதல் வரிசையில் அமர்ந்து கேட்டுக் கொண்டிருந்த பாரதியாரின் மனைவி செல்லம்மாள், கச்சேரி முடிந்ததும் டி.கே.பட்டம்மாளை கட்டிப்பிடித்து பாராட்டு தெரிவித்தார். அப்போது அவரது கண்களில் இருந்து கண்ணீர் தாரை தாரையாக கொட்டியது.


இந்திய படை வீரர்களுக்காக 1999ல் சென்னையில் 18 மணிநேர கச்சேரி செய்து நிதி திரட்டினார்.


காஞ்சிபுரத்தில் 1919ல் பிறந்த டி.கே.பட்டம்மா‌ள், தனது பத்தாவது வயதிலேயே வானொலியில் பாடினார். மத்திய அரசு 1971-ம் ஆண்டு இவருக்கு `பத்ம பூஷண்' விருதையும், 1998-ம் `பத்ம விபூஷண்' விருதையும் வழங்கி கவுரவித்தது.

அவரது மறைவுச் செய்தி வெளியானதும் கலைஞர்கள் பல திரளாகச் சென்று அவரது உடலுக்கு அஞ்சலி செலுத்தினர். எதிர்கட்சி‌க் தலைவர் ஜெயலலிதா இரங்கல் செய்தி வெளியிட்டார்.

பாரதியின் பாடல்களை பரப்பியதில் கணிசமான பங்கு வகித்தவர், ஆங்கிலேயர் ஆட்சி காலத்தில் தடையை மீறி மேடைகளில் பாடியவர், 'பத்ம பூஷண்','பத்ம விபூஷண்' போன்ற விருதுகளை வாங்கியவரை, தமிழக அரசு மற்றும் மற்ற அரசியல் தலைவர்கள் யாரும் கண்டுக்கொண்டதாக இதுவரை செய்தி இல்லை. அவரது மறைவுக்கு அரசு சார்பில் எவ்வித இரங்கல் செய்தியும் வெளியிடப்படவில்லை. அரசு சார்பில் அமைச்சர்களோ, அதிகா‌ரிகளோ அஞ்சலி செலுத்தியதாகவும் செய்தியில்லை.

பிரபல சரோட் இசைக் கலைஞரான உஸ்தாத் அலி அக்பர் கான், அமெரிக்காவில் போன மாதம் காலமானார். பிரதமர் உடனே இரங்கல் செய்தி வெளியிட்டார். டி.கே.பட்டம்மாள் பற்றி யாரும் அவருக்கு சொல்லவில்லை போலும். வாழ்க!

சென்னை கிரீன்வேஸ் சாலை டிஜிஎஸ் தினகரன் சாலை என்று பெயர் மாற்றப்பட்டது. இதற்கான உத்தரவை படுக்கையிலிருந்தே கருணாநிதி கையெழுத்திட்டார் போன்றவை சில பழைய செய்திகள்.

இரங்கல் கவிதை தேவையில்லை, முதலமைச்சர் என்ற முறையில் இல்லை என்றாலும் கலைஞர் என்ற முறையில், இரண்டு வரி இரங்கல் செய்தி தெரிவிக்கலாம்( பிரமணராக இருந்தால் கூட )