எது நாடகம் ?

பா.ஜனதாவுக்கு மதவாத முத்திரை குத்தி சிறுபான்மை ஓட்டுக்காக நாடக மாடும் கட்சிகள் என்று இல.கணேசன் பேட்டி....

எது நாடகம் என்று அவருக்கு சில சாம்பிள் கீழே...

இன்று இல.கணேசன் பேட்டியிலிருந்து..

இந்தியாவில் உள்ள கட்சிகளில் பாரதீய ஜனதாவுக்கென்று தனித்தன்மை இருக்கிறது. கட்சி தொடக்க நாளில் இருந்து என்ன சித்தாந்தத்தை கூறி வருகிறோமோ அதில் உறுதியாக இருக்கிறோம்.

நாட்டில் தேசியமும், பண்பாடும் காக்கப்பட வேண்டும் என்பதில் உறுதியாக இருக்கிறோம். தேசியத்துக்கு ஆதரவாக குரல் கொடுத்து வருகிறோம். பெருவாரியான கட்சிகள் தேசியத்துக்கு எதிராக குரல் கொடுக்கும் கட்சிகளோடு வளைந்து கொடுக்கும் போக்கை கடை பிடிக்கின்றன.

ஓட்டு வங்கியை கருத்தில் கொண்டு தாஜா செய்யும் போக்கை கையாள்கிறார்கள். இதனால்தான் பிரிவிணை வாதமும் பயங்கரவாதமும் வளருகிறது.

பாரதீய ஜனதா கட்சி பிரிவினை வாதத்தையும், பயங்கரவாதத்தையும் ஒருபோதும் அனுமதிக்காது, பயங்கரவாதத்துக்கு எதிராக தர்மயுத்தத்தில் தனித்து நிற்கிறோம். எதிர் அணியில் எண்ணிக்கை அதிகமாக இருந்தாலும் கவுரவ சேணை அது.

டெல்லியில் ம.தி.மு.க.வினர் நடத்திய உண்ணாவிரத மேடையில், "இருபது ஆண்டு காலமாக இருந்து வரும் இலங்கைப் பிரச்சனையை மத்திய அரசு கண்டுகொள்ளவே இல்லை' – என்று அத்வானி பேசியிருக்கிறார். அந்த இருபது ஆண்டுகளில் பா.ஜ.க ஆட்சியில் இருந்தபோது கண்டுகொண்டிருக்கலாமே இது நாடகம் இல்லையா ?


ஜெய் ஸ்ரீராம் என்று சொல்லும் போது மிகுந்த எழுச்சி அடைகிறோம். அயோத்தியில் ராமர் கோயில் கட்டினால் மட்டுமே இந்த கோஷத்துக்குரிய உண்மையான பலன் நமக்கு கிடைக்கும் என்று தேர்தல் வந்த போது மட்டும் சொல்லுவது நாடகம் இல்லையா ?