நல்ல ஜாதகம் இல்லையா ? கவலை வேண்டாம்!

லோக்சபாத் தேர்தலில் போட்டியிட விரும்பும் அ.தி.மு.க.,வினருக்கு,
நேர்காணல் நடைபெறுவது எல்லோருக்கும் தெரிந்தது.

பலரிடம் நேர்காணலை ஜெயலலிதா நடத்தியுள்ளார். நேர்காணலின் போது, வேட்பாளரின் கல்வித் தகுதி, செய்யும் தொழில், தேர்தலுக்கு எவ்வளவு பணம் செலவு செய்ய முடியும் என்பன போன்ற கேள்விகளை ஜெயலலிதா கேட்டார் என்று தெரிகிறது. இதை தவிர பலரிடம் ஜாதகமும் கேட்டு வாங்கியுள்ளார்.வேட்பாளராக தேர்வு செய்யப்படும் நபர்களின் கிரஹ நிலை எப்படி இருக்கிறது ? அவர் தேர்தலில் நின்றால் வெற்றி பெறுவாரா ? என்று ஆராய்ந்து சீட் கொடுப்பதாக தெரிகிறது. இதன் காரணமாகப் பலர், கிரஹ நிலை எல்லா விதத்திலும் சாதகமாகவே இருப்பது போன்ற கட்டங்களை அமைத்து, "போலி ஜாதகம்' தயார் செய்து, நேர்காணலில் பங்கேற்பதாக, அக்கட்சியைச் சேர்ந்த சிலர் தெரிவிக்கின்றனர். வேட்பாளர்கலே கவலை வேண்டாம்! ஜாதகம் இல்லாதவர்கள் கீழே உள்ள ஜாதகத்தை பிரிண்ட் செய்து நேர்காணலின் போது தரலாம். ( தயவு செய்து என் பேர் வெளியே வர வேண்டாம். நன்றி )