காந்தி பொருட்களை கொடுக்க மறுக்கும் ஒடிஸ்!

மகாத்மா காந்தி பயன்படுத்திய மூக்கு கண்ணாடி, செருப்பு, தட்டு, தம்ளர், கடிகாரம் ஆகியவை அமெரிக்காவைச்சேர்ந்த ஜேம்ஸ் ஒடிஸ் என்பவரிடம் இருந்தது. அதை அவர் தர மறுத்துள்ளார்...

நியூயார்கில் சமீபத்தில் காந்தி பயன்படுத்திய பொருட்கள் ஏலம் விடப்பட்டது. அதை கடைசி நிமிஷத்தில் விஜய் மல்லையா 9 கோடி ரூபாய்க்கு ஏலத்தில் எடுத்தார்.

காந்தி பொருட்களை மத்திய அரசிடம் ஒப்படைக்க மல்லையா முடிவு செய்துள்ளார். இன்னும் சில தினங்களில் மகாத்மாகாந்தி பொருட்கள் இந்தியா வந்து விடும் என்று தகவல் வெளியானது.

இந்த நிலையில் ஜேம்ஸ் ஒடிசிடம் திடீரென மனமாற்றம் ஏற்பட்டுள்ளது. மகாத்மா காந்தி பயன்படுத்திய பொருட்களை இந்தியருக்கு கொடுக்க விருப்பம் இல்லை. மீண்டும் நானே வைத்துக்கொள்ளப்போகிறேன் என்று கூறி உள்ளார். இது தொடர்பாக தன் வக்கீல்கள் விபரங்களை திரட்டி வருவதாகவும் அவர் கூறினார். ஆனால் எந்த விதியை கடைபிடித்து, காந்தி பொருட்களை தக்க வைத்துக்கொள்ளப்போகிறேன் என்ற விபரத்தை ஜேம்ஸ் ஒடிஸ் வெளியிடவில்லை.

ஒடிசின் இந்த திடீர் மன மாற்றதுக்கு காரணம் காந்தியை வைத்து நம் தலைவர்கள் நடத்தும் ‘அரசியல்’ என்கிறார்.