கன்னியாகுமரி யாருக்கு ?

கன்னியாகுமரி யாருக்கு ? நாகர்கோவிலிலிருந்து லெனின்.எஸ்

ஒரு காலத்தில் காங்கிரஸின் கோட்டையாக இருந்த நாகர்கோவில் பாராளுமன்ற தொகுதி. காமராஜரே தேர்ந்தெடுத்து போட்டியிட்ட காங்கிரஸ் பாரம்பரியம் மிக்க தொகுதி பின்னர் பாரதிய ஜனதாவின் கோட்டையாக மாறிய வரலாறும் கொண்டது.
இதற்கு காங்கிரஸ் பாராளுமன்ற உறுப்பினர்களின் அஜாக்கிரதையும் பாரதிய ஜனதாவின் தன்னம்பிக்கை நிறைந்த பணிகளையும் காரணமாக சொல்லலாம். பழைய டென்னிஸ் எம்பி விவாதத்தின் போது பாராளுமன்றத்தில் தூங்கிய வரலாறும் காங்கிரசுக்கு உண்டு. தற்போதைய கம்யூனிஸ்ட் எம்பி பெல்லார்மின் காங்கிரஸ், திமுக பலமான கூட்டணியோடு கடந்த முறை வெற்றிவாகை சுடியவர் . ஆனால் இந்த முறை நிலைமை முற்றிலும் மாறித்தான் உள்ளது.

தொகுதி மறு சீரமைப்பிற்கு பின் புதிய கன்னியாகுமரி தொகுதி பாரதிய ஜனதாவிற்கே கூடுதல் பலம் என்றே கருத முடிகிறது. காரணம். திருச்செந்தூ பாராளுமன்ற தொகுதியில் இருந்த கன்னியாகுமரி சட்டமன்ற தொகுதி கற்போது நாகர்கோவில் பாராளுமன்ற தொகுதியோடு இணைந்து கன்னியாகுமரி பாராளுமன்ற தொகுதியாயிருக்கிறது. கன்னியாகுமரி சட்டமன்ற தொகுதி பாராளுமன்ற தேர்தல்களில் பாரதிய ஜனதாவிற்கு சற்று ஆதரவாளர்கள் உள்ள தொகுதியாகும். பாரதிய ஜனதா வேட்பாளராக அறிவிக்கப்பட வாய்ப்புள்ள பொன் ராதாகிருஷ்ணன் மீது மக்களுக்குள்ள நம்பிக்கையும் பாஜகவிற்கு கூடுதல் பலமாக கருதப்படுகிறது;. கடந்த முறை காங்கிரஸ் கம்யூனிஸட் திமுக என பலமான ஜாம்பவான் கூட்டணி இந்த முறை பிரிந்து போய் கம்யூனிஸட் அதிமுக தனியாகவும் காங்கிரஸ் திமுக தனியாகவும் போட்டியிடுவது.

பாஜக விற்கே சாதகமாக அமையும் என்று தற்போதுள்ள நிலையில் கருதினாலும் பிரச்சார யுக்தி மக்களின் மனநிலையில் மாற்றங்கள் ஏற்படுத்தலாம் என்பதும் மறுக்கமுடியாத உண்மை.


நாகர்கோவிலிலிருந்து
லெனின்.எஸ்