நகைச்சுவை நடிகர் ஓமகுச்சி நரசிம்மன் காலமானார்.

செய்தி மற்றும் “நாயாரணா இந்த கொசு தொல்ல தாங்க முடியலப்பா” வீடியோவும் கீழே...


பிரபல காமெடி நடிகர் ஓமக்குச்சி நரசிம்மன். முன்னணி நடிகர்கள் ரஜினி, கமல், சரத்குமார், அர்ஜுன் போன்ற பலருடன் நடித்துள்ளார். கவுண்டமணியுடன் இணைந்து நிறைய படங்களில் காமெடி செய்துள்ளார்.

நேற்று இரவு 9.30 மணிக்கு உடல் நலக்குறைவால் காலமானார்.. அவருக்கு வயது 73.

மரணம் அடைந்த ஓமக்குச்சி நரசிம்மன் 1500-க்கும் மேற்பட்ட படங்களில் நடித்துள்ளார். 150-க்கும் மேல் நாடகங்களில் நடித்துள்ளார். “நாரதரும் 4 திருடர்களும்” என்ற நாடகத்தில் ஓமக்குச்சி என்ற பெயரில் நடித்தார். அதுவே பின்னாளில் அவர் பெயரோடு இணைந்தது.

“அவ்வையார்” என்ற படத்தில் அறிமுகமானார். 1969-ல் “திருக்கல்யாணம்” என்ற படத்தில் முக்கிய பாத்திரத்தில் நடித்தார்.

“குடும்பம் ஒரு கதம்பம்”, “சம்சாரம் அது மின்சாரம்”, “மீண்டும் கோகிலா”, “இந்தியன்”, “ஜென்டில்மேன்”, “முதல்வன்”, “சூரியன்” போன்ற “ஹிட்” படங்களில் நடித்துள்ளார்.

“சூரியன்” படத்தில் ஓமக்குச்சி நரசிம்மன் மேல் எரிச்சலாகும் கவுண்டமணி “நாராயணா இந்த கொசுத்தொல்லை தாங்க முடியலப்பா” என்று பேசும் வசனம் பிரபலம்.


“இந்தியன்” படத்தில் கவுண்டமணியிடம் கைகள் நடுங்கி டிரைவிங் லைசென்ஸ் வாங்குவது..((இந்தியன் படத்தில் இவர் நடித்த காமெடி காட்சி எனக்கு ரொம்ப பிடிக்கும்)). “முதல்வன்” படத்தில் வடிவேலுவின் இடுப்பில் குத்தி ““போடா பண்ணி”” என திட்டவைத்து மேலதிகாரியிடம் மாட்டி விடுவது... போன்றவையும் வயிறுநோக சிரிக்க வைக்கும் காமெடிகள்.

இவர் குடும்பத்தாருக்கு இட்லிவடையின் அனுதாபங்கள்.