யாரையும் திட்டாதீர்கள் - ஏ.ஆர்.ரஹ்மான்

ஒவ்வொரு இசை கலைஞர்களுக்கும் குறிப்பிட்ட ரசிகர்கள் இருக்கிறார்கள். இணையதளம் மூலம் என்னை வாழ்த்துவதற்காக இன்னொருவரை தூற்ற வேண்டாம். என் ரசிகர்களை நான் கேட்டுக்கொள்வது எல்லாம்... யாரையும் திட்டாதீர்கள்” இது ஏ.ஆர்.ரஹ்மான் நேற்று சொன்னது. இளையராஜா பேச்சு, மற்றும் வீடியோ கீழே...



இளையராஜா

"ஏ.ஆர்.ரஹ்மானுக்கு எத்தனை பாராட்டு நிகழ்ச்சிகள் நடந்தாலும், பிரமாண்டமாக இருந்தாலும், தங்க கிரீடமே சூடினாலும் இந்த விழாவிற்கு ஈடாகாது. ஆஸ்கர் விருது கிடைக்காததால் மற்ற இசைக் கலைஞர்கள் வருத்தப்படக்கூடாது. அனைவருக்கும் சேர்த்து தான் ரஹ்மான் விருது வென்றுள்ளார். ஜார்ஜ் வில்லியம்ஸ் நான்கு ஆஸ்கர் வென்றாலும், அவற்றை பெற கால இடைவெளி அதிகம் தேவைப்பட்டது. ரஹ்மான் ஒரே நேரத்தில் இரண்டு விருதுகளை வென்றது பெருமையானது”

எம்.எஸ்.விஸ்வநாதன்

"மாதா, பிதா, குரு, தெய்வத்தை மதிப்பவர்கள் தான் நல்ல நிலைக்கு வர முடியும். அவர்களை மதித்ததால் தான் ரஹ்மானுக்கு ஆஸ்கர் விருது கிடைத்துள்ளது. எனக்கு ஆஸ்கர் போன்ற விருதுகள் எல்லாம் வேண்டாம். இளையராஜா, ரஹ்மான் ஆகிய புகழ்பெற்ற இசைக்கலைஞர்கள் எனக்கு கீழே வேலை பார்த்தவர்கள் என்பதால், ரஹ்மான் வென்ற விருது எனக்கு கிடைத்த மாதிரி தான்'

ஏ.ஆர்.ரஹ்மான்

"ஜப்பான், இத்தாலியில் உள்ள இசைக்கலைஞர்களுக்கு தான் இதுபோன்ற ஆஸ்கர் விருதுகள் கிடைத்தன. இதனால் இங்குள்ளவர்களுக்கு தகுதியில்லை என மற்றவர்கள் நினைத்துவிடக்கூடாது. நம் நாட்டினர் யாருக்கும் சளைத்தவர்கள் அல்ல. திரை இசைக்கலைஞர்கள் சார்பில் இங்கு எனக்கு கொடுக்கும் கவுரவத்தை, நான் வென்ற ஆஸ்கரை விட பெருமையாக கருதுகிறேன். இது எல்லாருடைய உழைப்புக்கும் கிடைத்த விருது. இந்த பெருமையை எனது பெற்றோருக்கு சமர்ப்பிக்கிறேன்,'