டில்லியில் தொடர் குண்டு வெடிப்பு

டில்லியில் மக்கள் நடமாட்டம் உள்ள பகுதியில் 5 இடங்களில் தொடர்ச்சியாக குண்டு வெடித்தது. இதில் 90 பேர் காயம் அடைந்தனர். 20 பேர் பலியாயினர். டில்லியின் மேற்கு பகுதியில் கரோல் பாக் என்னும் பகுதியில் பயங்கர சப்தத்துடன் குண்டு வெடித்தது. இதில் காயமுற்றவர்கள் ஆஸ்பத்தரிக்கு கொண்டு செல்லப்பட்டுள்னர். கப்பார் மார்க்கெட், கிரேட் கைலாஷ், கன்னாட் பிளேஸ் உள்ளிட்ட் 5 இடங்களில் குண்டு வெடித்துள்ளது.

முதல்வர் ஷீலா தீட்ஷித் வீடு அருகே நடந்த குண்டு வெடிப்பு

டில்லியில் முதல்வர் ஷீலா தீட்ஷித் வீடு அருகே குண்டு வெடிப்பு நடந்துள்ளது. மாலை 6.15 மணிக்கு பீக் அவர்சில் கப்பார் மார்க்கெட் பகுதியில் நடந்திருப்பதால் பலி எண்ணிக்கை அதிகரிக்கக்கூடும் என அஞ்சப்படுகிறது. நிறுத்தி வைக்கப்பட்டிருந்த ஆட்டோவில் குண்டு வைக்கப்பட்டிருக்கலாம் என போலீஸ் தரப்பில் கூறப்படுகிறது. இந்த மார்க்கெட் வழியாக முதல்வர் ஷீலா தீட்ஷித் வீட்டுக்கு செல்ல முடியும். குண்டு வெடிப்பை தொடர்ந்து அங்கு போலீசார் குவிக்கப்பட்டுள்ளனர்.


டில்லியில் குண்டு வெடிப்பு நடந்ததை அடுத்து நாடு முழுவதும் போலீசார் உஷார்படுத்தப்பட்டுள்ளனர். முதலில் கரோல் பாக் மார்க்கெட் பகுதியிலும், 2 வதாக கன்னாட் பிளேசிலும், 3 வதாக கிரேட்டர் கைலாஷ் பகுதியிலும் குண்டு வெடித்துள்ளது. 45 மணி நிமிடங்களில் 5 இடங்களில் குண்டு வெடிப்பு நிகழ்த்தப்பட்டுள்ளது.

புகழ்பெற்ற இந்தியா கேட் பக்கத்தில் ஒரு குண்டு செயலிழக்க செய்திருக்கிறார்கள்.