கிள்ளி எறிய வேண்டும்

ராஜ் மிரட்டல்-மன்னிப்பு கேட்ட ஜெயா பச்சன்

ஹிந்தியில் பேசியது தவறுதான் என்றும் அதற்கு பகிரங்கமாய் மன்னிப்புக் கேட்பதாகவும் அமிதாப் பச்சன் மனைவி ஜெயா பச்சன் அறிவிதச்துள்ளார்.

மும்பையில் நடந்த புதுப்படத் துவக்க விழாவில் பேசிய ஜெயா பச்சன், நாங்கள் உத்தர பிரதேசத்திலிருந்து வந்துள்ள குடும்பம். எங்களுக்கு இந்தி மட்டும்தான் பேசத் தெரியும். அதற்காக மராத்தியர்கள் தவறாக நினைக்கக் கூடாது. மற்றபடி எங்களை விமர்சிக்கும் ராஜ் தாக்கரே யார் என்றே எனக்குத் தெரியாது என்று கூறியிருந்தார்.

இதற்கு ராஜ் தாக்கரேவி்ன் மகாராஷ்ட்ரா நவ நிர்மாண் சேனா அமைப்பு கடும் கண்டனம் தெரிவித்திருந்தது.

அமிதாப் மற்றும் அவரது குடும்பத்தைச் சேர்ந்த ஜெயா பச்சன், அபிஷேக், ஐஸ்வர்யா ராய் நடித்த படங்கள், அவர்கள் தொடர்புள்ள விளம்பரப் பொருட்கள் உள்ளிட்ட அனைத்தையுமே புறக்கணிக்க வேண்டும் என பகிரங்கமாக மிரட்டியது.

அதோடு நில்லாமல் மும்பை தெருக்களில் ஒட்டப்பட்டிருந்த அமிதாப்பின் தி லாஸ்ட் இயர் பட போஸ்டர்கள் மீது ராஜ் தாக்கரே ஆதரவாளர்கள் தார் பூசியும், சாணி அடித்தும் எதிர்ப்பைத் தெரிவிக்க ஆரம்பித்துவிட்டனர்.

ஐயோ இப்படி நடந்துவிட்டதேன் என்று நினைக்க வேண்டாம், நம் தமிழ் நாட்டில் பார்க்காததா ?

இதைத் தொடர்ந்து ஆங்கிலப் பத்திரிக்கையொன்றில் தனது நிபந்தனையற்ற மன்னிப்பைத் தெரிவித்துள்ளார் ஜெயா பச்சன்.

நான் இந்தியில் பேசியது, மும்பை மற்றும் மகாராஷ்டிராவில் வசிக்கும் மராத்தியர்களின் உணர்வுகளைப் புண்படுத்தியிருந்தால் அதற்காக பகிரங்க மன்னிப்புக் கேட்டுக் கொள்கிறேன்.

துரோணா ஆடியோ விழாவில் நான் பேசியதா சிலர் தவறாக சித்தரித்துள்ளார்கள். நானும் இந்த மும்பையைச் சேர்ந்தவள்தானே... எங்களுக்கு எல்லாமும் தந்த இந்த நகரை என்னால் எப்படி அவமதிக்க முடியும்?

அது சரி, தமிழ் நடிகைகள் எல்லாம் எப்போதும் ஆங்கிலத்திலேயே பேசுகிறார்கள், ஆனால் தமிழ் அல்லாத நடிகைகள் ( கஷ்டப்பட்டாவது ) தமிழில் பேசுகிறார்கள். இவர்களை என்ன செய்யலாம் ?


கொசுறு-1: ஒருமுறை ரஜினியின் மகள் சவுந்தரியா பிரஸ் மீட் போது ஆங்கிலத்தில் பேசினார், பிரஸ் மக்கள் மேடம் தமிழில் பேசுங்கள் என்று சொன்னவுடன், லதா ரஜினி காந்த் "என் மகளுக்கு தமிழ் அவ்வளவு சரியாக பேச வராது என்று (பெருமையுடன்) சொன்னார்.
கொசுறு-2: அதே போல் இந்த வீடியோவை பார்த்தால் கமல் மகள் எப்படி திக்குமுக்கு ஆடுகிறார் என்று உங்களுக்கே புரியும்.
( பார்க்க : http://in.youtube.com/watch?v=P6d_rgh06yo&feature=related )

கொசுறு-3: முன்பு திரிஷா "எனக்கு தமிழ் அவ்வளவாக பேச வராது என்று சொன்னதற்கு" நம்ம டி.ஆர் ஒரு வாங்கு வாங்கினார்.

கொசுறு-4: சரத்குமார் மகள் வரலட்சுமி தன் தந்தை ஆரம்பித்த கட்சியின் பெயரை ஒரு பேட்டியின் போது சொல்ல சிரமபட்டார்.

பிகு: போன மாசம் தான் சுதந்திர தினம் கொண்டாடினோம்.