திமுக - காங்கிரஸ் பனிப்போர் ?

விடுதலைப்புலிகள் பற்றி ஜெ சட்டசபையில் பேசிய போது, காங்கிரஸ் கட்சி ஒண்ணும் செய்ய முடியாமல் வேடிக்கை பார்க்க வைத்தார்....

காங்கிரஸை பொறுத்தவரை தர்மசங்கடமான நிலைமை. விவகாரம் விடுதலைப்புலிகளின் நடவடிக்கைகள் பற்றி இருந்ததால், எழுந்து நின்று எதையாவது சொல்லப்போக... காங்கிரஸ் கட்சி விடுதலைப்புலிகளுக்கு ஆதரவு என்று யாரும் சொல்லிவிடக்கூடாதே என்ற பயம் எங்கள் எல்லாருக்கும் இருந்தது. ஜெயலலிதா மிகச் சாமர்த்தியமாக அந்த பிரச்னையைக் கையில் எடுத்து காங்கிரஸ் உறுப்பினர்களை மௌனமாக இருக்கச் செய்துவிட்டார்..

என்று பீட்டர் அல்போன்ஸ் பெருமையாக கூறுகிறார்.

காங்கிரஸ் கட்சி சும்மா இருந்ததால் கலைஞர் கொஞ்சம் அப்செட் ஆனார்.
பின்னர்...

நெல்லையில் கிருஷ்ணசாமி, சிதம்பரம், இளங்கோவன் பகிரங்கமாக திமுக மேல் குற்றம் சாட்டிபேசினார்கள். அடுத்த நாள் "ஆட்சியை இழக்கவும் தாங்கள் தயாராக இருப்பதாக" கலைஞர் அறிக்கை விட்டார். உடனே கிருஷ்ணாசாமி நாங்க திமுகவை விமர்சிக்கவில்லை என்று மறுப்பு தெரிவித்தார்.

ஜூவிக்கு அவர் அளித்த பேட்டியில்

"தேர்தலுக்கு இன்னும் நாட்கள் நிறைய இருக்கிறது. அதனால், இப்போதே அது பற்றியெல்லாம் எதுவும் சொல்ல முடியாது. கூட்டணி குறித்தெல்லாம் முடிவு செய்வது, எங்கள் தலைவி அன்னை சோனியாதான். எல்லாருக்கும் ஒன்றை மட்டும் நாங்கள் உறுதியாக சொல்லமுடியும். தமிழகத்தைப் பொறுத்த வரையில், காங்கிரஸ் தயவில்லாமல் யாரும் ஆட்சியமைக்க முடியாது"

என்கிறார்.


அதே சமயம் எங்களுக்கும் தி.மு.க-வுக்கும் எந்த நெருடலும் இல்லை என்றும் சொல்லுகிறார்.

'விடுதலைப்புலிகளுக்கு ஆயுதம் கடத்துவேன்' என்று வீரமாக பேசிய திருமாவளவன் மீது கலைஞர் நடவடிக்கை எடுக்காமல் பாசத்துடன் இருப்பது பற்றி காங்கிரஸ் மேலிடத்துக்கு நியூஸ் போயிருக்கும்.

சமிபத்திய நிகழ்வுகளை பார்த்தால் ஜெ காங்கிரஸ் கட்சியுடன் மீண்டும் தன் உறவை புதுபிக்க விரும்புவதாகவே தெரிகிறது. காங்கிரஸும் எல்லா வாய்ப்புக்களையும் தக்க வைத்துக்கொள்ள முடிவு செய்துள்ளது. விஜயகாந்த் கூட கூட்டணி வைத்துக்கொண்டாலும் ஆச்சரியபடுவதற்கு இல்லை.

காங்கிரசாரின் போக்கு குறித்து கட்சி மேலிடத்தில் திமுக தலைமை புகார் செய்ததாக கூறப்படுகிறது. மத்தியில் கூட்டணி அரசுக்கு எந்த நெருக்கடியும் வந்து விடக்கூடாது என்று கருதிய காங்கிரஸ் மேலிடம், திமுக தங்களுடைய முக்கியமான கூட்டணி கட்சி என்றும், யாரும் அக்கட்சியை விமர்சிக்கவில்லை என்றும் காங்கிரஸ் செய்தி தொடர்பாளர் அபிஷேக் சிங்வி கூறியிருந்தார்.

இன்று காலை கிருஷ்ணசாமி டெல்லி சென்றிருக்கிறார். திமுகவுக்கும், காங்கிரஸ் கட்சிக்கும் இடையே ஏற்பட்டுள்ள மோதலுக்கான காரணம் குறித்து கிருஷ்ணசாமியிடம் கட்சி மேலிடம் விளக்கம் கேட்கும் என்று கூறப்படுகிறது.

போய்விட்டு வந்து என்ன விளக்கம் சொல்லுவார் என்று எல்லோருக்கும் தெரியும்