அக்மார்க் கதனகுதூகலப்பாடல்

சற்றுமுன் கிடைத்த மின்னஞ்சல்.

நெருங்கிய நண்பர் ஒருவரிடம் கேட்டதற்கு, அவரும் அக்மார்க் கதனகுதூகலப்பாடல் என்றார். எனக்கு ராகம் பற்றி எல்லாம் அவ்வளவாக தெரியாது அதனால் வாசர்களிடமே விட்டுவிடுகிறேன். :-)

மின்னஞ்சல் அனுப்பியவருக்கு பெயர் சொல்ல விரும்பாத நண்பருக்கு என் வாழ்த்துக்கள்.
( ஐபாட் ஐயாசாமி புதிருக்கான விடை )

மெயில் கிழே...

டியர் இட்லிவடை

நீண்டநாள்களாக உங்கள் வலைப்பதிவின் வலதுபக்கக் கேள்வி என்னைக் குடைந்துகொண்டே இருந்தது. கதனகுதூகலத்தில் அமைந்த சினிமா பாடலென்று பொதுவாக, கண்டுகொண்டேன் படத்தில் வரும் அதே வார்த்தைப் பாடலைச் சொல்லுவார்கள். ஆனால் அதில் பல இடங்களில் சுரங்கள் வேறுபடும்.

படு சுத்தமான அக்மார்க் கதனகுதூகலப்பாடல் ஒன்று வந்திருக்கிறது.

வசூல்ராஜா எம்பிபிஎஸ் படத்தில் வருகிற 'கதவு திறந்து கிடக்கின்றது' என்கிற பாடல். கமலும் சிநேகாவும் பாடுவது. முழு கதனகுதூகலம் இது. இடையே க-ம-க-ரி-க-ப-ரி-க-ஸ என்கிற மதுரை மணி ஐயர் நோட்டும் ஒட்டிக்கொண்டு வரும்.

நேற்று சானல் பிரவுசிங்கின்போது சட்டென்று எதிலோ இது ஒலிக்க, உடனே உங்கள் ஞாபகம் வந்துவிட்டது. ஆனால் போன் நம்பர் கொடுக்காத அநாமதேய நண்பர் என்பதால் ஒருநாள் பொறுத்து இப்போது எழுதுகிறேன்.

படு சந்தோஷமாக இருக்கிறது இக்கண்டுபிடிப்பு

XXX