மகளிர் பேரணிக்கு எதிராக வழக்கு

கடந்த 1ம் தேதி திமுக நடத்திய மகளிர் பேரணிக்கு எதிராக சென்னை உயர்நீதி மன்றத்தில் வழக்குத் தொடரப்பட்டது.

டிராபிக் ராமசாமி என்பவர் உயர்நீதிமன்றத்தில் பொது நல வழக்கு தொடர்ந்துள்ளார். அவர் தனது வழக்கு மனுவில் கூறியிருப்பதாவது: கடந்த 1ம் தேதி அன்று திமுக சார்பில் சென்னையில் மகளிர் பேரணி நடைபெற்றது. ஜனாதிபதி வேட்பாளர் பிரதீபா பாட்டீல் இதில் கலந்து கொண்டார். உச்ச நீதிமன்ற தீர்ப்பை மீறும் வகையில் இந்த பேரணி நடைபெற்றது.

அண்ணாசாலையில் வழிமறித்து மேடை அமைக்கப்பட்டு அலங்கார மின்விளக்குகள் போடப்பட்டிருந்தன. போக்குவரத்து மாற்றம் செய்யப் பட்டது. இது உச்சநீதிமன்ற தீர்ப்புக்கு எதிரானது.

இதற்கு அனுமதி கொடுத்தது குறித்து விளக்கம் தருமாறு மின்வாரியம், சென்னை மாநகராட்சி மற்றும் போலீஸ் கமிஷனர் ஆகியோருக்கு தந்தி அனுப்பினேன். ஆனால் இதுவரை பதில் இல்லை. எனவே என்னுடைய புகார் மீது உரிய நடவடிக்கை எடுக்கும்படி சம்பந்தபட் டவர்களுக்கு நீதிமன்றம் உத்தர விடவேண்டும். இவ்வாறு மனுவில் அவர் கூறியுள்ளார்.