முன்னாள் பிரதமர் சந்திரசேகர் காலமானார்

உடல்நிலை சரியில்லாமல் டில்லி மருத்துவமனையில் சிகிச்சை பெற்று வந்த முன்னாள் பிரதமர் சந்திரசேகர் இன்று காலமானார். ரத்தம் தொர்பான நோயால் பாதிக்கப்பட்ட சந்திரசேகர் டில்லியில் உள்ள அப்பல்லோ மருத்துவமனையில் 3 மாதங்களுக்கு முன்பு அனுமதிக்கப்பட்டார். அங்கு அவருக்கு கடந்த 3 மாதங்களாக டாக்டர் ராகேஷ்சோப்ரா தலைமையிலான மருத்துவ குழுவினர் தீவிர சிகிச்சை அளித்து வந்தனர். இந்த நிலையில் இன்று காலை 8.45 சிகிச்சை பலனளிக்காமல் சந்திரசேகர் உயிர் பிரிந்தது. சந்திரசேகருக்கு 2 மகன்கள் உள்ளனர். அவரது உடல் டில்லியில் உள்ள வீட்டில் பொதுமக்கள் அஞ்சலி செலுத்துவதற்காக வைக்கப்பட்டுள்ளது. பல்வேறு கட்சி தலைவர்களும், பொதுமக்களும் சந்திரசேகரின் உடலுக்கு மலர் வளையம் வைத்து அஞ்சலி செலுத்தி வருகிறார்கள். மறைந்த சந்திரசேகர் 1990- 91ம் ஆண்டில் இந்திய பிரதமராக பதவி வகித்தார் என்பது குறிப்பிடத்தக்கது. சந்திரசேகரின் மறைவுக்கு பிரதமர் மன்மோகன்சிங் தனது ஆழ்ந்த இரங்கலை தெரிவித்துள்ளார்.

எனக்கு தெரிந்து, நேர்மையான பிரதமர், ராஜிவ் காந்தியையே கொஞ்சம் பயபட வைத்தார்.