தேர்தல் பற்றி நம்புங்கள் நாராயணன் !

இந்த் தேர்தலிலும் நம்புங்கள் நாராயணன் சில கணிப்புக்களை கூறியுள்ளார்.

* ஜெயலலிதாதா மீண்டும் முதல்வர் பதவிக்கு வருவார். சட்டசபைத் தேர்தலில் ஜெயலலிதாவுக்கு மிகப் பெரிய வெற்றி கிடைக்கும். அதாவது 4ல் 3 பங்கு மெஜாரிட்டியுடன் அவர் மீண்டும் ஆட்சியைப் பிடிப்பார். கடந்த காலங்களைப் போல் இல்லாமல், மத்திய அரசுடன் அவர் சுமூக உறவை ஏற்படுத்திக் கொள்வார். பல திட்டங்களை செயல்படுத்துவார். அவரது ஆட்சியில் விவசாயம், கம்ப்யூட்டர் துறை மற்றும் தொழில் வளர்ச்சி மேம்படும். ( கொஞ்சநெஞ்சம் இருந்த நம்பிக்கையும் போய்விட்டது)

* அதிமுக ஆட்சிக்கு வைகோ முழுமையாக ஒத்துழைப்பார். வேறு அணிக்கு மாற மாட்டார். ஆட்சி சிறப்பாக நடக்க முடிந்தவரை பாடுபடுவார். ( அட அட இதெல்லாம் கூட சொல்ல முடியுமா )

* திமுக தலைவர் கருணாநிதிக்கு இது சோதனையான நேரம். தேர்தலில் பெரும் பின்னடைவை அவர் சந்திப்பார். ( அவர் வெற்றி பெற்றால் உங்களுக்கு சோதனை )

* விஜயகாந்த்தின் கட்சிக்கு நல்ல வெற்றி வாய்ப்பு உள்ளது. தனித்துப் போட்டியிடுவதாக அவர் கூறி வந்தாலும் கூட அதிமுகவுக்கு ஆதரவு தெரிவிக்கும் நிலையை அவர் எடுப்பார். அமைச்சராகும் யோகமும் அவருக்கு உள்ளது. ( அதுக்கு முதல்ல அவர் ஜெயிக்கனும்)

* நடிகர் ரஜினியைப் பொருத்தவரை திரையுலகில் அவர்தான் உச்சத்தில் இருப்பார். அவரது சிவாஜி படம் மிகப் பெரும் வெற்றியைப் பெறும். அரசியல் பக்கம் வரவே மாட்டார். தத்துவ வாழ்க்கையில் அவர் தன்னை ஈடுபடுத்திக் கொள்வார். ( நீங்க ரஜினி ராம்கிக்கு நண்பரா ? )

* நடிகர் கமல்ஹாசனுக்கும் இந்த ஆண்டு மிகச் சிறந்த ஆண்டாக அமையும். ரஜினிக்கு இணையான புகழை அவர் விரைவில் பெறுவார். அவருக்கு இருந்து வந்த கெட்டகாலம் முடிந்து விட்டது. மிகப் பெரிய நிறுவனத்தின் படத்தில் அவர் நடிக்க ஒப்பந்தமாவார். அந்தப் படம் மிகப் பெரிய வெற்றியைப் பெறும். (அதில் அவர் ஒரு பாட்டு பாடுவார், வித்தியாசமாக மேக்கப் போடுவார் என்று சொல்லாம் விட்டுவிட்டீர்களே )

* விரைவில் ஜோதிகா திருமண செய்தி வெளிவரும். அவர் நடிக்கும் படங்கள் அனைத்தும் சூப்பர் ஹிட் படங்களாக அமையும் என்று கூறியுள்ளார் நாராயணன். ( தமிழ் நாட்டுக்கு ரொம்ப முக்கியம் )

(செய்தி உதவி தட்ஸ் தமிழ் )