பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Tuesday, March 28, 2006

அதிமுக தேர்தல் அறிக்கை

அ.தி.மு.க. தேர்தல் அறிக் கையை முதல்-அமைச்சர் ஜெயலலிதா இன்று வெளியிட்டார். படிக்க பொருமை வேண்டும். கொஞ்சம் பெரிசாக இருக்கிறது :-)

அதில் இடம் பெற்றுள்ள முக்கிய அம்சங்கள் வருமாறு:-

அனைத்துத் தரப்பு மக்க ளின் நலமும் பேணி பாதுகாக்கப்படுவதுடன், தமிழக மக்களின் வாழ்க்கைத் தரத்தைச் சர்வதேச வாழ்க்கை தரத்திற்கு இணையாக உயர்த்திட உள்ள உறுதியுடன் உரிய முயற்சிகள் எடுக்கப்படும்.

* மொழியின் பெயராலும், கலை யின் பெயராலும், தமிழ் நாட்டு மக்களின் இனம், இலக்கியம், பண்பாடு, ஆகியவற்றுக்கு எதிராக மேற்கொள்ளப்பட்டு வரும் அனைத்து பண்பாட்டுப் படையெடுப்புகளையும் முறியடித் துத் தமிழ் மொழியும், தமிழ் இலக்கியமும், தமிழ்க் கலைகளும் அவை சார்ந்த பிறவும் ஊக்கமும் ஆக்கமும் பெற்றுச் சிறந்திட அனைத்து நடவடிக்கைகளும் மேற்கொள்ளப்படும்.

* அமைதியான நாடு, அமைதி யான சமூகம், அமைதியான இல்லம், அமைதி தவழும் வாழ்க்கை முறை என்பதை நூறு சதவீதம் எதிர் காலத்தில் பெற்றிட வேண்டும் என்பதும், அனைத்து தரப்பு மக்களின் நல் வாழ்விற்கு உத்தரவாதம் அளிப்பதும் காவல் துறையின் தலையாய பணியாய் அமையும் எனவும் உறுதி அளிக்கிறோம்.

நவீன மயம்

* தமிழ்நாடு காவல் துறையை மாறி வரும் தேவை களுக்கு ஏற்ப நவீன மய மாக்குவதில் அளிக்கப்பட்டு வரும் முன்னுரிமை, கணினி மயமாக்குதல், அதி நவீன தகவல் தொடர்பு, ஆயுதங்கள், வாகனங்கள், பயிற்சிகள் தொடர்ந்து செயல் படுத்தப்படும்.

* சிறைகளையும், நீதி மன்றங்களையும், வீடியோ மூலம் இணைக்கும் வகையில் 78 இடங்களில் அம்மா அவர்களின் அரசு வீடியோ மூலம் கலந்தாய்வு முறையினை அறிமுகப்படுத்தி உள்ளது. இத் திட்டம் மேலும் விரிவுப்படுத்தப்படும்.

11 மற்றும் 12 ஆம் வகுப்பில் பயிலுகின்ற மாணவ-மாணவியர் அனைவருக்கும் இலவச சைக்கிள் வழங்கி புரட்சித் தலைவி அம்மா அவர்கள் மாபெரும் புரட்சி செய்துள்ளார். இது இந்தியாவிலேயே எந்த மாநிலமும் செய்யாத சரித்திர சாதனை ஆகும்.

அரசு மற்றும் அரசு நிதி உதவி பெறும் பள்ளிகளிலும் மற்றும் இப் பள்ளிகளில் சுயநிதி அடிப்படையில் நடத்தப்படும் வகுப்புகளிலும் பயிலும் மாண வர்கள் அனைவருக்கும் 1 முதல் 12ம் வகுப்பு வரை இலவசப் பாட நூல் அளிக்க வேண்டும் என்ற முதல்-அமைச்சர் ஜெய லலிதாவின் ஆணைப்படி மொத் தம் 1 கோடியே 12 லட்சம் மாணவ-மாணவிகளுக்கு இலவச பாட புத்தகங்கள் வழங்கப்பட்டு வருகிறது. இதுவும் சரித்திர சாதனை ஆகும்.

* பள்ளிகளில் வசூலிக்கப்படு கின்ற சிறப்புக் கல்விக் கட்டணம் ரத்து செய்யப்பட்டு அத் தொகையை பள்ளி கூடங்களுக்கு அரசே மானியமாக வழங்க நட வடிக்கை எடுக்கப்படும்.

* அனைத்துப் பள்ளிகளிலும் கணினி பயிற்சிக் கூடம் அமைக் கப்படும்.

* நிரந்தரமான, தகுதியான கணினி ஆசிரியர்கள் நியமிக்க உரிய நடவடிக்கை எடுக்கப்படும்.

* மாணவர்களின் கல்வித் தரத்தினை உயர்த்தும் வகையில் கூடுதல் ஆசிரியர்களை நியமிக்க நடவடிக்கை எடுக்கப்படும்.

* உயர்நிலை மற்றும் மேல்நிலைப் பள்ளிகளில் பயிலும் அனைத்து மாணவர்களுக்கும் சுய தொழில் பயிற்சி அளிக் கப்படும்.

* கிராமப்புற மாணவர்களின் நலன் காக்க கொண்டு வரப் பட்ட நுழைவுத் தேர்வினை ரத்து செய்து இயற்றப்பட்ட சட்டத்தை நடைமுறைப்படுத்த, தேவைப்படும் அனைத்துச் சட்ட ரீதியான நடவடிக்கைகளும் மேற் கொள்ளப்படும்.

* நுழைவுத் தேர்வை ரத்து செய்யும் அதிகாரத்தை கையில் வைத்து தி.மு.க. மற்றும் பா.ம.க. அங்கம் வகிக்கும் காங்கிரஸ் தலைமையிலான மத்திய அரசு கடைப்பிடித்து வரும் மாணவர் விரோத செயல்பாட்டை எதிர்ப்பதுடன் நுழைவுத் தேர்வை ரத்து செய்ய தேவையான அனைத்து முயற்சிகளும் மேற் கொள்ளப்படும்.

* மாணவர்களின் நலன் பாதுகாக்கப்பட கல்விக் கொள் கையையும் தரத்தினையும் மாநிலங்களே முடிவு செய்யும் வகையில் தற்பொழுது பொதுப் பட்டியலில் உள்ள கல்வித் துறையை மாநிலப் பட்டியலுக்கு மாற்ற மத்திய அரசைத் தொடர்ந்து வலியுறுத்துவோம்.

* தமிழ்நாட்டின் முக்கிய நகரங்களில் இந்திய தொழில் நுட்பக் கழகத்திற்கு (ஐ.ஐ.டி.) இணையான உலகத் தரம் வாய்ந்த பொறியியல் கல்லூரிகள் தொடங்கப்படும்.

* மாவட்டங்களில் பிரபலமாக உள்ள விளையாட்டுகளில் திறமையுள்ளவர்களை ஊக்கு விக்க, பெரிய மாவட்டத் தலைநகரங்களில் அனைத்து வசதிகளுடன் அமைந்த இருப்பிட விளையாட்டு அகாடமி அமைக்க, நடவடிக்கை எடுக்கப்படும்.

முதன்மை மாநிலமாக்கும் முயற்சிகள் தொடர்ந்து மேற் கொள்ளப்பட்டுத் தமிழ கம் தகவல் தொழில் நுட்பவி யல் துறையில் இந்தியாவில் மட்டுமல்லாது உலகின் கவனத்தையும் கவர எல்லாவித முயற்சிகளும் மேற் கொள்ளப்படும்.

* தமிழகத்தில் 2-ம் நிலை நகரங்களில் தகவல் தொழில் நுட்ப நிறுவனங்கள் அதிக அளவில் அமைக்க முயற்சிகள் மேற்கொள்ளப்படும்.

* தகவல் தொழில் நுட்பம் படித்த இளைஞர்கள் தகவல் தொழில் நுட்பத்துறையில் சுய தொழில் செய்ய வாய்ப்புகள் உருவாக்க நடவடிக்கைகள் மேற் கொள்ளப்படும்.

* அடுத்த 5 ஆண்டுகளில் 5 லட்சம் இளைஞர்களுக்குத் தகவல் தொழில்நுட்பத் துறை யில் வேலை வாய்ப்புகளை உருவாக்க முயற்சிகள் மேற் கொள்ளப்படும்.

* தமிழை `உயர் தனிச் செம்மொழி' என அறிவிக்க வேண்டும் என்று தொடர்ந்து வலியுறுத்தி வருபவர் புரட்சித் தலைவி அம்மா அவர்கள் மேலும் அங்கீகரிக்கப்பட்ட இந்திய மொழிகள் அனைத்தும் தேசிய மொழிகள் என்பதால் மத்திய அரசு மாநிலங்களுடன் தொடர்பு கொள்ள அந்தந்த மாநில மொழியையே பயன்படுத்த வேண்டும் என்றும், தமிழ் உள்ளிட்ட 19 தேசிய மொழிகளையும் மத்திய ஆட்சி மொழிகளையும் மத்திய ஆட்சி மொழிகளாக அங்கீகரிக்க வேண்டும் என்றும், இந்தி பேசாத மாநிலங்கள் இந்தி பேசும் மாநிலங்களோடு தொடர்பு கொள்ள ஆங்கிலமே தொடர்பு மொழி என்ற கொள்கை உறுதிப்படுத்தப்பட வேண்டும் என்றும், மைய அரசிடம் தொடர்ந்து வலியுறுத்தப்படும்.

* மாநில அரசு அலுவலகங்கள், கீழ் நீதி மன்றங்கள் ஆகியவற்றில் முழு அளவில் தமிழ் உறுதியாகப் பயன்படுத்தப்படும்.

மேம்பாடு

* அருங்காட்சியகம், தொல் லியல் துறை, அகழாய்வுப் பிரிவு, இந்து சமய அறநிலைய ஆட்சித் துறை, செந்தமிழ்ச் சொற் பிறப்பியல் அகர முதலிடத்திட்ட இயக்கம், கலை பண்பாட்டுத்துறை, அரசு இசைப் பள்ளிகள், கவின் கலைக்கல்லூரிகள், அரசினர் கட்டட மற்றும் சிற்பக்கலைக் கல்லூரி, தமிழ்நாடு இயல் இசை நாடக மன்றம், தமிழ்நாடு சவகர் சிறுவர் மன்றம் என்று அனைத்துத் துறைகளிலும் தனிக்கவனம் செலுத்தப்பட்டு தமிழ், தமிழர், தமிழ் நாடு மேம்பாடு அடைய அனைத்து நடவடிக்கைகளும் தொடர்ந்து மேற்கொள்ளப்படும்.

* தமிழ் மொழியின் மேம் பாட்டையும், வளர்ச்சியையும் சிதைக்கும் பண்பாட்டுத் துரோகிகளை அடையாளம் காட்டும் அதே நேரத்தில், தமிழ் மொழி வளர்ச்சியில் மிகுந்த அக்கறையுடனும் தெளிவான அணுகு முறை களுடனும் திட்டங்கள் மேற் கொள்ளப்படும்.

உணவு பூங்கா

* விவசாயிகள், தொழில் முனை வோர் மற்றும் ஏற்றுமதி யாளர்கள் பயன்பெறும் வகை யில், அனைத்து உள் கட்ட மைப்பு வசதிகளுடன் கூடிய உணவுப்பூங்கா அமைக்கப்படும். தரிசு நில மேம்பாட்டுத் திட்டத்தின் கீழ் அமைக்கப்படும். ஆழ் துளைக் கிணறுகளுக்கு, மின் இணைப்பு, முன்னுரிமை அடிப்படையில் வழங்கப்படும்.

* அனைத்து மாவட்டங்களிலும் உணவு பதப்படுத்தும் குளிர் பதனக் கிடங்கு அமைக்கப்படும். ரூ.150 கோடி மதிப்பீட்டில் 5 ஆண்டு காலத்தில் 15 ஆயிரம் பண்ணைக் குட்டைகள் தமிழ் நாட்டில் அமைக்கப்படும். "நாட்டுக்குத் தேவை கூட்டுப் பண்ணை விவசாயம்'' எனும் வாக்கை மெய்ப்பிக்கும் வண்ணம் உற்பத்தித் திறனைப் பெருக்கும் வகையில் "கூட்டுப் பண்ணை'' திட்ëடம் கொண்டு வரப்படும்.

* வேளாண்மை பல்கலைக்கழ கங்களிலும், கல்லூரிகளிலும் கல்வியின் தரத்தை ஆராய்ச்சித் திறத்தை மேம்படுத்தி, விஞ்ஞானப்பூர்வமான எழுச்சியைப் பெற்றிடும் வண்ணம், தக்க நடவடிக்கைகள் மேற்கொள் ளப்படும்.

ரூ.2900 கோடி

* மாதிரி மண் மற்றும் நீர்ப் பாதுகாப்புத் தொழில் நுட்பச் செயல்விளக்கப் பூங்கா ஒன்று அண்ணா பண்ணையில் ரூ.98 லட்சம் செலவில் அமைக் கப்படும்.

* நீர்வள ஆதாரத் தொகுப்புத் திட்டம்-2 தமிழ்நாட்டின் பாசன விவசாயப்பகுதிகளை நவீ னப்படுத்துதல் மற்றும் நீர்வள ஆதாரங்களை மேலாண்மை செய்தல் என்ற பெயரில் உலக வங்கி நிதி உதவியுடன் ரூ.2900 கோடி மதிப்பீட்டில் செயல்படுத்தப்படும். இந்த புதுமைத் திட்டத்தின் கீழ் தமிழகத்தில் தண்ணீரைப் பயன்படுத்தும் பல்வேறு துறை களையும் ஒருங்கிணைத்து தமிழ கத்தில் உள்ள 17 ஆற்று வடி நிலங்களில் உள்ள விவசாய நிலங்களையும் அதனைச் சார்ந்த தொழிலாளர்களையும் முன் னேற்றும் வகையில் திட்டமிடப் படும்.

* தமிழ்நாட்டில் உள்ள அனைத்து நதிகளையும் இணைப் பது குறித்து ஆய்வு மேற் கொள் ளப்படும்.

* காவேரியில் தமிழ்நாட் டிற்கு உரிய பங்கைப் பெற்றே தீருவோம். அதுவரை ஓய மாட்டோம். நீதிமன்றம் மூலம் காவேரி நீர்ப் பிரச்சனையில் தமிழகத்தின் ஜீவா தார உரிமையை அடைந்தே தீருவோம். அதற்குரிய ஆக்கப் பூர்வமான, சட்டப் பூர்வமான நடவடிக்கைகளை மாண்புமிகு அம்மா அவர் களின் தலைமையிலான தமிழ் நாடு அரசு தொடர்ந்து மேற் கொள்ளும் என உறுதியளிக்கிறோம்.

* மக்கள் நெருக்கம் அதிகம் உள்ள பகுதிகளில் போக்குவரத்து நெரிசலைத் தவிர்க்கும் பொருட்டு அடுக்குப் பாலங்கள் அமைக் கப்படும்.

* சென்னைப் பெருநகர எல்லை யில் உள்ள உள் கட் டமைப்பு வசதிகளை மேம்படுத்த 18 ஆயிரம் கோடி ரூபாய் மதிப் பில் மாபெரும் திட்டம் இறுதி செய்யப்பட்டு செயலாக்கத்தில் உள்ளது. சாலைப் பணிகள், மேம்பாலப் பணிகள், கீழ்ப்பால பணிகள், சாலை பழுது பார்ப்புப் பணிகள், சென்னை நகரைச் சுற்றி ஆரச் சாலைகள் அமைத்தல் என சாலை மேம்பாட்டுப் பணிகளில் தனிக் கவனம் செலுத்தப்படும்.

தரம் உயர்வு

* அடுத்து வரும் ஐந்தாண்டு களுக்குள் 360 கால்நடைக் கிளை நிலையங்களைக் கால்நடை மருந் தகங்களாக தரம் உயர்த்த வழி வகை செய்யப்படும்.

* இந்தியாவில் வெண்மைப் புரட்சி ஏற்படுத்தி வரும் தமிழ் நாட்டின் தன்னிறைவு பெற்ற கிராமங்கள் அனைத்திலும் புதிதாக 504 கால்நடைக் கிளை நிலையங்கள் அமைக்கத் திட்டம் தீட்டப்படும். கிராமப் புற மக்கள் கால்நடை வளர்ப்பு மூலம் அவர்களது பொருளாதாரத்தைப் பெருக்கிடச் சிறப்பு கால்நடை பராமரிப்புத் திட்ட முகாம்கள் குக்கிராமங்களில் நடத்தப்பட்டு, கிராமப்புறங்களில் உள்ள கால் நடை வளர்ப்போர் மிகுந்த பயன டைய ஏதுவாக, தற்போது ஓர் ஆண்டுக்கு நடத்தப்படும். 5005 முகாம்களை அதிகப்படுத்தி ஆண்டுக்கு 7000 முகாம்களாக நடத்த, நடவடிக்கை மேற்கொள்ள முயற்சி எடுக்கப்படும்.

* தரிசு நில மேம்பாட்டுத் திட்டத்தின் கீழ் பசும்புல் சாகு படிக்கு அதிக முக்கியத்துவம் கொடுத்து, கிராமப்புறங்களில் கால்நடை வளர்ப்போருக்குப் பசும்புல் தீவனம் குறைந்த விலை யில் கிடைக்க வழி வகை செய்யப் படும்.

* கால்நடைகளுக்குக் காப்பீட்டு நலத் திட்டம், மானியத்துடன் செயல்படுத்துவது குறித்து ஆய்வு மேற்கொள்ளப்படும். மேலும் ஆடு, மாடு, கோழிகளைத் தாக்கும் நோய்களுக்குப் புதிய தடுப்பூசி மருந்துகள் கண்டு பிடித்துத் தமிழ் நாடு முன்னோடியாக விளங்க ஆராய்ச்சிப் பணிகள் மேற்கொள்ளப்படும்.

* கால்நடைகளுக்குச் சிறந்த சிகிச்சை அளிக்கும் பொருட்டு, கால்நடை மருத் துவ நிலையங் களில் பணி புரியும் கால்நடை உதவி மருத்துவர்களுக்கு நவீன சிகிச்சை முறைகள் குறித்த உரிய பயிற்சிகள் அளிக்கப்படும்.

* தமிழகத்தில் 17 மாவட்டப் பால் பண்ணைகள் செயல்பட்டு வருகின்றன. மேலும் பால் உற்பத்தி அதிகம் உள்ள இரண்டு மாவட்டங்களான பெரம்பலூர் மாவட்டம், அரியலூர் தாலுகா வில் புதிதாக மாவட்ட அளவிலான ஒரு பால் பண்ணையும், திருவண்ணாமலை மாவட்டம், செங்கம் தாலுகாவில் ஒரு பால் பண்ணையும், பால் பவுடர் தொழிற்சாலையும் துவக்கப்படும்.

* கூட்டுறவு அமைப்பில் தற்போது பயன்பெறும் 6 லட்சம் பால் உற்பத்தியாளர்களின் எண்ணிக்கையை 7 லட்சமாக உயர்த்தி தினசரி கொள்முதல், 23 லட்சம் லிட்டரிலிருந்து 30 லட்சம் லிட்டராக உயர்த்தப் படும்.

* சுத்தமான பால் கொள் முதல் திட்டம் அனைத்து மாவட்டங்களுக்கும் விரிவு படுத்தி உற்பத்தி செய்யும் பாலின் தரத்தை உயர்த்தி பால் குளிர் விப்பு மையங்களைத் தமிழகம் முழுவதும் நிறுவி, தரமான பாலை உற்பத்தி செய்து, பால் உற்பத்தியாளர்களுக்கு நியாய மான விலை கிடைக்க வழி வகை செய்யப்படும்.

* தேவைப்படும் இடங்களில் கூடுதல் நீதிமன்றங்கள் அமைக்கப்படும்.

* உயர்நீதிமன்றத்துடன் கலந்தாலோசித்து அதிக வழக்குகள் இன்றி இருக்கும் நீதிமன்றங்களை வழக்குகள் அதிகம் உள்ள இடங்க ளுக்கு மாற்ற நடவடிக்கை எடுக்கப்படும்.

* வழக்கறிஞர் நல நிதியில் இருந்து வழக்கறிஞர்களுக்கு வழங்கப்படும் தொகையை உயர்த்த நடவடிக்கை மேற் கொள் ளப்படும்.

* முழுச் சுகாதாரத் திட்டத்தின் கீழ், தமிழ்நாட்டில் 29 மாவட்டங்களிலும் திட்டத்தினைச் செயலாக்கி இந்தியாவிலேயே அதிக மாவட்டங்களில் முழுச் சுகாதாரத் திட்டத்தினைச் செயலாக்கும் மாநிலமாக தமிழ்நாடு திகழ்கிறது. இச் சாதனைகளின் அடிப்படையில் அனைத்துக் கிராமங்களுக்கும் அடிப்படை வாழ்க்கை வசதிகளை முழு மையாகப் பெற்றிட ஆக்க பூர்வமான திட்டங்கள் மேற் கொள்ளப்படும்.

* இந்திய நாட்டிற்கே முன்னோடியாய் நிறைவேற்றப்பட்டு வரும் மழை நீர் சேகரிப்புத் திட்டத்தின் கீழ் 1 லட்சத்து 72 ஆயிரத்து 341 அரசுக் கட்டடங்கள் உட்பட தனியார் வீடுகள், வணிக வளாகங்கள், நீர் ஆதாரங்கள், சாலை யோரங்கள், நடைபாதைகள், தெருக்கள், குளங்கள், பாலங்கள் உட்பட ஆக மொத்தம் 2 கோடியே 57 லட்சம் இடங்களில் மழை நீர் சேகரிப்புக் கட்டமைப்புகள் உருவாக்கப்பட்டுள்ளன. இத்திட்டம் வாய்ப்புள்ள இடங்களில் எல்லாம் மேலும் விரிவு படுத்தப்படும்.

* சென்னை நகர மக்களின் குடிநீர் பஞ்சத்தைப் போக்கி 180 மில்லியன் லிட்டர் குடிநீரை தினசரி வழங்கும் பொருட்டு புதிய வீராணம் திட்டம் 720 கோடி ரூபாய் மதிப்பீட்டில் வெற்றி கரமாக செயலாக்கப்பட்டுச் சென்னை மாநகர மக்களுக்குத் தொடர்ந்து குடிநீர் வழங்கப்பட்டு வருகிறது.

* சென்னை மாநகரின் மொத்த குடிநீர் தினசரி தேவை 840 மில்லியன் லிட்டர் ஆகும். இந்த இலக்கை எட்டுவதற்காக பல்வேறு திட் டங்களை மாண்புமிகு அம்மா அவர்களின் அரசு செயல் படுத்தி வருகின்றது. அதில் ஒன்று தான் புதிய வீராணம் திட்டம்.

* மகளிரின் சிரமத்தை குறைக்க கை பம்புகளுக்கு பதிலாக 39,726 சிறு மின் விசை பம்புகள் அமைக்கப்பட்டுள்ளது. இத் திட்டம் தாய்மார்கள் மத்தியில் பெரும் வரவேற்பைப் பெற்றுள்ளது. இத்திட்டம் மேலும் விரிவுபடுத்தப்படும்.

* கிருஷ்ணா நதி நீர்த் திட்டத்தின் கீழ் சென்னைக்குக் குடிநீர் வழங்கப்பட்டு வருகிறது.

* 15.20 கோடி ரூபாய் செலவில் 9688 எண்ணிக்கையிலான பிளாஸ்டிக் தொட்டிகள் வாங்கப்பட்டுச் சென்னை மாநகரின் வெவ்வேறு இடங்களில் நிறுவப்பட்டுள்ளன. மேற்கண்ட பணிகளின் செயல் பாட்டினாலும் மற்றும் நீர் ஆதாரங்கள், விநியோகம் மற்றும் சிறந்த முறையில் நீர் பகிர்மாணத்தினாலும் அனைத்துக் குடியிருப்பு பகுதிகளுக்கும், சரிவிகித குறைந்தபட்ச நீர் வழங்குதல் உறுதி செய்யப்பட்டுள்ளது.

* தமிழ்நாட்டின் மாநகராட்சிகளுக்கும், நகராட்சிகளுக்கும், நகர்ப்புறங்களுக்கும், கிராமங்களுக்கும், குக்கிராமங்களுக்கும் பாதுகாக்கப்பட்ட குடிநீர் வழங்கத்திட்டங்கள் நிறைவேற் றப்பட்டுள்ளன.

* ஐந்தாண்டுகளில் 34 ஆயிரத்து 063 ஊரகக் குடியிருப்புகளுக்குப் பாதுகாக்கப்பட்ட குடிநீர் வசதி அளிக்கப்பட்டுள்ளது.

* 39 ஆயிரத்து 796 சிறு மின் இறைப்பான் திட்டங்கள் நிறைவேற்றப்பட்டுள்ளன.

* அதிகமான மக்கள் பயன்பெறும் வகையில் 1,678 ரூபாய் மதிப்பீட்டில் 256 கூட்டுக்குடிநீர்த் திட்டங்கள் நிறை வேற்றப்பட்டுள்ளன. நகரங்களில் மக்கள் பயன்பெறும் வகையில் குடிநீர் மேம்பாட்டுத் திட்டங்கள் நிறைவேற்றப்பட்டுள்ளன.

* சென்னை மாநகர மக்களுக்குத் தினமும் 100 மில்லியன் லிட்டர் குடிநீர் வழங்குவதை உறுதி செய்வதற்காகக் கடல் நீரைக்குடிநீராக்கும் திட்டம் ஒன்றினைக் கொண்டு வர அனைத்துப் பூர்வாங்க பணிகளும் முடிக்கப்பட்டு மத்திய அரசின் நிதி உதவி கிடைக்காத காரணத்தால் சர்வதேச ஒப்பந்த புள்ளிகள் கோரப்பட்டுத் தொழில் நுட்ப வல்லுநர்களின் ஆலோ சனைகளைப் பெற்று நிறுவனம் ஒன்றினைத் தேர்ந்தெடுத்து அந்த நிறுவனத்துடன் ஒப்பந்தமும் செய்யப்பட்டு விட்டது.

இத்திட்டம் உடனடியாகத் தொடங்கப்படுவதற்கு ஆயத்த நிலையில் இருக்கின்ற வேளையில் புகழ் அனைத்தும் மாண்புமிகு புரட்சித் தலைவி அம்மா அவர்களுக்கே சென்று விடும் என்ற காழ்ப்புணர்ச்சியில் தி.மு.க.வைச் சேர்ந்த மத்திய சுற்றுச்சூழல் துறை அமைச்சர் இதற்கு ஒப்புதல் அளிக்க மறுக்கிறார். அதன் காரணமாக இன்று வரை இத்திட்டத்தைத் தொடங்க முடியாத நிலை நீடித்து வருகிறது.

* 4750 கோடி ரூபாய் மதிப்பீட்டில் பல்வேறு குடிநீர் திட்டங்கள் நிறைவேற்றப்பட்டுள்ளன. தமிழ்நாட்டில் அனைத்து மக்களுக்கும் தொடர்ந்து பாது காக்கப்பட்ட சுத்தமான குடிநீர் வழங்க அனைத்து நடவடிக் கைகளும் மேற்கொள்ளப்பட் டுள்ளன.

* அரசு மருத்துவக் கல்லூரி இல்லாத மாவட்டங்களில், அடுத்த ஐந்தாண்டுகளில், படிப்படியாக புதிய அரசு மருத்துவக் கல்லூரிகள் துவங்கப்படும். இரண்டு புதிய பல் மருத்துவக் கல்லூரிகளும், 21 புதிய செவிலியர் கலலூரிகளும் துவக்கப்படும். தற்போதுள்ள 10 செவிலியர் பள்ளிகள் தரம் உயர்த்தப்பட்டு செவிலியர் கல்லூரிகளாக்கப்படும்.

* அனைத்து ஆரம்ப சுகாதார நிலையங்களும் 24 மணி நேர மும் செயல்படும். அதற்காக மூன்று செவிலியர்களும் கூடு தல் பணியாளர்களும் அமர்த்தப் படுவார்கள்.

* வாடகைக் கட்டடங்களிலுள்ள 2172 துணை சுகாதார நிலையங்களுக்குப் புதிய சொந்தக் கட்டிடங்கள் கட்டித் தரப்படும்.

* பாம்புக்கடி, தேள்கடி, நாய் கடிக்கான மருத்துவ வசதி அனைத்து ஆரம்ப சுகாதார நிலை யங்களிலும் 24 மணி நேரமும் அளிக்கப்படும்.

* கிராமப் புறங்களில் நவீன வசதிகளுடைய மருத்துவ மனைகளைத் தொடங்க முன் வருவோருக்கு அனைத்து உதவிகளும் ஊக்கமும் அளிக்கப்படும்.

* கோவில் குன்றுகளில் சுழல் மறு சீரமைப்புத் திட்டம், நிலங்கள் பாலைவனமாவதைத் தடுக்கும் திட்டம், தமிழ்நாடு காடு வளர்ப்புத் திட்டம், சுனாமி தாக்குதலில் பாதிப்பு ஏற்படாமல் இருக்க தமிழக கடலோரப் பகுதிகளில் கடலோர தொடர் தடுப்பு தோட்டங்கள் மற்றும் சதுப்பு நிலக்காடுகளில் மறு சீரமைப்பு பணிகள் ஆகியவை வெற்றிகரமாக நிறைவேற்றப்பட்டுள்ளன. தொடர்ந்து இத்திட்டங்கள் செயல் படுத்தப்படும்.

* கழிவு நீர்களும் நச்சுப் புகையும், மற்றைய வேதிப்பொருட்களும் நிலம், நீர், காற்று ஆகியவற்றை மாசு படுத்துவதோடு, மனித சமுதாயத்திற்கும் மற்ற உயிரினங்களுக்கும் பெரிதும்பபபாதிப்பை ஏற்படுத்துகின்றன. இந்தக்கேடுகளை தடுத்து சுற்றுப்புற தூய்மை பேணிப் பாதுகாக்கப்பட விரைவான செயல் திட்டங்களும் கடுமையான நடவடிக்கைகளும் எடுக்கப்படும்.

* சுனாமி பேரழிவால் ஏற்கெனவே குடும்ப நல அறுவை சிகிச்சை செய்து கொண்டு குழந்தைகளை இழந்த பெற்றோர்க்கு இலவச மறு அறுவை சிகிச்சை செய்துகொள்ள ஏற்பாடு செய்யப்பட்டுள்ளது.அங்கீகரிக்கப்பட்ட தனியார் மருத்துவமனைகளில் இந்த அறுவை சிகிச்சை ஒன்றுக்கு ஆகும் செலவாக 25,000 ரூபாய் வழங்கப்பட்டு வருகிறது.


* மதுரையை உற்பத்தி மைய மாக கொண்டு விருதுநகர், ராமநாதபுரம், திருநெல்வேலி, திண்டுக்கல் மாவட்டங்களை துணை உற்பத்தி மையமாகக் கொண்டு தொழிற்சாலைகள் தொடங்க நடவடிக்கை எடுக்கப் படும்.

* தூத்துக்குடியை முக்கிய ஏற்றுமதி மண்டலமாக ஆக்க முயற்சி எடுக்கப்படும்.

* சென்னையை போல், கோயம் புத்தூர், மதுரை, திருச்சி, சேலம், திருநெல்வேலி ஆகியவற்றின் கட்டமைப்பு வசதிகளை மேம்ப டுத்தி அதைச்சுற்றி உள்ள கிராம பொருளாதாரத்தை மேம்படுத்த நடவடிக்கை எடுக்கப்படும்.

* தற்போது இளைஞர்கள் வேலை வாய்ப்பினை தேடி காத்திருக்கும் சூழ்நிலை உள்ளது. மேலும் தொழில் செய்ய விரும்பு வோர் மற்றும் சொந்த முயற்சியினால் வெவ்வேறு வகையில் வேலை வாய்ப்பினை தாமாகவே ஏற்படுத்திக்கொள்ள முன் வரு வோர் போன்றவர்களை ஊக்கு விக்கும் பொருட்டு தகுந்த பல திட்டங்களை தீட்டி வேலையில்லா திண்டாட்டத்தை போக்கவும், தொழிற்சாலைகளுக்கேற்ற மனித வளத்தை மேம்படுத்தவும் தீவிர நடவடிக்கை எடுக்கப்படும்.

* உடல் ஊனமுற்ற தொழிலா ளர்கள் பயனடையும் வகையில் செயற்கைக்கால், கை, காது கேட்கும் கருவி போன்ற உபகர ணங்கள் நல வாரியங்களின் வாயிலாக வழங்கப்பட்டு அவர் களின் வாழ்க்கைத் தரம் உயர்த்தப் படும்.

அறிவியல் தொழில்நுட்ப மேம்பாட்டிற்கு மூலக்காரணங்களாக விளங்குபவை சிறு தொழில் நிறுவனங்களே. ஆகவே சிறு தொழில்களை ஊக்குவிக்கவும், கிராமங்களில் தொழில் வளர்ச் சியை ஏற்படுத்தவும், "புதிய அண்ணா மறுமலர்ச்சித்திட்டம்'' "நமது கிராமம் திட்டம்'' போன்ற பல்வேறு புரட்சிகரமான செயல் திட்டங்கள் தொடர்ந்து மேற் கொள்ளப்படும்.

* நெசவாளர்களின் நலம் பேணும் வகையில் "தமிழக முதல்-அமைச்சரின் நெசவா ளர் நலன் பாதுகாப்பு திட்டம்'' என்ற ஒரு திட்டம் அறிமுகப்ப டுத்தப்பட்டு அது நடைமுறைப்படுத்தப்படும்.

* சிட்டா நூலுக்கு விதிக்கப்படும் வரியில் இருந்து விலக்கு அளிக்க முயற்சி மேற்கொள்ளப்படும்.

* ஒரு நாட்டின் வளர்ச்சி மற்றும் முன்னேற்றம் அந்நாட்டின் மனித வளம், சமூக நலம் பேணுவதில்தான் உள்ளது. எனவே குழந்தைகள் முதல் முதியோர் வரை அனைவரின் நலத்திற்கும் பல்வேறு உன்னதத்திட்டங்கள் தொடர்ந்து செயல்படுத்தப்படும்.

பெண்களுக்கு கல்வி, வேலை வாய்ப்பு, அதிகார பிரநிதித்துவ அமைப்புகளில் 33 சதவீத இட ஒதுக்கீட்டை முழுமையாக பெற் றுத்தர அனைத்து முயற்சிகளும் மேற்கொள்ளப்படும்.

* புதிய முதியோர் இல்லங்கள் துவக்க முன் வரும் தொண்டு நிறுவனங்களுக்கு தேவையான உதவிகளும் ஊக்கமும் அளிக்கப்படும். வயது முதிர்ந்தோருக்கு வரக்கூடிய பிரத்யேகமான நோய்களை கருத்தில் கொண்டு அவர்களுக்கு முறையான சிறப்பு மருத்துவ சிகிச்சை அளிக்க அனைத்து மாவட்ட மருத்துவ மனைகளிலும் முதியோர் நல மருத்துவ பிரிவு தொடங்கப்படும்.

* தமிழ்நாட்டில் மொத்தம் 81,787 குடியிருப்புகள் உள்ளன. அவைகளில் 37,165 ஆதி திராவிடர்கள் உள்ள குடியிருப்புகளும், 3,632 பழங்குடியினர் உள்ள குடியிருப்புகளும் ஆகும். இக்குடியிருப்புகளில் படிப்படி யாக மாலை நேர அரசு தனி பயிற்சி மையங்கள் தொடங்கப்படும்.

* ஒவ்வொரு மாவட்டத்திலும் ஆதிதிராவிடர் மற்றும் பழங்குடியினர் நலனுக்காக தொழில் பயிற்சி மையம் உருவாக்கப்படும்.

* சமுதாயத்தில் நலிவுற்ற நிலையில் வாழும் ஆதிதிராவிட மற்றும் பழங்குடியின மக்களுக்கு ஆதரவுக்கரம் நீட்டி அரவணைத்துப் பாதுகாப்பதில் என்றென்றும் தனி கவனத்துடன் செயல்பாடுகள் மேற்கொள்ளப்படும்.

* முஸ்லிம்கள் மற்றும் கிறிஸ்தவர்களிடம் இருந்து பெறப்பெற்ற கோரிக்கை மனுக்களை கவனமாக பரிசீலித்து பொருத்தமான பரிந்துரைகள் அளிப்பதற்காக அவை திருத்தியமைக்கப்பட்ட தமிழ்நாடு பிற்படுத்தப்பட்டோர் நல ஆணையத்திற்கு அனுப்பி வைக்கப்படும். திருத்தியமைக்கப் பட்ட தமிழ்நாடு பிற்படுத்தப்பட்டோர் நல ஆணையத்தின் பதவிக்காலம் ஓராண்டு காலம் ஆகும். ஆணையத்தின் பரிந்துரைகளின்படி இட ஒதுக்கீடு வழங்குவது குறித்து அனைத்து நடவடிக்கைகளும் உறுதியாக மேற்கொள்ளப்படும்.
* தொழிலாளர் சேம நல நிதிக்கான வட்டி வீதத்தை 9.5 சதவீதத்தில் இருந்து 8.5 சதவீதமாக குறைத்த மைய தி.மு.க. கூட்டணி ஆட்சியின் முடிவைக் கடுமையாக எதிர்ப்பதுடன், மீண்டும் 9.5 சதவீத வட்ëடி கிடைக்கக் கழக அரசு வற்புறுத்தும்.

* நெய்வேலி நிலக்கரி சுரங்கத்தல் பணியாற்றுகின்ற பல ஆயிரக்கணக்கான தொழிலாளர்கள் வேலை வாய்ப்பை இழக்க வகை செய்யும் வகையில் தனியாருக்கு தாரை வார்க்கும் மைய அரசின் முடிவைக் கடுமையாக எதிர்ப்போம்.

* உள்ளூர் தொழில் வேலை வாய்ப்புகளுக்கு ஏற்ப, தொழிற் சார்ந்த பயிற்சி மையங்கள் அமைத்து வேலையில்லா திண் டாட்டத்தை போக்க உறுதியான நடவடிக்கைகள் மேற்கொள்ளப்படும்.

* பனை ஏறும் தொழிலாளர் பாதுகாப்பிற்காக பாதுகாப்பு திட்டம் ஏற்படுத்தப்படும்.

* அமைப்பு சாரா தொழிலாளர்கள் நலன் பேணப்படும். இவர்களுடைய பொருளாதார முன்னேற்றத்திற்கு கழக அரசு தனிக் கவனம் செலுத்தி தேவையான நடவடிக்கைகளை எடுக் கும்.

அனைவருக்கும் வீடு என்ற குறிக்கோளை ஒரு இலக்காக கொள்கையாக கடைபிடித்து செயல்படுத்தும் விதமாக தமிழ் நாடு வீட்டு வசதி வாரியம், வீட்டு வசதி கூட்டுறவு சங்கங்கள், தமிழ்நாடு கூட்டுறவு வீட்டு வசதி இணையம் மற்றும் தமிழ்நாடு குடிசைப்பகுதி மாற்று வாரியம் ஆகிய அமைப்புகளின் மூலம் தகுந்த குடியிடங்களை உருவாக்கி தரும் அரும்பெரும் திட்டங்கள் தொடர்ந்து நிறைவேற்றப்பட்டு செயல்படுத்தப்படும்.

* கிராமப்புறங்களிலும், நகர் புறங்களிலும் புற நகரங்களிலும் வாழ்கின்ற மக்கள், நவீன தொழில்நுட்பத்துடன் கூடிய உயர்ந்த தரத்தோடு அனைத்து வசதிகளையும் வாழ்க்கை தரத்தை உயர்த்தும் வீட்டு வசதியோடு சேர்த்து பெற அனைத்து முயற்சி களும் தொடர்ந்து மேற்கொள் ளப்படும்.

* நடைபாதை வாழ் மக்களுக்கு வாழ்விடம் வழங்குவதற்கு உரிய நடவடிக்கைகள் தொடர்ந்து மேற்கொள்ளப்படும்.

* அறநிலையத்துறையில் ஏற்படும் இளநிலை உதவியாளர் பணியிடங்களில் திருக்கோவில் பணியாளர்களை தகுதி அடிப்படையில் நியமிக்கப்படுவதற்கு முன்னுரிமை வழங்கப்படும்.

* திருக்கோவில் பணியாளர்கள் மருத்துவ சிகிச்சைக்காக நிதி உதவி பெற மருத்துவக்காப்பீட்டு திட்டம் அமல்படுத்த நடவடிக்கை எடுக்கப்படும்.

* மத்திய, மாநில அரசின் உதவியுடன் செயல்படுத்தப்படும் தேசிய கடலோர மீனவர் சேமிப்பு நிவாரண திட்டத்தில் மீன் பிடிப்பு தொழில் செய்ய முடியாத நான்கு மாத காலத்திற்கு தற்போது மீனவர் பங்கு 600 ரூபாய், மாநில அரசின் பங்கு 300 ரூபாய், மத்திய அரசின் பங்கு 300 ரூபாய், ஆக மொத்தம் 1200 ரூபாய் வழங்கப்படுகிறது. இது மீனவ மகளிருக்கும் பொருந்தும். இதில் மத்திய அரசின் பங்கை உயர்த்தக்கோரி வலியுறுத்தி அதன் மூலம் மாநில அரசின் பங்கும் உயர்த்தப்படும். அதன்படி மீனவர் பங்கு அதே 600 ரூபாய், மாநில அரசின் பங்கு 600 ரூபாய், மத்திய அரசின் பங்கு 600 ரூபாய் என்று உயர்த்தப்பட்டு மொத்தம் 1800 ரூபாயாக உயர்த்தி வழங்க முயற்சி எடுக்கப்படும். இந்த உயர்த்தப்பட்ட நிவாரண திட்டம் மீனவ மகளிருக்கும் தொடர்ந்து செயல்படுத்தப்படும்.

* மீன்வர்களின் வாழ்வாதாரமான விசைப்படகுகள், சிறிய விசைப்படகுகள், நாட்டுப் படகுகள், வல்லம், உட்பொருத்தும், வெளிப்பொருத்தும், இயந்திரம் பொருத்தப்பட்ட சிறிய கட்டு மரம் மற்றும் கண்ணாடி இழைப்படகுகள் இயற்கை சீற்றத்தினாலோ, எதிர்பாராத சூழ்நிலையிலோ சேதம் ஏற் படும் பட்சத்தில் அதற்கான காப்பீடு செய்ய வசதி இல்லாத காரணத்தால் மீனவர்களது வாழ்வே கேள்விக்குரியதாகி விடுகிறது.

இதிலிருந்து மீனவர்களை பாதுகாத்து அவர்களின் வாழ்வில் மறுமலர்ச்சி ஏற்படுத்த குறைந்த தொகை பெற்று காப்பீடு செய்ய வழிவகை செய்யப்படும். இதன் மூலம் மீனவர்கள் பாதிப்பு ஏதுமின்றி தங்களது மீன்பிடி தொழிலை தொடர இயலும்.

* தமிழக கடலோர பகுதிகளில் புதிய மீன்பிடி துறைமுகங்கள் மற்றும் மீன் இறங்கு தளங்கள் ஏற்படுத்தப்படும்.

* கடல் மீனவர்களுக்கு மானியத்துடன் கூடிய தொலைத் தொடர்பு சாதனங்கள் வழங்க நடவடிக்கைகள் மேற்கொள் ளப்படும்.

* கடலோர மீனவர்களின் இழுவை விசைப்படகுகளை ரத்த சூரை மீன்களை பிடிக்க ஏதுவாக ஆழ்கடல்பபபமீன்பிடி கலன்களாக மாற்ற தேவையான வசதிகளை ஏற்படுத்திக் கொடுத்தல் ஆகிய முயற்சிகள் மேற்கொள்ளப்படும்.

* உழவர் பாதுகாப்பு திட்டம் போன்றே மீனவர் பாதுகாப்பு திட்டம் செயல்படுத்தப்படும்.

* கச்சத்தீவை சுற்றியுள்ள பாக் ஜலசந்தியில் தமிழ்நாடு மீன வர்களுக்கு எதிரான வன்முறை சம்பவங்கள் தொடர்ந்து நடை பெற்று வருகின்றன. இதை தடுக்கும் விதமாக கச்சத்தீவு பகுதியில் இயல்பான மீன்பிடி நடவடிக்கைகளை மேற் கொள்வதற்கான இந்திய மீனவர்களின் பாரம்பரிய மீன்பிடி உரிமைகளையும், சிறப்புரிமைகளையும் பாதுகாக்கும் நல்ல நோக்கத்தில் இந்திய அரசு கச்சத்தீவை, நிரந்தர குத்தகை அடிப்படையில் பெற வேண்டும் என்பதை மத்திய அரசிடம் தொடர்ந்து வலியுறுத்துவோம்.

* தமிழ் இசை, நாட்டுப்புறக்கலைகள், தெருக்கூத்து, கிராம நாட்டியம், நாடகம், பரதக்கலை, கர்நாடக இசை, ஆகிய தமிழ்ப் பண்பாட்டுக் கலைகள் பேணிப் பாதுகாக்கப்படும்.

* தமிழ் மொழிக்காக வாழ்ந்த, வாழ்கின்ற அறிஞர்களின், கவிஞர்களின் சிந்தனையாளர்களின் படைப்புக்களும், வாழ்க்கை நிலையும் போற்றிப் பாதுகாக்கப்படும்

* உலகில் பல பகுதிகளில் வாழும் தமிழ் மக்களின் மொழி, பண்பாடு, கலை, மரபு, வாழ்க்கை முறைகளுக்கு எந்த சக்தியாலும் ஊறு நேரா வண்ணம் அவர்களின் சுயமரியாதையும் அமைதியான வாழ்வும் நிலைத்திட தகுந்த நடவடிக்கைகள் மேற்கொள் ளப்படும்.

* அயல் நாட்டு இந்திய வம்சா வழித்தமிழர்களின் தொழில் முனைவோர் கூட்டம் ஆண்டு தோறும் நடத்தப்படும்.

* 1983 ஆம் ஆண்டு முதல் இலங்கை அகதிகளுக்கு மலிவு வகையில் ஒரு கிலோ அரிசி 57 பைசா என்ற அடிப்படையில் ஆண்டுக்கு 7 கோடி ரூபாய் செலவில் வழங்கப்படுகிறது. ஆனால் 2005 ஆம் ஆண்டு ஆகஸ்ட் மாதம் முதல், மத்திய அரசு இத் திட்டத்திற்குக் கொடுக்கும் மானியத்தை நிறுத்தி விட்டது. உலகத் தமிழர்களுக்காக குரல் கொடுப்போம் என்று நீலிக் கண்ணீர் வடிக்கும் தி.மு.க.வின் மத்திய அமைச்சர்கள், மத்திய அரசின் இந்த முடிவை கண்டிக் காமல் வாய் மூடி மவுனம் காத்து வருகின்றனர். தமிழகத்தில் உள்ள 50,730 இலங்கை அகதி களின் வாழ்வையே கேள்விக்குறி ஆக்கிவிடும் மத்திய அரசின் இந்த முடிவை உடனடியாக கைவிட வேண்டும் என்று வற்புறுத்தப்படும்.

* மைய அரசின் அரிசி கொள்முதல் விலை ஏற்றத்தையும், அரிசி அளவு குறைப்பையும் கடுமையாக எதிர்ப்பதுடன், தொடர்ந்து பொது விநியோக முறையில் அதே குறைந்த விலை யிலேயே அரிசி வழங்கப்படும்.

* மகளிர் சுய உதவி குழுக்கள் நியாய விலைக்கடைகளை நடத்த அனுமதிக்கப்பட்டுள்ளது. மேலும் மகளிர் சுய உதவிக்குழுக்கள் அதிக எண்ணிக்கையிலான கடைகள் நடத்த நடவடிக்கை எடுக்கப்படும்.

* நிலுவையில் உள்ள வரிகளை வசூலிக்கப் புதிய சமாதானத் திட்டம் அனைவரும் ஏற்கக்கூடிய வகையில் நடைமுறைப்படுத்தப்படும்.

* மதிப்பு கூட்டு வரியினை அமர்படுத்துவதனால் வணிகர் களுக்கு ஏற்படும் சிரமங்களைப் போக்குகின்ற வகையில், மைய அரசு வணிகர்கள், உற்பத்தியாளர்கள் மற்றும் அனைவரும் ஏற்கக்கூடிய அளவில் சட்டத் திருத்தம் கொண்டு வரும் வரையில், தமிழகத்தில் மதிப்புக் கூட்டுவரி அமல்படுத்தவில்லை என்பதைச் சுட்டிக்காட்டும் அதே நேரத்தில், வணிகர்கள் நலன் பாதுகாக்க அனைத்து நடவடிக் கையும் எடுக்கப்படும் என உறுதி அளிக்கிறோம்.

* சிறு வணிகர்கள் நலன் காக்க, அவர்களின் வாழ்க்கைக்கு உத்தரவாதம் அளித்திடும் வகையில் புதிய திட்டங்கள் மேற்கொள் ளப்படும்.

* மத்திய அரசு மறைமுகமாக சமையல் எரிவாயு சிலிண்டரின் விநியோகத்தை கட்டுப்படுத்தி, பொதுமக்கள் எரிவாயு எளிதாக பெறுகின்ற சூழ்நிலையை மாற்றி பல நிபந்தனைகளை விதித்து கடுமையான கட்டுப்பாட்டை விதிப்பதன் காரணமாக, ஏழை, எளிய, நடுத்தர மக்கள் மிகவும் பாதிப்புக்கு உள்ளாகின்றார்கள். மத்திய அரசின் தவறான கொள்கைகளின் காரணமாக ஏற்பட்ட நஷ்டத்தை ஈடு செய்ய இதுபோன்ற கட்டுப்பாடுகளை விதித்து மக்கள் மீது பாரத்தைச் சுமத்தும் மத்திய அரசின் மக்கள் விரோதச் செயலுக்கு முற்றுப் புள்ளி வைக்க நடவடிக்கை எடுப்போம்.

தமிழ், தமிழன், தமிழ்நாடு மேம்பாடு அடையவும், தமிழ் நாட்டு மக்களின் இயல்பு வாழக்கை, எதிர்காலம், பண்பாடு, நாகரீகம், கலைகள், மனித நேயம், மனித மதிப்பு, ஆளுமைத் திறன், கல்வி, அறிவியல் ஆற்றல், உளவியல் மேம்பாடு என அனைத்துத் துறைகளிலும் தமிழ்நாடு சிறக்கவும், அல்லும் பகலும் சிந்தனையாலும், செயலாலும் உழைக்கும் அரிய தலைவி அம்மா அவர்களின் சீரிய வழி காட்டுதலில் உயரிய தலைமை யில் உண்மையான மக்கள் இயக்கமாக இயங்கி வரும் அ.தி.மு.க. மீண்டும் இந்தத் தேர்தலில் வெற்றி வாகை சூடிட ஆதரவு தாருங்கள். இரட்டை இலைக்கு வாக்களியுங்கள் என்று வேண்டுகிறோம்.

இவ்வாறு தேர்தல் அறிக்கையில் கூறப்பட்டுள்ளது.

0 Comments: