நாமம் நக்கல் - சில கேள்விகள்

ஒரு வாரம் முன்பு திமுக முன்னணித் தலைவர் துரைமுருகன் மீது சென்னை நீதிமன்றத்தில் நாமம் இடுவது குறித்து நக்கலாகவும் இழிவாகவும் பேசியதாக வழக்கு தொடரப் பட்டுள்ளது.

கடந்த பிப்ரவரி 24-ம் தேதி சென்னை தலைமைச் செயலகத்தில் நடந்த தேர்தல் ஆலோசனைக் கூட்டத்தில் கலந்து கொண்ட துரைமுருகன், தேர்தல் அதிகாரி கோபால்சாமி பற்றி கிண்டலாகப் பேசியுள்ளார். அது

"கோபால்சாமி நாமம் போட்டு வந்துள்ளார், நமக்கும் நாமம்தான் போடுவாரோ... யாருக்குத் தெரியும்' என்று பத்திரிகையாளர்களிடம் துரைமுருகன் கூறியுள்ளார்.

அகில பாரத கிருஷ்ண சேவா சங்கத்தின் தலைவர் சுவாமி. கோவிந்தராமானுஜதாசா, சென்னை ஜார்ஜ் டவுன் நீதிமன்றத்தில் இவ்வழக்கைத் தாக்கல் செய்துள்ளார்.

நெற்றியில் தினமும் நாமம் இட்டுக் கொள்ளும் வைணவர்களுக்கு அவரது பேச்சு மனவேதனையை அளித்துள்ளது. எனவே அவர் மீது சட்டப்படி நடவடிக்கை எடுத்து, அவரைக் கைது செய்து தண்டிக்க வேண்டும். இந்திய தண்டனைச் சட்டம் 504, 505, 295-ஏ ஆகிய பிரிவுகளின் கீழ் துரைமுருகன் தவறு செய்துள்ளார் என்று மனுவில் கூறப்பட்டுள்ளது. இம்மனு மார்ச் 23-ம் தேதி விசாரிக்கப்படும்.

( தினமணி செய்தி இங்கே )


சில கேள்விகள்:

1. ஏன் எந்த பத்திரிகையும் இதைக் கண்டிக்கவில்லை.

2. ஏன் எந்த வலைப்பதிவும் இதைக் கண்டிக்கவில்லை.
( பிராமண மாநாடு பேச்சுகள் ( மாநாட்டுக்கு போகாமல்) பற்றி வேட்டி, பாவாடையை வரிந்து கட்டிப் பேசினார்கள் என்பது வேறு விஷயம்.)

3. ஏன் கலைஞர் அல்லது எந்த அரசியல் கட்சியும் ( பாஜக, இந்து முன்னணி உட்பட (கருத்துதெரிவித்திருக்கலாம்)) இதற்கு ஒரு சின்ன கண்டனம் கூட தெரிவிக்கவில்லை. ( கார்டூன் போட்டால் தான் தெரிவிப்பார்களா ?)

4. தேர்தல் அதிகாரி ஒரு இஸ்லாமியராக இருந்திருந்தால் துரைமுருகன் இப்படிக் கூறியிருப்பாரா ? ( கருத்து சுதந்திரம் ? )