பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Monday, January 12, 2015

சென்னை புத்தக கண்காட்சி - 2015 - ஸ்ரீராம்

இந்த முறை ஒய்எம்சீஏ மைதானத்தில் - ரோட்டை கடந்து உள்ளே செல்வதே ஒரு பெரிய வைகோ நடை பயணம். மொத்தம் எழுநூறு ஸ்டால்கள், இந்த முறை இடம் இல்லததால் 200 பதிப்பகங்களுக்கு இடம் இல்லை. இரண்டாம் நாள் என்பதால் ஆங்கங்கே வயர்கள் தொங்கி, நம்மையும் தொங்கலில் விட்டன. எப்பொழுதும் போல் "ஸ்டால் 203க்கு எலக்ட்ரிசியன் அனுப்பவும்", "ஆதம்பாக்கத்தை சேர்ந்த குமாரசாமி எங்கிருந்தாலும் வரவும், உங்களது பத்து வயது மகன் மாதவ் உங்களை பிரிந்து தவித்து கொண்டிருக்கிறார்" போன்ற அறிவிப்புகளுக்கு குறைவே இல்லை. தாங்க முடியாதது அந்த ஆச்சி மசாலா விளம்பரங்கள். பந்தல் அமைப்பு, பார்கிங், தண்ணீர், உணவகங்கள் அனைத்தும் நிறைவாக இருந்தன. ஏன் இன்னும் கழிப்பறைகள் அப்படியே உள்ளன? நுழைவு சீட்டு கொடுப்பதற்கு ஒரு வரிசை தான் வைக்க வேண்டுமா என்ன?

பிரபலங்களின் கூட்டத்திற்கும் குறைவே இல்லை - சாரு ஜீன்ஸ் பாண்டில் வந்திருந்தார், பத்ரி அந்த பாக் பாக்கில், மற்றும் மனுஷ தன் வழக்கமான ஹேர் ஸ்டைலில் வந்திருந்தார் - எங்கே இங்கயும் ஒரு பார்பன யுத்தம் நடக்குமோ என்று தோன்றியது - நல்ல வேலை பிழைத்தேன். முக்தா ஸ்ரீநிவாசன் குழந்தைகளுக்கு நல்ல செய்திகளை சொல்லி கொண்டிருந்தார். வெளியே மேடையில் கார்ல் மார்க்ஸ் பிராஹ்மி, தமிழ் விஷயங்களை அலசி கொண்டிருந்தார் - அங்கே துணி போர்த்திய வெள்ளை நாற்காலிகளை தவிர்த்து ஏனையவை நிரம்பியிருந்தது ஆச்சரியம்!

குமுதம், விகடன், தினமலர், ஹிந்து, நக்கீரன் போன்ற பத்திரிகைகள், விடாமல் பிரசுரம் நடத்தி புத்தக விழாவிற்கு வருவது பாராட்டத்தக்கது. விகடன், உயிர்மை,கிழக்கு, காலச்சுவடு ஸ்டால்களில் நல்ல கூட்டம் - இந்த வரிசையில் நல்ல வியாபாரம் பார்த்தது இன்போர்மேஷன் மினிஸ்ட்ரியின் புத்தகங்கள். சாஹித்ய அகடமியின் புத்தங்கங்கள் அதி மலிவு கிடைத்தன. மணிமேகலை, வானதி, அல்லையன்ஸ், கிரி டிரடிங்க் போன்றவை வழக்கமான கூட்டங்களை கொண்டிருந்தன. பெரியார், அம்பேத்கர், ஹிந்து, முஸ்லிம் இலக்கிய கடைகளில் நல்ல காற்று கிடைத்தது. எப்பொழுதும் போல் இந்த வருடமும் கல்கியே ஜெயிக்கிறார் - பொன்னியின் செல்வன் தான் நாயகன் என்று சொல்ல தேவையே இல்லை.

சில வருடங்களை நான் பார்த்த வரையில் அதிகமாக விற்பனையாவது குழந்தைகள் புத்தகங்கள் தான். முகநூல், வாட்ஸ் ஆப் காலத்தில் இன்னும் ஓலை சுவடி காலத்தில இருப்பது போல தோன்றுவது தவிர்க்க முடியவில்லை. இ புக் வடிவத்தில் இன்னும் ஏன் முன்னேறவில்லை? கண்காட்சி வலைதளத்தின் மூலம் பத்து நாட்களுக்கு குரியரில் விற்பனை செய்வதாக அறிவித்துள்ளனர் - அப்படியே அமேசான்,ப்ளிப்கார்டிலும் விற்பனை செய்யுங்கள. நிச்சியமாக புது யுகம் தான்.


திரும்பும் பொழுது நம்ம ஆட்டோ கிடைத்ததில் பிறவி பலன் அடைந்தேன். நன்றி.

படங்கள்:
- Sriram Sundaresan

சரக்கு மாஸ்டர் பற்றி எழுதாதது மிகுந்த வருத்ததை தருகிறது. அடுத்த புத்தக கண்காட்சி பதிவு யாருடையது ?

7 Comments:

Anonymous said...

//சாரு ஜீன்ஸ் பாண்டில் வந்திருந்தார், பத்ரி அந்த பாக் பாக்கில், மற்றும் மனுஷ தன் வழக்கமான ஹேர் ஸ்டைலில் வந்திருந்தார்//

oh ok. I thought nobody wear dress over there

Anonymous said...

Waiting for Thuglak Aandu Vizha podcast.

Anand, USA

Anonymous said...

There is no interesting posts in Idly vadai nowadays. Only one comment for bookfaire.No cho annual meeting report.

Anonymous said...

IV, Where is the podcast of Thuglak Aandu Vizha?

youtubeuser said...

audio on Cho thuglak function please

Thanks,

Anonymous said...

why no post this year on Thuglaq meet

Bala Kumar said...

After study a few of the blog posts on your website now, and I truly like your way of blogging. I bookmarked it to my bookmark website list and will be checking back soon. Pls check out my web site as well and let me know what you think.
Tamil Kavithai