பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Sunday, December 14, 2014

நீயொரு பாப்பானா ? - 1 - Narain Rajagopalan

Disclosure 1: நானும் அதே அதாவது i just happened to born to parents, who consider themselves as Brahmin. திட்டுவதற்கு வசதியாக வேண்டுமானால், கமல்ஹாசன், கிரேசி மோகன், சுஜாதா, ரா.கி. ரங்கராஜன், பத்ரி வரிசையில் நானும் வடகலை ஐயங்கார் தான் (at-least on paper)
Disclosure 2: இந்த கட்டுரையை நான் எழுதுவதால், நான் எங்கெல்லாம் அடி வாங்குவேன்; எங்கெல்லாம் எனக்கு ஆப்பு வைப்பார்கள்; அமெரிக்காவிலிருக்கும் ஒரு பெருங்கூட்டமே என்னை நிராகரிக்கும்; எப்படியெல்லாம் corner செய்யப்படுவேன் என்று தெரியும். பாம்பின் கால் பாம்பறியும்.
Long Read. பொறுமையாய் படிக்க....
இது பத்ரியின் இன்றைய டைம்ஸ் ஆஃப் இந்தியா கட்டுரைக்கான என்னுடைய மாற்றுப் பார்வை. அவர் எழுதியதன் சாராம்சத்தை ஏற்கனவே காலையிலேயே எழுதிவிட்டேன்.
கிரிக்கெட்:
வெங்கட்ராகவனில் ஆரம்பித்து முரளி விஜய், அஸ்வின், தினேஷ் கார்த்திக் வரைக்கும் தமிழ்நாட்டில் கிரிக்கெட் ஆடத் தெரிந்த கூட்டமென்பது பிராமணர்கள் மட்டும் தானா ? ஏன் ரஞ்சியில் தமிழகத்துக்காக ஆட வாய்ப்பளித்த அப்பிராமணர்களுக்கு சீனு மாமா ஒரு தடவை கூட இந்திய அணியில் வாய்ப்பளிக்கவில்லை ? சீனு மாமா தானே TNCA / BCCI / ICC யின் மார்க்கண்டேய தலைவர். அவர் சொன்னால் ஆட முடியாமல் போனாலும், 12th மேனாக கூட போயிருக்கலாமே. அது கூட நடக்கவில்லையே.
Do you want me to believe that this is just coincidental or by design ?


வர்ணாசிரம தர்மம்:
அந்த மாதிரி ஒன்று இல்லவே இல்லை, அது திராவிட பரதேசிகளின் கட்டுகதை என்று நீங்கள் சொல்வதை முழுமையாக நம்ப தயாராக இருக்கிறேன். ஆனால், உங்களுடைய சமூகம் மனுஸ்மிருதியை best constitutional guidance book என்று போகிற இடங்களிலெல்லாம் சொல்வதால், அதிலிருந்து ஒரு துளி.
வட்டி விகிதம் - பிராமணனுக்கு 2%; ஷத்ரியனுக்கு 3%; வைசியனுக்கு (aka பனியாக்களுக்கு) 4%; சூத்திரர்களுக்கு 5% இதெல்லாம் மாத வட்டி. இதை எழுதியிருக்கும் நூலை தான் உங்களுடைய சமூகமும், நீங்கள் முன்வைக்கும் அரசியல் சித்தாந்த பேதிகளும் தலையில் தூக்கி வைத்துக் கொண்டாடுகிறது. இதில் புலப்படுவது இரண்டு விஷயங்கள். ஒன்று, நீங்கள் பவுன்சரடித்த வர்ணாசிரம தர்மம் நடக்கவேயில்லை என்கிற புரூடா; இரண்டு, அங்கேயும் பிராமணர்களுக்கு முதல் மரியாதை என்பதும். சந்தேகமிருப்பின் மனுஸ்மிருதியை படித்துக் கொள்ளுங்கள்.
கல்வி & அதிகாரம்:
2000 வருட வர்ணாசிரம கட்டமைப்புக்கு ஆதாரங்கள் இல்லை என்று முழு பூசணிக்காயை போகிறப் போக்கில் சோற்றில் மறைக்கலாம். ஒரு வாதத்துக்கு அப்படியே வைத்துக் கொள்வோம். இந்தியாவில் பார்ப்பனர்கள் நிலை பற்றியெல்லாம் பேச வேண்டாம். 14 -17 ஆம் நூற்றாண்டுகளில் இந்த பகுதியை (சென்னை / ஆந்திரம்) ஆண்டவர்கள் விஜயநகர பேரரசு. கொஞ்சமாய் வரலாற்றினை திருப்பிப் பார்த்தால் விஜயநகர பேரரசில் பார்ப்பனர்கள் எந்தளவிற்கு கோலோச்சினார்கள் என்பது தெளிவாக விளங்கும். விஜயநகர பேரரசு என்பதாவது வரலாற்று உண்மை என்கிற அளவில் நீங்கள் ஒத்துக் கொள்வீர்கள் என்று நம்புகிறேன்.
குமார வியாசரை (மகாபாரதத்தின் தெலுகு வெர்ஷன்) விஜயநகர பேரரசு கொண்டாடித் தீர்த்தது. அவர் பிராமணர். ஆனால் இராமாயணத்தை தமிழில் எழுதிய கம்பர் பிராமணர் அல்லர். அதே விஜயநகரப் பேரரசின் ஆட்சிக் காலத்தில் தான் பக்தி மார்க்கம் பெருகத் தொடங்கியது. மத்வாச்சாரியார் அங்கிருந்து போய் தான் பக்தி இலக்கியத்தை முன்னெடுத்தார். மாத்துவ பிராமணர்கள் இன்றைக்கும் உடுப்பி, ஹட்சனில் கோலோச்சுகிறார்கள். ஆக கையில் வைத்திருக்கும் வரலாற்றைப் பார்த்தாலே 14-வது நூற்றாண்டிலிருந்து பிராமணர்கள் அரசனுக்கும், அதிகாரத்துக்கும், ஆட்சிக்கும் பக்கத்தில் தான் இருந்திருக்கிறார்கள். பிரிட்டிஷ் ஆட்சியில் கல்வி பயின்றதும், பாரிஸ்டரும், சர் பட்டமும் பெற்றவர்கள் யார் என்று ஊருக்கேத் தெரியும். இதில் எப்படி பிராமணர்களுக்கும், அதிகாரத்துக்கும் சம்பந்தமேயில்லை என்கிற சிக்ஸர் வந்தது ?
அங்கிருந்து நேரடியாக ஒரு ஜம்ப் கட் அடித்தால், இன்றைக்கு தமிழகத்தின் ஆட்சியினை நிர்ணயிப்பது முதல்வர் திரு. ஒ. பன்னீர்செல்வம் அல்ல. நிழலாய் இதை நடத்துவது செல்வி. ஜெயின் நேரடி கட்டுப்பாட்டில் இருக்கும் மூவர். திருமதி ஷீலா பாலகிருஷ்ணன், திரு ராமானுஜம், திரு வெங்கட்ரமணன். இவர்கள் மூவரும் லத்தீன் அமெரிக்கர்கள் என்று நீங்கள் சொல்ல மாட்டீர்கள் என்று நம்புகிறேன்.
திராவிட இயக்கங்களும், பார்ப்பனர்களும்:
ஒரு வேளை பிராமணர்களைத் தவிர்த்து மற்றவர்களும் கல்வி பயின்றிருந்தால், நூறு வருடங்களுக்கு முன்பு நீதிக் கட்சி ஏன் முதலில் பிராமணர்களை எதிர்த்தது ? பெரியாரெல்லாம் பின்னால் தானே பிராமண எதிர்ப்புக்கு வருகிறார். அதற்கு பின்பு தானே திராவிட அரசியல் இயக்கங்கள். ஆக பார்ப்பன எதிர்ப்பு என்பதை திமுக/திக-வாக சுருக்கி கலைஞரும், வீரமணியும் அயோக்கியர்கள் என்கிற முடிவுக்கு வருகிறீர்கள். இதுவே ஒரு புரட்டு.
சரி 1967-இல் அண்ணா தலைமையில் திமுக ஆட்சிக்கு வந்துவிட்டது. அப்போது மயிலையிலும், திருவல்லிக்கேணியிலும் பார்ப்பனர்கள் தானே இருந்தார்கள். நியாயப்படிப் பார்த்தால் பார்ப்பன எதிர்ப்பு கொள்கையினால் ஆட்சிக்கு வந்திருக்கக்கூடிய கட்சி இந்த இரண்டு தொகுதிகளிலும் படுதோல்வி அடைந்திருக்க வேண்டுமே ? 90களின் பிற்பகுதி வரைக்கும் இந்த இரண்டு தொகுதிகளும் திமுகவிடத்தில் தானே இருந்தன. ஆக, பிராமணர்கள் திமுகவினை / திராவிட இயக்கத்தினை எதிர்த்தார்கள் என்பது அடுத்த அல்வா. 70களின் பிற்பகுதியில் எமர்ஜென்சிக்கு பிறகு எம்.ஜி.ஆர் ஆட்சியைப் பிடிக்கிறார். அன்று அதிகார வர்க்கம் யாரிடத்தில் இருந்தது ? மலையாளி + பிராமணர்கள் வசம் தானே இருந்தது.
பார்ப்பன எதிர்ப்பு என்கிற அலையில் தான் திமுக மேலெழுந்தது என்பதை ஒத்துக் கொள்கிறேன். ஆனால் 1913-இல் ஆரம்பித்து (நீதிக்கட்சியாய்) 2014 டிசம்பர் ஒன்பதாம் தேதி, இன்று வரை திராவிட இயக்க ஆட்சியில் எத்தனை பார்ப்பனர்களின் சொத்துக்களை வன்முறையாளர்கள் சூறையாடியிருக்கிறார்கள் ? எத்தனை பேரை எரித்து கொன்றிருக்கிறார்கள் ? எத்தனை பார்ப்பனப் பெண்கள் மானபங்கப்படுத்தப் பட்டிருக்கிறார்கள் ? உங்களால் ஆதாரம் தரவே முடியாது. ஏனென்றால் அது நடக்கவேயில்லை. தமிழகத்தின் எந்த மூலைக்கும் ஒரு பார்ப்பனனால் எந்த பயமுமின்றி, எந்த அச்சுறுத்தலுமின்றி செல்ல முடியும். உங்களால் இந்த கியாரண்டியை ஒரு தலித்திற்கு, இஸ்லாமியனுக்கு, மதம் மாறிய கிறிஸ்துவனுக்கு, இடைநிலை சாதியிலும் கீழே இருப்பவனுக்கு தரமுடியுமா ? ஆனாலும், நீங்கள் பாதிக்கப்பட்டீர்கள், இந்த சனியன் பிடித்த இடைநிலை, சிறுபான்மை மனிதர்கள் யாரும் பாதிக்கப்படவில்லை. அது தானே அசோக் மல்ஹோத்ரா வழியாக நீங்கள் கண்டறிந்த உண்மை.
Victimization & Perception debunking:
பெரியார் பூமியாய் இருந்தாலும் உங்களை தானே இந்த மாநிலமே ‘சாமி’ என்று அழைக்கிறது. நல்லது, கெட்டது அத்தனையையும் உங்கள் சமூகத்தின் ஆசி இல்லாமல் இங்கே நடக்கவில்லையே. இத்தனையும் தாண்டி victimized செய்யப்பட்டேன் என்கிறீர்கள். victimization என்றால் என்ன என்பதை தலித்துகளிடம், அரிவாளால் வெட்டுண்டு சாகும் இடைநிலை சாதிகளிடத்தில் கேளுங்கள். அவர்கள் சொல்லுவார்கள். ஆனால் ஒரு நாளும், அவர்கள் தங்களை இந்த மாநிலமே எதிர்க்கிறது என்று நீலிக்கண்ணீர் வடிக்கமாட்டார்கள்.
ஆனால் நீங்கள் விதந்தோதும் பாஜகவும் / மோடியும் / காவிகளும் / சங் பரிவார்களும் ஆட்சியில் அமர்வதற்காக செய்த கொலைகளையும், சூறையாடல்களையும், வன்புணர்வுகளையும் என்னால் வரிசைப் படுத்தமுடியும். ஆட்சிக்கு வந்து விட்டதால் அமித் ஷா சொன்ன ‘பத்லா’ உங்களுக்கு செலக்டிவ் அம்னீஷியாவில் மறந்திருக்கலாம். எனக்கில்லை. பார்ப்பன ஆதிக்க வெறி என்பது இதுவா அல்லது கொள்கைரீதியாக உங்களை எதிர்த்தாலும், உங்கள் மீது சிறு துரும்பு கூட படாமல் காத்த திராவிட இயக்கங்களா ?
இன்று வரை இந்து முன்னணி இன்னபிற இந்து மேன்மையை தூக்கிப்பிடிக்கும் இயக்கங்களின் உறுப்பினர்களில் 120க்கும் மேற்பட்டவர்கள் கொல்லப்பட்டிருக்கிறார்கள். இவர்கள் யாருமே கொள்கைகாகவோ, கோட்பாடிற்காகவோ கொல்லப்படவில்லை. அத்தனையும் ரியல் எஸ்டேட், கள்ளக்காதல், கட்டப் பஞ்சாயத்து மாதிரியான காரணங்கள். ஆனால் இதே ஊரில் லீலாவதி மாதிரியான இடதுசாரிகள் கொள்கைகாகவும், மக்களுக்காகவும் கொல்லப்பட்டிருக்கிறார்கள் என்பதாவது நினைவிருக்கிறதா ?
இந்த யோக்கியசீலர்களையும், இதன் மேல் மாடியான பார்ப்பனர்களையும் தானே நீங்கள் தூக்கிப் பிடிக்க நினைக்கிறீர்கள் ? இது தான் ‘ஹிந்துத்வ இலட்சணம்’. இதில் ஏதாவது அறம் இருக்கிறதா ?
Statistical Truths:
இந்தியா முழுக்க பிராமணர்களாக அறியப்பட்ட வெவ்வேறு படிநிலைகளில் இருக்கும் பிராமண சமூகம் வெறும் 3-4% ரவுண்டாய் வைத்துக் கொண்டால் 5%. அதாவது 130 கோடி மக்கள் தொகையில் 6.5 கோடி. வழிவழியாய் வந்த வர்ணாசிரம கோட்பாட்டில் (அதை அவர் ஒத்துக் கொள்ளவில்லையென்றாலுமே கூட) பிராமின் - பனியா இணை என்பது ஒரு perfect combination. இந்தியாவின் பெரும்பான்மை ஊடகங்கள் (இந்தி, ஆங்கிலம்) இந்த இணையின் கீழ் இருக்கின்றன. நீங்கள் கொண்டாடும் எந்த இந்தி / ஆங்கில டிவி நிருபர்கள், பத்திரிக்கை நிருபர்கள் அனைவரும் பார்ப்பனர்களாக இருக்க 90% வாய்ப்பிருக்கிறது. எல்லா வாய்ப்புகளையும் பறித்துக் கொண்டார்கள் என்று ஒவென்று ஒரு கொட்டு அழுமுன், இந்த வருட Civil Service தேர்வுகளில் தேர்வானவர்களைப் பார்ப்போம். இது IAS, IPS, IFS மற்றும் பிற மத்திய அரசு பணிகளை உள்ளடக்கியது.
மொத்த தேர்வானவர்கள் (All India) -1122
பிராமணர்கள் (this incl. Banias) - 205 அதாவது 18%
அதில் முதல் 400 டாப்பர்களுக்கு கீழே பிராமணர்களே கிடையாது.
அதாவது 400-இல் 205 பேர் பிராமண + பனியாக்கள். ஆக கல்வியில் ஒரவஞ்சனை என்று கோல் அடிக்க முடியாது. இது தான் 2014 நிலை.
கிட்டத்திட்ட 20% மேலிருக்கும் SC/ST கள் படாத பாட்டையா வெறும் 3.5% இருக்கும் உங்கள் சமூகம் பெற்று விட்டு, தமிழ்நாட்டில் தெருவில் நடமாடமுடியாமல் இருக்கிறது ?
இந்தியாவின் கேபினெட் செகரட்டரியாக இதுநாள் வரை ஒரு SC/ST 67 வருடங்களில் இருந்ததில்லை. ஆனால் இன்றைக்கும் இந்தியாவின் தூதுவர்களாக உலகம் முழுவதும் உங்களுடைய சமூகம் தான் அதிகம். இந்த dichotomyயை எப்படி அணுக வேண்டும் என்று நினைக்கிறீர்கள் ? இதைவிட வேறு எதை அதிகாரமென்று நினைக்கிறீர்கள் ?
உண்மை நிலை:
அம்பேத்கரை வைத்துப் பேசினால் பார்ப்பன எதிரி என்று ஒரங்கட்டிவிடுவீர்கள். குஷ்வந்த்சிங் தான் எல்லாவற்றையும் சகட்டு மேனிக்கு அடிக்கக்கூடிய ஆளாயிற்றே, அவரை வைத்துக் கொண்டு பேசுவோம்.
In a 1990 piece called ’Brahmin Power’, the writer Khushwant Singh said: “Brahmins form no more than 3.5 per cent of the population of our country...today they hold as much as 70 per cent of government jobs. I presume the figure refers only to gazetted posts. In the senior echelons of the civil service from the rank of deputy secretaries upward, out of 500 there are 310 Brahmins, i.e. 63 per cent; of the 26 state chief secretaries, 19 are Brahmins; of the 27 Governors and Lt Governors, 13 are Brahmins; of the 16 Sup­reme Court judges, 9 are Brahmins; of the 330 judges of high cou­rts, 166 are Brah­mins; of 140 ambassadors, 58 are Brahmins; of the total 3,300 IAS offi­cers, 2,376 are Brahmins. They do equally well in electoral posts; of the 508 Lok Sabha members, 190 were Brahmins; of 244 in the Rajya Sabha, 89 are Brahmins. These statist­ics clearly prove this 3.5 per cent of Brahmin community of India holds between 36 per cent to 63 per cent of all the plum jobs available in the country. How this has come about I do not know. But I can scarcely believe that it is entirely due to the Brahmin’s higher IQ.”
ஆக எப்படி பார்த்தாலும், உங்களுடைய கட்டுரைக்கும், யதார்த்ததுக்கும் மங்கள்யான் போகக்கூடிய தூரமிருக்கிறது. இதையெல்லாம் எழுதுவதால் நீங்களோ, உங்களை சார்ந்தவர்களோ மாறுவீர்கள் என்கிற அசட்டு நம்பிக்கையெல்லாம் எனக்கு கிடையாது. என்னுடைய ஒரே மகிழ்ச்சி, இந்த முட்டாள் மாநிலம் உங்களையும் நடுநிலை அறிவுஜீவி என்று இத்தனை நாள் நம்பிக்கொண்டிருந்ததை, நான் அவனில்லை என்று முழுசாய் போட்டு உடைத்துவீட்டீர்கள். அதற்காக நன்றி.
நான் சாமனியர்களோடும், சாதாரணர்களோடும் இருந்து கொள்கிறேன். எனக்கு எந்த அரசியல் அபிலாஷைகளோ, ஊடக வெளிச்சமோ, அறிவுஜீவி ஞான ப்லப்போ தேவையில்லை. I am just another stupid common man.
Good luck with your Saffron / Brahmin propaganda.
Source: FB

உயர் ஜாதி பத்ரியின் கட்டுரை பலரின் BPயை உயர்த்தியுள்ளது.....வாழ்த்துகள்!

4 Comments:

Anonymous said...

MR.NARAIN RAJAGOPALAN'S ARTICLE ONLY ENDORSES BADRI'S ARTICLE.
ALL HIS COMMENTS/STATISTICS PERTAIN INCLUDING KUSHWANT SINGHS TO ALL INDIA. LET T.N. SPECIFIC EXAMPLES BE GIVEN.
CRUX OF BADRIS ARTICLE IS THAT A HATE CULTURE IS PREVALING IN T.N. AGAINST BRAHMINS. THIS CAN BE FELT ONLY WHEN YOU TAMILNADU
THE SIMPLE FACT THAT ONE CAN COUNTER ANOTHER MANS ARGUEMENTS SIMPLY BY CALLING HIM A PAPPAN IS ENOGH TO JUDGE THE BRAHMIN HATERED IN T.N.
EVEN LEADERS DO THIS. IN NO MTHER STATE YOU CAN USE THIS STYLE OF CASTE BASED ARGUMENTS. THIS ONLY AGAIST BRAHMINS. NO OTHER COMMUNITY SUFFERS THIS FATE.
BADRI'S ARTICLE IS ABOUT THE PLIGHT OF BRAHMIN'S IN TAMILNADU.
MANU SMRITHI IS CONVENIENTLY QUOTED BY
MR.NARAIN RAJAGOPALAN ONLY FOR INTEREST RATES.
IT STIPULATES EXTREME PUNISHMENTS FOR BRAHMINS COMPARED TO OTHRS.
MOREOVER WE CANT TALK ABOUT A TREATISE THAT IS NON EXISTENT TODAY. BADRI TALKS OF TODAY WHEREASMR.NARAIN RAJAGOPALAN TALKS OF BRAHMIN ATROCITIES OF THE PAST.
ALL PEOPLE CONVENIENTLY FORGET AMBEDKAR ITSELF IS A BRAHMIN TEACHERS NAME ADOPTED BY AMBEDKAR OUT OF GRATITUDE.
IN HIS LAST DAYS WHEN HE WAS ALMOST BLIND, WHEN OTHER'S DESERTED HIM. HE WAS SERVED BY ONLY HIS BRAHMIN WIFE.
AMBEDKARISTS WILL NEVER HIGHLIGHT THIS SINCE IT DID NOT SUIT THEM.
ABDULKALAM OWES HIS YOUNGER DAYS DEVOLOPMENT TO A BRAHMIN GURU. HE HIMSELF HAS TOLD THIS.
NO BRAHMIN HAS KILLED A DALIT OR RAPED A DALIT. CASTE HINDUS HAVE.
TILL TODAY NO POLITICAL PARTY/ CASTE ORGANISATION HAS CATEGORICALLY CONDEMNED DHARMAPURI INCIDENTS
THEY DONT WANT TO OFFEND VANNIYARS.
THINNIYAM INCIDENT PS ONLY BY CASTE HINDUS.
WHEN IT COMES TO BRAHMINS EVERY ONE WILL BOLDLY WRITE AS PAPPANS.
WHEN IT IS CASTE HINDU'S THEY WILL SAY JUST AADIKKA SATHI. NO NAMING AS THEVARS,PILLAIS.MUDALIYARS ETC
WHEN SATYA VANI MUTHU WAS THE MINISTER FOR DALITS SHE IS ON RECORD TO SAY ONLY BRAHMIN SECRATRIES HELP HER TO IMPLEMENT DALIT WELFARE MEASURES .
IN ALL GOVT. UNDERTAKINGS WHEN A CASTE HINDU IS THE HEAD THEY WILL NOT CELEBRATE APRIL14 AMBEDKARS BIRTHDAY.
WHEN A DALIT COMES UP THEY WILL SAY IT IS BECAUSE OF RESERVATION.
WHY NO ONE IS ASKING KARUNANIDHI/VEERAMANI THE NO OF DALITS THEY HAVE EMPLOYED IN KALAGNER T.V/ /MANIYAMMAI COLLEGE.
WHY THEY EMPLOY BRAHMIN LAWYERS TO DEFEND THEIR KITH/KIN
WHY SANSKRIT NAME FOR HIS GRANDSON.

R.B.Dasan said...

Hats off to you! A very balanced viewpoint. In the past few decades non-brahmins are also proving their high skill in high level jobs thanks to the academic reservation policy. Hopefully in the near future all communities will be able to share both opportunities and benefits equally.

Pushparaj Elumalai said...

மிகசிறந்த சரியான பார்வையில் எழுதப்பட்டதொரு கட்டுரை. ஆயினும் பிராமணர்களின் வலியையும், அவர்களின் எதிர் கால அவநம்பிக்கைகளும கருத்தில் கொள்ளப்பட வேண்டியன.

Pushparaj Elumalai said...

மிகசிறந்த சரியான பார்வையில் எழுதப்பட்டதொரு கட்டுரை. ஆயினும் பிராமணர்களின் வலியையும், அவர்களின் எதிர் கால அவநம்பிக்கைகளும கருத்தில் கொள்ளப்பட வேண்டியன.