பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Friday, October 24, 2014

லைக்கா அறிக்கை டெம்பிளேட்

சமீபத்தில் லைக்கா நிறுவனம் கத்தி படத்தை தயாரிப்பை எதிர்த்தவர்கள் சில மாதங்கள் முன் லைக்கா நிகழ்ச்சியில் கலந்துக்கொண்டு இருந்தார்கள். அப்போது விடாத அறிக்கையை இப்போது ஏன் விடுகிறார்கள் ?

அடுத்து லைக்கா நிறுவனம் ஸ்பான்சர் செய்த நிகழ்ச்சியில் கலந்துக்கொண்டால் கீழ் வரும் அறிக்கையை ஒரு டெம்பிளேடாக உபயோகப்படுத்தலாம்.

இனவாத ராஜபக்ஷே தமிழர்களைக் கொத்துக் கொத்தாக அழித்துக் கொண்டிருந்தபோது, இலங்கைக்கு அணு ஆயுதங்களை விநியோகித்துக் கொண்டிருந்த காங்கிரஸ் தலைமையிலான கூட்டணி அரசில், காங்கிரஸுடன் எந்த ஒட்டுறவுமின்றி திமுகவுடன் கூட்டணியில் சேர்ந்து மத்திய அரசில் அங்கம் வகித்துக் கொண்டிருந்தபோது, இலங்கைக்கு செல்லவிருந்த நல்லெண்ணக் குழுவில் என்னையும் ஒரு உறுப்பினராக என்னையறியாமலேயே இணைத்திருந்தனர்.

விஷயம் தெரியவந்த போது, இலங்கையின் இயற்கை வனப்பைத்தான் காட்டுவதற்காக காட்டுமிராண்டி காங்கிரஸார் அனுப்புகின்றனர் என்று நினைத்து நானும் விமானமேறி, வன்னியின் வனப்பை மனதில் உள்வாங்கிக் கொண்டிருந்தபோதே, விமானம் கொழும்பைத் தொட்டிருந்தது.

கொழும்பிலிறங்கி, விமான நிலையத்தைவிட்டு வெளியே வந்ததும் திடுமென்று எதிர்பாராமல் எங்களைச் சூழ்ந்து கொண்ட பேரினவாத அரக்கர்கள், ஏனையோரை விட்டு என் கண்ணை மட்டும் கட்டிக் காரிலேற்றினர். சுமார் ஒரு மணிநேரப் பயணத்திற்குப் பின்னர் காரை நிறுத்தி என்னைக் கீழிறக்கினர் புத்த மஹாவம்சக் கிங்கரர்கள். கண் கட்டையும் அவிழ்த்தார்கள், அங்கே கண்ட காட்சி...ஐயஹோ!

கண் பார்வையே பறிபோய்விடும் என்று நான் அஞ்சுமளவிற்கு எதிரே விரிந்திருந்தது சிங்களப் பேரினவாத அரக்கன் மஹிந்த ராஜபக்ஷேவின் அலரி மாளிகை. அப்போதுதான் காங்கிரஸின் சதி எனக்கு உரைத்தது. இவர்கள் தமிழினத்தை அழித்த அரக்கர்களாயிற்றே என்ற அதிர்ச்சியுடன், செய்வதறியாது திகைத்து, தடுமாறி, தயங்கி நின்ற கணமே, இன்னொரு பேரதிர்ச்சி., வாசல் வரை என்னை வரவேற்க தமிழனின் ரத்தம் தோய்ந்த அங்கவஸ்திரத்தை கழுத்தைச் சுற்றி மாலையாக இட்டு, மஹிந்த ராஜபக்ஷேவும், அவரது சகோதரரும், புலிகளெனும் போதிசத்வர்களைக் கொன்றொழிக்க ஆணை பிறப்பித்த கொடுங்கோலன் கோத்தபாயவும் வந்து கொண்டிருந்தார்கள்.

ஐயோ, என் தமிழினத்திற்கு நான் என்ன பதில் சொல்வேன் எனப் பதறிக் கொண்டிருந்த வேளையிலேயே, என் பதிலுக்குக் கூடக் காத்திராமல் என்னைப் பாய்ந்து வந்து உள்ளிழுத்துச் சென்றனர் இருவரும்

அங்கே, உள்ளே சென்று, என்ன செய்வதென்று கைபிசைந்து நின்ற வேளையில், அதே பதட்டத்துடன் பாலு அண்ணன் வந்தார், எங்கே கொண்டு வந்திருக்கிறார்கள் பார்த்தீர்களா என்று கொந்தளிக்கும் கோபத்துடன். நாங்களிருவரும் அடுத்து என்ன செய்யலாம் என்று ஆலோசனையில் ஈடுபட்டிருந்த வேளையில், அதே ஆதங்கத்துடன் எம்முடன் வந்திருந்த இதர உறுப்பினர்களும் உறுமிக் கொண்டிருந்தனர். நான் கொந்தளிக்கு கோபத்துடன், இந்தப் பயணத்தையே ரத்து செய்து விடலாமா என்று கேட்டுக் கொண்டிருந்த போதே., என்ன விஷயம் என்று பயங்கரன் பஸில் ராஜபக்ஷே வந்து கைகுலுக்கினான், கனத்த இதயத்துடன் கை நீட்டினேன்.

அங்கு எம்மைச் சந்திக்க வந்திருந்த சகோதரர்கள் என்னவென்ரு கேட்டனர். அப்போது காங்கிரஸ் எங்களை ஏமாற்றி இங்கே அனுப்பி வைத்தது பற்றியும், ராஜபக்ஷேவிடம் நாங்கள் அழைத்துவரப் பட்ட முறை பற்றியும் விளக்கிய போது அவர்களின் ஆக்ரோஷம் அளவிடமுடியாமல் வெளிப்பட்டது. தமிழகத்தில் ராஜபக்ஷேவிற்கு எதிராக நடக்கும் போராட்டங்கள் பற்றியும், தொப்புள் கொடி உறவுகளின் மனநிலை பற்றியும் விளக்கிக் கொண்டிருந்தேன்.

அப்பொழுது சகோதரியும் அதே அதிர்ச்சி கலந்த பாவத்துடன், ஆனால் சற்றே திடமாக, கவலை வேண்டாம், அந்த அளவிற்கு ஏதும் நடந்துவிடவில்லை, ராஜபக்ஷேவின் சகலையின் முன்னோர் ஒருவர் பண்டார வன்னியனின் பக்கத்து வீட்டில்தான் வசித்தாராம் என்றும், அவரும் ஒரு மாவீரர்தான் என்றும் கூறியவுடன் சற்று ஆறுதலடைந்தேன். மேலும், இவ்விஷயத்தைப் பெரிதாக்கினால், பெரும்பாடுபட்டு ஏற்பாடு செய்யப்பட்டிருக்கும் விருந்தும், அதற்குப் பின்னால் கிடைக்கும் கிடைத்தற்கரிய பரிசுகளுக்கும் பங்கம் வந்துவிடும் என்று சொன்னபடியாலும், தமிழர்களுக்கேற்பட்ட அநீதிகளையும், கொடுமைகளையும் தற்காலிகமாகத் தள்ளி வைத்து.....ஆகவே குஜராத் படுகொலைக்குக் காரணமான நரேந்திர மோடியை.....
டெம்பிளேட் ஸ்பான்சர் யதிராஜ சம்பத் குமார் :-)

2 Comments:

Anonymous said...

A GOOD ONE.
THE SAME TEXTT CAN BE USED FOR DALITS ALSO.
SUN/KALAIGNER TV ARE BROAD CASTING ONLY RAMDOSS COMMENTS REGARDING JEYA LALITHA.
DHARMAPURI/ ILAVARASAN ARE FORGOTTEN.
VAIKO/TIRUMA WILL JOIN DMK ALLIANCE SHAMELESSLY FORGETTING/HIDING THEIR ROLE IN TAMIL KILLINGS.
TO MY KNOWLEDGE NONE HAVE RETURNED THE GIFTS.
ANY WAY THEY WILL TOUR THE ENTIRE WORLD IN TAMIL MONEY.
DID DMK OR TIRUMA RAISE THE TOPIC OF LIFTING BAN ON LTTE WHEN IN POWER.
ATLEAST THEY COULD HAVE WANTED IT AFTER THE KILLING OF PRABHAKARAN.

Umesh Srinivasan said...

ஏன் இதுகளைப்பத்தி எழுதி உங்க பொன்னான நேரத்த வீணடிக்கிறீங்க?