பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Thursday, July 10, 2014

ராமானுஜனின் மனைவி - ஞாநி

இரவுக் காட்சிகள் பார்ப்பதில்லை என்ற பத்தாண்டு விரதத்தை முறித்து, நேற்று இரவு ஞான ராஜசேகரனின் 'ராமானுஜன்' படச் சிறப்புக் காட்சிக்குச் சென்றேன். சில குறைகள் இருந்தபோதும் நல்ல முயற்சி. படத்தின் சிறப்பு அம்சம் ரமேஷ் விநாயகத்தின் இசை. படம் பார்த்து முடிந்து வந்தபின் நள்ளிரவுக்கு மேல் கணித மேதை ராமானுஜனின் மனைவி ஜானகி அம்மாளைப் பற்றிய குறிப்புகளை இணையத்தில் தேடிப் பிடித்துப் படித்துக் கொண்டிருந்தேன்.

பாரதியின் மனைவியை போல ராமானுஜனின் மனைவியின் வாழ்க்கைதான் இன்னும் சொல்லப்படாத வாழ்க்கைகளில் முக்கியமானதாக பட்டது. இது எடுக்கப்படாத இன்னொரு படத்துக்கான கதை. ராமானுஜன் 32 வருடம்தான் வாழ்ந்தார் (1887-1920). ஜானகி 94 வயது வரை இருந்தார்(1899-1994). ராமானுஜனுக்கு ஜானகியை கன்னிகாதானம் கொடுத்தபோது ஜானகி வயது 9. ராமானுஜன் வயது 21. தன் 15வது வயதில் பருவமடைந்தபின்னர்தான் ஜானகி ராமானுஜனுடன் சென்னையில் குடும்பம் நடத்த வருகிறார். அடுத்து சேர்ந்து வாழ்ந்தது இரண்டே வருடங்கள். அடுத்த ஆறு வருடங்கள் ராமானுஜன் வெளிநாட்டில். திரும்பி வந்த ஒரே வருடத்தில் ராமானுஜன் மரணம். அப்போது ஜானகிக்கு வயது 21. அடுத்த எட்டாண்டுகள் தன் சகோதரருடன் மும்பையில் இருக்கிறார். அங்கே தையல் வேலையும் ஆங்கிலமும் கற்றுக் கொள்கிறார். பின் திருவல்லிக்கேணிக்கு திரும்பி வந்து கொஞ்ச காலம் தன் சகோதரியுடன் இருக்கிறார். பின் தனியே தன் உழைப்பில் தையல் வேலை செய்து வாழ்க்கை நடத்துகிறார். அவர் அப்படி தனி வாழ்க்கை நடத்திய காலத்தில் இருந்த ஒரு சிநேகிதி 1950ல் இறந்துவிடவே, அந்த சிநேகிதியின் 7 வயது 'அநாதை'க் குழந்தையை தானே வளர்த்து ஆளாக்குகிறார். அப்போது ஜானகிக்கு வயது 51. மகனை பி.காம் வரை படிக்க வைக்கிறார். வங்கி அலுவலராக பணி சேர்ந்த அந்த வளர்ப்பு மகனுக்கு திருமணமும் செய்து வைக்கிறார். அந்த மகனின் பராமரிப்பில் இறுதி வரை இருக்கிறார்.

1962ல் ராமானுஜனின் 75வது பிறந்த வருட கொண்டாட்டம் வரை ஜானகி அம்மாளை ( இப்போது வயது 63 ) அரசோ அமைப்புகளோ பெரிதாக கவனிக்கவில்லை. ராமானுஜனுக்கான பென்ஷன் பணம் மாதம் ரூ 50. மெல்ல மெல்ல இது 1994ல் ரூ 500 ஆயிற்று. 1962க்குப் பின் நன்கொடைகள் கணிசமாக வந்தன. இதில் திருவல்லிக்கேணியில் தனக்கென ஒரு வீட்டை வாங்கிக் கொண்டு அங்கே இருந்தார் ஜானகி. நிறைய ஏழை மாணவர்களுக்கு எப்போதும் பண உதவி செய்துவந்திருக்கிறார். தையல் டீச்சர் ஜானகி கணித மேதை ராமானுஜன் அளவுக்கு முக்கியமானவர். தன் கணித மேதமையை உலகம் அங்கீகரித்து உதவும் வரை வறுமையில் வாட நேர்ந்ததால், அடிகக்டி மனச் சோர்வுக்கு ஆளானவர் ராமானுஜன். ஜானகி நேர்மாறாக வாழ்க்கை தனக்கு அளித்த இடையூறுகளை மீறி நம்பிக்கையோடு வறுமையில் செம்மையாக வாழ்ந்து சாதித்தவர்.

நன்றி: ஞாநி ஃபேஸ்புக் பக்கம்.

9 Comments:

‘தளிர்’ சுரேஷ் said...

அறியாத தகவல்கள்! மேதைகளையே தாமதமாக அறிந்துகொள்ளும் அரசுகளும், மக்களும் அவர்களின் மனைவிகளை அறிந்து கொள்ளாததில் வியப்பில்லை!

Alex said...

இது போன்ற நல்ல விஷயங்களை எங்கிருந்தாலும் தேடிப்பிடித்து வெளியிடுங்கள்..

R. J. said...

Thanks to Gnani and IV for the hitherto unknown (to me) info. - R. J.

R. J. said...

But no comments on the movie!?

gnani said...

to R.J.

ஒழுங்காப் படிக்காமலே கமெண்ட் போடுவீங்களா? முதல் பாராவிலேயே எழுதியிருகிறேனே //சில குறைகள் இருந்தபோதும் நல்ல முயற்சி. படத்தின் சிறப்பு அம்சம் ரமேஷ் விநாயகத்தின் இசை. //

ஞாநி

Hari Krishna said...

அவர்களை நான் 199௦ - இல் சென்னையில் வைத்து பார்த்து இருகிறேன். 5௦, 5௦௦ pension உள்ள இவர்களுக்கு கிடைக்காத அரசியல் சலுகைகள் கோடியில் புரண்டு பல tv சேனல்களை நடத்தும் பலருக்கும் அவர்கள் குடும்பத்தினருக்கும் உண்டு... என்ன விந்தையான இந்தியச் சட்டம் ???

R. J. said...

மன்னிக்க வேண்டும் ஞானி அவர்கள். உண்மையிலேயே, திருமதி ராமானுஜன் அவர்களைப்பற்றிய நீண்ட கட்டுரையைப் படித்தபின், 2 வரி சுருக் பட விமரிசனம் மனதில் பதியவில்லை. அது ஞானராஜசேகரன் அவர்கள் உழைப்புக்கு போதுமான பாராட்டு இல்லை, பாராட்டோ, விமரிசனமோ கொஞ்சம் விவரித்து எழுதினால், படைப்பாளிக்கு சந்தோஷமாயிருக்கும்! (இந்த பதிவு ஒரு பட விமரிசனம் இல்லை என்று நீங்கள் சொன்னால் அதற்கு அப்பீல் இல்லை!) - ஜெ.

R. J. said...

மன்னிக்க வேண்டும் ஞானி அவர்கள். உண்மையிலேயே, திருமதி ராமானுஜன் அவர்களைப்பற்றிய நீண்ட கட்டுரையைப் படித்தபின், 2 வரி சுருக் பட விமரிசனம் மனதில் பதியவில்லை. அது ஞானராஜசேகரன் அவர்கள் உழைப்புக்கு போதுமான பாராட்டு இல்லை, பாராட்டோ, விமரிசனமோ கொஞ்சம் விவரித்து எழுதினால், படைப்பாளிக்கு சந்தோஷமாயிருக்கும்! (இந்த பதிவு ஒரு பட விமரிசனம் இல்லை என்று நீங்கள் சொன்னால் அதற்கு அப்பீல் இல்லை!) - ஜெ.

kothandapani said...

வேட்டி கட்டி வந்த நீதிபதி, மூத்த வழக்கறிஞர்களை உள்ளே அனுமதிக்க மறுத்த சென்னை கிளப்!! .......
தமிழ் கலாச்சாரத்திற்க்கு இழுக்கா... கொதித்து எழுந்தது தமிழ் இனம் .ஞானதேசிகனே அறிக்கை விட்டு அமர்க்கள படுத்திவிட்டார். தமிழ் பண்பாட்டுக்கு ஊறு என்றால் தாய் தடுத்தாலும் விடமாட்டான் தமிழன்.
கூடவே வந்த இந்த செய்தி......
விபச்சாரத்தில் கொடி கட்டிப் பறக்கும் தமிழ்நாடு.. நாட்டிலேயே நம்பர் 1!
தமிழ் பண்பாட்டு காவல்ர்கள் கப்சிப் என்று இருப்பது ஏனோ.... முந்தைய போராட்டம் நடத்திவிட்டு நேரா
இவனுக எல்லாம் அங்கதான் போய் இருப்பார்கள்........