பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Tuesday, December 31, 2013

2013!

இந்த ஆண்டு அம்மா உணவகத்தில் ஒரு ரூபாய்க்கு ஒரு இட்லி, ஐந்து ரூபாய்க்கு சாம்பார் சாதம் என்று சாப்பிட்டுவிட்டு டிவிட்டர், ஃபேஸ்புக் மக்கள் எல்லாம் விமர்சனம் எழுதினார்கள். அம்மா குடிநீர், பேருந்து என்று எல்லாவற்றிலும் இலைச்சின்னம் போட்ட போது சாப்பிட்ட உணவு ஜீரணம் ஆகும் வரை அதே டிவிட்டர் ஃபேஸ்புகில் கூவினார்கள்.

ஜீரணம் ஆகாத விஷயம் டெல்லி தேர்தல்தான். இவர்கள் எல்லாம் எங்கே வர போகிறார்கள் என்று நினைத்த பலருக்கு அரவிந்த் கெஜ்ரிவால் கட்சி டெல்லியில் 28 சீட் வந்த போது அதிர்ச்சியில் முழுகினார்கள். பிஜேபி அனுதாபிகள் இது எல்லாம் சும்மா டெல்லி தேர்தல் என்பது முனிசிபல் தேர்தல் மாதிரி என்று சப்பைக் கட்டு கட்டினார்கள். சிம்பு-நயன் சேர்ந்த போது பலருக்கு ஏற்பட்ட எரிச்சல் போல இவர்களுக்கு ஏற்பட்டது ஏனென்பதை உளவியல் நிபுணர்களின் ஆராய்ச்சிக்கு விட்டுவிடலாம்.

அடுத்த ஆராய்ச்சி செய்ய வேண்டிய விஷயம் சரியாக சச்சின் ரிடையர் ஆகிறேன் என்று சொன்னவுடன் அவருக்கு பாரத் ரத்னா அறிவிப்பு. காங்கிரஸ் கட்சியிலும் சிலர் ‘தீயாவேலை செய்யணும் கொமாரு’ மாதிரி இருக்கிறார்கள் என்று நம்பத் தூண்டியது.

தீயா வேலை செய்து ஆனால் டப்பாவான படங்களில் கடல், தலைவா, இரண்டாம் உலகம், அழகு ராஜா என்று சில உருப்படி(யில்லாதது)கள் வந்தது. தியேட்டர் காலியாக இருந்தாலும் நண்பர் சுரேஷ் கண்ணன் கர்ம ஸ்ரதையுடன் பார்த்துவிட்டு இலக்கியப் பத்திரிகைகளில் அதைப் பற்றி எழுதி ஏதோ சம்பாதித்த்து ஒரு பெரிய சாதனை என்றே சொல்ல வேண்டும். தலைவா படத்தில் “டைம் டூ லீட்” என்ற வாசகம் ஏதோ பெரிய கெட்ட வார்த்தை மாதிரி ஆகி விஜய் அதை எடுத்து படத்தை 15 நாள் கழித்து நெட்டில் வந்த பிறகு தமிழ் நாட்டில் ரிலீஸ் செய்தார். டைம் டூ லீட் என்ற வாசகம் “டைம் டீ ப்லீட்” என்று மாற்றியிருக்கலாம்.

அடுத்த பெரிய சாதனை என்று இந்த வருடம் பார்த்தால் மோடிக்கு சேர்ந்த கூட்டம் தான். அந்தக் கூட்டங்களில் அசால்டாக அதுவும் பிரதமர் வேட்பாளர் சில வரலாற்று உளறல்களை ஆங்காங்கே உதிர்த்துவிட்டுச் சென்றார். அவருடைய கூட்டத்தை ஷேர் செய்த மாமிகள் இதையெல்லாம் கண்டு கொள்ளவே இல்லை. சென்னையில் பரவலாக எல்லா பகுதிகளிலும் ஆட்டோக்கள் மீட்டர் போட்டு ஓடுவது இன்னொரு சாதனை.

லட்சிய திமுக தலைவர் விஜய டி.ராஜேந்தர் தம் கட்சியைக் கலைத்துவிட்டு திமுகவில் மீண்டும் இணைந்ததை யாரும் கண்டுகொள்ளவே இல்லை. இதனால் திமுகவிற்கு ஒரு ஓட்டும் முகவிற்கு ஒரு மஞ்சள் சால்வையும் லாபமாகக் கிடைத்தது இந்த வருட சாதனை. டி ஆர் சார், நீங்க உபயோகிக்கும் பேஸ்டில் உப்பு இருக்கா?

அடுத்த பெரிய சாதனை என்று பார்த்தால், தமிழ் சினிமா 100 விழாவிற்கு கலைஞரை அழைக்காமல் மறந்து போனது தான். அதில் கலந்துக்கொண்ட பேசிய பல நடிகர்கள்/நடிகைகள் எல்லோரும் “இங்க எல்லாருக்கும் டபுள் ரோல்தான். போதுமா?” என்று சொல்லாமல் சொன்னார்கள்.

”இங்க எல்லாருக்கும் டபுள் ரோல் தான் போதுமா” என்ற வசனம் பல அரசியல் கட்சித் தலைவர்களும் உபயோகித்தார்கள். இலங்கைத் தமிழர்கள் விஷயத்தில் ப.சி.கருத்தரங்கில் பேச, டெஸோ என்று கோபாலபுரத்தில் சிலர் கிளம்பினார்கள். இலங்கை காமன் வெல்த் மாநாட்டில் இந்தியப் பிரதமர் கலந்துகொண்டால் அதற்கான விளைவை மத்திய அரசு சந்திக்க வேண்டிவரும்!’ என்று கருணாநிதி எச்சரித்தார். இந்தியாவில் இருந்து யாருமே கலந்துகொள்ளக் கூடாது’ என்று தமிழகச் சட்டசபையும் தீர்மானம் நிறைவேற்றியது. எல்லா டிவியிலும் தோன்றும் டி-ஷர்ட் கவிஞர் சக்கரைப்பொங்கலுக்குpப் பெருங்காயம் போடலாமா? என்ற விவாதத்துடன் இதையும் விவாதித்தார். இதை எல்லாம் கண்டுகொள்ளாமல், தன்மானத் தமிழன் அஞ்சலியைக் காணும் என்பது போன்ற முக்கியமான செய்திகளில் உண்மையைத் தேடத் தொடங்கினான்.

விஷி என்று பலர் செல்லமாக அழைத்த ஆனந்த் சென்னையில் நடைபெற்ற உலக செஸ் சாம்பியன் போட்டியில் நார்வே நாட்டின் கார்ல்சனிடம் தோல்வியடைந்தார். நம்மூரில் ரிலீசான ஓநாயும் ஆட்டுக்குட்டியும் வெற்றி பெற்றது. இளையராஜா இசை ஓஹோ என்று பலர் உணர்ச்சிவசப்பட்டார்கள். தமிழர்களுக்கு உணர்ச்சிவசப்படச் சொல்லியா தரவேண்டும்?

சென்னையின் பெருமையை நிலைநாட்ட சென்னை எக்ஸ்பிரஸ் படமும் சென்னை சூப்பர் கிங்ஸ் அணி முயன்று கொண்டு இருக்க ஒசைப்படாமல் குருநாத் மெய்யப்பன் சூதாட்டத்தில் சிக்கி, என்.சீனிவாசனுக்கு செக் வைக்க முயற்சித்த ஸோ கால்ட் நம்பர் 1 மீடியா ஒன்றும் செய்ய முடியாமல் திக்குமுக்காடியது. மன்மோகன்சிங்கே அர்நாபிடம் பயப்படுவார் ஆனால் சீனிவாசன் விஸ்வரூபமெடுத்து ஐபிஎல் பார்த்த மக்களை மூடர் கூ(ட்)டம் ஆக்கினார்.

ஒருவழியா சச்சினுக்கு ரிட்டயர்மென்ட்குடுத்து இளைஞர் படையுடன் சௌத்ஆஃப்ரிக்கா சென்று உதை வாங்கியது இந்த வருஷக்கடைசியின் ஹைலைட். ஈஷ்வர் பாண்டேக்கு எல்லாம் சான்ஸ் குடுக்கும் நம்ம செலக்டர்கள் பூனம் பாண்டேக்கும் குடுக்கலாம்.

நாளை பிறக்கும் வருஷத்தில் இதெல்லாம் நடக்குமா/பார்ப்போமா/கிடைக்குமா என்று இட்லி வடை ஏங்கும் விஷயங்கள்:

பிரச்சனை இல்லாமல் கர்நாடகாவிலிருந்து நமக்கு வர வேண்டிய தண்ணீர்
தமிழக அரசியல் கட்சி தலைவர்களின் இலங்கை தமிழ்ர்கள் பாச அறிக்கை
கரண்ட் கட் இல்லாத தமிழ் நாடு
மன்மோகன் சிங் ராஜினாமா
ஊழலை எதிர்த்துப் போராட வேண்டும் என்ற சோனியாவின் அறிக்கை
கோச்சடையான், விஸ்வரூபம்-2 மற்றும் ஜில்லா
ஒரே அணியில் ராமதாஸ், விஜயகாந்த் அவர்கள் தோற்ற பின் விடும் அறிக்கை
திராவிடக் கட்சிகளிடம் தொங்காத காங்கிரஸ்
பிரதமராக மோடி

அப்டியே, தொடர்ந்து இட்லிவடை பதிவுகள். எல்லோருக்கும் புத்தாண்டு வாழ்த்துகள்

Read More...

நம்மாழ்வார் - அஞ்சலி

அஞ்சலி

Read More...

Friday, December 27, 2013

2013 டாப் 5 படங்கள்

2013ல் உங்களுக்கு பிடித்த 5 படங்களை வரிசைப் படுத்துங்களேன்.

2013ல் மிக மோசமான 5 படங்களையும் வரிசைப் படுத்தலாம்.

Read More...

Wednesday, December 25, 2013

கருப்பு பூனை



அன்புள்ள இட்லிவடை,

எது உண்மையான தமிழ் புத்தாண்டு, இது உண்மையான பொங்கல் திருநாள் ? இதை அனுமதிக்கலாம் ? என்று என் நண்பன் ஒருவன் கேட்கிறான்

விஜயவேகன்

விஜயவேகன்
யார் அந்த மடையன்? அவனையெல்லாம் ராணி முத்து தினசரி நாட்காட்டியை ஒரு முறை முழுக்க வாசிக்கச் சொல்லவேண்டும், அப்போதுதான் அடங்குவான்.

தமிழில் எழுதப்படிக்கத்தெரிந்தவர்களை விட இலக்கணமேதைகள் ’இலவசமாக’ கிளம்பிவிட்டார்கள்.  அரசு கொசுமருந்து மாதிரி ஏதாவது புகை கண்டுபிடித்து அடிக்கவேண்டும் என்று தோன்றுகிறது.

இவ

இது சேர்ந்தாலும் சேராவிட்டாலும் விஜயகாந்துடன் கலைஞர் சேர்ந்துவிடுவார்

Read More...

Friday, December 20, 2013

நாக்கு முக்க..! நாக்கு முக்க.!

கப்பல் முழுகும் போது முதலில் தப்பிப்பது அதில் உள்ள எலிகள்தான் என்று கூறுவார்கள். திமுக இனி காங்கிரஸுடன் கூட்டணி கிடையாது என்று சொன்னபோது இது தான் நினைவுக்கு வந்தது.

இதை ஏன் இவ்வளவு தாமதமாக அதுவும் இன்னும் தேர்தலுக்கு 100 நாட்களே இருக்கும் போது இதை கலைஞர் அறிவித்தார் என்று பார்த்தால் ஒரு வாரத்துக்கு முன்தான் தேர்தலில் பிஜேபி வெற்றி பெற்ற நியூஸ் வந்தது.

சரி பிஜேபிக்குத் தாவலாம் என்றால் அங்கே வாஜ்பாயி இல்லையே என்று தவிக்கும் கலைஞர் தற்போது மோடி ரொம்ப நல்லவர் வல்லவர் என்று ஆங்கில தினசரிக்கு பேட்டி கொடுத்துவிட்டு மாலையே பிஜேபியுடன் கூட்டணி கிடையாது என்றும் அறிவித்துவிட்டு முஸ்லீம் ஓட்டுக்களைத் தக்க வைத்துக்கொள்ள முயற்சி செய்துள்ளார். இலங்கை பிரச்சனை, சேது பிரச்சனைக்கு பாலுவை டெல்லிக்கு அனுப்பிவிட்டு கனிமொழி பிரச்சனைக்கு தானே டெல்லிக்கு சென்று சோனியாகாந்திக்கு மலர் கொத்து கொடுத்தார்!

இலங்கை பிரச்சனை, கனிமொழி, ராசா கைது என்று பல பிரச்சனைகளை அடுக்கிவிட்டு இனிமேல் உங்களுடன் உறவு எதுவும் இல்லை என்று சொல்லிவிட்டார். கொஞ்ச நாளைக்கு முன் கனிமொழிக்கு எம்.பி பதவி கிடைக்க வேண்டும் என்று மணிமேகலையை அசிங்கப்படுத்தினார். அவரும் காங்கிரஸ் எம்.பிக்கள் ஐந்து பேரை திமுகவிற்கு ஓட்டுப் போட்டு விஜயகாந்தைக் கழட்டிவிட்டார்.

தற்போது அதிமுக, திமுக என்ற இரண்டு கட்சிகளும் காங்கிரஸ், பிஜேபியுடன் கூட்டணி இல்லை என்ற நிலையில் பின்னவர்கள் இருவரும் கேப்டன் பக்கம் சாய முல்வார்கள். அதிமுகவிற்கு அம்மா தான் எல்லாம், அவர் தான் இந்தியாவின் பிரதமர் ஏன் அமெரிக்காவின் பிரதமர் கூட என்று சொல்லிடுவார்கள்.

தற்போது உள்ள அரசியல் சூழ்நிலையில் அதிமுக கடைசி நிமிடத்தில் பிஜேபியுடன் கூட்டணி என்று அறிவித்து அதிகபட்சமாக 8 சீட்களைக் கொடுத்தாலும் கொடுப்பார்கள். இன்றைய நிலைமையில் கூட்டணியோ தனித்தோ எப்டிப் போட்டி போட்டாலும் திமுக 10 இடங்களில் வெற்றி பெற்றால் பெரிய விஷயம். அதற்கு கீழே கிடைத்தால் பொது மக்களாகிய நாம் நிச்சயம் பரம ஸந்தோஷப்பட வேண்டும்.


தற்போது நிம்மதியாக இருக்கும் ஒரே நபர் பிரணாப் முகர்ஜி தான். நல்ல வேளை ஜனாதிபதியாக்கி விட்டார்கள். இல்லையென்றால், இப்போ மெட்ராஸ் வரும் போது கோபாலபுரத்திலோ சிஐடி காலனியிலோ கலைஞரைத் தாஜா செய்ய வேண்டியிருந்திருக்கும். தப்பித்தார்.

Read More...

Tuesday, December 17, 2013

அப்பாடா !

கேள்வி:– பாராளுமன்ற தேர்தலில் காங்கிரஸ், பாரதீய ஜனதாவுடன் கூட்டணி கிடையாது என்று பொதுக்குழுவில் கூறப்பட்டதே? அப்படி என்றால் தி.மு.க. தனித்து போட்டியிடுமா?

கலைஞர் பதில்:– ஆமாம். தி.மு.க. தனித்து போட்டியிடும்.


கச்சேரியில் தனி ஆரம்பிக்கும் போது மக்கள் எழுந்து போவார்கள். அதே போல தான் இங்கே நடக்க போகிறது.


கேள்வி:– தி.மு.க. தலைமையில் 3–ம் அணி உருவாவது போல் இந்திய யூனியன் முஸ்லிம் லீக் தலைவர் காதர்மொய்தீன் கூறியுள்ளாரே?

கலைஞர் பதில்:– அவர் சொன்னதற்கு மகிழ்ச்சி. 3–வது அணி அமைய வாய்ப்பு உள்ளது.

சும்மா ஒரு சால்வையை போர்த்திவிட்டு இப்படி பேசியதற்கு இவருக்கு ஒரு சீட்டு உண்டு, இல்லை என்றால் இதயத்தில் நிச்சயமாக !


Read More...

Monday, December 16, 2013

காங்கிரஸ், பாஜகவுடன் கூட்டணி இல்லை: கருணாநிதி

பொதுக்குழுவில் காலையில் இருந்து பேசிய அனைவரும் நரேந்திர மோடி மீது மக்களுக்கு ஓர் ஈர்ப்பு ஏற்பட்டுள்ளதாகக் கூறினர். ஆனால் எனக்கோ (கருணாநிதி), அன்பழகனுக்கோ, ஸ்டாலினுக்கோ அந்த ஈர்ப்பு ஏற்படவில்லை.

நரேந்திர மோடிக்கு ஊடகங்கள் முக்கியத்துவம் கொடுக்கலாம். அந்த விளம்பரங்களையே பார்த்து நீங்கள் (திமுகவினர்) அதிர்ச்சி அடைந்துவிட்டீர்கள் என்று நினைக்கிறேன்.

வாஜ்பாயோடு முடிந்துவிட்டது: பாஜகவுடன் நாம் கூட்டணி வைக்காதவர்கள் இல்லை. வாஜ்பாய் போன்ற மாபெரும் தலைவர்கள் இருந்தபோது பாஜகவுடன் கூட்டணி வைத்தோம். அமைச்சரவையில் இடம்பெற்றோம்.

கன்னியாகுமரியில் காமராஜருக்கு மணிமண்டபம் வைக்க வேண்டும் என்று வாஜ்பாயிடம் கேட்டோம். அப்போது வாஜ்பாய் அருகில் இருந்த அதிகாரிகள், கடற்கரை அருகில் வைப்பதால் இயற்கை சூழல் பாதிக்கப்படும். அதனால் அங்கு வைக்க வேண்டாம் என்று கூறினர்.

ஆனால் காமராஜருக்கு அந்த இடத்தில் வைப்பதுதான் சிறப்பாக இருக்கும் என்று வலியுறுத்தினோம். அதை வாஜ்பாய் ஏற்றுக்கொண்டார். அப்போது இருந்தது மனிதாபிமான பாஜக தலைமை. தற்போது அப்படிப்பட்ட பாஜக இல்லை.

ஒரு கட்சியுடன் கூட்டணி அமைப்பதற்கு முன்பு யார் தலைவர் என்பதையும் கவனித்துப் பார்க்க வேண்டும். எங்களைப் பொருத்தவரை வாஜ்பாயோடு பாஜகவின் வரலாறு முடிந்துவிட்டது. பாஜகவுடன் கூட்டணி இல்லை.

நன்றிகெட்ட காங்கிரஸ்: இப்படிக் கூறுவதால் காங்கிரஸýடன் கூட்டணி என்று நினைத்துவிடாதீர்கள். ஜீரோ ஜீரோ என்று ஏகப்பட்ட ஜீரோக்களைப் போட்டு அலைக்கற்றை ஊழலில் திமுக ஈடுபட்டதாக காங்கிரஸ் நம்மைச் சிக்க வைத்தது.

ராசா, கனிமொழி ஆகியோரை சிறையிலடைத்தனர். அந்தக் காயம் நீங்கா வடுவாக நம் மனதில் உள்ளது.

இது தனிப்பட்ட ராசாவுக்கு ஏற்பட்ட காயம் இல்லை. திமுகவுக்கே ஏற்பட்ட காயமாகும்.

சிபிஐ யார் கையில் இருக்கிறது. அதை எப்படிப் பயன்படுத்தினார்கள் என்பதையெல்லாம் அறிவோம்.

எனவே, நன்றிகெட்ட காங்கிரúஸாடு மீண்டும் கூட்டணி அமைக்கமாட்டோம். தனித்தே கூட போட்டியிடுவோம். ஆனால் அனைவரும் ஒற்றுமையுடன் செயல்பட்டால் தனித்து நின்றாலும் வெற்றிபெற முடியும்.

மக்களவைத் தேர்தல் கூட்டணி குறித்து முடிவு எடுப்பதற்காக குழு ஒன்று அமைக்கப்படும். அந்தக் குழுவிடம் உங்கள் (திமுகவினர்) கருத்துகளைத் தெரிவியுங்கள். எந்தக் கட்சியுடன் கூட்டணி அமைப்பது என்பதையெல்லாம் அந்தக் குழுவினர் முடிவு செய்து கூறுவர் என்றார் கருணாநிதி.

நன்றி: தினமணி.

நன்றி: கலைஞர்

Read More...

Sunday, December 15, 2013

கங்குலி !

அடுத்த ஆண்டு நடைபெறவுள்ள நாடாளுமன்ற தேர்தலில் போட்டியிட வாய்ப்புத் தருவதாக, பாஜக விடுத்த அழைப்புக்கு, முன்னாள் இந்திய கிரிக்கெட் கேப்டன் கங்குலி மறுப்பு தெரிவித்துள்ளார் என்ற செய்தியை படித்திருப்பீர்கள். இந்த அழைப்பு நரேந்திர மோடியிடம் இருந்து என்று சில செய்திகள் சொல்லுகிறது.



பாஜகவின் நிலமை இவ்வளவு மோசமாக போய்விட்டதா ?

Read More...

Wednesday, December 11, 2013

நான்கு மாநிலத் தேர்தல்களும் தமிழ் நாட்டுக் கூட்டணியும் - 3 - விஸ்வாமித்ரா


இந்த வெற்றிகளுடன் மட்டுமே மோடியை பிரதமராக்க வேண்டிய நாட்டை ஊழல் பெருச்சாளிகளிடமிருந்து விடுவித்து வளர்ச்சிப் பாதையில் கொண்டு செல்ல வேண்டிய் நீண்ட பணி முடிந்து விடவில்லை. அவர்களின் கடுமையான உண்மையான சவாலான பயணம் இனிதான் துவங்கவிருக்கிறது அதற்கு இந்த வெற்றிகள் ஒரு கிரியாவூக்கியாக இருக்கும். மோடியின் அயராத உழைப்பினாலும் அபாரமான பேச்சாற்றலினாலும் மக்களுடன் தன்னை தொடர்பு படுத்திக் கொள்ளும் திறமையினாலும் குஜராத்தில் அவரது சாதனைகளினாலும் பெரும்பாலான இந்திய மக்களிடம் அவர் நெருக்கமாகச் சென்றடைந்திருக்கிறார் என்பதை இந்த வெற்றிகளும் அவருக்குத் தொடர்ந்து கூடி வரும் பிருமாண்டமான கூட்டங்களும் உணர்த்துகின்றன.

மூன்று மாநிலங்களில் ஆட்சியைப் பிடித்து டெல்லியில் ஆட்சியை பிடிக்க வாய்ப்புகளுடன் முன்ணணியில் இருக்கும் பி ஜே பி செய்ய வேண்டியது என்ன?



ஆனால் அவரது அயராத அதி சக்தி பிரசாரங்கள் மட்டுமே பி ஜே பி க்கு வெற்றியைப் பெற்றுத் தந்து விட முடியாது என்பதை டெல்லியில் ஆம் ஆத்மி கட்சி ஏற்படுத்திய தடையினாலும் சட்டிஸ்கரில் அனுதாப அலை உருவாக்கிய எதிர்ப்பினாலும் பி ஜே பி உணர்ந்து கொள்ள வேண்டும். அவர்கள் செல்ல வேண்டிய கடினமான சவால்கள் நிறைந்த பாதை இனிமேல்தான் துவங்கவிருக்கிறது.



இந்த நான்கு மாநிலங்களின் லோக்சபா சீட்டுக்கள் மூலமாகவும் தேர்தலின் பொழுது மோடி அலை உருவாக்கவிருக்கும் எதிர்பார்ப்பு காரணமாகவும் பி ஜே பி க்கு கிட்டத்தட்ட ஒரு 60 இடங்கள் வரை இந்த வெற்றிகளின் மூலமாக இப்பொழுது உறுதி செய்யப் பட்டுள்ளன என்று இந்தத் தேர்தல்களின் முடிவுகள் உணர்த்துகின்றன. ஆனால் அவர்கள் இன்னும் 200 சீட்டுகளுக்கு வழி கண்டு பிடிக்காதவரை வெற்றி அருகில் கிடையாது என்பதை உணர வேண்டும்.

1. ஏற்கனவே ஜெயித்த இந்த 3 மாநிலங்களிலும் மிகச் சிறப்பான ஆட்சியை தொடர்ந்து வழங்க வேண்டும். எந்தவிதமான பிரச்சினைகளிலும் அதன் மந்திரிகள் சிக்கிக் கொள்ளக் கூடாது. ம பி, ராஜஸ்தான், சட்டிஸ்கர் டெல்லியில் மத்தியிலும் பி ஜே பி ஆட்சிக்கு வர நீங்கள் ஆதரவளித்தால் மட்டுமே மாநிலங்களில் எங்களால் வளர்ச்சித் திட்டங்களை நிறைவேற்ற முடியும் என்பதை மக்களிடம் தொடர்ந்து சொல்லி அவர்கள் அனைவரும் பெரும் அளவில் மத்தியில் மோடிக்கு ஆதரவளிக்கும் விதமாக தயார் செய்து வர வேண்டும். அது முதல் படி.

2. இந்தத் தேர்தல்களில் ஏற்கனவே குறைந்த வித்தியாசங்களில் தோற்ற பாராளுமன்றத் தொகுதிகளை அடையாளம் கண்டு அங்கு நல்ல வேட்ப்பளர்களை நிறுத்த வேண்டும். அந்தத் தொகுதிகளின் குறைகளை உடனடியாக நீக்கி அந்த மக்களின் ஏகோபித்த ஆதரவைப் பெற்று தங்கள் எண்ணிக்கையை அதிகரிக்க முனைப்பாக முயல வேண்டும் இது இரண்டாவது படி.

3. வட மாநிலங்களான டெல்லி, குஜராத், ராஜஸ்தான், ம பி,பஞ்சாப் ஆகிய மாநிலங்களில் ஏற்கனவே பி ஜே பி ஓரளவுக்கு வலுவான நிலையில் உள்ளன. அந்த மாநிலங்களின் முழு இடங்களையும் வெற்றி பெற தீவீரமாக முயல வேண்டும்.


4. உ பி, பீஹார், ஹரியானா, இமாச்சல பிரதேசம், உத்தரகாண்ட், ஜார்க்காண்ட் ஆகிய பிற வட மாநிலங்களில் பி ஜே பி யின் பெரும் வெற்றியை உறுதி செய்ய வேண்டும். இவற்றைச் செய்து விட்டால் அனேகமாக மத்தியில் ஆட்சியை மோடி பிடிப்பது உறுதி செய்யப் பட்டு விடும். உ பி யிலும் பீஹாரிலும் சேர்த்து மொத்தம் 120 இடங்கள் உள்ளன. அவற்றில் 60 இடங்களில் வெற்றி பெறுவதன் மூலமாக தென்னாட்டில் ஏற்படவிருக்கும் இழப்பைச் சரிக் கட்டலாம். மோடிக்கு இரு மாநிலங்களிலும் கூடும் கூட்டங்களையும் ஆதரவையும் கணக்கில் எடுக்கும் பொழுது 60 இடங்களில் வெற்றி என்பது சாத்தியம் என்றே தோன்றுகிறது.


5. மஹாராஷ்ட்ராவில் நிலவும் ஆளும் கட்சிக்கு எதிரான அதிருப்தி அலையைப் பயன் படுத்திக் கொள்வதுடன் சிவசேனாக் கட்சிகளிடையே ஒற்றுமையை ஏற்படுத்துவதன் மூலமாக கிட்டத்தட்ட அனைத்து இடங்களிலும் வெற்றி பெறும் வாய்ப்புள்ளது. அதற்காக மோடி சிவசேனா கட்சிகளை இணைப்பதில் தன் முழு சக்தியையும் பயன் படுத்த வேண்டும். மஹாராஷ்ட்ராவில் முழு வெற்றி சிவசேனா இணைப்பின் மூலமாகவே சாத்தியம்.


6. அஸ்ஸாம், மேற்கு வங்காளம் ஆகிய மாநிலங்களில் பி ஜே பி யின் எண்ணிக்கையை அதிகரிக்க முயல வேண்டும். அதுவும் சாத்தியமானதே அங்கும் மோடி அலை வீசத் துவங்கியுள்ளது. இரு மாநிலங்களிலும் குறைந்த பட்சம் ஒரு 10 இடங்களை வெல்லும் வாய்ப்பு உள்ளது


7. ஒடிசா, ஆந்திரா, தமிழ் நாடு, கேரளா, மே வங்கம், வட கிழக்கு மாநிலங்களில் பி ஜே பி அதிகமாகச் செய்யக் கூடியது எதுவும் இல்லை. அங்கு ஏதேனும் இடங்கள் கிடைக்குமானால் அவற்றை போனசாகக் கருதிக் கொள்ளலாம். முக்கியமாக உ பி மற்றும் பீஹாரில் மோடிக்குக் கிடைக்கும் ஆதரவே பி ஜே பியின் வெற்றியை உறுதி செய்யப் போகிறது.

8. கர்நாடகாவில் எடியூரப்பாவை சில நிபந்தனைகளுடன் மீண்டும் கட்சியில் இணைத்துக் கொள்வது அவசரமாகச் செய்ய வேண்டியது. டெல்லியில் ஹர்ஷ வர்த்தனை அறிவிக்க தாமதம் செய்தது போல கர்நாடகத்தில் வீணடிக்க முடியாது. கர்நாடகத்தின் 20 இடங்கள் அதன் மூலமாக மட்டுமே உறுதி செய்யப் படும். எடியூரப்பா மீதான வழக்குகள் முடியும் வரையில் அவருக்கு பதவிகள் ஏதும் இருக்காது என்ற நிபந்தனையின் பேரில் அவரை மீண்டும் இணைக்க வேண்டியது கர்நாடகத்தில் 20 இடங்களை வெல்லுவதற்கு அவசியமான ஒன்று. அவரைத் தொடர்ந்து அவமானப் படுத்தி ஒதுக்கி வைப்பது தேவையற்றது. ராஜ்நாத் சிங்கும் மோடியும் இந்த விஷயத்தில் உறுதியான நிலைப்பாட்டை உடனடியாக எடுக்க வேண்டியது அவசியமாகிறது. இல்லாவிட்டால் 20 இடங்களில் 5 மட்டுமே சாத்தியமாகும்.


9. ஆந்திராவில் உள்ள குழப்பமான சூழலில் நாயுடுவுடன் கூட்டணி வைத்தாலும் கூட பி ஜே பி க்கு அதிக பட்சமாக ஒரு 20 இடங்கள் பெறும் சாத்தியம் உள்ளன. அதற்கான கூட்டணியை வலுப்படுத்த வேண்டும்

9. கேரளத்தில் ஒரு இடம் கிடைத்தால் அதை போனசாகக் கருதிக் கொள்ள வேண்டும்

தமிழ் நாட்டைப் பொருத்தவரை நகர்ப்புறங்களில் மோடிக்கு பெரும் ஆதரவு அலை ஒன்று மறைமுகமாக உருவாகி வருகிறது. கிராமப் புறங்களிலும் அவரது பெயர் தெரியத் துவங்கியுள்ளது. ஆனால் அவற்றை ஓட்டுக்களாக மாற்றக் கூடிய தொண்டர் கட்டுமானம் பி ஜே பிக்கு அவ்வளவாக இல்லை. தமிழ் நாட்டின் இன்று முக்கியமான பிரச்சினைகள் மின்சாரமின்மை, தென் மாவட்டங்களில் தொழில்கள் இன்மை, ஒட்டு மொத்த பொருளாதார வளர்ச்சியின்மை, நீர் பிரச்சினைகள் ஆகியவை. இந்த அனைத்து விஷயங்களிலும் எப்படி குஜராத்தில் மோடி மகத்தான வளர்ச்சியை சாதித்துக் காட்டியிருக்கிறார் என்பதை தமிழ் நாட்டு பி ஜே பி தொண்டர்கள் தமிழ் நாட்டு மக்களிடம் எடுத்துச் சென்று சினிமாக்களாகவும் குறும் படங்களாகவும் பிரசார கையேடுகளாகவும் கொண்டு சேர்ப்பிக்க வேண்டு. மக்களைப் புரிய வைக்க வேண்டும்

மேற்கண்ட மாநிலங்களின் நிலமைகளை வரும் நாட்களில் விரிவாகக் காணலாம்.

தமிழ் நாட்டில் பி ஜே பியின் நிலை என்ன? யாருடன் கூட்டணி?


இன்றைய சூழலில் தமிழ் நாட்டில் பி ஜே பியுடன் சேர வை கோவின் கட்சியும், பா ம க வும் மட்டுமே தயாராக உள்ளன. தமிழ் நாட்டில் யாருடன் கூட்டணி என்பதை பி ஜே பி முடிவு செய்யும் இடத்தில் இல்லை. தி மு க பி ஜே பியுடன் கூட்டணி வைக்க ஆர்வமாக இருக்கிறது. தி மு க எப்பொழுதுமே மூழ்கும் கப்பலில் இருந்து குதித்து அடுத்தக் கப்பலில் தொற்றிக் கொள்வதையே தொழிலாகக் கொண்ட ஒரு குடும்பக் கட்சி. அதனுடன் சேர்வது பா ஜ க வின் ஒரு சில தலைவர்களுக்கு உவப்பானதாக இருந்தாலும் தொண்டர்கள் மத்தியில் கடும் எதிர்ப்பு நிலவி வருகிறது. பொது மக்களிடம் இன்று மோடி அலை காரணமாக தமிழ் நாட்டில் பி ஜே பி மீது உருவாகி வரும் ஆதரவு அனைத்தும் அது தி மு க வுடன் கூட்டணி வைக்கும் பட்சத்தில் ஒரே நாளில் மறைந்து விடும். மேலும் அகில இந்திய அளவிலும் பி ஜே பி தி மு க கூட்டணி கடுமையான எதிர் விளைவுகளை ஏற்படுத்தி மோடியின் ஆதரவில் ஓட்டை விழச் செய்து விடும். இதையெல்லாம் தமிழ் நாட்டு பி ஜே பி தலைவர்கள் உணர்ந்துள்ளார்களா என்பது தெரியவில்லை. அவர்கள் பி ஜே பி தொண்டர்கள் ஃபேஸ்புக்குகளில் செய்யும் குமுறல்களை படிக்கிறார்களா? கணக்கில் கொள்கிறார்களா என்பது தெரியவில்லை. ஒரு வேளை தமிழ் நாட்டில் பி ஜே பி தி மு கவுடன் கூட்டணி வைக்கும் பட்சத்தில் அது தற்கொலை முடிவாக மட்டுமே இருக்க முடியும். அவர்களுக்கு வளர்ந்து வரும் ஆதரவு அனைத்தும் பொசுங்கி அழிந்து விடும் சொந்தக் கட்சிக்காரர்கள் கூட ஓட்டுப் போட முன் வர மாட்டார்கள். ஆகவே பி ஜே பி மிகுந்த எச்சரிக்கையுடன் கூட்டணியை கையாள வேண்டிய நேரம் இது. வெண்ணெய் திரண்டு வரும் நேரத்தில் தி மு கவுடன் கூட்டணி வைத்துத் தாழியை அவர்கள் உடைத்து விடக் கூடாது. நாலாறு மாதமாய் மோடி என்னும் குயவனைத் தேடிக் கொண்டு வந்த ஆதரவுப் பானையை தி மு கவுடன் கூட்டணி வைத்துப் போட்டுடைத்து விட முடியாது. இதை தமிழ் நாட்டு பி ஜே பி தலைவர்கள் உணர வேண்டும்.


தமிழ் நாட்டில் இயல்பான கூட்டணியாக அதிமுகவும் பா ஜ கவுமே இருக்க முடியும். மத வன்முறை மசோதா எதிர்ப்பு, ராமர் சேது திட்ட எதிர்ப்பு போன்ற பல் விஷயங்களில் இரு கட்சிகளும் ஒத்த கொள்கை கொண்டுள்ளன. வேறு பெரிய கொள்கை வித்தியாசங்கள் ஏதும் இரு கட்சிகளிடமும் கிடையாது. ஆகவே அ தி மு கவுடனான கூட்டணியே 40 இடங்களையும் வெல்லக் கூடிய வெற்றிக் கூட்டணியாக இருக்கும்.

ஆனால் ஜெயலலிதா எப்பொழுதுமே மத்திய அரசியலில் புத்திசாலித்தனமாக முடிவு எடுத்தவர் அல்லர். சோனியாவுடன் சேர்ந்து வாஜ்பாய் ஆட்சியைக் கவிழ்த்தது முதல் இன்றைக்கு 40 இடங்களைப் பெறக் கூடிய ஒரு அரிய வாய்ப்பையும் சில முட்டாள்த்தனமான முடிவுகளினாலும் தவற விட்டுக் கொண்டிருக்கிறார். மத்திய அரசியலில் அவர் எடுக்கும் தவறான முடிவுகளினாலேயே அவர் பல வருடங்களாக மத்திய அரசில் இடம் பெற முடியாமல் போனது. இந்த முறையும் அவர் அதே தவறைச் செய்கிறார்.


அதிமுக தனியாக நின்றால் ஒரு 27 இடங்களில் அதிக பட்சமாக ஜெயிக்க முடியும். ஆனால் ஜெயலலிதா தன்னால் தனியாக நின்று 40 இடங்களையும் ஜெயித்து விட முடியும் என்று கனவு காண்கிறார். அப்படி ஒரு 35 இடங்களையாவது ஜெயிக்கும் பட்சத்தில் மத்திய அரசில் முக்கியமான கட்சியாக வந்து எந்தக் கட்சிக்கும் மெஜாரிடி இல்லாத சூழலில் பிரதமர் பதவியை அடைந்து விடலாம் என்ற கனவில் ஆழ்ந்திருக்கிறார். கனவு காண்பது அவர் உரிமை. ஆனால் கனவுகளில் மிதந்து கொண்டு யதார்த்தத்தை தவற விட்டுக் கொண்டிருக்கிறார்.

இன்று தமிழ் நாட்டில் மோடிக்கு வளர்ந்து வரும் ஆதரவை அவர் சரியாக கணிக்கத் தவறி வருகிறார். மோடியுடனான கூட்டணி நிச்சயமாக 40 இடங்களையும் அவருக்கு பெற்றுத் தரும். பி ஜே பி க்கு ஒரு 5 இடங்களை ஒதுக்கினாலும் கூட அவ்ருக்கு தனியாக அதே 35 இடங்களும் மத்திய ஆளும் கட்சியில் ஒரு முக்கியமான இடமும் கிடைக்கும். அவர் தனியாக நின்று பெறும் இடங்களை விட அதிகமான இடங்களை பி ஜே பி யுடனான கூட்டணியின் மூலமாக அவரால் பெற முடியும் என்பதே இன்றைய யதார்த்த நிலை. ஆனால் அவர் எப்பொழுதும் போலவே நிதர்சனத்தைக் கணிக்கத் தவறி தவறான முடிவு எடுத்து வருகிறார். நான்கு மாநிலத் தேர்தல் முடிவுகளைக் கண்டும் அவர் இன்னமும் தனது தப்புக் கணக்கை மாற்றிக் கொண்டதாகத் தெரியவில்லை.

பி ஜே பி யுடன் கூட்டணி வைக்கத் தவறி ஒரு 27 இடங்களைப் பெறும் பட்சத்தில் மத்தியில் பி ஜே பி அரசு அமையும் பட்சத்தில் ஜெயலலிதாவும் தமிழ் நாடும் மீண்டும் மத்திய ஆட்சியில் இருந்து விலகி நிற்க நேரிட்டு தமிழ் நாட்டின் வளர்ச்சியை பாதிக்கும். மீண்டும் மீண்டும் தன்னை மத்திய அரசியலில் இருந்து அந்நியப் படுத்திக் கொள்ளும் தற்கொலை முடிவுகளையே ஜெயலலிதா எடுத்து வருகிறார்.


பா ஜ க வுடன் கூட்டணி வைத்து மோடி அலையைப் பயன் படுத்திக் கொண்டு ஜெயலலிதா 40 இடங்களை வெல்லும் பட்சத்தில் மத்திய அரசில் முக்கியமான கூட்டணி கட்சியாக இடம் பிடித்து முக்கியமான துறைகளை பெறும் அரியதொரு வாய்ப்பை தன் கனவுகளினால் தவற விட்டு வருகிறார். கூட்டணி வைப்பதன் மூலமாக 35 இடங்களில் வெற்றி பெற்று முக்கியமாக ரெயில்வே, நீர் பாசானம் போன்ற துறைகளைப் பெறுவதன் மூலமாக தமிழ் நாட்டிற்கு பெரும் நிதி ஒதுக்கீடுகளையும் வளர்ச்சித் திட்டங்களையும் அவர் பெற்றுத் தரலாம்.

இன்று தமிழ் நாட்டில் ரயில் திட்டங்களுக்காகவும் நதி நீர் இணைப்புத் திட்டங்களுக்காகவும் முறையான நிதி ஒதுக்கீடு செய்யப் படுவதில்லை. தொடர்ந்து காங்கிரஸ் அரசாங்கம் தமிழ் நாட்டை பழி வாங்கியே வருகிறது. மின்சாரத்தில் தமிழ் நாடும் ஒரு இருண்ட மாநிலமாக இருக்கிறது. விவசாயத்திற்குத் தேவையான நதி நீர் கிடைப்பதில்லை. எந்தவொரு முக்கியமான ரெயில்வே திட்டமும் தமிழ் நாட்டில் நிறைவேற்றப் படுவதேயில்லை. இந்தப் பிரச்சினைகளைத் தீர்க்க ஜெயலலிதா ,முன் உள்ள ஒரே வழி பி ஜே பியுடன் கூட்டணி வைப்பது மட்டுமே. இந்த நான்கு மாநிலங்கள் சொல்லும் செய்தியை அவர் புரிந்து கொள்ளத் தவறி தனது பிரதமர் கனவில் மிதப்பார் என்றால் உள்ளதும் போய் மீண்டும் மத்திய அரசில் இருந்து விலகி தன்னையும் தன் மாநிலத்தையும் துயரத்துக்குள்ளாக்கி விடுவார். இதைத் த்விர்க்கும் வல்லமை ஜெயலலிதா ஒருவரிடம் ம்ட்டுமே உள்ளது.

ஆனால் அவர் மத்திய அரசியலில் இதுவரை தன் ஆணவத்தினாலும் தவறான கனவுகளினாலும் தனக்கும் மாநிலத்திற்கும் பெரும் அழிவையே தேடித் தந்திருக்கிறார். ஊழல் குடும்பத்தை பி ஜே பி யின் அருகே நெருங்க விடாமல் தடுத்து அடுத்து வரவிருக்கும் பி ஜே பி ஆட்சியில் ஒரு பலமான இடத்தைப் பெறும் சக்தி அவரிடம் மட்டுமே உண்டு. பி ஜே பி உடனான கூட்டணி மட்டுமே அவருக்கும் தமிழ் நாட்டுக்கும் நன்மைகளைக் கொண்ர முடியும் என்பதை அவருக்கு யாராவது எடுத்துச் சொல்ல வேண்டும். சோ சொல்லியிருந்திருப்பார். ஆனால் கேடு காலம் வரும் பொழுது நல்ல அறிவுரைகள் எவர் காதிலும் ஏறுவதில்லை. மீறி அவர் புரிந்து கொண்டு கூட்டணி வைத்தால் அவருக்கும் தமிழ் நாட்டிற்கும் இந்தியாவுக்கும் பெரும் நன்மைகள் விளைவிக்கும்.

மத்தியில் பி ஜே பி மெஜாரிட்டிக்குத் தேவையான இடங்கள் குறையும் பொழுது தான் பேரம் பேசி அப்பொழுது தனக்கு உதவி பிரதமர் பதவி பெற்றுக் கொள்ளலாம் என்ற எண்ணமும் அவருக்கு இருப்பதாகத் தெரிகிறது. ஒரு வேளை பி ஜே பி தனியாகவே 280 இடங்களைப் பெற்று விட்டால் (அதற்கான சாத்தியங்கள் பலமாக உள்ளன) அவர் கனவில் மண் விழுவதுடன் தமிழ் நாட்டு நலன்களும் பாதிக்கப் படும் என்பதை அவர் உணர வேண்டும். தேர்தலுக்கு முன்பாக பி ஜே பியுடன் வைக்கும் கூட்டணியன்றி தேர்தலுக்குப் பின்னால் எதிர்பார்க்கும் கூட்டணிக்கு வைப்பது அவருக்கோ தமிழ் நாட்டுக்கோ எந்தவொரு நன்மையையும் பெற்றுத் தரப் போவதில்லை என்பதை யாராவது அவருக்கு உணர்த்த வேண்டும். தமிழ் நாட்டில் திறமையான மந்திரிகளைத் தேர்ந்தெடுத்து நிர்வாகம் செய்யத் தடுமாறுவது போலவே மத்திய அரசில் இடம் பெறும் வாய்ப்பையும் தன் தடுமாற்றத்தினால் தவற விட்டு வருகிறார்.


அப்படி தமிழ் நாட்டில் பி ஜே பி தனித்து விடப் பட்டு வை கோபாலசாமி மற்றும் ராமதாஸ் கட்சிகளுடன் கூட்டணி வைத்துப் போட்டியிட்டால் 2 அல்லது 3 இடங்களைப் பெற வாய்ப்புள்ளது. ஜெயலலிதாவுடன் கூட்டணி வைத்தால் அதிக பட்சம் 5 இடங்கள் கிடைக்கும். ஆக தமிழ் நாட்டில் பி ஜே பி இழக்கப் போவது அதிகமில்லை மாறாக கூட்டணி வைக்காமல் போனால் ஜெயலலிதாவும் தமிழ் நாடும் இழக்கப் போவதுதான் அதிகம். ஜெயலலிதாவுடன் கூட்டணி வைத்தால் பி ஜே பி பெறப் போவது அதிகம் ஏதுமில்லை மாறாக ஜெயலலிதாவுக்கும் தமிழ் நாட்டுக்கும் பெரும் நன்மைகள் காத்திருக்கின்றன. ஆகவே பா ஜ க வுடன் கூட்டணி வைக்காமல் போவதினால் ஏற்படும் இழப்பு பி ஜே பி க்கு அல்ல. ஆனால் அதே பி ஜே பி தி மு கவுடன் கூட்டணி வைக்கும் தவறான முடிவை எடுக்கும் பட்சத்தில் தமிழ் நாட்டில் மட்டும் அல்லாமல் ஒட்டு மொத்த இந்தியாவில் ஏற்பட்டுள்ள மோடி அலையில் மிகப் பெரிய ஓட்டையை உருவாக்கி அகில இந்திய அளவில் பெரும் ஓட்டு இழப்புக்கு இட்டுச் சென்று வாராது வந்த மாமணியைத் தோற்கும் நிலைக்குத் தள்ளி விடும். அப்படி மோடிக்கு இருக்கும் வாய்ப்பை தவறான கூட்டணி முடிவுகள் மூலமாக தமிழ் நாட்டு பி ஜே பி தலைவர்கள் துரோகம் செய்து விட மாட்டார்கள் என்று நம்புகிறேன்.

அதிமுக பி ஜே பியுடன் கூட்டணி வைக்கத் தவறும் பட்சத்தில் பி ஜே பி முன்னால் உள்ள ஒரே தேர்வு தி முக தவிர்த்த பிற கட்சிகளுடன் கூட்டணி வைத்துக் கொண்டு டெல்லியில் ஆம் ஆத்மி தனியாக துணிவுடன் எதிர் கொண்டது போல தமிழ் நாட்டு மக்களை எதிர் கொள்வது ஒன்று மட்டுமே. அப்படி தனியாக நிற்கும் பட்சத்தில் தமிழ் நாட்டு மக்கள் நிச்சயமாக ஒரு ஐந்து தொகுதிகளிலாவது வெற்றியை அளிப்பார்கள் என்பது உறுதி. மாறாக ஒரு 10 சீட்டுகளுக்கு ஆசைப் பட்டு தி மு கவுடன் கூடா நட்பை மேற் கொண்டால் ஒட்டு மொத்த இந்தியாவிலும் பெரும் சரிவை பி ஜே பி சந்திக்கு அபாயம் உள்ளது.

பிற மாநில நிலவரங்கள் குறித்து வரும் மாதங்களில் விரிவாகப் பார்க்கலாம்

விஸ்வாமித்ரா

Read More...

Tuesday, December 10, 2013

நான்கு மாநிலத் தேர்தல்களும் நாளைய அரசியலும் - 2 - விஸ்வாமித்ரா

நான்கு மாநிலத் தேர்தல்களிலும் பி ஜே பி யின் வெற்றி மோடி உருவாக்கிய உணர்வலைகளின், எழுச்சியின் விளைவே. மோடியின் தனிப்பட்ட ஆளுமயினால் மட்டுமே ம பி யில் 8% அதிக ஓட்டுக்களும் ராஜஸ்தானில் 12% அதிக ஓட்டுக்களும் சட்டிஸ்கரில் 2% அதிக ஓட்டுக்களும் பெற்று பி ஜே பி வெற்றி பெற்றது. டெல்லியில் பி ஜே பி யின் சதவிகிதம் 2% குறைந்து போனதாகச் சொல்லப் பட்டாலும் மிக அதிக அளவில் 70% வாக்காளர்கள் ஓட்டுப் போட வெளி வந்தது இதுவே முதல் முறை. அது பெரும்பாலும் மோடியால் ஈர்க்கப் பட்ட வாக்கு வங்கியே. ஆனால் இந்தியாவின் ஆங்கில ஊடகங்கள் அனைத்தும் மோடியின் இந்த மாபெரும் சாதனையை, அலையை மறுக்கவே முயன்று கொண்டிருந்தன. மோடி மீதான ஆழமான வெறுப்பு அவர்களது நிகழ்ச்சிகளில் எதிரொலித்தது. மோடியின் தாக்கம் முற்றிலுமாக மறைக்கப் பட்டு தேவையற்ற ஒளி வெள்ளம் ஆம் ஆத்மி மீது மீடியாக்களினால் செலுத்தப் பட்டது. மோடியின் சக்தி ஏற்படுத்திய விளைவுகளை விடவும் அதிகமாக ஊடகங்களினால் கொண்டாடப் பட்டது ஆம் ஆத்மி கட்சியின் வளர்ச்சியும் வெற்றியும் மட்டுமே. பி ஜே பி இரு பெரிய மாநிலங்களில் மிகப் பிரமிப்பான வெற்றியை மோடியின் சக்தியினால் பெற்றுள்ளது. ஆனால் அதைப் பற்றி பேச எந்தவொரு பீசெக்குலார் மீடியாவும் திட்டமிட்டு மறந்து விட்டன. அதை ஒரு பெரிய சாதனையாக அவர்கள் கருதாமல் ஆம் ஆத்மி கட்சியின் வெற்றி குறித்தே முக்கியத்துவம் அளித்தார்கள். ஆம் ஆத்மி கட்சியின் மீதான பாசத்தால் அதை ஊடகங்கள் செய்யவில்லை. மாறாக மோடியின் முக்கியத்துவத்தைக் குறைக்கும் விதமாக மட்டுமே ராஜஸ்தான், ம பி வெற்றிகளைப் பற்றி விரிவாக எந்தவொரு சேனலும் பத்திரிகையும் அலசாமல் தவிர்த்து தன்களது காங்கிரஸ் விசுவாசத்தை காட்டிக் கொண்டனர். மோடியின் தாக்கத்தினால் ஏற்பட்ட பி ஜே பி யின் ஓட்டு வளர்ச்சியைப் பற்றி பேசாத அதே ராஜ்தீப்பும், கோஸ்வாமியும், ப்ரோக்கர் பரக்கா தத்தும் காங்கிரஸ் தோல்விக்கு ராகுலைப் பொறுப்பாக்காமல் அவரை பத்திரமாக பாதுகாத்து அவர் மீது எந்தவிதமான விமர்சனங்களும் எழாமல் பாதுகாத்தனர். மொத்தத்தில் மீடியாக்கள் இந்த தேர்தல் முடிவுகளை மிகவும் கேவலமாகவும் ஒரு தலைப் ப்ட்சமாகவும் மோடி எதிர்ப்பாகவும் கையாண்டனர். சீப்பை ஒளித்து வைத்தால் கல்யாணம் நின்று விடும் என்று நினைத்துச் செயல் பட்டனர்.



ஆம் ஆத்மி கட்சியின் தற்காலிக வெற்றியை பி ஜே பி உட்பட எந்தவொரு கட்சியும் சரியாக கணிக்கவில்லை என்பதே உண்மை. மோடி மட்டும் டெல்லியில் பிரசாரம் செய்து அதற்கு அணை போட்டிருக்காவிட்டால் ஆம் ஆத்மி கட்சி ஆட்சியைக் கூடப் பிடித்திருக்கக் கூடும். ஆம் ஆத்மி கட்சிக்கான அடித்தளத்தை ஏற்கனவே அன்னா ஹசாரே பலமாக எழுப்பி வைத்து விட்டுப் போயிருக்கிறார். அவர் ஏற்படுத்திய அடித்தளத்தில் இன்று இந்தக் கட்சியை வலுவாக கேஜ்ரிவால் உருவாக்கிக் கட்டியெழுப்பியுள்ளார். ஆனால் இது இந்திய அரசியலில் முதன் முறை அல்ல. ஏற்கனவே அஸ்ஸாம் கணசங் பரிஷத், வி பி சிங் போன்று ஊழல்களை எதிர்க்கக் கிளம்பி ஊழல் அரசியலிலும் பிரிவினைவாத அரசியலிலும் மூழ்கிப் போன கட்சிகளை இந்தியா பல முறை கண்டுள்ளது. இந்தக் கட்சியும் அப்படி மாறுவதற்கான அறிகுறிகள் இப்பொழுதே தோன்றுகின்றன.

ஆம் ஆத்மி கட்சி தன்னை தூய்மையான கட்சி என்றும் பொது வாழ்வில் நேர்மை, வெளிப்படையான நிலைப்பாடு ஆகியவற்றை போற்றும் கட்சி என்றும் விளம்பரப் படுத்துகிறது. ஆனால் அது பெற்ற நன்கொடைகளுக்கான முறையான கணக்கு வழக்குகளை அது வெளிப்படையாகச் சொல்ல மறுக்கிறது. பாக்கிஸ்தான் உட்பட பல நாடுகளில் இருந்தும் அதற்கு நிதி வந்துள்ளது. முக்கியமாக பிற நாடுகளில் புரட்சியைத் தூண்டி விடும் அமைப்புகள் அதற்கு நிதி அளித்துள்ளன. அன்னா ஹசாரேவும் தன் போராட்டத்தில் திரட்டப் பட்ட நிதியை கேஜ்ரிவால் திருடிக் கொண்டு விட்டதாக புகார் சொல்லியுள்ளார்.

ஆம் ஆத்மி கட்சி வெளிப்படையாகவே சிறுபான்மையினருக்கு சலுகை அளிக்கும், இஸ்லாமிய பயங்கரவாதிகளை ஆதரிக்கும் மதவாத அரசியலைச் செய்து வருகிறது. அந்த வகையில் காங்கிரஸ், கம்னியுஸ்டு கட்சிகளுக்கும் ஆம் ஆத்மி கட்சிக்கும் எந்தவொரு வித்தியாசமும் கிடையாது. காங்கிரஸ் போலவே இஸ்லாமிய பயங்கரவாதத்தில் ஈடுபட்டுள்ளவர்களுடன் உறவை வைத்துக் கொண்டுள்ளது அவர்களது ஆதரவைக் கோரியுள்ளது. மதவாத அரசியலில் வேறு எந்தவொரு கட்சியைப் போலவே ஈடுபட்டு வருகிறது ஆம் ஆத்மி கட்சி. ஓட்டுக்காக சிறுபான்மையோருக்கு மட்டும் சலுகை அளிக்கும் அரசியலைச் செய்யும் எந்தவொரு கட்சியும் இறுதியில் ஊழல் கட்சியாக முடிவதே இந்தியாவின் அரசியல் வரலாறு. அதற்கு இந்தக் கட்சியும் விதி விலக்கல்ல என்றே அதன் நடவடிக்கைகளைக் காணும் பொழுது தோன்றுகிறது.

ஆம் ஆத்மியின் முக்கிய தலைவரான பிரசாந்த் பூஷன் காஷ்மீரை பாக்கிஸ்தானுக்கு அளிக்க வேண்டும் என்று பேசி வருபவர். ஹைதராபாத் குண்டு வெடிப்பில் ஈடுபட்ட பயங்கரவாதிகளுக்காக ஆஜராகி அவர்களை விடுவிக்கப் போராடி வருபவர். பயங்கரவாதிகளின் வழக்குகளில் ஆஜராவது மூலமாக இஸ்லாமிய ஓட்டுக்களைப் பெற முயற்சிக்கிறார்கள். மேலும் பல்வேறு சந்தேகமான குற்றசாட்டுகளுக்கு உள்ளானவர். மாவோயிஸ்ட்களுடனும் ஆம் ஆத்மி கட்சி தொடர்பு கொண்டு அவர்களது ஆதரவையும் பெற்று வருகிறது இந்த ஆம் ஆத்மி கட்சி. சிறையில் உள்ள இஸ்லாமியக் குற்றவாளிகளை மட்டும் விடுதலை செய்ய வேண்டும் என்று உள்துறை அமைச்சர் உத்தரவிட்ட பொழுது அது குறித்து தன் கருத்தைச் சொல்ல கேஜ்ரிவால் மறுத்து அது போன்ற ஒரு மதவாத உத்தரவுக்கு ஆதரவாகச் செயல் பட்டிருக்கிறார். ஊழல் ஒழிப்பை விட மக்களின் அடிப்படை பாதுகாப்பு முக்கியமானது என்பதை இந்த கட்சியினர் ஏற்றுக் கொள்ளவில்லை.

ஆக வெளிநாடுகளில் இருந்து சந்தேகமான முறைகளில் நிதி திரட்டுதல். மைனாரிடிகளை மட்டுமே தாஜா செய்யும் அரசியல், இந்திய விரோதப் போக்கு. மாவோயிச ஆதரவு என்று அபாயகரமான ஒரு கட்சியாக ஆம் ஆத்மி கட்சி ஆரம்பம் முதலாகவே வளர்ந்து வருகிறது. இதன் வளர்ச்சி இப்பொழுது டெல்லிக்கும் நாளைய இந்தியாவுக்கும் அபாயகரமானதாகவே முடியும். நேபாளத்தின் மாவோயிஸ்டுகளின் வளர்ச்சிக்கும், அஸ்ஸாமில் ஊழல் கட்சியாக முடிந்த அஸ்ஸாம் கணசங் கட்சிக்கும் இந்தக் கட்சிக்கும் பல ஒற்றுமைகள் உள்ளன.

டெல்லியின் படித்த நடுத்தர வர்க்க மக்கள் ஊழல் எதிர்ப்பு ஒன்றை மட்டுமே பிரதானமாகக் கருதி இந்தக் கட்சியை வளர்த்து விடுகிறார்கள். பெரும்பாலான படித்த நடுத்தரவர்க்கத்தினரிடமும் இடது சாரி கொள்கைகளினால் மூளைச் செய்யப் பட்டு மனநோயாளிகளாக மாறியவர்களிடமும் பி ஜே பி மீது ஒரு விதமான ஆழமான வெறுப்பை நம் ஊடகங்கள் உருவாக்கியுள்ளன. அப்படியான வாக்காளர்களுக்கு இந்த ஆம் ஆத்மி கட்சி ஒரு மதவாதம் இல்லாத நேர்மையான கட்சியாகவும் தங்களின் கவுரவத்திற்கு ஏற்றவொரு கட்சியாகவும் தோற்றமளித்து கவர்ந்து விட்டிருக்கிறது. ஆனால் இந்தக் கவர்ச்சியை அதனால் அதிக நாட்கள் தக்க வைத்துக் கொள்ள முடியாது என்பதையே அதன் சந்தேகமான நடவடிக்கைகள் உணர்த்துகின்றன. ஊழலில்லாத நேர்மையான ஆட்சி ஒரு நாட்டிற்கும் மாநிலத்திற்கும் எவ்வளவு முக்கியமோ அந்த அளவுக்கு வளர்ச்சித் திட்டங்களும் மிக முக்கியமானவை. ஆனால் போராட்டங்களுக்கும் ஊழல் ஒழிப்பிற்கும் முக்கியத்துவம் அளிக்கும் ஆம் ஆத்மி கட்சி டெல்லிக்கான வளர்ச்சி திட்டங்கள் குறித்து எதையும் அதிகமாகப் பேசவில்லை. டெல்லியின் மாபெரும் சாக்கடையாக மாறி விட்ட யமுனை நதியைச் சுத்தப் படுத்துவது குறித்தோ அதன் சேரிப் பகுதிகளை சீரமைப்பது குறித்தோ அதன் போக்குவரத்து பிரச்சினைகள் குறித்தோ அதிகமாக அலட்டிக் கொள்ளவில்லை.

ஆகவே ஆம் ஆத்மி கட்சியின் இந்த வளர்ச்சி ஒரு தற்காலிகமான நீர்க்குமிழி வளர்சியாக மட்டுமே இருக்கப் போகிறது. டெல்லி பெரும்பாலும் படித்த நகர்ப்புற வாக்களர்களினால் ஆன ஒரு மாநிலம். ஆனால் இந்தியாவின் பிற மாநிலங்கள் அனைத்து பெரும்பாலும் கிராமப் புறங்களினால் ஆனவை. அங்கு கட்சியைக் கட்டி எழுப்பக் கூடிய அடிப்படை தொண்டர்களும் கட்டுமானங்களும் இந்த ஆம் ஆத்மி கட்சியிடம் கிடையாது. டெல்லி போன்ற ஒரு சில நகர்ப்புறங்களில் சில தாக்கங்களை இந்தக் கட்சியினால் எழுப்ப முடியும். நகர்ப்புற வாக்காளர்களின் பொதுப் புத்தியைப் பயன் படுத்தி 28 இடங்களில் ஜெயித்தும் விட்டிருக்கிறார்கள். அவர்கள் உண்மையாகவே நாட்டின் மீது அக்கறை உள்ளவர்களான ஒரு கட்சி என்றால் அவர்கள் செய்ய வேண்டியதும் கூடியதும் என்னவாக இருக்க வேண்டும்?

டெல்லில் ஏற்கனவே பா ஜ க அதிக இடங்களைப் பெற்று 32 சீட்டுகளுடன் முன்ணணியில் இருக்கின்றது. அது மக்கள் அளித்துள்ள தீர்ப்பு. மேலும் ஒரு 7 இடங்களில் நூறு ஓட்டுகள் வித்தியாசத்தில் தோல்வியைத் தழுவியுள்ளது. ஆகவே மக்களின் ஆதரவினைப் பெற்ற கட்சியும் ஆட்சி அமைக்க அருகதையுள்ள கட்சியாகவும் பி ஜே பி வந்துள்ளது. அப்படியானவொரு நிலையில் ஆம் ஆத்மி கட்சி பி ஜே பி கட்சியை ஆட்சி அமைக்க அனுமதிப்பதே டெல்லியின் மீது அக்கறையுள்ள ஒரு கட்சி செய்யும் செயலாக இருக்க முடியும்.

மாறாக பி ஜே பி ஆட்சி அமைக்க ஆம் ஆத்மி கட்சி அனுமதிக்க மறுக்குமானால் எந்தவொரு கட்சியும் ஆட்சியை பிடிக்க முடியாத நிலை ஏற்படும். அதன் விளைவாக டெல்லியில் ஜனாதிபதி ஆட்சி கொணரப் படும். ஜனாதிபதி ஆட்சி என்பது டெல்லியின் லெஃப்டினண்ட் கவர்னரின் தலைமையில் மத்திய அரசை ஆட்சி செய்யும் காங்கிரஸின் நேரடி ஆட்சியாகவே இருக்கும். ஆக மக்களால் அனேகமாக பெருவாரியான இடங்களில் தேர்ந்தெடுக்கப் பட்டுள்ள ஒரு கட்சியின் உரிமையை மறுப்பதன் மூலமாக ஆம் ஆத்மி கட்சி கொல்லைப் புற வழியாக காங்கிரஸ் ஆட்சிக்கே வழி வகுக்கிறது. இது ஆம் ஆத்மி கட்சி காங்கிரஸின் முகமூடி கட்சி., பினாமி கட்சி என்ற குற்றசாட்டை வலுவாக்குகிறது.

ஆம் ஆத்மி கட்சியின் இந்த பிடிவாதத்தினால் ஆறு மாதங்கள் காங்கிரஸ் கட்சி ஆட்சி செய்ய இடம் ஏற்படுத்தித் தந்து மறைமுகமாக காங்கிரஸ் கட்சிக்கு உதவி செய்கிறது. மேலும் மறு தேர்தல் நடத்துவதன் மூலமாக பல கோடி வீண் செலவுக்கு நிர்பந்திக்கிறது. ஊழலை ஒழிப்பதற்காகக் கிளம்பிய கட்சி பொது மக்களின் வரிப்பணத்தை வீணாகச் செலவு செய்ய கட்டாயப் படுத்துகிறது. வீணாக ஒரு தேர்தல் நடத்தக் கட்டாயப் படுத்துவதும் ஒரு வகையில் பொது ம்க்களின் வரிப்பணத்தின் மீதான அநாவசிய செலவுதானே? ஊழலினால் விரையமாகும் வரிப்பணத்திற்கும் இதற்கு என்ன வித்தியாசம் ? இதுதான் நேர்மையான ஆட்சியைத் தரப் போகும் கட்சியின் லட்சணமா?


ஆம் ஆத்மியின் தலைவர் கேஜ்ரிவால் 100 கோடிகள் செலவானாலும் பரவாயில்லை மறு தேர்தல் நடத்தப் பட வேண்டும் என்று எந்தவிதமான பொறுப்பும் இல்லாமல் பேசியுள்ளார். சரி மறு தேர்தல் நடத்தி அதன் முடிவுகளும் இது போலவே வந்தால் மீண்டும் ஒரு தேர்தலைக் கோருவாரா? இவர் ஊழல் ஒழிப்பின் மூலமாகச் சேமிக்கப் போகும் பணத்தை விட இந்த தேர்தல் செலவு பெரும் விரயம் அல்லவா? இன்று 100 கோடி செலவு ஒரு பொருட்டில்லை என்று சொல்பவர் தன் வெற்றிக்காக எதையுமே ஒரு பொருட்டாக மதிக்காமல் போகலாம் அல்லவா? ஆணவத்தின் உச்சமான பேச்சு அது.


டெல்லியில் ஆம் ஆத்மி கட்சி என்ன செய்திருக்க வேண்டும்?


உண்மையாகவே பொது மக்களின் வரிப்பணத்தின் மீது அக்கறையுள்ள கட்சியாக ஆம் ஆத்மி கட்சி இருக்குமானால் அது ஏற்கனவே ஒரு சீட் குறைவாக இருக்கும் பா ஜ க வை ஆட்சி அமைக்க அனுமதிக்க வேண்டும். அதன் பின்னால் தங்களது கொள்கைகளை பா ஜ க மூலமாக நிறைவேற்ற முயல வேண்டும். ஒரு வேளை பா ஜ க ஊழல் செய்தாலோ தவறிழைத்தாலோ ஆம் ஆத்மி கட்சியின் பிரதான நியாயமான கொள்கைகளை செயல் படுத்த மறுத்தாலோ அப்பொழுது அதன் ஆதரவை விலக்கிக் கொள்வதே நேர்மையான யோக்கியமான மக்கள் நலனில் அக்கறையுள்ள ஊழலை எதிர்க்கும் ஒரு கட்சியின் செயல்பாடாக இருக்கும். ஆனால் அதையெல்லாம் பயங்கரவாதிகளுடன் கூட்டணி வைத்துக் கொண்டு வெளிநாடுகளில் நிதி திரட்டும் ஒரு கட்சியிடம் நாம் எதிர்பார்க்க முடியாது.

மறு தேர்தல் நடத்தும் நிலைக்கு ஆம் ஆத்மி கட்சி தள்ளியுள்ளது. இதனால் ஏற்படப் போகும் பல நூறு கோடிகளுக்கான செலவுக்கும் அவர்களே பொறுப்பேற்க வேண்டும். மேலும் இடைப்பட்ட காலத்தில் காங்கிரஸின் ஊழல் ஆட்சி தொடரப் போகிறது அதற்கான விலையையும் இந்த ஆம் ஆத்மி கட்சியே கொடுக்க வேண்டி வரும். ஆகவே இப்பொழுதைக்கு காங்கிரஸ், ஆம் ஆத்மி கட்சியின் சதியாலோசனைகளின் படி மீண்டும் டெல்லியின் ஆட்சி காங்கிரஸ் கட்சியிடமே ஒப்படைக்கப் படவிருக்கிறது. இது பொறுப்பற்றதனத்தின் உச்சம். மக்களின் தீர்ப்பை மதிக்காத ஆணவப் போக்கு மட்டுமே. மறு தேர்தல் நடத்தி அநாவசிய செலவுகளுக்கு தள்ளிய குற்றத்துக்காகவும் காங்கிரஸுடம் மறைமுக கூட்டணி வைத்துக் கொண்டு மீண்டும் காங்கிரஸ் ஆட்சியையே உப கவர்னர் மூலமாகத் தொடர அனுமதித்த குற்றத்திற்காகவும் அடுத்த ஆறு மாதங்களில் இந்தக் கட்சி கடுமையான விலையைக் கொடுக்கப் போகிறது.

டெல்லியில் பி ஜே பி என்ன செய்ய வேண்டும்?


பி ஜே பிக்கு அதிக எண்ணிக்கையை மக்கள் வழங்கியுள்ளார்கள். அதைக் கொண்டு ஆட்சி அமைக்க உரிமை கோர வேண்டும். அவர்கள் ஆம் ஆத்மி கட்சியால் தோற்கடிக்கப் படுவார்கள். அதன் மூலமாக ஆம் ஆத்மி கட்சியின் பொறுப்பற்றத்தனத்தை மக்களிடம் விளக்கலாம். அனுதாப அலையை உருவாக்கலாம். பதவியேற்க முன் வராமல் இருப்பது நல்ல முடிவு அல்ல. ஆம் ஆத்மி கட்சி உண்மையாகவே மாநில நலனுக்கான கட்சி அல்ல அது மறு தேர்தல் மூலம் சில நூறு கோடி செலவுகளை விரயமாக்கப் போகிறது என்பதை வெளிக்காட்ட ஆட்சி அமைக்கக் கோருவது அவசியமானது. இதை பி ஜே பி கவனமாகக் கையாள வேண்டும்.

அடுத்த ஆறு மாதங்களில் தேர்தல் வரும் பொழுது அதற்குள்ளாக பா ஜ க தன்னை வலுப்படுத்திக் கொள்ள வேண்டும். நல்ல வேட்ப்பாளர்களை நிறுத்த வேண்டும். ஹர்ஷ வர்த்தன் மக்களுடன் தன் தொடர்புகளை வலுப்படுத்திக் கொள்ள வேண்டும். ஆம் ஆத்மி கட்சியின் மறைமுகமான காங்கிரஸ் ஆதரவு நிலைப்பாட்டை மக்களிடம் விளக்க வேண்டும். தோல்வி அடைந்த ஒவ்வொரு தொகுதியிலும் உள்ள வாக்காளர்களை நேரடியாக சந்தித்து ஆம் ஆத்மி கட்சியின் பொறுப்பற்றதனத்தினால் ஏற்படும் செலவு குறித்தும் காங்கிரஸ் ஆட்சி தொடர்வது குறித்தும் விரிவாக விளக்க வேண்டும். ஒவ்வொரு வார்டு வாரியாக கட்சியை வலுப்படுத்த வேண்டும். மேலும் மத்தியில் மோடி தலைமையிலான ஆட்சி வரும் பொழுது அதே கட்சி டெல்லி மாநிலத்திலும் இருந்தால் மட்டுமே அதன் முழுமையான வளர்ச்சி சாத்தியம் என்பதை விளக்க வேண்டும். குறைந்த வாக்கு வித்தியாசங்களில் தோற்ற இடங்களில் அதிக பட்ச முனைப்பைக் காட்ட வேண்டும். டெல்லிக்கு மத்தியிலும் மாநிலத்திலும் ஆட்சிக்கு வருவதன் மூலமாக என்னென்னெ திட்டங்களைச் செய்யப் போகிறோம் என்பதை பவர் பாய்ண்ட் பிரசெண்ட்டேஷன் மூலமாக தெருமுனைகளில் விளக்க வேண்டும். அப்படிச் செய்தால் ஆறு மாதம் கழித்து வரவிருக்கும் மறு தேர்தலில் பி ஜே பி முழு மெஜாரிட்டியுடன் ஆட்சியைப் பிடிக்க வழியிருக்கிறது. இந்தத் தேர்தலில் பி ஜே பி பல தவறுகளைச் செய்திருக்கிறது. மோடி அலை மட்டும் இல்லாமல் போயிருந்தால் 20 சீட்டுக்களைக் கூட அது பெற்றிருந்திருக்காது. சரியான வேட்ப்பாளர்களை தேர்வு செய்யவில்லை.முதல்வர் வேட்ப்பாளரை முன் கூட்டியே அறிவிக்கவில்லை. டெல்லி தலைவர்கள் முழு முனைப்புடன் வேலை செய்யவில்லை. இந்த்க் குறைகளையெல்லாம் அடுத்த ஆறு மாதங்களில் களைந்து கொண்டால் நிச்சயமாக 50 இடங்களுக்கும் மேலாக பெற்று பெரு வெற்றி அடைய முடியும். அந்த இலக்கு நோக்கி அவர்கள் நகர இந்த கால அவகாசம் உறுதுணையாக இருக்கும். அது வரை ஆம் ஆத்மி கட்சியின் மறைமுக ஒத்துழைப்புடனும் துரோகத்துடனும் காங்கிரஸ் கட்சியே டெல்லியில் தன் ஆட்சியைத் தொடரப் போகிறது. அதற்கான முழு பொறுப்பும் ஆம் ஆத்மி கட்சியையே சாரும். மக்கள் நலனில் அக்க்றையுள்ள உழல் காங்கிரஸ் கட்சியை எதிர்ப்பதாகச் சொல்லிக் கொள்ளும் ஒரு கட்சி செய்யக் கூடிய காரியம் அல்ல அது.

மேலும் 6 மாதங்களுக்குப் பிறகு மத்திய தேர்தலுடன் மாநில தேர்தல் நடைபெறும் பொழுது மக்கள் மோடிக்கான ஆதரவுடன் பி ஜே பி யை முழு மெஜாரிட்டியுடன் டெல்லியில் ஆட்சியில் அமர்த்துவார்கள். அதுவரை ஆம் ஆத்மி கட்சி காங்கிரஸுடனான தன் கள்ளக் காதலைத் தொடரட்டும் அதை பி ஜே பி மக்களிடம் வெளிச்சம் போட்டுக் காட்டட்டும்.



Read More...

Monday, December 09, 2013

நான்கு மாநிலத் தேர்தல்களும் நாளைய அரசியலும் - 1 - விஸ்வாமித்ரா

கிட்டத்தட்ட ஒரு சாம்ப்பிள் பொதுத் தேர்தல் என்ற அளவில் இந்தியாவின் ஐந்து மாநிலங்களில் சட்டசபைத் தேர்தல்கள் நடந்து முடிந்துள்ளன. ஒவ்வொரு முறையும் வரவிருக்கும் பாராளுமன்றப் பொதுத் தேர்தல்களுக்கு ஒரு ஆறு மாதங்களுக்கு முன்னால் சில மாநில சட்டசபை தேர்தல்கள் நடைபெற்று வரவிருக்கும் பாராளுமன்றத் தேர்தல்களின் முடிவைக் கணிக்கும் ஒரு முன்னெச்சரிக்கைத் தேர்தல்களாக அமைகின்றன. ஆனால் முந்தயத் தேர்தல்களை விட இந்த முறை இந்த சட்டசபைத் தேர்தல்கள் பெருத்த எதிர்பார்ப்பையும் ஆர்வத்தையும் ஏற்படுத்தின. அதன் காரணம் மோடி என்னும் ஒரு விதி சமைப்பவரின் வருகை. இந்தத் தொடரில் நான்கு மாநிலத் தேர்தல்களில் மோடி ஏற்படுத்திய தாக்கம், ஆம் ஆத்மியின் பங்கு, வரவிருக்கும் பாராளுமன்றத் தேர்தலில் இந்த முடிவுகள் ஏற்படுத்தப் போகும் மாற்றங்கள், தமிழ் நாட்டில் உருவாக வேண்டிய கூட்டணிகள் ஆகியவை குறித்து ஒரு விரிவான பார்வையை இந்த கட்டுரை அளிக்கவுள்ளது






இந்த நான்கு மாநிலத் தேர்தல்களில் பி ஜே பியின் வெற்றியில் மோடியின் பங்கு என்ன?



மோடியின் செல்வாக்கு குஜராத்தில் மட்டுமே செல்லுபடியாகும். மோடியினால் குஜராத்துக்கு வெளியே பெருத்த ஆதரவு அலையை பி ஜே பிக்கு உருவாக்க முடியாது. மோடிக்கு எந்தவிதமான செல்வாக்கும் கிடையாது அவர் ஒரு வெத்து வேட்டு மட்டுமே. மோடி சொல்லி பிற மாநில சட்டமன்றத் தேர்தல்களில் எந்தவிதமான மாற்றமும் வந்து விடப் போவதில்லை. மோடி அலை என்று எதுவும் கிடையவே கிடையாது என்று தொடர்ந்து காங்கிரஸின் பிரசார ஏஜெண்டுகளாகச் செயல் பட்டு வரும் ஊடகங்கள் ஊளையிட்டுக் கொண்டிருந்தன. மோடி அலை எதுவும் வீசவில்லை என்று மீண்டும் மீண்டும் பொய்களைச் சொல்லிக் கொண்டு திரிகிறார்கள் சில அஞ்ஞாநிகள்.

இதற்கு முன்பாக நடந்த பல தேர்தல்களில் மோடி பிரசாரம் செய்தும் பெரிய மாற்றம் எதையும் அவர் ஏற்படுத்தியிராததும் உண்மையே. ஆனால் இப்பொழுது மோடியை பா ஜ க தன் பிரதமர் வேட்ப்பாளராக அறிவித்துள்ள நிலையில் அவர் மீது நாடு முழுவதும் மக்களுக்கு ஆர்வமும் மரியாதையும் பெருத்த அளவில் உருவான நிலையில் இந்த மாநிலத் தேர்த்ல்கள் மிக முக்கியமாக அவதானிக்கப் பட்டன. இந்த மாநிலத் தேர்தல்கள் மோடியின் செல்வாக்கினை கணிக்கும் ஒரு பாரோ மீட்டராகவே கருதப் பட்டது. ஆக வரவிருக்கும் பாராளுமன்றத் தேர்தல்களில் இந்த சட்டசபைத் தேர்தல்கள் ஏற்படுத்தும் தாக்கத்தை விட மோடி ஏற்படுத்தவிருக்கும் தாக்கத்தை அளவிடும் ஒரு கருவியாகவே இந்தத் தேர்தல்கள் கருதப் பட்டன. மோடிக்கு அடுத்தபடியாக இந்தியாவில் அன்னா ஹசாராவினால் ஏற்படுத்தப் பட்ட ஊழல் எதிர்ப்பு இயக்கத்தின் அரசியல் வடிவம் எந்த அளவில் நகர்ப்புற மாநிலமான டெல்லியில் தன் தாக்கத்தை ஏற்படுத்தப் போகிறது என்பதை அளவிடும் தருணமாகவும் இந்தத் தேர்தல் அமைந்து விட்டபடியால் இந்தத் தேர்தல்கள் ஒரு முக்கியமான அளவீட்டுத் தேர்தலாக மாறி விட்டன.

பல்வேறு விதமான தேர்தல் கணிப்புகளின் படியே முடிவுகளும் வந்துள்ளன. இந்தத் தேர்தல்களில் மோடியின் பங்கும் அவரது பலத்த தாக்கமும் பா ஜ கவின் வெற்றிகளுக்கு ஆதாரமானவையாக இருந்தன. இதை அரசியல் அறிவு இல்லாத மூடர்களினால் மட்டுமே மறுக்க முடியும்.

மோடி அலை உண்மையா?:

இந்தத் தேர்தல்களில் மோடி அலை இருந்ததா? அதனால் பெருத்த மாறுதல்கள் நிகழ்ந்தனவா? மோடியினால் பா ஜ க வுக்கு பெருத்த ஆதரவினைத் திரட்ட முடிந்ததா?

இந்தக் கேள்விகளுக்கு காங்கிரஸ் ஆதரவு மீடியாக்களும் காங்கிரஸ் இடதுசாரி ஆதரவாளர்களும் ”நிச்சயம் இல்லை” என்று பதில் சொல்கிறார்கள். இது கண் முன்னே வீசிக் கொண்டிருக்கும் ஒரு சுனாமியை அதன் மையத்தில் நின்று கொண்டு காண மறுத்து அப்படி எதுவுமே நடக்கவில்லையென்று சொல்லும் புரட்டு, தன்னைத் தானே ஏமாற்றிக் கொள்ளும் மோசடி மட்டுமே. மோடி விளைவு இந்தத் தேர்தல்களில் பெரும் அளவு இருந்தது என்பதே அசைக்க முடியாத ஆணித்தரமான உண்மை.

மிசோரம் தவிர்த்து பிற நான்கு மாநிலங்களில் மோடி செப்டம்பர் மாதம் துவங்கி தேர்தலுக்கு முதல் நாள் வரை ஓய்வின்றி சூறாவளி பிரசாரங்கள் செய்து வந்தார். டெல்லியில் துவங்கி போபால் ஆஜ்மீர் என்று அவரது ஒவ்வொரு கூட்டங்களுக்கும் லட்சக்கணக்கில் மக்கள் அலை அலையாக வரத் துவங்கினார்கள். டெல்லியில் நடந்த அவரது பிரமாண்டமான கூட்டமும் போபாலில் நடந்த அவரது கின்னஸ் சாதனையேற்படுத்திய கூட்டமுமே வரவிருக்கும் தேர்தல்களின் முடிவினைச் சொல்லி விட்டன. மத்திய பிரதேசத்திலும், ராஜஸ்தானிலும் அவருக்கு கூடிய கூட்டங்கள் அங்கு பா ஜ க பெரும் வெற்றியை அசுர வெற்றியை வரலாற்று வெற்றியை பெறப் போகின்றது என்பதை உறுதியாகச் சொல்லின. ஆக மத்தியப் பிரதேசத்திலும், ராஜஸ்தானிலும் பா ஜ க பெற்ற வெற்றியின் அளவு மிகப் பிருமாண்டமான வெற்றியின் பின்னால் மோடி என்னும் ஒரு சக்தி இருந்தது என்பது மறுக்க முடியாத உண்மை

டெல்லியைப் பொருத்தவரை எப்பொழுதுமே பா ஜ க வுக்கு எளிதான வெற்றி அமைந்தது கிடையாது. இழுபறி அல்லது தோல்வி என்பதாகவே இருக்கும். அதிலும் இந்த முறை ஆளும் கட்சியின் மெகா ஊழல்களையும் செயலின்மைகளையும் கற்பழிப்புகளையும் அதனால் மக்களிடம் ஏற்பட்ட கடும் எதிர்ப்பையும் பகிர்ந்து கொள்ள அன்னா ஹசாரே துவக்கிய இயக்கத்தின் அரசியல் பிரிவான ஆம் ஆத்மி கட்சி ஏற்கனவே பெரும் தாக்கத்தை ஏற்படுத்த ஆரம்பித்திருந்தது. பா ஜ க கட்ச்யின் முதல்வர் வேட்ப்பாளர் யார் என்பதை கடைசி வரையிலும் அந்தக் கட்சி அறிவிக்கவில்லை. உள்கட்சி குழப்பங்கள் நிலவி வந்தன. கிட்டத்தட்ட டெல்லி சட்டசபை தேர்தலை அந்தக் கட்சி கை கழுவி விட்டிருந்த நிலையில் மோடியின் வருகை பெருத்த மாற்றத்தை ஏற்படுத்தியது. அதிகம் பிரபலமாகாத முதல்வர் வேட்ப்பாளரும், உரிய முனைப்பும் தயாரிப்பும் இல்லாமையும் வேகமாக வளர்ந்து வரும் ஒரு நவீன எதிர்கட்ச்சியையும் மீறி பா ஜ க இந்த அளவு வாக்குகளைப் பெற்று தனிப் பெரும் கட்சியாக உருவானதன் ஒரே காரணம் மோடி ஏற்படுத்திய தாக்கம் மட்டுமே என்பது உறுதி. மோடியின் பிரசாரம் டெல்லியில் இல்லாமல் போயிருக்குமானால் பா ஜ க ஒரு 25 சீட்டுகளுடன் வழக்கம் போலவே தேங்கிப் போயிருந்திருக்கும். மோடியின் அலை அந்தக் கட்சியை அங்கு பிரதான கட்சியாக முன்னிறுத்தியது என்பதே உண்மை நிலவரம். டெல்லியில் ராகுலின் கூட்டத்திற்கு எவரும் வரவில்லை. காசு கொடுத்து அழைத்து வந்தவர்களும் அவர் பேச ஆரம்பித்தவுடன் கலைந்து சென்றனர். மோசமான கூட்டங்களைக் கண்டு சோனியா, ராகுல், மன்மோகன் ஆகியோரது பொதுக் கூட்டங்கள் ரத்து செய்யப் பட்டன. மாறாக அங்கு நடந்த ஒவ்வொரு மோடியின் பொதுக் கூட்டத்திற்கும் மைதானங்கள் நிரம்பி வழிந்தன. முதல் கூட்டத்திலேயே 3 லட்சத்திற்கும் மேலானோர் மோடியைக் கேட்க்கக் கூடினார்கள். டெல்லியின் வரலாற்றுச் சிறப்புமிக்கக் கூட்டங்களுக்குக் கூடிய அளவில் மோடிக்காக மட்டுமே மக்கள் லட்சக்கணக்கில் குவிந்தனர். அப்பொழுதே டெல்லியில் பா ஜ க வின் வெற்றிக்கான அடித்தளம் இடப் பட்டது. இருந்தாலும் அந்த அலை ஆம் ஆத்மி கட்சியின் புது செல்வாக்கால் லேசாக தடுத்து நிறுத்தப் பட்டது. மோடியின் பிரசாரம் இல்லாமல் இருந்திருந்தால் பி ஜே பி தனிப் பட்ட பெரும்பான்மை கட்சியாக அங்கு உருவாகியிருக்காது என்பதே உண்மை நிலவரம்.

அடுத்தாக மத்திய பிரதேசத்திலும், ராஜஸ்தானிலும் மோடி ஏற்படுத்திய தாக்கம். ராஜஸ்தானைப் பொருத்தவரை அங்கு ஆட்சி செய்த அஷோக் ஜெலோட் மீது பெரிய அளவிலான அதிருப்தி ஏதும் இல்லாமல் இருந்தது. இருந்தாலும் அங்கு வழக்கமாக நிகழும் ஆட்சி மாற்றம் போலவே இந்த முறையும் நிகழ்ந்து பி ஜே பி தான் வழக்கமாகப் பெறும் நூற்றிச் சொச்ச இடங்களைப் பெற்று ஜெயித்திருக்கும். ஆனால் அங்கு மோடிக்குக் கிடைத்த வரவேற்பும் அவர் சென்றவிடமெல்லாம் கூடிய கூட்டமும் ஆரவாரமும் மக்களின் ஏகோபித்த ஆதரவும் அங்கு ஒரு பெரும் மோடி ஆதரவு சூறாவளியை பெரும் ஆழிப் பேரலையை அங்கு உருவாக்கி ராஜஸ்தான் மாநில வரலாற்றில் என்றும் இல்லாத அளவு எந்தவொரு கட்சியும் இது வரைப் பெற்றிராத அளவு 199க்கு 162 இடங்களைப் பெற்று காங்கிரஸ் கட்சியை இருந்த இடம் தெரியாமல் ஆக்கியுள்ளது. மோடியின் தொடர் பிரசாரங்களும் அவர் ஏற்படுத்திய கடுமையான தாக்கமும் மட்டுமே பி ஜே பி க்கு இந்த பிருமாண்டமான ஆதரவு அலையை அங்கு உருவாக்கியுள்ளது. இதை வெளிப்படையாக ராஜஸ்தான் முதல்வராகப் போகும் விஜயராஜே சிந்தியா ஒத்துக் கொண்டுள்ளார். ஆக மோடி அலை டெல்லியை விட ராஜஸ்தானில் பெரும் அளவில் வீசியுள்ளது. டெல்லியில் ஆம் ஆத்மி என்னும் தடுப்பையும் மீறி வீசிய அந்த அலை ராஜஸ்தானில் அது போலவே உருவான மீனா மக்களின் கட்சியையும் காங்கிரஸ் கட்சியையும் சுத்தமாகத் துடைத்தழித்துள்ளது.

மத்தியப்பிரதேசத்தில் பா ஜ கவின் வெற்றி அதன் முதல்வரின் ஆளுமையினாலும் அவரது எளிமையான பண்பினாலும் ஓரளவுக்குத் திருப்தியாக அளித்த ஆட்சியினாலும் அனைத்து தரப்பு மக்களின் ஆதரவினையும் பெற்று ஏற்கனவே உறுதி செய்யப் பட்டிருந்த ஒன்று. ஆனால் அங்கு போபால் நகரில் மோடியின் பேச்சைக் கேட்ப்பதற்காக கிராமப் புறங்களில் இருந்தெல்லாம் கிளம்பி கிட்ட்டத்தட்ட 7 லட்சம் மக்கள் கூடியிருந்தார்கள். கின்னஸ் சாதனையாக அந்தக் கூட்டம் பேசப் பட்டது. அந்தக் கூட்டத்தில் மோடிக்கு ஏற்பட்ட்ட எழுச்சிமிகு ஆதரவினைக் காணும் பொழுதே இந்த முறை அங்கு பி ஜே பி யின் வெற்றி வழக்கமான சாதாரண வெற்றியாக இருக்கப் போவதில்லை என்பது உறுதி செய்யப் பட்டது. எதிர்பார்த்தது போலவே மோடிப் பேரலை அங்கும் தன் தாக்கத்தை அழுத்தமாகப் பதிவு செய்து மிகப் பெரும் வெற்றியை அங்கு பா ஜ க பெற்றுள்ளது. 230 இடங்களில் 165 இடங்களை பி ஜே பி அங்கு பிடித்துள்ளது. மோடியின் பிரசாரம் அங்கு நடந்திருக்காவிட்டால் குறைந்த அளவிலான ஆளும் கட்சி எதிர்ப்புகளும் பெரும் வளர்ச்சித் திட்டங்கள் எதுவும் இல்லாமையும் அங்கு பி ஜே பி க்கு வழக்கமான 120 இடங்களைப் பெற்றுத் தந்து ஒரு சாதாரண வெற்றியாக இருந்திருக்கும் ஆனால் அங்கு வீசிய மோடி அலை அந்த வெற்றியை 165 இடங்களுக்குக் கொண்டு சென்றுள்ளது. ஆக மத்தியப் பிரதேசத்திலும் கூட மோடியின் அலை எந்தவிதமான எதிர்ப்பையும் மீறி மிகப் பலமான ஒரு புயலாக வீசியுள்ளது உண்மை.

சட்டிஸ்கர் மாநிலத்தின் நிலவரம் வேறு விதமானது. அங்கு பெரும்பகுதியான தொகுதிகள் பழங்குடியினர்களும், காடுகளுக்குள் மறைந்த தொலைதூர கிராமப்புறங்களினாலனவை. அங்கு மோடி, சோனியா, ராகுல் போன்ற எவரையும் அங்குள்ள கிராமப்புறப் பகுதியினருக்குத் தெரியாது. மாவோயிஸ்டுகளின் ஆக்ரமிப்புகளில் உள்ள பெரும்பாலான தொகுதிகளுக்கு பிரசாரம் செய்யக் கூடச் செல்ல முடியாத சூழல் நிலவும் ஒரு மாநிலம். மாவோயிஸ்டுகளின் பயங்கரவாதத் தாக்குதல்களையும் பழங்குடியினரை மதம் மாற்றம் செய்யும் கிறிஸ்துவ மிஷனரிகளின் செல்வாக்க்கையும், சுரங்க மாஃபியாக்களின் அச்சுறுத்தல்களையும், காங்கிரஸ் கட்சியின் கடும் எதிர்ப்பையும் மத்திய அரசின் ஆதரவின்மையையும் மீறி ஒரு கடுமையான சூழலில் கடந்த இரு தேர்தல்களில் வென்று தன்னால் இயன்ற வரை கூடுமானவரை நல்லதொரு ஆட்சியை நேர்மையாக வழங்க முயற்சித்து வருகிறார் முதல்வர் ரமன் சிங். அங்கு அவருக்கு காங்கிரஸ் கட்சியும் அதன் ஊழல் மிகுந்த தலைவரான அஜித் ஜோகியும் பெரும் எதிர்ப்பை வழங்கிய எதிர்க்கட்சி என்றால் மறைமுகமாக நான்கு எதிரிகளை அவர் எதிர் கொண்டு ஆட்சி செலுத்த வேண்டிய நிலையில் இருந்து வந்தார். இருந்தாலும் தன் ஆட்சிக்கு உட்பட்டு மக்களுக்குச் செல்ல வேண்டிய பொது வினியோகத்தை ஊழல் இல்லாமல் திறம்பட நிர்வாகித்ததினாலும் நக்சல் பிடிகளில் இல்லாத இடங்களில் ஓரளவு வளர்ச்சிகளை ஏற்படுத்தியதினாலும் தன் செல்வாக்கை தக்க வைத்திருந்தார். ஆனால் மாவோயிஸ்டுகளின் கொடூரமான தாக்குதல்களினால் ஏராளமான காங்கிரஸ்காரர்கள் கொல்லப் பட்டிருந்த நிலையில் அவர் ஏற்கனவே எதிர் கொண்டு வந்த ஐந்து எதிர்ப்பு சக்திகளையும் மீறி ஆறாவதாக காங்கிரஸ் மீதான அனுதாப அலை என்ற ஒரு எதிர் சக்தியையும் எதிர் கொள்ள வேண்டியிருந்தது. அந்த நிலையில் அவருக்குக் கை கொடுத்த ஒரே வெளி ஆதரவு மோடி ஏற்படுத்திய ஆதரவு அலை மட்டுமே. அதுவுமே சட்டிஸ்கரின் சிறு நகரங்களில் மட்டுமே மோடியின் ஆதரவு அலை செல்லுபடியானது. அங்கு மோடியினால் அதிகம் ஊடுருவ முடியவில்லை. இருந்த போதிலும் மோடியின் அலையும் பிரசாரமும் இல்லாமல் போயிருந்தால் அங்கு வீசிய அனுதாப அலையில் காங்கிரஸிடம் ரமன் சிங் தோல்வியைத் தழுவியிருந்திருப்பார். மோடியின் அலை குறைந்த பட்ச தாக்கத்தை ஏற்படுத்தியது சட்டிஸ்கர் மாநிலத்தில் மட்டுமே. ரமன் சிங்கின் நூலிழை வெற்றிக்கு அந்த குறைந்த பட்ச அலை நிச்சயம் உதவியாகவே இருந்தது

டெல்லியில் பி ஜே பி யின் வாக்கு வங்கி 3% குறைந்திருப்பதாக வல்லுனர்கள் சொல்வார்கள். மேலும் பிற மாநிலங்களிலும் வாக்கு சதவிகிதம் அதிகரிக்கவில்லையென்றும் ஆதலால் மோடி விளைவு ஏதும் இல்லை என்றும் இந்தக் கணிதப் புலிகள் சாதிப்பார்கள். உண்மை என்னவென்றால் அனைத்து மாநிலங்களிலும் ஓட்டுப் போட்டவர்களின் சதவிகிதம் அதிகரித்துள்ளது. அந்த அளவுக்கு மக்களைப் பெரும் அளவில் வாக்குச் சாவடிகளுக்குக் கொண்டு வந்தது எது என்பதை இவர்கள் பேச மாட்டார்கள். பெரும்பாலும் வாக்குச் சாவடிகளுக்குச் சென்று ஓட்டுப் போட ஆர்வம் இல்லாத மக்களையும் கூட பெரும் அளவில் நீண்ட வரிசைகளில் காத்திருந்து ஓட்டுப் போட வைத்தது மோடி என்னும் மகத்தான ஆளுமையும் அவர் உருவாக்கிய உத்வேகமும் மட்டுமே. மோடி அலை உருவாகாமல் இருந்திருந்தால் அவர் ஏற்படுத்திய மகத்தான எழுச்சி உருவாகாமல் இருந்திருந்தால் 70% அளவுக்கு மக்கள் பெரும் அளவு திரண்டு ஓட்டுப் போட்டிருக்க வாய்ப்பில்லை. ஆகவே வெறும் புள்ளி விபரக் கணக்குகளுடன் நின்று விடாமல் ஒட்டு மொத்த வாக்காளர்களின் சதவிகிதத்தையும் சேர்த்து நோக்க வேண்டும்.

பா ஜ கவுக்கு ஏற்கனவே இருந்த சட்டமன்ற உருப்பினர்கள் 142 பேர்கள். இந்தத் தேர்தல்களில் மூலமாக அதன் எண்ணிக்கை 212 பேர்களாக அதிகரித்துள்ளது. 71 சதவிகிதம் கூடியுள்ளது. இது மோடி அலை இல்லாவிட்டால் எது மோடி அலை? கண்ணிருப்பவர்கள் காணட்டும் காதிருப்பவர்கள் கேட்க்கட்டும் மனம் இருப்பவர்கள் உணரட்டும்

தொடரும்...

Read More...

Sunday, December 08, 2013

டெல்லி தேர்தல் நிலவரம்





Read More...

Friday, December 06, 2013

ஏ.கே. கங்குலி

தினமும் டீசல், பெட்ரோல் விலை உயர்வு என்ற செய்திகள் மாதிரி பாலியல் குற்றமும் இப்போது அடிக்கடி வருகிறது.

இணைய தள பிளாக்கில் அவர் எழுதிய கட்டுரையில் நீதிபதியின் பெயரை குறிப்பிடாமல் அவர் இந்த சம்பவம் பற்றி எழுதியது நாடு முழுவதும் பரபரப்பை ஏற்படுத்தியது. இது பற்றி விசாரிக்க 3 நீதிபதிகள் கொண்ட குழுவை உச்ச நீதிமன்ற தலைமை நீதிபதி சதாசிவம் அமைத்தார்.

அந்த குழு பெண் பயிற்சி வழக்குரைஞரிடம் ஓய்வு பெற்ற நீதிபதி ஏ.கே. கங்குலி நடந்துகொண்ட விதம் பாலியல் ரீதியானதுதான் என உச்ச நீதிமன்ற விசாரணைக்குழு தெரிவித்துள்ளது.

சில கேள்விகள்:
1. சட்டம் படித்த அந்த பெண் ஏன் போலீஸுக்கு போகாமல் இதை முதலில் பிளாகில் எழுதினார் என்று தெரியவில்லை.
2. சம்பவம் நடந்தபோது, முன்னாள் நீதிபதியும் உச்ச நீதிமன்றத்தில் பணியாற்றவில்லை. எனவே, இந்த விவகாரத்தில் உச்ச நீதிமன்றம் மேற்கொண்டு எந்த நடவடிக்கையையும் எடுக்க வேண்டியதில்லை என்று அறிக்கையில் கூறப்பட்டுள்ளது. குற்றம் நடந்தது என்று தெரிந்தால் ஏன் அவர்களே போலீஸுக்கு 'suo moto' FIR பதிவு செய்ய சிபாரிசு செய்யக்கூடாது ? குற்றம் நடந்த போது அவர் உச்ச நீதிமன்ற பணியில் இல்லை என்றால் ஏன் விசாரணைக் குழு மாட்டும் அமைக்க வேண்டும் ?
3. சுப்ரீம் கோர்ட் தீர்ப்புக்கு முன்னாள் இது Trial by Media மாதிரி இருக்கிறது. 2G கேஸுக்கும் இதற்கும் ஏதாவது சம்பந்தம் இருக்குமா ?
4. இதே மாதிரி எல்லா வழக்குகளுக்கும் சீக்கிரம் தீர்ப்பு வந்தால் எவ்வளவு நல்லா இருக்கும் ?


எல்லோரும் அவர்களுடைய கிரகங்கள் எல்லாம் எப்படி இருக்கிறது என்று பார்த்துக்கொள்ள வேண்டிய நேரம் வந்துவிட்டது.

Read More...

Thursday, December 05, 2013

சும்மா ஒரு மஞ்சள் !


தனிப்பட்ட ரசனையில் இட்லிவடையில் வரும் பதிவுகள் எனக்கு உவப்பானவை அல்ல. இதில் வரும் பல விஷயங்கள் யாருக்காக எழுதப்படுபவை என்று மிகத் தெளிவாகத் தீர்மானம் செய்யப்பட்டு எழுதப்படுபவை. இப்படிக்கு நேர்மையான சரக்கு மாஸ்டர்

Read More...

கருத்து கணிப்பு - தமிழக அரசியல் கணக்கு

டில்லி, ராஜஸ்தான் உள்ளிட்ட, ஐந்து மாநில சட்டசபை தேர்தல்களில், பா.ஜ., அதிக இடங்களில் வெற்றி பெற்று, ஆட்சி அமைக்கும் என கருத்து கணிப்புகள் தெரிவித்துள்ளன. இதில் எந்த ஆச்சரியமும் இல்ல. காங்கிரஸ் ஒழிந்தால் போதும் என்ற மக்கள் எண்ணமும் மோடி போன்ற ஒருவர் பிரதமராக வந்தால் நன்றாக இருக்கும் என்ற ஆசையும் தான் இதற்கு காரணம். டில்லியில் பலர் க்யூவில் நின்று ஓட்டு போட்டு காங்கிரஸை வெளியே தள்ள முடிவு செய்துள்ளார்கள். வாழ்த்துகள்.

இதனால் தமிழகத்துக்கு என்ன லாபம் வர போகிறது என்று பார்க்கலாம். இந்த தேர்தல் வெற்றி 2014ல் வரும் தேர்தலுக்கு டிரைலர் மாதிரி என்று பலர் சொல்லுகிறார்கள். அது உண்மை தான். தமிழக தலைவர்கள் இதை பார்த்து தான் கூட்டணி கணக்கை போட ஆரம்பிப்பார்கள். அம்மா பற்றி தெரியாது ஆனால் கலைஞர் நிச்சயம் போட ஆரம்பித்திருப்பார்.

சோவின் மகன் திருமண விழாவில், மோடி மற்றும் கலைஞர் பங்கேற்க வாய்ப்புள்ளது என்றும், இந்த இரு தலைவர்களின் சந்திப்பு, திமுக.,பாஜ., கூட்டணிக்கு ஒரு பாலமாக அமையும் என்று ஒரு வதந்தி வந்துக்கொண்டு இருக்கிறது. ஜெயலலிதா மோடியை இதுவரை சந்திக்காமல் நழுவிவருகிறார் அதனால் பா.ஜ + திமுக கூட்டணி அமைந்தாலும் அமையலாம்.

இயற்கையான கூட்டணி என்று அ.தி.மு.க., - பா.ஜ., கூட்டணியை மக்கள் நம்பினார்கள், ஆனால் மோடி, பிரதமர் வேட்பாளர் என, அறிவிக்கப்பட்ட பின், அம்மா தான் பிரதமர் என்று ஒரு குழு உசுப்பேற்றி 3வது அணி என்ற பேச்சு வர தொடங்கியது. கம்யூனிஸ்ட் கட்சிகளுடன் சேர்ந்து மூன்றாவது அணியுடன் போட்டி என்று முடிவு செய்தால் அதைவிட முட்டாள் தனம் வேறு இருக்க முடியாது. பிரதமர் வேட்பாளராக மோடி அறிவிக்கப்பட்ட பின் மோடியை பற்றியும், பா.ஜ., பற்றியும் விமர்சிப்பதை கலைஞர் தவிர்த்து வருகிறார் என்பதையும் பலர் கவனித்துக்கொண்டு இருக்கிறார்கள்.

பா.ஜ + திமுக கூட்டணி அமைந்தால் தமிழ் நாட்டு மக்கள் யாருக்கு ஓட்டு போடுவார்கள் ?

Read More...

Wednesday, December 04, 2013

ஏன் இந்த பழக்கம் ?

திருமணமான பெண்கள், கணவன் சாப்பிட்ட பின் அதே தட்டிலோ அல்லது இலையிலோ உண்ணுவார்கள். அது ஏன் என்று யாருக்காவது தெரிந்தால் சொல்லுங்கள். ( தற்போது இந்த வழக்கம் அவ்வளவாக இல்லை ! )

பெண்களும் பதில் சொல்லலாம் !

Read More...

Tuesday, December 03, 2013

அப்படியா ?

‘நேருவுக்குப் பதில் பட்டேல் பிரதமர் ஆகியிருந்தால் நாட்டின் தலையெழுத்து மாறியிருக்கும்’ என்று மோடி பேசியதை விமர்சித்து, ‘மறக்கப்பட்ட வாக்குறுதி’ என்ற கட்டுரையை எழுதினார் ‘ஹிந்து’ பத்திரிகையாளர் வித்யா சுப்பிரமணியம். அந்தக் கட்டுரையில் ஆர்.எஸ்.எஸ். அமைப்பை விமர்சித்து பட்டேல் எழுதிய கடிதத்தைப் பற்றி ஆதாரபூர்வமாகக் குறிப்பிட்டிருந்தார். இதனால் கடுப்படைந்த சங்கக் குடும்பத்தினர் பத்திரிகையாளருக்கு அலைபேசி மூலமாக அசிங்கமாகப் பேசி கொலை மிரட்டலும் விட்டிருக்கின்றனர். வித்யா காவல்துறையில் புகார் செய்ய தில்லி காவல்துறை வழக்குப் பதிவு செய்திருக்கிறது. எந்தெந்த நம்பர்களில் இருந்து மிரட்டல் வந்தது என்று பார்க்கும்போது பெரும்பாலான அழைப்புகள், தமிழ் நாட்டிலிருந்து அதுவும் கோவையிலிருந்து வந்திருப்பது தெரியவந்தது. இதுபற்றிய விவரங்களை தில்லி காவல்துறை தமிழக அரசுக்கு அனுப்பியிருந்தும் கோவை காவல்துறை இந்த விவகாரம் குறித்து விசாரணை செய்வதில் ஆர்வம் காட்டாமல் சுணக்கம் காட்டுகிறது என்கிறார்கள். இது என்ன அரசியலோ?

நன்றி: கல்கி

'சமூக வலைதளங்களை இளைஞர்கள் சரியான விதத்தில் கையாளுகிறார்களா?''

'' 'பெரும்பாலும் இல்லை’ என்கிறார்கள் என் நண்பர்கள். வியாபாரத்துக்கு உரியதாக அது மாறிக்கொண்டிருப்பதாகச் சொல்கிறார்கள். எனக்கென்று ஒரு தளம் இருக்கிறது. www.prapanchan.in - முடிந்தால் பாருங்கள். பயப்பட வேண்டாம். நான் உதவி கேட்பது இல்லை!''


''தமிழ்ச் சூழலில் முழுநேர எழுத்தாளராக இருப்பது சரியா... தவறா?''

''அது ஒரு தற்கொலை முயற்சி! மக்கள், இன்னும் இலக்கியத்தையும் இலக்கிய ஆசிரியரையும் அடையாளம் காணவில்லை. நாலாம் தரங்களில் அவர்கள் திருப்தி காண்கிறார்கள். அவர்களின் சேகரிப்பில் பாரதி, புதுமைப்பித்தன் முதல் இன்றைய நல்ல எழுத்தாளர்கள் இல்லை. என்னிடம் வருகிற இளைஞர்கள் பலரை ஊருக்கு அனுப்பி இருக்கிறேன். 'அவமானப்படாமல், சோற்றுக்கும் ஒரு கூரைக்கும் ஏதோ ஒரு வேலையைச் செய்துகொண்டு, பிறகு இலக்கியம் படையுங்கள்’ என்றே சொல்கிறேன். வாழ்க்கைக்கு உத்தரவாதம் தேடிக்கொள்ளாதவர்கள், நல்ல இலக்கியத்தைக் குறைவாகவே படைக்க முடியும். எதன் பொருட்டு பட்டினியையும் அவமானத்தையும் எழுத்தாளன் ஏற்கிறானோ, அந்தப் படைப்புக் காரியமே சாத்தியமாகாமல் போகும். முத்தம் கொடுத்துப் பசியாற முடியாது; பசியோடு காதலிக்கவும் முடியாது.

ஒரு நல்ல எழுத்தாளன், பட்டினியால் சாவது இல்லை; அவமானத்தால் சாகடிக்கப்படுகிறான். தமிழ்ச் சூழல் இப்போது பயங்கரமானதாக மாறிக்கொண்டிருக்கிறது. சாதி, குழு மனப்பான்மை, துரோகம், புறக்கணிப்பு போன்றவை, படைப்புலகில் இன்று கொசுக்கள் போல அடர்ந்து இருக்கின்றன. கவசங்களோடும் ஆயுதங்களோடும் வாழவேண்டிய காலம் சமீபத்துக் கொண்டிருக்கிறது!''

நன்றி: ஆனந்த விகடன், பிரபஞ்சன் பதில்கள்.


Read More...

Sunday, December 01, 2013

சில செய்திகள்... பல கேள்விகள்


'என் கணவர் யாருக்கும் எந்தத் தீங்கும் செய்யாதவர். பாவிகள் அவரைத் துள்ளத்துடிக்க அவர் வேலை செய்த கோயிலிலேயே வெட்டிக் கொன்னாங்க. கொலையில சம்பந்தப்பட்டவங்க பெரிய இடம்னு தெரிஞ்ச பிறகும் விடாம வழக்கை நடத்த ஒத்துழைப்பு தந்தோம். ஒருநாள், விசாரணைக்காக போனபோது நீதிமன்ற வளாகத்திலேயே வெச்சி மூணு பேர், 'சாட்சியத்தை மாத்தி சொல்லலைன்னா உன் பிள்ளைங்களை ஆசிட் தொட்டியில வீசிடுவோம். அடையாளம் தெரியாம போயிடுவாங்க’னு மிரட்டினாங்க. கோயில்ல வெச்சி ஒரு உயிரைப் பறிக்கத் துணிஞ்சவங்க... இதையும் செய்திடுவாங்கங்கன்னு பயந்து போனேன். அவருதான் போயிட்டாரு... என் பிள்ளை களையாவது காப்பாத்து வோம்னு நீதிமன்றத்துல மாத்திச் சொல்லவேண்டியதாகிடுச்சி'' - சங்கர ராமன் மனைவி ஜூவில்.

கொலை, கொள்ளை வழக்குகள் அதிகரிக்காமல் தடுக்க புதுக்கோட்டை அருகே மாத்தூர் காவல் நிலையத்தில் போலீஸ்சார் சிறப்பு யாகம். - செய்தி

ஜனவரி 21ஆம் தேதி முதல் தமிழகத்தில் கள் இட்லி, கள் தோசை, கள் ஊத்தப்பம், கள் பனியாரம், கள் ஆப்பம் உள்ளிட்ட விற்பனை தொடக்கம் - செய்தி


Read More...