பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Thursday, May 24, 2012

மைடியர் பாடிகாட் முனீஸ்வரனே! - 24-5-2012

டியர் இட்லிவடை,

உன்னுடைய வலைப்பதிவு எல்லாம் ஒரே பச்சை நிறமாக இருக்கிறது. அம்மாவிற்குப் பிடித்த கலர் என்பதால் என்று நினைக்கிறேன். கொஞ்சம் காலத்துக்கு உன் வலைப்பதிவை நீல நிறத்துக்கு மாற்றிவிடு. மம்தா ஏதாவது சலுகை கொடுத்தாலும் கொடுப்பார். என்ன புரியலையா? மேற்குவங்கத்தில் வீட்டுக்கு நீல நிறம் அடித்தால் வரிச்சலுகை உண்டு என்று மம்தா அறிவித்திருக்கிறார். துக்ளக் ஆணாகத்தான் இருக்க வேண்டும் என்று கிடையாது, பெண்களிலும் இருக்கார்.

ஜெயலலிதா அரசின் ஒரு வருட சாதனை என்ன என்று கேட்டால் அவர் கொடுத்த அந்த முழுபக்க விளம்பரம் தான். 15 கோடி, 20 கோடி என்று "சில" ஆங்கில டிவி சேனல் நியூஸ் போட்டார்கள். பலரும் அதைக் கண்டுகொள்ளவில்லை என்பதுதான் ஆச்சரியம். அதற்கு காரணம் ... சத்யமேவ 'ஜெ'யதே.

சத்யமேவ ஜெயதே என்ற டாக் ஷோவில் எல்லோருக்கும் தெரிந்த உண்மைகளைப் புதிதாகச் சொல்லுகிறார்கள். பாரதிராஜா கருத்தம்மா படம் பார்த்த பின்னர் பெண் சிசு கொலைகள் கிராமத்துல் தான் நடக்கும் என்று நம்பிக்கொண்டு இருந்த எனக்கு அது டாக்டர் குடும்பத்திலும் நடக்கும் என்பது பெரிய அதிர்ச்சியாக இல்லை.


கருத்தம்மாவை விட கருத்துப்படம் என்றால் நம் அரசியல்வாதிகள் ரொம்ப சீரியஸாகிவிடுகிறார்கள். இந்த வார கல்கியில் ஞாநி எழுதிய ஓ-பக்க்ங்களில் எனக்கு பிடித்த பகுதி இது "இன்றைய சூழலில் நாம் காந்தியை காங்கிரஸ், பி.ஜே.பி. யிடமிருந்து விடுதலை செய்ய வேண்டியிருக்கிறது. பெரியாரை தி.க.விடமிருந்து விடுவிக்க வேண்டியிருக்கிறது. விவேகானந்தரை ஆர்.எஸ்.எஸ்.சிடமிருந்து விடுவிக்க வேண்டியிருக்கிறது. அம்பேத்கரை தலித் தலைவர்களிடமிருந்து விடுதலை செய்ய வேண்டியிருக்கிறது." இந்த கார்ட்டூனில் நத்தை வேகத்தில் போகும் அரசியல் சட்டத்தை நேரு மற்றும் அம்பேத்கர் சாட்டையை வைத்து வேகமாக ஓட்டுகிறார்கள். இதைப் பார்த்துவிட்டு நேரு ஏதோ அம்பேத்காரை அடிப்பதாக நினைத்துவிட்டு, தலித்துக்கு எதிராக என்று பாராளுமன்றத்தில் முழங்கிப் பிறகு எல்லா கார்ட்டூனையும் பாடப் புத்தகத்திலிருந்து எடுத்துவிட்டார்கள். இன்று வேறு எதற்க்கோ வந்த டைம்ஸ் ஆப் இந்தியா கார்ட்டுன் இதற்கு நன்றாகப் பொருந்துகிறது. யானையை விட்டு விட்டு லத்தியை..


லத்தியை வைத்து அடித்தால் பரவாயில்லை "வன்னியர் பெண்களை கலப்பு திருமணம் செய்ய வருவோரை வெட்டிப் போடுவேன்" என்று சொல்லுகிறார் காடு'வெட்டி' குரு. இணையத்தில் பலர் ஜாக்கிரதையாக இருக்க வேண்டும் என்று கேட்டுக்கொள்கிறேன். இதற்குப் பேசாமல் கம்யூனிஸ்டுக்ககளைக் கலப்புத் திருமணம் செய்யலாம். மம்தா உங்களை வெட்டிப் போட மாட்டார்.

கலைஞர் பற்றி ஏன் இப்போது எல்லாம் எழுதுவதில்லை என்று ஒருவர் என்னிடம் கேள்வி கேட்டுள்ளார். கலைஞர் பதில்கள் என்று ஒரு புத்தகம் கொண்டுவந்தால் அதில் கலைஞர் பதில்கள் எல்லாம் கேள்விகளாகவே இருக்கும். உதாரணம் ராசா ஜாமினில் வந்ததை பற்றி கேட்ட கேள்விக்கு "ராவணன் ஜாமினில் விடுதலையாகும் போது ராசா விடுதலையாகக் கூடாதா?" என்று பதில் கேள்வி கேட்டுள்ளார்.

சஞ்ஜய் ஜோஷி, மோடிக்கு எழுதியுள்ள கடிதத்தில் கட்சியின் தேசிய நலனுக்காக தனது பதவியை ராஜினாமா செய்வதாகத் தெரிவித்துள்ளார். இதனால் நமக்கு பிஜேபியில் சஞ்ஜய் ஜோஷி என்ற ஒருவர் இருக்கிறார் என்று தெரிந்தது. மோடிக்கு நன்றி.

முன்பெல்லாம் கலைஞர் கோபப்பட்டால் உடனே பிரணாப் வந்து சமாதனப்படுத்துவார். ஆனால் இப்போது கண்டு கொள்வதே இல்லை. அதனால கோவத்தை குறைத்துக்கொண்டு, இப்போ எங்களிடம் எம்.பிக்கள் இருக்கிறார்கள், அவர்களை விட்டு பெட்ரோல் விலையைக் குறைக்கச் சொல்லுவேன் என்கிறார். இதைவிட பெரிய ஜோக் அழகிரியிடம் ஏன் பிரதமர் கொடுத்த டின்னருக்கு போகலை என்று கேட்டதற்கு "டயட்" என்று பதில் சொல்லியிருக்கார்!

நானும் டயட்டில் இருப்பதால் சினிமா செய்திகள் எதுவும் இந்த வாரம் கிடையாது. ( படம் உண்டு!). ஆனால் ஒரு எச்சரிக்கை. "கள்ளதொடர்பு" வைத்திருப்பவர்களுக்கு மாரடைப்பு ஏற்படும் வாய்ப்பு இருப்பதாக கண்டு பிடித்து இருக்கிறார்கள். இதைப் படித்துவிட்டு எவ்வளவு பேருக்கு மாரடைப்பு வர போகிறதோ! அதைவிட இந்த செய்தியை படித்தால் நிச்சயம் வரும். சபாநாயகர் மீரா குமார் 37 நாட்களுக்கு ஒரு முறை வெளிநாடு போகிறாராம். இன்னும் மாரடைப்பு வரவில்லை என்றால் கீழே உள்ள செய்தியை படியுங்க.

"சுவாமி விவேகானந்தரும், சாமி நித்தியானந்தரும் ஒன்றே" என்று கூறியுள்ளார் நம்ம டிராபிக் ராம"சாமி".

4 Comments:

Subramanian said...

Dear IV,

Keep publishing photos like the last one. the toned abs are a great fitness example :)

Anonymous said...

"சுவாமி விவேகானந்தரும், சாமி நித்தியானந்தரும் ஒன்றே" என்று கூறியுள்ளார் நம்ம டிராபிக் ராம"சாமி".

eppo sonnar.. ethila sonnar.. link kodukkalame...

R. J. said...

Swami Nithi won't have heart attack as his connections are open and not "KaLLath thodarbu" !

Gnani's article was very detailed and a responsible one. But can we expect the likes of Thiruma to read it and see sense or non-sense in what he did in the Parliament?

- R. J.

nadi narayanan said...

"சுவாமி விவேகானந்தரும், சாமி நித்தியானந்தரும் ஒன்றே" என்று கூறியுள்ளார் நம்ம டிராபிக் ராம"சாமி"
#அடிக்கிற வெயில்ல மனுஷன் உளறிப்பாரு போல