பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Friday, August 19, 2011

சௌமித்ரா சென் இம்பீச்மெண்ட் - பத்ரி சேஷாத்ரி


நேற்று சௌமித்ரா சென் பிரமாதமாக வாதாடினார் என்றால் இன்று மாநிலங்கள் அவையின் உறுப்பினர்கள் சிலர் அவரைப் பலமடங்கு விஞ்சினார்கள். நாடாளுமன்றம் என்றாலே ஜோக் என்று நாம் நினைக்கும் நேரத்தில் அந்த நினைப்பு தவறு என்று இன்று நிரூபித்தார்கள்.

முதலில் பேசியது அருண் ஜெயிட்லி. நல்ல வழக்கறிஞர். சௌமித்ரா சென் எப்படி தன் வாதத்தின்போது பொய்களை அடுக்கிவைத்தார் என்பதை ஆதாரங்களுடன் காண்பித்தார். நேற்றைய செஷன் பற்றி நான் எழுதிய பதிவில் சௌமித்ரா பிழைத்துவிடுவாரோ என்றுதான் நினைத்தேன். அவரது வாதம் அவ்வளவு திறமையாக இருந்தது. ஆனால் இன்று ஜெயிட்லி பாயிண்ட் பாயிண்டாக சௌமித்ரா சென்னின் வாதங்களைத் தகர்த்தெறிந்தார். நேற்று பேசும்போது சௌமித்ரா சென், வங்கியின் கணக்கு நகல் காணாமல் போய்விட்டது என்று சொல்லியிருந்தார். அது உண்மையல்ல என்றும் மாநிலங்களவைத் தலைவர் உருவாக்கிய குழு அந்த நகலைத் தேடிப்பிடித்துக் கொண்டுவந்துள்ளது என்றும் ஜெயிட்லி எடுத்துக் காட்டினார். அதேபோல தான் ஒரு பைசாகூட எடுக்கவில்லை என்று சௌமித்ரா சென் சொல்லியிருந்தார். ஆனால் காசோலைகளின் நகலைக் காட்டிய ஜெயிட்லி எப்படி சென் self cheque போட்டுப் பணத்தை எடுத்துள்ளார், எப்படி அந்த டிரஸ்ட் பணத்தைக் கொண்டு தன் சொந்த கிரெடிட் கார்டு பில்லைக் கட்டியுள்ளார் என்பதையெல்லாம் காண்பித்தார். அவருடைய வாதம் முடிந்ததுமே இன்று சௌமித்ரா சென் காலி என்பது புரிந்துவிட்டது.

அடுத்து சுதர்சன நாச்சியப்பன் பேசினார். அவருடைய பேச்சில் புதிதாக எதுவும் இல்லை.
அவரும் சௌமித்ரா சென்னை இம்பீச் செய்யவேண்டும் என்று சொன்னார்.

ஆனால் அடுத்துப் பேசிய பகுஜன் சமாஜ் கட்சியின் சதீஷ் சந்திர மிஷ்ரா, ஒரு மாற்றுப் பார்வையை மிக அழகாக முன்வைத்தார். முதலில் சௌமித்ரா சென்னை உயர்நீதிமன்ற நீதிபதியாகப் பதவிக்குக் கொண்டுவந்ததே அருண் ஜெயிட்லி சட்ட அமைச்சராக இருந்தபோதுதான் என்று ஒரு குட்டு வைத்தார். எப்படி due diligence மோசமாக இருந்துள்ளது என்று சுட்டிக்காட்டியபின் அடுத்து, எந்தக் காரணங்களுக்காக ஒருவரை இம்பீச் செய்யலாம் என்பதற்குள் நுழைந்து டெக்னிக்கலாக விவாதிக்க ஆரம்பித்தார். Mispparopriation of funds என்பதுதான் அவர்மீதான குற்றச்சாட்டு என்றால், இங்கு நடந்தது உண்மையில் misappropriation அல்ல, மாறாக diversion of funds; இரண்டும் ஒன்றல்ல என்றார். அடுத்து, இம்பீச்மெண்ட் செய்யப்படவேண்டும் என்றால் "proven misbehaviour" இருக்கவேண்டும் என்றவர், இங்கு ஒரு கிரிமினல் வழக்கைக் கையாள்வது போல (beyond reasonable doubt) இதனைக் கையாளவேண்டும் என்று உச்ச நீதிமன்றத் தீர்ப்புகளைச் சுட்டிக்காட்டிப் பேசினார். கடைசியில், இம்பீச்மெண்ட் செய்யக்கூடாது என்று முடித்தார்.

அடுத்துப் பேசிய ஜனதா தளம் யுனைடெட் உறுப்பினர் என்.கே.சிங்கும் மிக மிக அழகாகப் பேசினார். எப்படி சௌமித்ரா சென் மாநிலங்கள் அவையைத் திசை திருப்பியுள்ளார் என்பதைக் காட்டினார். அதன்பின் திருச்சி சிவா (திமுக) பேசினார். ஒரு தேசியவாத காங்கிரஸ் கட்சி உறுப்பினர், பிஜு ஜனதா தள உறுப்பினர், சிவ சேனை உறுப்பினர், அஇஅதிமுகவின் மனோஜ் பாண்டியன், ஒரு சமாஜவாதிக் கட்சி உறுப்பினர் ஆகியோர் பேசினர்.

கொஞ்சம் போரடிக்க ஆரம்பித்தபோது ராம் ஜெத்மலானி எழுந்தார். சதீஷ் சந்திர மிஸ்ராவின் மாற்றுக் கருத்தை வெகுவாகப் பாராட்டியவர், அந்தக் கருத்து ஏன் தவறானது என்பதை மிக மிக அற்புதமாகக் கொண்டுவந்தார். The Indian Trusts Act-ஐ முன்வைத்து எப்படி சௌமித்ரா சென் செய்தது தவறு என்று சுட்டிக்காட்டினார். எங்கெல்லாம் குறுக்கு விசாரணை நடைபெறுமோ அங்கெல்லாம் சென் தான் வராமல் டபாய்த்துவிட்டார் என்பதை விளக்கினார். இங்கு மட்டும் சென்னைக் குறுக்கு விசாரணை செய்ய தனக்கு அனுமதி இருந்திருந்தால் மூன்றே கேள்விகளில் அவரை உடைத்து நொறுக்கியிருப்பேன் என்றார். தம் வாதத் திறமையால் தனித்துத் தெரிந்தவர்கள் ராம் ஜெத்மலானி, அருண் ஜெயிட்லி, சதீஷ் சந்திர மிஷ்ரா ஆகியோர்.

அடுத்து டி.ராஜா உட்பட வேறு சிலர் பேசினர். வாதத்தை நேற்று தொடங்கி, குற்றத்தை எடுத்துவைத்த சீதாராம் யெச்சுரிக்கு இறுதியாக ஒரு வாய்ப்பு தரப்பட்டது. அப்போது அவர் சௌமித்ரா சென்னும் அவருக்கு ஆதரவாக சதீஷ் சந்திர மிஷ்ராவும் முன்வைத்த வாதங்களை மறுத்துப் பேசினார்.

பிறகு குரல் வாக்கெடுப்பு நடைபெற்றது. அதில் பகுஜன் சமாஜ் கட்சி உறுப்பினர்கள் மட்டும் ‘இல்லை’ என்று கத்தினர். பிறர் அனைவரும் ‘ஆம்’ என்றனர். முதலில் வாக்கெடுப்பு வேண்டாம் என்று முடிவெடுத்த அன்சாரிக்கு, பின்னர் இந்த விஷயத்தில் வாக்கெடுப்பு தேவை என்று வலியுறுத்தப்பட்டது. அதைத் தொடர்ந்து வாக்கெடுப்பு நடக்க, வந்திருந்த 206 பேரில் 189 பேர் இம்பீச்மெண்டுக்கு ஆதரவாக வாக்களித்தனர். பகுஜன் சமாஜ் கட்சியின் 16 பேர் எதிராக வாக்களித்தனர். ஒருவர் வாக்களிக்கவில்லை. ஆக மாநிலங்கள் அவையில் சென் இம்பீச் செய்யப்பட்டுள்ளார்.

அடுத்து மக்களவையில் இதே செயல் நடைபெறும். மாநிலங்கள் அவையின் திறமைக்கு மக்களவை ஈடுகொடுக்குமா அல்லது விவாதமே இல்லாமல் வாக்கெடுப்பு மட்டும் நடைபெறுமா என்று தெரியவில்லை. மாநிலங்கள் அவை வாக்கெடுப்பைப் பார்க்கும்போது கொறடா என்ன சொல்கிறாரோ அதனைக் கேட்டு வாக்களிக்கப்போகிறார்கள் என்பது தெரிந்துவிட்டது. ராமசாமி இம்பீச்மெண்ட் போல் நடக்காமல் இருக்குமா என்று பார்ப்போம்.

அடுத்து தினகரன் கதை எப்படிப் போகும் என்பது தெரியவில்லை. அவர் ராஜினாமா செய்தார்; பின் அதனைத் திரும்பப் பெறுவதாகச் செய்திகள் வந்துள்ளன. அதனை குடியரசுத் தலைவர் பிரதீபா பாடில் எப்படி எடுத்துக்கொள்வார் என்பதும் தெரியவில்லை.

இதே மாதிரி ராசாவை பேச வைத்து கேள்வி கேட்டால் என்னவாகும் ? ராம் ஜெத்மலானி என்ன செய்வார் ? பிரதமர் என்ன செய்வார் ?

17 Comments:

ConverZ stupidity said...

If raja given a chance similar to sen, jaitley will underplay whereas, ram jethmalani will break the spine of raja

ConverZ stupidity said...

Who is the leader of youth of INDIA .....................

ARVIND KEJRIVAL:-
Mechanical Engineer -IIT Kharagpur
Job :-Tata Steel
Former IRS resigned from the Govt job(posted IT Commisioner's office)
Social Activist:-
Man behind (Right to Information Act).
LokPal bill

Awards Various Ashoka Fellow, Civic Engagement.
2005: 'Satyendra Dubey Memorial Award', IIT Kanpur for his campaign for bringing transparency in Government
2006: Ramon Magsaysay Award for Emergent Leadership.
2006: CNN-IBN, 'Indian of the Year' in Public Service
2009: Distinguished Alumnus Award, IIT Kharagpur for Emergent Leadership.
2010: Policy Change Agent of the Year, Economic Times Corporate Excellence Award along with Aruna Roy.
Fighting against corruption
.............He left his job in IRS to fight against corruption.

RAHUL GANDHI alias Raul Vincci:-
Education- failed to secure passing grades in National Economic Planning and Policy graduated by any how
job: Got ancestral political power and running through it
Award: he is making awards not getting it
Fight against Indians sentiments

For him Terror attacks are common thing...
we should not be worried of that.....let it happen(since they have z class security)

he will never talk about Govt. policies....and planning....since he
is not intelligent enough to grasp that.(claimed to be most eligible to be PM)

Won't talk about black money and corruption.

will never talk in Parliament.

No political vision and goals for nation .

Trained well to fool poor villagers with safed kurta ..nd khadhi(doing same in UP and other places.)

Achievements:-
Great Grandson OF Nehru,
Grandson of Indira Gandhi....
Son Of Rajiv gandhi....
FRom Gandhi Family.....
till now zero...

..............Claimed to be nxt PM of INDIA ..Future face of congress.

Thanks to the actual informant

Sriram said...

Are these videos available ?

R. Jagannathan said...

Thanks to Mr. Badri Seshadri and Idly vadai for this detailed post and exposing Judge Sen who thought he was clever but made naked by Jaitley. This type of proceedings in the Parliament is the need of the hour. Thanks to the main participants - Arun Jaitley, Sathish Mishra, N.K.Singh and Jethmalani - in the impeachment motion .

And, IV - please keep up this standard in your future postings in this blogsite.

-R. Jagannathan

Anonymous said...

why are you not posting any thing about tamilnadu leading political comedian Dr.Ramadoss & his party?

Ravi said...

Admist all the media coverage on Anna, i feel i lost this...

Anonymous said...

Very wonderful article. We need more like this.

Arun K Vikram.... said...

Really an Informative Post ; Hope for similar posts in upcoming days.....

Sivakumar said...

http://www.ndtv.com/video/player/news/justice-sen-misled-the-house-arun-jaitley/208211

Sivakumar said...

http://www.ndtv.com/video/player/news/justice-sen-misled-the-house-arun-jaitley/208211

ரிஷபன்Meena said...

அருமை.

இளைத்துப் போயிருக்கும் இட்லிக்குத் தேவை இது போன்ற கட்டுரைகள்.

பாரதி மணி said...

நேற்று ராஜ்யசபா விவாதங்களை முழுவதுமாகப்பார்த்தேன். அருண் ஜேட்லி ஆழமாக, உணர்ச்சிவசப்படாமல், தீர்க்கமாகப் பேசினார். பி.ஜே.பி.யில் வழவழாத்தனமில்லாத ஒரே தலைவர்.

இரு சபைகளின் பரிந்துரையின்படி, குடியரசுத்தலைவர் முடிவாக, Impeachment Proclamation வெளியிடுவது வரை, இம்பீச்மெண்ட் என்று சொல்வது தவறென்றும் அதை Removal என்றே குறிப்பிடவேண்டுமென்றும் முன்னாள் லோக்சபா செக்ரட்டரி ஜெனரல் சுபாஷ் கஷ்யப் தெரிவித்தார்.

Rishvan said...

very nice article.

please read my tamil kavithai in the below link...
www.suresh-tamilkavithai.blogspot.com

tamil kavithaigal said...

nice artcitle.. and analysis..

please read my tamil kavithai in the below link..
www.suresh-tamilkavithai.blogspot.com

jagannathan said...

அருண்ஜெட்லி நல்ல வழக்கறிஞர் .அவரை அனைவரும் உபயோகப்படுத்திக்கொள்ள வேண்டும் .அவரது வாதம் நன்றாகவே இருந்தது .இதேபோல் ராஜா,கல்மாதி அகியோறியும் ராஜ்ய சபாவில் விசாரணை செய்து தண்டனை தந்தால் நன்றாக இருக்கும்.

jagannathan said...

அருண்ஜெட்லி நல்ல வழக்கறிஞர் .அவரை அனைவரும் உபயோகப்படுத்திக்கொள்ள வேண்டும் .அவரது வாதம் நன்றாகவே இருந்தது .இதேபோல் ராஜா,கல்மாதி அகியோறியும் ராஜ்ய சபாவில் விசாரணை செய்து தண்டனை தந்தால் நன்றாக இருக்கும்.

Priya said...

பதிவுக்கு நன்றி.
Thanks,
Kannan
http://www.ezdrivingtest.com