பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Monday, August 01, 2011

சமச்சீர் கல்வி பற்றி சோ

சமச்சீர் கல்வி பற்றி சோ எழுதிய துக்ளக் கட்டுரை வாசகர் விருப்பம்...


இதற்கு, ஜனநாயகம் உகந்தது அல்ல!

எம்.எல்.ஏ. : (இரு மாணவர்களைப் பார்த்து) நாட்டிலே படிப்பு மேலே அக்கறை இல்லை. உங்களையே கேக்கறேன். ஒளுங்கா படிக்கிறீங்களாய்யா நீங்க? என்ன படிக்கிறோம்னு உங்களுக்கே தெரியலை. நீங்க என்ன படிக்கிறீங்கன்னு உங்களுக்கு தெரியுமாய்யா?

ஒரு மாணவன் : எப்படி ஸார் தெரியும்? நீங்கதான் எங்க பாடங்களை தினம் தினம் மாத்தறீங்களே! தினம் ஒரு எஜுகேஷனல் பாலிஸி! காலண்டர்லே தேதி கிழிக்கிற மாதிரி, கிழிச்சுத் தள்றீங்க! என்ன படிக்கிறோம்னு எங்களுக்கு எப்படித் தெரியும்? இன்னைக்கு படிக்கிறதுக்கு நாளைக்கு மதிப்பு கிடையாது! எதுக்கு ஸார் படிக்கணும்?

– இது 1961-ல் எழுதி, நடிக்கப்பட்ட ‘கோ வாடிஸ்?’ (எங்கே போகிறாய்?) என்ற எங்கள் நாடகத்தில் வருகிற வசனம்.

ஐம்பது ஆண்டுகள் கழிந்துள்ளன; ஆனால் மாணவர்களின் நிலை மாறவில்லை.

சென்ற ஆட்சியாளர்கள் சமச்சீர் கல்வி என்ற பெயரில், ஒரு ஸ்டண்ட் அடித்தாலும் அடித்தார்கள் – ஆட்சி மாறியும், அதன் பாதிப்பு அகலவில்லை; குழப்பம் தீரவில்லை. புதிய ஆட்சி, ‘சமச்சீர் கல்வி முறையில் மாற்றங்கள் தேவை’ என்று முடிவு எடுத்தது; இதற்கு உயர் நீதிமன்றத் தடை வந்தது; தமிழக அரசு அப்பீல் செய்தது; சுப்ரீம் கோர்ட், ‘ஒன்று மற்றும் ஆறாம் வகுப்புகளுக்கு சமச்சீர் கல்வி தேவை’ என்றும், ‘மற்றபடி இதை பரிசீலிக்க ஒரு கமிட்டி நியமிக்கப்பட வேண்டும்’ என்றும் உத்திரவிட்டது.

‘1-ஆம் வகுப்பில் சமச்சீர் முறையில் படித்துவிட்டு, பிறகு அது மாறினால், 2-ஆம் வகுப்பில் வேறு முறை; அதுபோல ஆறாம் வகுப்பில் சமச்சீர் முறை – அது மாறினால் 7-ஆம் வகுப்பில் வேறு முறை’ என்ற விளைவை ஏற்படுத்தக் கூடிய சுப்ரீம் கோர்ட்டின் தீர்ப்பு குழப்பத்தைத் தீர்க்கவில்லை; கூட்டியது. இத்துடன் உயர் நீதிமன்ற விசாரணைக்கு, விஷயத்தை அனுப்பி வைத்தது சுப்ரீம் கோர்ட்.

இப்போது சென்னை உயர் நீதிமன்றம், எல்லா வகுப்புகளுக்குமே சமச்சீர் கல்வி கற்பதற்கான புத்தகங்கள் ஜூலை 22-ஆம் தேதிக்குள் கொடுக்கப்பட வேண்டும் – என்று தீர்ப்பளித்து விட்டது.

தமிழக அரசு சுப்ரீம் கோர்ட்டிற்குச் சென்றது. ‘ஹைகோர்ட் உத்திரவிற்குத் தடை கிடையாது; ஆனால் தமிழக அரசின் அப்பீல் பரிசீலிக்கப்படும்; அதே சமயத்தில் சென்னை ஹைகோர்ட் கூறியபடி, சமச்சீர் கல்விப் புத்தகங்கள் கொடுக்கப்படுவதற்கு ஆகஸ்ட் 2-ஆம் தேதி வரை அவகாசம்’ என்று உத்திரவிட்டிருக்கிறது.

ஹைகோர்ட் தீர்ப்பை எதிர்த்து தமிழக அரசு செய்துள்ள அப்பீல் முடிவாகவில்லை; அப்பீல் தமிழக அரசுக்குச் சாதகமாக முடிந்தால், சமச்சீர் புத்தகங்கள் தேவைப்படாது; ஆனால் சுப்ரீம் கோர்ட் ‘ஆகஸ்ட் 2-ஆம் தேதிக்குள் சமச்சீர் புத்தகங்கள் வினியோகிக்கப்பட வேண்டும்’ என்று கூறியுள்ளது; அப்பீலில் இறுதி தீர்ப்பு வருவதற்குள், தமிழக அரசின் நிலைக்கு எதிராக அமைகிற இந்த உத்திரவு ஏன் பிறப்பிக்கப்பட்டது என்பது புரியவில்லை.

இதற்கிடையில் மாணவர்களின் கல்வி ஆண்டில், இரண்டு மாதங்கள் கோவிந்தா! என்ன படிக்கப் போகிறோம் என்பது அவர்களுக்கு இன்னமும் தெரியாது. சென்ற அரசின் சமச்சீர், சமத்தாழ்வுதான்; அதை நீதிமன்றம் ஏற்றது சரியல்ல; கொள்கை முடிவில் நீதிமன்றம் குறுக்கிட்டதாகத்தான் இது காட்சியளித்தது. ஆனால், சரியோ தவறோ, நீதிமன்றம் அதற்கு ஒப்புதல் அளித்தபோது – நிச்சயமற்ற தன்மை தொடர்வதால், மாணவர்களுக்கு ஏற்படுகிற பிரச்சனையை மனதில் கொண்டு – புதிய அரசு, இந்த ஆண்டு அதையே அமல்செய்து, அடுத்த ஆண்டுக்கு மாற்றங்களுடன் கூடிய புதிய முறையை வகுத்திருக்கலாம். அப்படிச் செய்யாமல், ‘அப்பீல்கள் செய்து, தமிழக அரசு மாணவர்களின் குழப்பத்தை நீட்டித்தது; இது தவிர்க்கப்பட்டிருக்க வேண்டும்’ – என்ற விமர்சனத்தில் நியாயம் இருக்கிறது. இனி சுப்ரீம் கோர்ட் இறுதியாகத் தன் தீர்ப்பைக் கூறிய பிறகு (ஜூலை 26-ஆம் தேதி), மாணவர்களுக்கு ஒரு தெளிவு ஏற்பட்டால்தான் உண்டு.

இவை ஒருபுறம் இருக்க, இந்த சமச்சீர் விவகாரம், வெறும் வாய்ச் சவடால் சீர்திருத்தம் என்பது, அந்த சமச்சீருக்கு வக்காலத்து வாங்குபவர்கள் கூறுகிற கருத்துக்களிலிருந்தே தெளிவாகத் தெரிகிறது.

சமச்சீர் வக்காலத்துக்கள் என்ன சொல்கின்றன? ‘வசதி உள்ளவர்கள் மட்டும், நல்ல தரமுள்ள கல்வியைப் பெறுவது; மற்றவர்கள் சாதாரண கல்வியைப் பெறுவது – என்கிற நிலை அநீதி அல்லவா?’

அதாவது, ‘சில வழிமுறைகளில் (மெட்ரிகுலேஷன் போன்ற) தரமான கல்வி புகட்டப்படுகிறது’ என்பதை இவர்கள் ஏற்கிறார்கள். இப்படி வசதியுள்ளவர்கள் பெறுகிற கல்விக்கு நிகராக, வசதி அற்றவர்களுக்குக் கிட்டும் கல்வியையும் உயர்த்த வேண்டியதுதானே? அது முடியவில்லை. அதற்கு வக்கில்லை. ஆகையால், உயர்ந்தவற்றையும் தாழ்த்தி, சமச்சீர் கல்வி தருவதுதான் நியாயம் – என்பது இவர்கள் வாதம்.

‘சிலர் விமானத்தில் போகிறார்கள்; சிலர் கார்களில் போகிறார்கள்; சிலர் மோட்டார் சைக்கிளில் செல்கிறார்கள்; ஆனால், பலர் நடந்து போகிறார்களே! ஐயோ, இந்த அநீதி தொடரலாமா? இனி ‘கால் நடை’தான் எல்லோருக்கும் சமச்சீர் போக்குவரத்து’ என்று சொல்வதா நியாயம்?

இந்த சமச்சீர் வக்காலத்துகளுக்கு, வசதியிருப்பவர்களைப் பார்த்தால் துக்கம் பொங்கிக் கொண்டு வருகிறது. அந்தத் துக்கம் கல்வியுடன் மட்டும் நிற்பது என்ன நியாயம்? வசதியுள்ளவர்களின் பிள்ளைகள், நல்ல ஹோட்டல்களில் சாப்பிடுகிறபோது, வசதி அற்றவர்களின் பிள்ளைகள் டீக்கடைகளில் ‘ஸிங்கிள் டீ, டபுள் பொரை’ சாப்பிடுவது என்ன நியாயம்? எல்லோருக்கும் வசதியான ஹோட்டல் சாப்பாடு தர முடியாது; ஆனால் சம நிலை வேண்டும்; ஆகையால் இனி எல்லோரும் ‘ஸிங்கிள் டீ, டபுள் பொரைதான்’! சமச்சீர் சிற்றுண்டி!

இந்தப் பித்துக்குளித்தனத்திற்கு ஒரு எல்லை உண்டா என்ன? சமச்சீர் கல்வி மட்டும்தான் இன்றைய அவசியத் தேவையா? சமச்சீர் சாப்பாடு – சமச்சீர் போக்குவரத்து... என்று கொண்டு வந்து, சமச்சீர் என்ற பெயரில் எதிலும் தரமே கூடாது என்று செய்து விட்டால், அதன் பின்னர் உயர்வு ஏது? தாழ்வு ஏது?

இந்த சமச்சீர் சன்மார்க்கவாதிகளின் பார்வை, இப்போது அரசு அதிகாரிகளின் பக்கம் திரும்பி இருக்கிறது. ‘அதிகாரிகள், தங்கள் வீட்டுச் சிறுவர் சிறுமிகளை, அரசுப் பள்ளிகளில்தான் சேர்க்க வேண்டும். அவர்களே இதைச் செய்யவில்லை என்றால், அப்புறம் அரசுப் பள்ளிகளுக்கு என்ன மரியாதை?’ என்று ஒரு வாதம் புறப்பட்டிருக்கிறது. இத்துடன் விடுவானேன்? ‘அரசு அதிகாரிகள் காரிலோ, வேறு எந்த வாகனத்திலோ போகக்கூடாது; அவர்கள் அரசு பஸ்ஸில்தான் – மன்னிக்கவும் – அரசுப் பேருந்தில்தான் செல்ல வேண்டும்; இல்லாவிட்டால், அரசுப் பேருந்துகளை யார் மதிப்பார்கள்?’ என்று வாதம் புரிந்து, அரசு அதிகாரிகளை ஒரு அமுக்கு அமுக்க வேண்டியதுதானே!

அதே மாதிரி, அந்த அதிகாரிகள் தங்கள் வீடுகளில் அல்லது ஃப்ளாட்களில் குடியிருக்கும் அக்கிரமத்தை நிறுத்த வேண்டும். பல பிள்ளைகள் குடிசைகளில் வாழ்கிறபோது, இந்த அரசு அதிகாரிகளின் பிள்ளைகளுக்கு வீடும், ஃப்ளாட்டும் வேண்டிக் கிடக்கிறதா? அட்டூழியம். குடிசை மாற்று வாரியக் குடியிருப்பில்தான் அவர்கள் இனி குடியிருக்க வேண்டும். அப்போதுதான் சமச்சீர் குடியிருப்பு உருவாகி, சமநீதி வேரூன்றி, சமத்தாழ்வு முழுமை அடையும்.

அதாவது, சமத்துவம்தான் நமது லட்சியம் என்றால், அதைக் கல்வியோடு நிறுத்துவானேன்? எங்கும் சமத்துவம், எதிலும் சமத்துவம் வேண்டாமா? உணவு, இருப்பிடம் போன்றவையும் தேவைகள் அல்லவா? அதில் எல்லாம் சமத்தாழ்வு வேண்டாமா? இதுதான் லட்சியம் என்றால் – பேசாமல், கம்யூனிஸப் பிரேதத்தை, அதன் சமாதியிலிருந்து தோண்டி எடுத்து, அந்தப் பிரேதத்திற்கு சமநீதி இயந்திரத்தைப் பொருத்தி, அதை இயக்கி, முழு சமத்தாழ்வுக்கு ஏற்பாடு செய்ய வேண்டியதுதான்!

இந்த சமச்சீர் பேர்வழிகள், சென்ற அரசு, சமச்சீரினால் கல்வியைத் தாக்கியபோது, அதை ஆர்ப்பாட்டமாக வரவேற்றார்கள். தரம் தாழ்வது பற்றி அப்போது இவர்கள் பேசவில்லை. சரி. இப்போது, ‘சமச்சீர்தான் உயர்வு’ என்கிறார்கள். ஒரே பாடத் திட்டம் வந்தால், அது உயர்வாகி விடுமா?

தரமுள்ள கல்வி தரும் பள்ளிகளில் பயிலும் மாணவர்களுக்கு முயற்சியில் நம்பிக்கை; பல வகைப்பட்ட திறன்களுக்கு ஊக்கம்; பொதுஅறிவு; நல்ல நடத்தை; ஆங்கிலத்தில் சரளமாகப் பேசுகிற திறமை; தன்னுடைய எண்ணத்தை மற்றவர்களுக்கு தெரியப்படுத்துகிற திறன்; தன்னம்பிக்கை... போன்ற பல நன்மைகள் கிட்டுகின்றன.

அதனால்தான், நல்ல பள்ளிகளில் படிக்கும் குழந்தைகள், தைரியமாகப் பேசுகின்றன; நன்றாக நடந்து கொள்கின்றன; நம்பிக்கையுடன் உலவுகின்றன. இந்த மாதிரி கல்வி தரக் கூடிய தன்னம்பிக்கை, ஆங்கில அறிவு, தைரியம் போன்றவற்றுக்கு பல்லாயிரக்கணக்கானவர்கள் உதாரணமாகத் திகழ்கின்றனர்; இன்றைய தமிழக முதல்வர் ஜெயலலிதாவும் கூட அவர்களில் ஒருவர். அதனால்தான், இம்மாதிரி கல்வியை அனைவரும் பெற வேண்டும் என்பதற்காக, சமத்தாழ்வு கல்வியை மாற்றுவதற்கான நடவடிக்கையை அவர் எடுத்தாரோ, என்னவோ!

இந்த மாதிரி கல்வியைப் புகட்டும் பள்ளிகளில் ஒரு தனி கலாசாரம் நிலவுகிறது; அது ஜாதிக் கலாசாரம் அல்ல; பணக் கலாசாரம் அல்ல; அது முனைப்பு கலாசாரம்; தன்னம்பிக்கையை தருகிற கலாசாரம். பாடத் திட்டங்களினால் மட்டும் அதை சாதிக்க முடியாது. நல்ல ஆசிரியர்கள் தேவை; நல்ல நோக்கம் தேவை. இன்றைய அரசுப் பள்ளிகளில் இவை இருக்கின்றன என்று கூறுவது அபத்தம் கூட அல்ல – அநியாயம்.

‘சரி, இதெல்லாம் வேண்டாம்; நம்மால் ஆகாது; ஆகையால், சமத்தாழ்வுதான் ஒரே வழி’ என்று தீர்மானித்த பிறகு – அதை ஏன் பள்ளிகளோடு நிறுத்த வேண்டும்? அது என்ன நியாயம்? கல்லூரியில் சமத்தாழ்வு வேண்டாமா? உதாரணத்திற்கு, சிலர் மட்டுமே – மருத்துவப் படிப்பு பெற முடிகிறது. அதாவது வசதி படைத்த வர்க்கத்தினர் மட்டுமே மருத்துவப் படிப்பு பெற முடிகிறது. அநியாயம் இல்லையா இது?

எல்லா மருத்துவக் கல்லூரிகளிலும், அலோபதி மருத்துவ முறையை போதிக்க முடியாது. ஆகையால், சித்த வைத்தியம்தான் இனி மருத்துவக் கல்லூரிகளில் போதிக்கப்படும் என்று சட்டம் இயற்றினால் – அடடா! நினைத்தாலே மெய்சிலிர்க்கிறது! சமச்சீர் மருத்துவம் வந்து விடுமே! சிலர் மட்டும், உயர்ந்த பயிற்சி பெறுகிற அவலநிலை மாறி எல்லோருக்கும் லேகியம், சூரணம் பற்றிய பயிற்சி! ஆஹா!

இந்த சமச்சீர் அபத்தத்தை ஆரவாரத்துடன் வரவேற்பவர்கள் யார் என்று பார்த்தாலே, இது வெறும் உடான்ஸ் என்பது புரியும். தங்கள் வீட்டுக் குழந்தைகளை, மிக நல்ல தனியார் பள்ளிகளிலும், அயல்நாடுகளிலும் கூட படிக்க வைக்கிற தலைவர்கள்; வசதிக் குறைவு இல்லாத அறிவாளிகள்... போன்றவர்கள்தான் இந்தச் சமச்சீர் வக்காலத்து ஆசாமிகள்... அதாவது, வசதியானவர்களால் வசதியானவர்களுக்காக நடத்தப்படுகிற, வசதியானவர்களின் பொழுதுபோக்குகளில் இதுவும் ஒன்று. இந்த மேடை முழக்கத்தினால் அவர்களுக்கு ஒரு நஷ்டமும் இல்லை. இவர்களுடைய சமச்சீர் புரூடா, சமூகத்தைப் பின்னுக்குத் தள்ளும். அதனால் அவர்களுக்கு ஒரு பிரச்சனையும் இல்லை. அவர்களுடைய வீட்டுப் பிள்ளைகள், சென்ட்ரல் போர்ட் முறையில் படிப்பார்கள். சமச்சீர் சாமியாட்டம் அவர்களைப் பாதிக்கப் போவதில்லை.

ஆகையால், இந்த சமத்தாழ்வை வரவேற்கிற அப்பாவிகள் இனியாவது விழித்துக் கொள்ள வேண்டும். தங்கள் மகன் அல்லது மகள் என்ன கல்வி பெறுவது என்பது, பெற்றவர்களின் விருப்பத்திற்கு உட்பட்டது அல்ல என்றால் – அதற்கு ஜனநாயக ஆட்சி முறை உகந்தது அல்ல. பேசாமல், சர்வாதிகாரத்தைக் கொண்டு வந்துவிட வேண்டியது தான்.

இப்போது, சமச்சீர் குடாக்குத்தனம், சமூகத்தைப் பீடித்திருப்பதால் என்ன நடக்கும்? இந்த சமச்சீர் தாக்குதலினால் பாதிக்கப்படாதவர்கள் பலர் உண்டு; அவர்கள் கொஞ்சம் கொஞ்சமாக தங்கள் வீட்டுப் பிள்ளைகளை, மத்திய கல்வி முறைக்கு (சென்ட்ரல் போர்ட்) மாற்றி விடுவார்கள். இந்தச் சமச்சீர் பித்துக்குளித்தனம், தன்னுள்ளே அடக்கியுள்ள நன்மை இது ஒன்றுதான்!


சரி, தமிழகத்தின் கதி? அதற்கென்ன? இனி ஒரு விதி செய்வோம்; அதை எந்நாளும் காப்போம் – கல்வியின் தரத்தினை அழித்திடுவோம்!.
நன்றி: துக்ளக்

52 Comments:

Anonymous said...

Thanks for posting Cho sir article.

Suresh Kumar said...

அருமையான கட்டுரை...சோவின் முஹம்மது பின் துக்ளக் சினிமா இன்னைக்கும் அரசியல் நடைமுறைகளுக்கு ஒத்து வரும்..அப்போ இருந்து இப்ப வரைக்கும் எதுவுமே மாறலை :(

Anonymous said...

poda punnakku

kothandapani said...

அருமையான பதிவு. இவ்வளவு தெளிவான கருத்துக்கள் இருக்கும்போது , ஏன் கோர்ட்டுகள் எல்லாம் சமசீர் கல்வியை அமல் படுத்த ஆணை இடுகின்றன. அவர்களின் கருத்துக்கள் என்னவாக இருக்கும் என சோ போன்றவர்கள் விளக்கலாமே.

Sethu said...

Thanks

சட்னி சாம்பார் said...

கல்வியும் சாப்பாடு/வாகனம் இதெல்லாமும் ஒண்ணா சோ சார்?!?

"அம்மையார் அரசுதான் பிடிவாதம் பிடிக்குதுன்னா இந்த நீதிமன்றமாச்சும் விட்டுகுடுத்துட்டு போகலாமில்லையா, எதுக்கு ஜெயலலிதாவோடு சண்டை??" அப்படின்னு கேக்குற மாதிரி இருக்கு!

நம் நாட்டில் எப்பவாவது தான் நீதிமன்றங்கள் உருப்படியாகவும் அதிகாரத்தை பயன்படுத்தியும் சரியாக நடுநிலையாக செயல்படும். சரியா அந்த ஒரு செயலால் மாணவர்களுக்கு இப்படி ஒரு பிரச்சனை! ஆக, இந்தம்மா திருந்தப்போவதில்லை!

ரியோ said...

'சோ' வை புத்திசாலி என்று இதுநாள் வரை நினைத்திருந்தேன்

Lan said...

குற்றம் கண்டு பிடித்தே பேர் வாங்கும் புலவர்களில் "சோ" முதல் இடத்தில இருக்கிறார்.. இவர் ரொம்ப நாளா அடுத்தவங்கள குறை சொல்லியே தன்னோட பொழப்ப ஓட்டுகிறார் ... இவர் கட்டுரையும் ஒரு போஸ்டுன்னு போடுறிங்களே ... உங்கள சொல்லணும்... ஐயோ.. ஐயோ

Lan said...

குற்றம் கண்டு பிடித்தே பேர் வாங்கும் புலவர்களில் "சோ" முதல் இடத்தில இருக்கிறார்.. இவர் ரொம்ப நாளா அடுத்தவங்கள குறை சொல்லியே தன்னோட பொழப்ப ஓட்டுகிறார் ... இவர் கட்டுரையும் ஒரு போஸ்டுன்னு போடுறிங்களே ... உங்கள சொல்லணும்... ஐயோ.. ஐயோ

Rajan said...

It is difficult to understand what he is trying to convey. Idly vadai, You please come out of supporting the ruling party. Try to write about the sleeping vijayakanth.

Kanthan said...

I am not sure why Cho wrote such an article. This is completely one-sided. Govt never intended to bring down the quality of the education. They only wanted to give a meaningful education to every student.

R.Gopi said...

சமச்சீர் கல்வி, பாடப்புத்தகங்கள் வழங்குவதில் தாமதம்... இதற்கெல்லாம் ஜெ.ஜெ.தான் காரணம் என்பவர்களே,

முந்தைய ஆட்சிக்காலத்தில் எழும் ஞாயிறுக்கு உதயசூரியன் படம், தான் எழுதிய உப்பு சப்பில்லாத கவிதை(!!??) வரிகள் சேர்த்தது, கவிதாயினி (!!??) கனிமொழியின் கவிதை போன்றவற்றை சேர்த்தது போன்ற விஷம செயல்களை மு.க. செய்தது தானே இவ்வளவு பிரச்சனைகளுக்கும் ஆணிவேர்....

மு.க. நினைத்தது என்னவென்றால் (போன ஆட்சியின் போது), அடுத்த முறையும் நாம்தான் ஆட்சிக்கு வருவோம், அப்படி வந்தால், இன்னொரு 10-15 பக்கங்களை தனக்காகவும், கனிக்காவும் ரிசர்வ் செய்து இத்துப்போன எழுத்துக்களை சேர்த்து விடலாம்... இல்லையென்றால், ஜெ.ஜெ.வந்தால் இந்த அராஜகத்தை தட்டி கேட்பார், அதனால் பாட புத்தகங்கள் வழங்குவதில் குளறுபடி வரும், அப்போது, அந்த குழப்பத்தில் குளிர் காயலாம்...

விஷ மனிதர் மு.க. நினைத்ததில் இரண்டாவது தான் இப்போது நடந்தது... இதற்கு முழு பொறுப்பும் விஷமி மு.க.அவர்களையே சாரும்..

ஆயினும், அந்த “நல்ல விஷமி” மு.க. செய்த அராஜகத்தை பற்றி எந்த கழக குஞ்சுமணியாவது பேசியதா, பேசுகிறதா?

Anonymous said...

தமிழ்நாட்டில் வர பைத்தியக்காரர்களின் எண்ணிக்கை அதிகரித்துக் கொண்டே போகிறது. பரலி.சு. நெல்லையப்பர் என்ற தியாகி தனக்கு தானமாக வழங்கப்பட்ட நிலத்தை பள்ளி கட்டுவதற்காகக் கொடுத்தார். பள்ளியும் துவங்கப்பட்டது. ஆனால் கடந்த தி.மு.க. அரசு, மாணவர்கள் வரவில்லை என்று காரணம் சொல்லி பள்ளியை மூடி விட்டது. இப்படி ஊருக்கு ஊர் பள்ளியை மூடுவார்களாம். பின்னர் சமச்சீர் கலவி கொண்டு வருவார்களாம். பைத்தியக்காரர்கள்!!

சமச்சீர் கல்வி பாடப் புத்தகங்களை யாராவது வாசித்துளீர்களா? பாடத் திட்டம் பரவாயில்லை (அதாவது கேள்வி-பதில், வினா, குறிப்புகள், விளக்கங்கள் போன்றவை) ஆனால் பாடங்கள் வேஸ்ட்.

அந்தப் பாடங்களைப் படிக்கும் ஒருவன் அறிவு, சிந்தனை விரிவடையாது (ஏற்கனவே ரொம்ப பிரமாதம்) 10, 12ம் வகுப்பு மாணவனுக்கு பாங்க் சலான், எம்.ஓ. ஃபார்ம் பில் அப் பண்ணத் தெரியவில்லை (ஆனால் கவலைப்பட வேண்டும். தபால் அலுவலகங்கள் விரைவில் மூடுவிழா காணப்பட இருக்கின்றன)

தமிழகத்து நடைமுறைக் கல்விதான் தேவை. அது குறித்து யாரும் அக்கறை கொள்வதாய்த் தெரியவில்லை. தாங்கள் மிகப் பெரிய கல்வி நிறுவனங்களை அறக்கட்டளை பெயரிலும், பினாமி பெயரிலும் நடத்துபவர்கள், சமச்சீர் கல்வியை மறைமுகமாக ஆதரித்துக் கொண்டே வெளியில் எதிர்க்கிறார்கள்.

இந்தக் கலவித் தந்தைகள்தான் தமிழ்நாட்டின் எதிர்காலத்தை நிச்சயிக்கப் போகிறார்களாம். வெட்கக் கேடு!

Anonymous said...

இதில் இந்தத் தலைவர்கள் செய்யும் பைத்தியக்காரத்தனங்களுக்கு அளவே இல்லை.

தானாகவே போய் வேனில் ஏறிக் கொண்டு, என்னைக் கைது செய்து விட்டார்கள் என்று ஸ்டண்ட் செய்வது, ’அம்மா’வை அந்தமான் சிறையில் தள்ளுவோம் என்று வீர முழக்கம் செய்வது,முடிந்தால் கைது செய்து பார் என்று கூக்குரல் எழுப்புவது, கைது செய்தவுடன் “அய்யோ, கைது செய்துட்டாங்க. அராஜகம், அக்கிரமம், காட்டாட்சி’ என்று புலம்புவது, விடுதலை செய்து விட்டால், ’ஹே.. ஹே.. நாடெங்கும் ஏற்பட்ட எழுச்சி காரணமாக பயந்து போய் விடுதலை செய்துட்டாங்க என்று பம்மாத்து செய்வது- ஐயா... மகாஜனங்களே இவர்களது இம்சை தாங்க முடியவில்லை. பேசாமல் திகாருக்குப் போய் ஸ்வீட், காரம், காபி சாப்பிட்டு, டென்னிஸ் விளையாடிக் கொண்டு ஜாலியாக இருக்கலாம் போலத் தோன்றுகிறது.

jaisankar jaganathan said...

//சரி, தமிழகத்தின் கதி? அதற்கென்ன? இனி ஒரு விதி செய்வோம்; அதை எந்நாளும் காப்போம் – கல்வியின் தரத்தினை அழித்திடுவோம்!.
//
தரத்தை அழிக்கத்தான் ஜெயலலிதா இருக்காங்களே

Anonymous said...

vishamathanamana katturai

Anonymous said...

//தரத்தை அழிக்கத்தான் ஜெயலலிதா இருக்காங்களே//

தரம் என்ற ஒன்று இருந்தால் தானே அழிப்பதற்கு. அதான் எல்லாத்தைய்ஜ்ம் கெடுத்து குட்டிச்சுவராக்கிட்டாங்களே மகா பாவிகள்.

ஆர்.கோபி - உங்கள் கருத்தோடு முழுமையாக உடன்படுகிறேன்.

இந்த நாடு நன்றாக இருக்கட்டும். இதற்கு துரோகம் செய்த... செய்கின்ற.. செய்யும் தலைவர்கள்... நாசமாகப் போகட்டும்.

R. Jagannathan said...

சோவின் வாதங்கள் நேர்மையாக இல்லை. உதாரணங்கள் தேவை: 6-ஆம் வகுப்பு புது சயின்ஸ் புத்தகத்தில் பழைய புத்தகங்களிடமிருந்து ஏதாவது குறைவு இருக்கிறதா என்று ஆதார பூர்வமாக தெரிவிக்கமுடியுமா? ஏன் சம தாழ்வு என்று கூறுகிறார்- விளக்கம் தேவை. எனக்குத் தெரிந்த வரையில் புது பாடத்திட்டம் மோசமில்லை. ஜெ’யின் ஈகோ தான் இந்த குழப்பங்களுக்கு காரணம். - ஜெ.

பத்ரி சேஷாத்ரி said...
This comment has been removed by a blog administrator.
VenusMurugesan said...

சமச்சீர் கல்வியின் நோக்கத்தினை நன்றாக புரிந்து கொள்ளாதவர்களின் பேச்சுக்கு இந்தக் கட்டுரை ஒரு நல்ல உதாரணம்.

சமச்சீர் கல்வி என்பது கருணாநிதியின் குடும்பச்சொத்து அல்ல.

கட்டுரையில் சொல்லப்பட்டு இருப்பது போல மெட்ரிக் பள்ளியில் படிக்கும் மாணவர்கள் எல்லாம் சரளமாக ஆங்கிலம் பேசுகின்றனரா? தெளிவாக சிந்திக்கின்றனரா? இதை விட பெரிய காமெடி இனிமேல்தர்ன் கண்டுபிடிக்க வேண்டும்.

இந்திய நாட்டில் பிறந்த ஒவ்வொரு குழந்தைக்கும் தரமான, அதனுடைய வாழ்க்கைக்கு துணை செய்யக்கூடிய கல்வியை அளிக்க வேண்டியதும், அவர்கள் கல்வி பெறுவதை உறுதி செய்ய வேண்டியதும் அரசின் கடமை.

நம் நாட்டில் நமது மாநிலத்தில் ம்ட்டும்தான் இத்தனை பாடத்திட்ட முறைகள் மற்ற மாநிலங்களில் எல்லாம் மாநிலப் பாடத்திட்டமும் மத்திய் பாடத்திட்டம் என் இரண்டு முறைகள்தான் பின்பற்றப்படுகின்றன. அவர்களால் எல்லாம் ஆங்கிலம் பேச முடியாமலும் தெளிவாக சிந்திக்க முடியாமலும் போய்விட்டதா?

சோவிற்கு வார்த்தைகள் வசப்படும் என்றால் கவிதை எழுதப் போகட்டும இல்லை கருணாநிதியைப் போல கதைவசனம் எழுதப்போவட்டும். மாறாக சமச்சீர் கல்வியை சீர்குலைக்கப் பயன்படுத்த வேண்டாம்.



தலைவலியும் திருகு வலியும் தனக்கு வந்தால்தான் தெரியும் என்பது போல அரசியல்வாதிகளுக்கும் அதிகாரிகளுக்கும் தன் பிள்ளை, பள்ளிக்கூடத்தில் கழிவறை சரியில்லாமல் இருந்த அதனால் சிறுநீர் கழிக்க முடியாமர்ல் மூத்திரக்குடுப்பு வந்து அவதிப்படும் போதுதான் பள்ளியில் கழிப்பறை இருக்க வேண்டியதன் அவசியமும் அது முறையாக பராமரிக்க வேண்டிய அவசியமும் புரியும், அதுவரை அவர்களுக்குப் புரியாது. அதுபோல்தான் தன் பிள்ளைக்கு சரியர்ன தரமான கல்வி கிடைக்கவில்லை என்று உணரும் போதுதான் கல்வித்துறை சீர்கேடுகளை களைய முன்வருவர்.

தரமான பாடத்திட்டத்தில் படித்ததால்தான் ஜெ சிறப்பாக சிந்திக்கிறார் என்ற ரீதியில் சோ எழுதியிருப்பது சரியான வேடிக்கை.

ஜெ வின் வெற்றிக்கு திமுக தான் காரணமே தவிர ஜெ காரணமல்ல என்பதை நாடே அறியும். சோ வேண்டுமானால் இது ஜெ தானே தன்னுடைய முயற்சியால், தன்னுடைய உழைப்பால் பெற்ற வெற்றி என்று சொல்லிக் கொண்டிருக்கலாம் எழுதிக் கொண்டிருக்கலாம்.

ஜெ சிறப்பாக சிந்திக்கிறார் எனில் வளர்ப்பு மகனுக்கு நடந்த ஆடம்பரத்திருமணம் அந்த சிறப்பான சிந்தனையில் விளைவா?
அதனையடுத்து வந்த சட்டமன்றத் தேர்தலில் பெற்ற படு தேர்ல்வி அந்த சிறப்பான சிந்தனையின் விளைவா?
தேர்தல் பிரச்சாரங்களில் கூட சுயமாக பேச முடியாம்ல் எழுதி வைத்த அட்டைகளைப் பார்த்து பேசிக் கொண்டிருக்கிறரரே ஏன் சிறப்பாக சிந்தித்து தெளிவாகப் பேசலாமே?

இந்த சோ எல்லாப் பாடத்திட்டகளின் புத்தகங்களிலும், பாடத்திட்ட வடிவமைப்புக்களிலும் ஆழ்ந்த ஞானம் பெற்றவரா என்ன? தமிழகத்தில் மாநிலப்பர்டத்திட்டத்தில் எந்த வகுப்பில் இருந்து ஆங்கிலம் கற்பிக்கப்படுகின்றது?

ஐந்தாம் வகுப்பு மாணவர்களுக்கு மாநிலப்பாட்த்திட்டத்திலும், மெட்ரிக் பாடத்திட்டத்திலும் கற்பிக்கப்படும் கணிதத்திற்ன்களுக்குள் என்ன வேறுபாடு என்று அவரால் உடனே சொல்ல முடியுமா

பத்து நாட்களுக்கு பல் துலக்கமால் இருந்து விட்டு எதைத் தின்றாலும் புளிப்பாகத்தான் இருக்கும். அதை உணராம் தின்ற மாங்காய்தான் புளிப்பு என்று சொல்பவ்ர்களை எதில் சேர்த்த

சமச்சீர் பாடத்திட்டத்தின் படி வடிவமைக்கப்பட்ட புத்தகங்களில் கருணாநிதியின் குடும்ப புகழ் பாடப் பெற்றுள்ளது என்பதிலும் வடிவமைப்புக்களில் ஒரு சீர்மை இல்லை என்பதும், தேவையான இடங்களில் ஓவியங்களைப் பயன்படுத்தாமல் புகைப்படங்களைச் சேர்த்திருப்பதும், பலவண்ணத்தில் புததகம் தருவதாகச் சொல்லி பாதிக்கும் மேலான பக்கங்களை காணச் சகிக்காத அளவில் செய்திருப்பதும யாரும் மறுக்கமுடியாத உண்மை,

தண்டிக்கப்பட வேண்டியவர்களும், தவிர்க்கப்பட வேண்டியவர்களும் சமச்சீர்கல்வியை வடிவமைத்தவர்களே தவிர சமச்சீர் கல்வி அல்ல

Silky woven said...

//தங்கள் வீட்டுப் பிள்ளைகளை, மத்திய கல்வி முறைக்கு (சென்ட்ரல் போர்ட்) மாற்றி விடுவார்கள்//

அப்போ சென்ட்ரல் போர்ட்டில் ஹிந்தி படிக்கச் வேண்டி இருக்குமே. 'க'வின் ஹிந்தி எதிர்ப்பு காற்றில் தானா?

Sam said...

சோவின் கட்டுரையில் ஒரு விஷமத்தனமும் இல்லை. உண்மையான நிலை என்ன? சமச்சீர் கல்வி என்றால் என்ன? எல்லோருக்கும் சீரான - அதே சமயத்தில் உயர்வான கல்வி இருக்க வேண்டும். இப்பொழுது சமச்சீர் கல்வி என்று புகுத்த நினைக்கும் பாடத்திட்டத்தில் எந்த அரசியல் தலைவனாவது, அவனுடைய மகனை படிக்க வைப்பானா? மக்களை முட்டாளாக வைத்திருக்க கல்வியில் விளையாடுவது சமச்சீர் கல்வி ஆகுமா?

தற்பொழுது உள்ள சமச்சீர் கல்வி பாடத்திட்டத்தையே வைத்துக்கொண்டு படித்து பாசாகும் பிள்ளைகள், நாளை ஐஐடி, ஐஐஎம் படிக்க சிபிஎஸ்ஈ படித்துவரும் பிள்ளைகளுடன் போட்டியிட முடியுமா?

அறிவுகெட்டத்தனமாக முந்தைய அரசு செய்த ஒரு காரியத்துக்கு வக்காலத்து வாங்குபவர்களை நினைத்தால் வருத்தமாக இருக்கிறது.

மிக சுலபமாக, சிபிஎஸ்ஈ பாடத்திட்டம்தான் அனைவருக்கும் என்று இந்த ஆட்சி அறிவித்திருந்தால் எல்லாம் நல்லபடியாக முடிந்திருக்கும், கோர்ட்டும் தடை சொல்லியிருக்காது.

Anonymous said...

There is a schoold called "Sun Shine" near Velachery. The school is managed by the daughter of Mr.Stalin - Ex Deputy Chief Minister of Tamil Nadu. The pattern of syllabus is CBSE. If the family has a strong belief in Uniform Education, why are they not advocating it.

R.Sivaramakrishnan

virutcham said...

சோ வின் சமத்துவக் கிண்டல் கொஞ்சம் அதிகம் தான். இன்றைய தனியார் மயக் கல்வி ரொம்பத் தரமானது என்பது ஒரு பிரமை மட்டுமே. ஒரு விஷயம் ஒத்துக் கொள்ளக் கூடியதே. கட்டுப்ப்பாடான சூழ்நிலையை அவர்கள் நிறுவுவதால் மாணவர்கள் பெரும்பாலும் ஒரு கட்டுக்கோப்பான சூழ்நிலையிலே இருக்கிறார்கள். எதிர்காலம் குறித்த எதிர்ப்பார்ப்பு ஏதாவது ஒரு வகையில் அவர்கள் மேல் நிறுவப்பட்டு விடுவதால் மாணவர்கள் அதிக அளவில் தேர்ச்சி பெற்று நல்ல நிலைக்கு செல்ல முடிகிறது. ஆனால் மதிப்பெண் கலாச்சாரத்தால் மனப்பாடக் கலாசாரம் நிலவுகிறது. அரசுப் பள்ளிகளின் தரத்தை உயர்த்துவது அரசு கையில் இருக்கறது. தனியாரை கூடக் கோர்த்துக் கொண்டு ஒன்றுக்கும் இல்லாமல் இப்படி அல்லாட விட்டிருக்க வேண்டாம்.
மத்திய அரசுப் பாடம் நோக்கிய பெற்றோர்கள் செல்கிறார்கள் என்பது உண்மை தான்.

http://www.virutcham.com/2011/05/சமச்சீர்-கல்விஆர்வலர்கள/

http://www.virutcham.com/2011/05/சமச்சீர்-பாடங்களில்-பிழை/

http://www.virutcham.com/2010/12/matric-பள்ளிகள்-cbse-க்கு-பெற்றோர்/

வழிப்போக்கன் said...

சென்னையில் நடைபெற்ற ஒரு கருத்தரங்கில் ஒரு கல்வியாளர் சொன்னது:
மகாத்மா காந்திக்கு உத்தமர் காந்தி என்று புதுப்பெயர் சூட்டியுள்ளனர் சமச்சீர் பாடப்புத்தகங்களில். மகாத்மா என்பது உலகமே ஒப்புக்கொண்ட பெயர். மகாத்மா என்றால் the Great Soul என்று பொருள். உத்தமர் என்றால் உயர்ந்தவர் என்று பொருள்படும். மகாத்மாவை இழிவு படுத்தவே இச்சொல் கையாளப்படுகிறது சமச்சீர் பாடப்புத்தகங்களில்.

pongalvadai said...

2G spectrum வழக்கில் சுப்ரீம் கோர்ட்டு நடவடிக்கை பாராட்டகூடியது நீதி நிலைநாட்டப்பட்டது என்று கூறி விட்டு , சமசீர் கல்வி வழக்கில் அதன்
நடவடிக்கை புரியவில்லை என்று பல்டி அடிப்பது எப்படி நியாயம் ஆகும்

Anonymous said...
This comment has been removed by a blog administrator.
anbu said...

அருமையான கருத்துக்களை தந்ததற்கு நன்றி.

Anonymous said...

இந்த சமசீர் கல்வி முறை யவே எதிர்குரவனுங்க அத்தனை பேரையும் பாருங்க எல்லாம் பாப்பார பயலுக..
டேய் இந்த விஷயத்த பொறுத்த வரை கருணாநிதி பண்ணது மொள்ள மாரித்தனம்
ஜெயலலிதா பண்றது அடாவடி
நீங்க பண்றது மாமாவேலை
காலத்தால் அழிக்க முடியாத பழிக்கு ஜெயலலிதா தன்னை தயார் செய்து கொண்டு இருக்கிறார் என்று மட்டும் தெரிகிறது

Thamaraiselvan said...

idhellam oru polappa boss. first sdamacheer kalvi na enna nu therinjikonga..

Anonymous said...

iv
please don't publish undeasent comments with street langauge

Gopalakrishnan J said...

Very easy to understand Cho's logic.

His family runs Le Chatelaine school in Alwar Thirunagari. So his arguments / trivialization explains the rationale. Unfortunate that his intelligence is wasted with trivial arguments and integrity is sold to protect selfish interests.

How different is his act from the politicians he criticize all the time?

Anonymous said...

This blog is more associated with Cho's ideology.

Anthanan said...

The comments posted by a depraved person who calls himself 'Anonymous' is not only sickening, but also reveals the level of his thinking. Please retain his posting so that people can understand the caliber and refinement of die-hard DMK supporters.

Anonymous said...

Hello, Cho and his likes, uniform education policy is needed all over india. Even in places like iit there are efforts to abolish their JEE kind of exams to get rid of the coaching mafia. In order to acheive this a uniform education policy is required all over india.

Moreover, there are serious problems with fees charged for books.

Cho's comments are merely jokers comical words which one can enjoy with a laugh. Cho does not make any serious comments.

simmakkal said...

No educationalist will agree that private schools in TN r giving quality education. They want their students to get high scores by cruel methods.

radha said...

Really sad some one gives very indecent comment. Please keep the pathrika dharmam and dont publish such commend and entertain others also to follow such standards

passerby said...

//மகாத்மா காந்திக்கு உத்தமர் காந்தி என்று புதுப்பெயர் சூட்டியுள்ளனர் சமச்சீர் பாடப்புத்தகங்களில். மகாத்மா என்பது உலகமே ஒப்புக்கொண்ட பெயர். மகாத்மா என்றால் the Great Soul என்று பொருள். உத்தமர் என்றால் உயர்ந்தவர் என்று பொருள்படும். மகாத்மாவை இழிவு படுத்தவே இச்சொல் கையாளப்படுகிறது சமச்சீர் பாடப்புத்தகங்களில்.

//

வழிப்போக்கன்!

உத்தமர் என்று போட்டதும் தவறே. சமச்சீர் கல்விப்பாடனூல்களில் மட்டுமல்ல, எல்லாப்பாடனூல்களிலும் 'காந்தி' என்று மட்டுமே போடப்படவேண்டும். அவர் மகாத்மா என்ற அடைக்குப் பொறுத்தமானவரா, ஏன் அவரை அப்படி அழைக்கிறார்கள் என்று மாணவர்களே பின்னாளிலோ, அல்லது அன்னாட்களிலோ கண்டிபிடிப்பதே கல்வி. மற்றதெல்லாம் திணிப்பு. மூளைச்சலவை. ஆயினும் காந்தியைப்பற்றிய பாடத்தில், இவரை மகாத்மா என்றும் தேசப்பிதா என்றும் மக்களில் பெரும்பாலோர் (எல்லாருமல்ல என்று பொருளிங்கே) அழைக்கிறார்கள் என்று முடிக்கப்படும்.

வரலாற்றுப்பாடம் இன்று சீரழிகிறது. வரலாறு என்ற பெயரில் அஜென்டாக்கள் மாணவர்கள்மீது திணிக்கப்படுகிறது. பின்னாளில் மதவெறியர்களாகவும், ஜாதிவெறியர்களாகவும், இனவெறியர்களாகவும், ஒரு தனிமனிதனுக்குக் கொடிபிடிக்கும் கொள்கையடிமைகளாகவும் ஆகாமல் தடுக்க எல்லா அடைகளையும் எடுத்துத்தான் பாடனூல் அச்சடிக்கப்படவேண்டும்.

இது காந்திக்கு மட்டுமல்ல, கலைஞர், புரட்சித்தலைவர், பேரறிஞர், தந்தை, மூதறிஞர், புரட்சித்தலைவி, தெய்வத்திருமகன், போன்ற அடைகளுக்கும் பொருந்தும். நம் வருங்காலச்சந்ததிகள் நம்மைப்போல மாறாமல் ஆக்குவோம்.

Ragunathan Swaminathan said...

சோ தான் எப்பவும் போல லூசுத்தனமா எழுதியிருக்கார்னா அதையும் போஸ்ட் பண்ணியிருக்கிறீன்களே. ஏன் யா ஏன்? தமிழ்நாட்டுல ஏகப்பட்ட கல்விமுறை இருக்கு. அதுல வசதியிருக்கிறவன் தன பிள்ளையை பெரிய ஸ்கூலிலே நிறைய காசு குடுத்து சேர்த்து விடுறான். உண்மையிலே ஸ்டேட் போர்டை விட மெட்ரிகுலேஷன் இன்ன பிற முறை நல்லதுதான். அந்த அளவுக்கு இதை உயர்த்தினாலும் ஓசியிலே படிக்கிற பயலுக்குன்னு நம்ம வாத்தியாருமாருக ஒன்னும் பெருசா சொல்லித்தரப்போவது இல்லே. பிரச்சினை என்னன்னா எந்த போட்டித் தேர்விலேயும் ஏழை மாணவன் ஜெயிக்கப் போவது இல்லை. அட்லீஸ்ட் பாடத்திட்டத்தை ஒரே மாதிரி வச்சாலாவது போட்டித் தேர்வில் சம வாய்ப்பு கிட்டுமே என்ற நப்பாசைதான். இந்த வருஷம் 1 , 6 வகுப்புக்கு அந்த பாழாய்ப்போன சமச்சீர் புத்தகத்தை கொடுத்து தொலைஞ்சிட்டு அடுத்த வருஷத்திலேருந்து நீங்க சொல்ற "தரமான புத்தகத்தை" தரக்கூடாதா? அந்த அகம் பிடிச்ச அம்மா சொல்றதெல்லாம் சரின்னு ஏன்யா சொல்றீங்க?

சத்தியமா என் நெஞ்சிலேருந்து கேக்குறேன், ஏழை பெற்றோருக்குப் பிறந்தது என்னோட தப்பா?
இதை இட்லி வடையோட ஓனர், சோ கிட்டே கேட்டுச் சொல்வாரா?

Premkumar said...

I could sense anger of Cho on hearing the fact "everyone will be equal" . Cho you can only delay it , but not prevent it

ரிஷபன்Meena said...

// passerby said...//

அருமை!!

இப்படி எதாவது ஒரு பின்னூட்டம் மட்டுமே “நச்” என்று இருக்கிறது. வித்தியாசமான ஏற்றுக்கொள்ளத்தக்க வாதம்.

Anonymous said...

NO ONE KNOWS THE TRUTH.THOSE WHO SUPPORT AND OPPOSE ARE DIVIDED ON PARTY LINES. CASTE FACTOR OF THOSE WHO OPPOSE IS BEING DRAGGED.
IDLY VADAI OR ANYONE ON ITS BEHALF CAN REALLY GO THROUGH THE BOOKS AND BRING OUT THE TRUTH.
IT IS TOLD THE LESSONS ARE SUB STANDARD.IF THAT BE THE CASE PARENTS AND STUDENTS THEMSELVES WOULD HAVE AGITATED AFTER SOMETIME. THE BOOKS WOULD HAVE DIED A NATURAL DEATH. THE HASTE IN SCARAPPING ONLY GIVES RAISE TO MOTIVES.CBSE IS NO DOUBT BETTER THAN ALLSTATE BOARDS. BUT YOU REOUIRE HIGHLY SKILLED TEACHERS. THE SSHOOL TEACHERS IN TAMILNADU GOVT SCHOOLS ARE TREATED LIKE DIRT.THEY ARE COMPELLED TO DO ALL THINGS OTHER THAN TEACHING.LET THERE BE UNIFORM TREATMENT FOR TEACHERS BEFORE UNIFORM SYLLABUS. COMPARE THE ATTITUDE AND SKILL LEVELS OE A CBSE TEACHER AND AGOVT. TEACHER. THE DIFFERENCE WILL BE SHOCKING. WHATEVER BE THE SYLLABUS A GOOD TEACHER WILL BRING OUT GOOD STUDENTS.
IITS AND IIMS ARE A DIFFERENT STORY.YOU REQUIRE SPECIAL COACHING FOR THEM. CBSE STATE BOARD OR MATRIC WILL NOT DO.THERE ARE CAMPS IN ANDHRA AND KOTA FROM WHERE HUNDREDS GET SELECTED.IT IS AN ACADEMIC FACTORY.
WHAT IS REQUIRED IS A VALUE BASED MIND BASED EDUCATION NOT A MONEY CHASING ONE AS AT PRESENT.ALL PARENTS ARE TRAINING THEIR CHILDREN TO BE WINNING HORSES AND NOT THINKING HUMANS. WE ARE TAILORING OUR EDUCATION THAT WAY. LET US ALL FIGHT FOR A VALUE BASED EDUCATION SYSTEM.

Anonymous said...

This is a onesided review.What else can we expect from Cho ?

Anonymous said...

idly vadai wasete no new commeing no daily update pls do old stype

Anonymous said...

I dont know how you are support this type of arguements,Worst article by a very worst man.....

அருள் said...

சமச்சீர் கல்வி முழுதீர்ப்பு: துகிலுரியப்பட்ட தமிழக அரசு

http://arulgreen.blogspot.com/2011/08/blog-post_10.html

அருள் said...

சமச்சீர் கல்வி: முதல்வரை ஏமாற்றியது பத்திரிகைகளா? பார்ப்பனக் கூட்டமா?

http://arulgreen.blogspot.com/2011/08/blog-post.html

Anonymous said...

samachher books are have very very small content and govt school student also read these lesson in previous class,it is totally waste

Anonymous said...

samachher books are have very very small content and govt school student also read these lesson in previous class,it is totally waste

Anonymous said...

samachher books are have very very small content and govt school student also read these lesson in previous class,it is totally waste

தமிழ்ச் செல்வன்ஜீ said...

நான் கூட சோ அவர்களை பெரிய அறிவாளி என்று இதுவரை தவறாக நினைத்துக்கொண்டிருந்தேன்...கல்வி என்பது போக்குவரத்து, உணவு, உடை போல ஒரு அனுபவிப்பு பொருளல்ல ...அது ஒரு சமூக மாற்றத்திற்கான அடைபபடை ஆதாரம்.ஒரு ஏணி.அதன் மூலமாகத்தான் எல்லா மட்டத்திலும் சமச்சீரை கொண்டுவர முடியும்.தான் சொல்வதே சரி என்று அடம்பிடிக்கும் சராசரி அறிவுஜீவித்தனம் இது எனில் சிரித்து விட்டு மறக்கலாம் ஆனால் தெரிந்தே இது போல ஒரு கட்டுரை திசை திருப்பும் நோக்கில் எழுதப்பட்டிருந்தால் அது அபாயம்.மன்னிக்க முடியாத குற்றம்.

elango said...

For almost 30 years Karunanidhi blocked Tamil people from learning Hindi and because of this our people could not get job opportunities in northern parts of our country. Now he blocks our people from learning quality education. He wants to keep our people in the dark forever.