பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Sunday, May 08, 2011

சன்டேனா இரண்டு (08-05-11) செய்திவிமர்சனம்

இந்த வாரம்......."விலை போன மத்திய அரசு"
செய்தி # 1

"நமது மத்திய அரசை பன்னாட்டு மற்றும் வர்த்தக நிறுவனங்கள்தான் நடத்துகின்றன " என்று ஒரு பேட்டியில் கூறி இருந்தார் எதிர்க்கட்சி தலைவர் திரு.அத்வானி.

அவர் கூற்று நூற்றுக்கு நூறு சதம் உண்மை என்பதை நிருபிக்கும் விதமாக மத்தியில் ஆளும் காங்கிரஸ் அரசின் செயல்பாடுகள் தொடர்ந்த வண்ணம் இருக்கின்றன.

பன்னாட்டு அணு உலைகளை திறப்பது,பெட்ரோலிய பொருட்களின் விலை உயர்வை பெட்ரோலிய நிறுவனங்களிடம் ஒப்படைத்தது...தற்சமயம் அதை விட ஒரு மிகப்பெரிய கொடுமையை மக்களுக்கு இழைத்து இருக்கிறது மத்திய அரசு.

கம்யுனிஸ்ட் ஆட்சி நடைபெறும் கேரளாவில் சமிபத்தில் கண்டுபிடிக்கப்பட்ட ஒரு விவகாரம் இந்தியா முழுவதும் பெரும் அதிர்ச்சியை ஏற்ப்படுத்தி இருக்கிறது.

காசர்கோடு - கேரளாவில் உள்ள அழகான மாவட்டம். கேரள - கர்நாடக எல்லையில் அமைந்து உள்ள, முந்திரி காடுகள் நிறைந்துள்ள மாவட்டம். (மணிரத்னத்தின் பம்பாய் படத்தில் "உயிரே" பாடல் காட்சி மற்றும் வசந்தின் சத்தம் போடாதே படத்தில் இந்த காதல் போன்ற பாடல்கள் எடுக்கப்பட்ட "பேக்கல் போர்ட்" இங்குதான் உள்ளது).

இங்கு உள்ள முந்திரி மரங்களை பூச்சிகளிடம் இருந்து பாதுகாக்க என்டோசல்பான் என்ற பூச்சிக்கொல்லி மருந்தின் பயன்பாட்டை முந்திரிக்காட்டு விவசாயிகள் அதிகரிக்க தொடங்க, அதன் விளைவுகள் பயங்கரமாக விஸ்வரூபம் எடுத்து உள்ளது இப்போது தெரியவந்து உள்ளது.

சமிபகாலமாக அந்த மாவட்டத்தில் உடல் முடங்கி போகும் குழந்தைகளின் பிறப்பு கணிசமாக அதிகரிக்க, அதன் காரணம் இந்த என்டோசல்பான் மருந்தே என மருத்துவர்களால் அறிவிக்கப்பட்டது.

காசர்கோட்டை சேர்ந்த புருஷோத்தமன் என்கிற ஏழை விவசாயின் பதிமூன்று வயதான மகளான பிரியங்கா, என்டோசல்பானால் பாதிக்கப்பட்டு நடக்கவும் இயலாமல் ஒரு கோமா நோயாளி போல வாழும் செய்தி நம்மை அதிர வைக்கிறது (படத்தில் இருப்பவர்).



இதை தொடர்ந்து, பாதிக்கப்பட்டவர்களை பார்வையிட்ட அம்மாநில முதல்வர் திரு.அச்சுதானந்தன், உடனே என்டோசல்பானுக்கு கேரளாவில் தடை விதித்ததோடு, இந்த பூச்சி கொல்லி மருந்தை பயன்படுத்துவதை உடனே நிறுத்துமாறு,நம் தமிழக முதல்வர் கருணாநிதி உட்பட அனைத்து மாநில முதல்வர்களுக்கும் கடிதம் எழுதினார்.

இதற்காக ஒரு உண்ணாவிரத போராட்டமே நடத்தினார் கேரளா முதல்வர்.

ஆனால், யாரும் இதை பற்றி அக்கறை காட்டவில்லை. முன்பு, பெப்சி மற்றும் கோலா போன்ற பானங்களில் இது போன்ற சில விஷ பொருட்கள் கலந்து இருப்பது தெரியவந்த போது, அந்த பானங்களை தடை செய்யும் முதல் போராட்டம் நடைபெற்றதும் கேரளாவில்தான் என்பதை நாம் இங்கே நினைவு கொள்ளவேண்டும்.

"இந்தியாவில் மூன்று நிறுவனங்கள் எண்டோசல்பான் தயாரிப்பில் உள்ளன. இவை ஆண்டுக்கு 9,000 டன் எண்டோசல்பான் மருந்தைத் தயாரிக்கின்றன. இதில் பாதி அளவு இந்திய விவசாயிகளால் பயன்படுத்தப்படுகிறது. மீதி வெளிநாடுகளுக்கு ஏற்றுமதி செய்யப்படுகிறது. இதன் மதிப்பு சுமார் ரூ.1,340 கோடி. தற்போது இந்த மருந்தைத் திடீரென்று தடைசெய்து நிறுத்திவிட்டால், இந்தியாவில் இதை நம்பியிருக்கும் 75 விழுக்காடு விவசாயிகளுக்கு மாற்றுப் பூச்சிக்கொல்லி மருந்து கிடைக்காது என்று இந்தியா கருதுகிறது" என்கிறது தினமணி செய்தி.

"பூச்சி கொல்லி நஞ்சுகள் பூச்சியைக் கொல்லுவதற்காகக் கண்டுபிடிக்கப்பட்டவையல்ல. இரண்டாம் உலகப் போரில் உருசியப் படைவீரர்களைக் கொல்லுவதற்காகக் கிணற்றிலும் ஆற்றிலும் கொட்டுவதற்காக ஹிட்லர் படை விஞ்ஞானிகள் கண்டுபிடித்தவை

இவை. போர் முடிந்த பிறகும் கம்பெனிகள் இலாபம் குவிக்க வேண்டும் என்பதற்காகவே பூச்சி மருந்து என்ற பெயரில் இந்த நஞ்சுகள் உழவர் தலைகளில் கட்டப்பட்டன"

-என்று தனது நீண்டதொரு ஆராய்ச்சி பயணத்தில் கண்டுகொண்ட ஒரு அதிர்ச்சி தரும் உண்மை சில வருடங்களுக்கு முன்பே வெளியிட்டு இருக்கிறார் இயற்கை வேளாண் விஞ்ஞானி நம்மாழ்வார்.

"இயற்கை வழி உழவாண்மை ஒன்றே நிலைத்தும் நீடித்தும் இருக்க வல்லது. இயற்கை வழி என்பது யூரியாவுக்குப் பதிலாகச் சாணி போடுவது இல்லை. உயிர் உள்ள இயற்கை. உயிர் இல்லா இயற்கை இவற்றுக்கிடையில் உள்ள உறவுகளை அறிந்த பயிர் செய்வது இயற்கை வழி.

எடுத்துக்காட்டாக, பயிர்ச் செடிகளை உண்ணும் பூச்சிகள் மிகவும் சொற்பம். அவற்றைத் தின்னும் பூச்சிகளும் குருவிகளுமே உலகில் அதிகம். பூச்சிகளைக் கொல்வதற்கு என்று நஞ்சு தெளித்த போது நன்மை செய்யும் பூச்சிகள் மடிந்தன.பறவைகள் மறைந்தன. ஆகவே பூச்சி கொல்லி தெளிப்பதாலேயே பெருகுகின்றன" என்று விளக்கம் தருகிறார் நம்மாழ்வார்.

நம்மாழ்வார் முன்வைக்கும் இயற்கை வேளாண்மை திட்டத்தை, ஒட்டுமொத்த இந்தியாவும் பயன்படுத்த வேண்டிய தருணம் இப்போது வந்து இருக்கிறது. ஆனால், அவரது இந்த திட்டங்களுக்கு நம் தமிழக அரசே ஒத்துழைக்காதது அநியாயம் ஆகும்.

173 நாடுகள் கூடிய மாநாட்டில், என்டோசல்பானின் புற்றுநோய் போன்ற பாதிப்புகளை சுட்டிக்காட்டி, இந்த பூச்சிகொல்லி மருந்துக்கு தடை விதிக்கவேண்டும் என்று விவாதம் எழுந்த போது, என்டோசல்பானை தடை செய்ய கூடாது என்று வாதிட்டு அனைவரையும் கவர்ந்த(?) ஒரே ஒரு நாடு....விவசாயத்தை முதுகெலும்பாக கொண்ட நமது இந்தியா என்னும் செய்தியை நம்மால் ஜீரணிக்க முடியவில்லை.

சர்வதேச நிறுவனமான என்டோசல்பானிடம் இருந்து, 'முக்கியமானவர்களுக்கு' 'பொட்டி' போய்விட்டதோ என்றே நினைக்க தோன்றுகிறது. இந்தியாவின் எந்த ஒரு அரசியல்வாதிக்கும் நாட்டு மக்களை பற்றி உண்மையான அக்கறை இல்லை. தொலைநோக்கு பார்வை என்பது இவர்களுக்கு கூட்டணி அமைப்பதில்தான் இருக்கிறது. தங்கள் 'பாக்கெட்டுகள்' நிரம்பினால் போதும் என்று வாழும் அரசியல்வாதிகள், பூச்சிக்கொல்லி மருந்துகளைவிட மோசமானவர்கள்.

என்டோசல்பானை தயாரிக்கும் ஐரோப்பிய நாடுகள் தங்களது நாடுகளில் ,அதன் பயன்பாடுகளை நிறுத்திவிட்டு, அதே சமயம் என்டோசல்பானை தயாரித்து உலக நாடுகளுக்கு ஏற்றுமதி செய்ய அனுமதித்து இருக்கும் கொடுமையை எப்போது இந்தியா உணரப்போகிறது? எப்போது நாம் உணரப்போகிறோம்?

செய்தி # 2

சுனாமி தாக்குதலை தொடர்ந்து,ஜப்பான் நாட்டில் உள்ள அணு உலைகள் கடுமையாக பாதிக்கப்பட்டன. உலகின் மிக சிறந்த தொழில்நுட்பத்தை உடைய ஜப்பானால் கூட, அணு உலைகளில் இருந்து கசிந்து வரும் கதிர்வீச்சை இன்னமும் கட்டுப்படுத்த முடியவில்லை.

அங்கு ஜப்பானிய பெண்களின் தாய்ப்பாலில் கூட, கதிர்வீச்சின் தாக்கம் இருப்பதை கண்டு அறிவியல் அறிஞர்கள் அதிர்ச்சியில் உறைந்து போய் இருக்கிறார்கள்.

இந்த தருணத்தில், சுவிசர்லாந்து,ஜெர்மனி மற்றும் சீனா உள்ளிட்ட நாடுகள் புதிதாக தொடங்கவிருந்த அணு உலை திட்டங்களை உடனே நிறுத்திவிட்டன.

ஆனால்,எந்தவித கட்டமைப்பு மற்றும் ஜப்பானை போன்று நவீன பாதுகாப்பு வசதிகள் எதுவும் இல்லாத, நமது இந்திய அரசு ஒரு புதிய அணுஉலை தொடங்கும் திட்டத்தை துவங்கி இருக்கிறது.

ஜைடாபூர் அணு உலை திட்டம் - மகாராஷ்டிரா மாநிலத்தில் அமைந்து உள்ள ஜைடாபுரில், சுமார் 300 கோடி ரூபாய்க்கும் மேல் இந்த திட்டத்திற்கு ஒதுக்கி உள்ளது இந்திய அரசு.

இப்பகுதி, கொய்னா என்னும் பகுதி, பூகம்பம் பற்றி முழுமையாக ஆய்வு நடத்தப்பட்டு, அதற்க்கான வாய்ப்புகள் இல்லாத இடமாக இருக்கிறது என்று அறிவித்து இருக்கிறது Atomic Energy Regulatory Board (AERB) .

அதற்க்கான அளவீடுகளாக, இந்த ஆராய்ச்சி நிறுவனம் சில அறிவியல் ஆதாரங்களை வழங்கி உள்ளது.

Latitude of JNPP site: 16° 34’ 38” N to 16° 36’ 29” N

Longitude of JNPP site: 73° 19’ 02” E to 73° 20’ 48” E

மேற்கண்ட இந்த அளவுகளால், பூகம்ப மற்றும் இயற்கை சீரழிவுகள் இல்லாத பகுதியாக இயற்கையாகவே அமைந்து இருக்கிறது இப்பகுதி என்கிறது இந்திய அரசு.

ஒரு யூனிட்டுக்கு 1650 மெகாவாட் என்ற கணக்கில், ஒரு நாளைக்கு 36 - 39 மில்லியன் யூனிட்டுகளை உற்பத்தி செய்யும் திறன் கொண்டது இந்த ஜைடாபூர் அணு உலை.இதை போன்று 1650 மெகாவாட் திறன் கொண்ட ஆறு ரியாக்டர்கள், 250 - 300 மீட்டர் இடைவெளியில் அமைக்கப்பட போகின்றன.

இந்த அணு உலை "PWR-type" என்னும் உரேனியம் மூலப்பொருளாக பயன்படுத்தபட போகிறது. இது, International Atomic Energy Agency (IAEA)/Atomic Energy Regulatory Board (AERB) ஆகியவற்றின் விதிமுறைகளுக்கு உட்பட்டதாக இருக்கிறது.

இந்த திட்டத்தின் பயன்களாக பின்வருவனவற்றை அறிவித்து இருக்கிறது அரசு, வழக்கமான விஷயங்கள்தான்.

இதன் மூலம், நாட்டின் மின்சார பற்றாக்குறையை தீர்க்க முடியும்.

பல்லாயிரம்பேருக்கு இதன் மூலம் நேரடியாகவோ,இல்லை மறைமுகமாகவோ வேலைவாய்ப்புகள் கிடைக்கும்.

இந்த அணு உலையை சுற்றி உள்ள பகுதிகள் பெரும் தொழில் வளம் பெருகும்.

இந்த திட்டத்திற்கு, ஜப்பானை முன்னுதாரணமாக காட்டி, முன்னாள் அணு ஆராய்ச்சியாளர்கள், சமுக ஆர்வலர்கள் கடும் எதிர்ப்பு தெரிவித்து இருக்கிறார்கள். பாதுக்கப்பற்ற அணு உலை என்கிறார்கள் அறிவியல் அறிஞர்கள்.

மிக முக்கியமாக ,மக்கள் பிரச்சினை ஒன்று முழு பூசணிக்காயாக மறைக்கப்படவிருக்கிறது.

இந்த திட்டத்தால்,ஒன்றல்ல இரண்டல்ல சுமார் 40 ஆயிரம் குடும்பங்கள் தங்களின் வசிப்பிடங்களை காலி செய்யும் கட்டாயம் ஏற்ப்பட்டு இருக்கிறது.

இதனால், அப்பகுதி மக்கள் முழுவதும் இந்த திட்டத்திற்கு, மத்திய அரசுக்கு எதிராக பெரும் போராட்டங்களை தொடங்கி இருக்கிறார்கள்.

ஆனால், மக்களின் கோரிக்கைகளை கொஞ்சமும் கவனத்தில் கொள்ளாமல் மத்திய அரசு இத்திட்டத்தை நிறைவேற்றுவதில் முழுவீச்சில் இறங்கி விட்டது.

ஆனானப்பட்ட ஜப்பானே, அணுஉலை திட்டங்களால் பெரும் அழிவை சந்தித்து வருகிறது.

பொருளாதார வளர்ச்சியில் தன்னிறைவு பெற்ற நாடுகள் எல்லாம் தங்களின் அணுஉலை திட்டங்களை கைவிட்டு விட்டன.

இந்த தருணத்தில்,ஜைடாபூர் அணு உலை திட்டம் தேவையா?

அமெரிக்கா மற்றும் ஐரோப்பிய நாடுகள், தங்கள் நாட்டில் அணுஉலைகளை திறந்தால் ஏற்ப்படும் ஆபத்துக்களை உணர்ந்து, குறைந்த முதலீட்டில் அவற்றை செயல்படுத்த தேர்வு செய்து இருக்கும் நாடுதான்...நமது இந்தியா. இந்த ஜைடாபூர் அணுஉலை திட்டத்திலும் அமெரிக்கா மற்றும் பிரான்ஸ் நாட்டை சேர்ந்த AREVA என்ற நிறுவனம் முதலீடு செய்து உள்ளது.

ஏன், பிரான்ஸ் நாட்டில் இந்த அணு உலை திறக்க இடமில்லையா?

பிரதமர் மன்மோகன் சிங் மற்றும் மகராஷ்டிர முதல்வர் பிரிதிவிராஜ் சவான் ஆகியோருக்கு எதிராக, Fax, E-Mail மூலம் லட்சக்கணக்கான சமுக ஆர்வலர்கள் தங்கள் எதிர்ப்பை தெரிவித்து வருகிறார்கள்.

அறிவியல் அறிஞர்களின் கருத்துக்களை புறம்தள்ளிவிட்டு, அப்பகுதி மக்களோடு விவாதிக்காமல் இந்த திட்டத்தை நிறைவேற்ற முடிவு செய்துவிட்ட மத்திய அரசுக்கு நமது எதிர்ப்பை நாமும் தெரிவிப்போம்.

(நன்றி...இனி,அடுத்தவாரம்)

-இன்பா

12 Comments:

Anonymous said...

எல்லாதுக்கும் காரணம் விஞ்ஞானிகள் விவசாயம் செய்ய வந்தது தான்!

எம் எஸ் சுவாமிநாதனின் "பசுமை புரட்சி" தான் இன்று நிலங்கள் இன்று கேமிகல் மண்ணாக இருப்பதற்கு முக்கிய காரணம்!

kothandapani said...

13 வயது பெண் பாதிக்கபட்டிருக்கின்றால் என்றால் ஆட்சி முடியும்வரை அசுதநந்தன் என்ன உ செய்து கொண்டு இருந்தார்/ ஆட்சி கை மாறும் போதுதான் நமது ஆட்சியாளர்களுக்கு மக்கள் பிரச்சினை மீது ஆர்வம் வருவது நமது சாபக்கேடு. கட்டுரையில் குறிபிட்டுள்ளபடி ஏன் மற்ற இடங்களில் என்டோசல்பான் பாதிப்பு இல்லை. கேரளாவில் மட்டும் ஏன் பாதிப்பு. இயற்கை என்று சொல்லிக்கொண்டு எல்லாவற்றையும் எதிர்ப்பது ஆரோக்யமாக இருக்காது. வெறும் அம்பாசடர் , வெஸ்ப இருந்த இடங்களில் சான்றோ ஹுண்டாய் ஹீரோஹோண்டக்கள் நடமாடுவது பன்னாட்டு கம்பனிகளின் வருவகளல்எ தான். போட்டியை எதிர்கொள்ளவேண்டுமே தவிர போ ட்டியே இருக்ககூடாது என்று எதிர்பார்க்க கூடாது. அமெரிக்காவில்
சீன பொருள்கள்தான் பெருமளவில் ஆக்கிரமித்து கொண்டுள்ளன. தரம்தான் நமது குறிகோளாக இருக்க வேண்டும். பன்னாடுகளில் நமது software engineers நிலைத்து நிற்பதையும் நாம் மறக்க கூடாது,

Anonymous said...

அணு உலைகள் ஆபத்தானவை என்பதில் மாற்று கருத்தே இல்லை...

ஆனால் இந்திய போன்ற வளரும் நாடுகளில் இது அத்தியாவசியமே... இதற்க்கு மாற்று இருந்தால் அதை பற்றி யோசிக்கலாம்... இப்பவே ஒரு நாளைக்கு 3 முதல் 5 மணி நேரம் மின்சாரத்தடை... வளர்ந்து வரும் இந்த பொருளாதாரத்தினால் தனி நபர் மின்சார தேவை வருடத்திருக்கு 7 முதல் 11 சதவீதம் அதிகரித்துக்கொண்டு வருகிறது...

**** ஏன், பிரான்ஸ் நாட்டில் இந்த அணு உலை திறக்க இடமில்லையா? ****

முட்டாள் தனமான கேள்வி... அந்த நாடுகளில் ஏற்கனவே தேவையான அளவு அணு உலைகள் உள்ளன. அதுவும் பிரான்ஸ் நாடு தனக்கு தேவையான மின்சாரத்தின் அதிக அளவிலான மின்சாரத்தை அணு உலைகளில் இருந்து தான் பெறுகிறது என்பது குறிப்பிடத்தக்கது ....

இப்போதைய ஒரே விஷயம்... மெத்தனமான பாதுகாப்பு முறைகளை சீரமைப்பது மட்டுமே....

achampadu said...

Please send me MR.Namazhvar phone numberor his contact details to me, we would like to arrange a seminar at our tiruvelveli area..

plz mail me rajan_malaysia@yahoo.co.in
achstanrajan@gmail.com

Thanks

achampadu said...

Plz send MR.Namazhwar phone number or contatct details to me, we would like to have a semiar with him at tirunelveli area.

rajan_malaysia@yahoo.co.in
achstanrajan@gmail.com

BalajiS said...

Dear IV and Fellow Readers,
Please spare few mins of your valuable time to read.

This is about a techie couple who are doing (enjoying rather) farming in their 30s.

http://www.greenlocal.org/

Their house in their farm.
http://www.greenlocal.org/villagehouse


Started in 2008
http://www.greenlocal.org/firstseeds

2 years later.
http://www.greenlocal.org/rejuvenation

"We are a couple who were neighbours when we were 17, friends at 20, fell in love at 22, got married at 26, moved to the US at 27 and spent 8 years in the Silicon Valley before returning to India on May 17th at 35.

Along the way, we explored life in many ways: technology and marketing through our professions, discovering inspiring people and books, practicing and teaching Yoga, travel, photograpy, meditation, Ayurveda... Partly our exploration was to just enjoy the ride and partly it was to discover ourselves and possibly our life's purpose if there is one. Fortunately, our open ended exploration ended when we stumbled upon CharityFocus, a non-profit organization fully run by volunteers with no physical office, employees, budget, hierarchy or even goals. It is an organization that inspires people through be-the-change activities online and offline and organizes that inspiration to do service work in many areas. It's raison d'etre is to simply help people discover compassion within themselves and channel it as service. Once we became volunteer of CharityFocus, we gained a broader and deeper perspective of our life, a rich experience of serving others and a way of being that allows dynamic learning. We also met a number of amazing people old and young who are being the change they wish to see in the world. They inspired us and helped us decide our current commitment to settling in a village and pursue organic farming and other rural services."

Anonymous said...

idly vadai vara mokai aitu iruku , daily nala poste illai , daily i am visit no recent update not there, engayachum paticha palaiya saraka iruku , munamathri illai , athuku dhinamalar with comments patkialam polla


vera ethavathu nalla blogs list iruntha anupnga yarchum

Anonymous said...

Endosulfan is one issue happening in that part of Kerala, but for ages, there have been so many issues. All of sudden Areca plantations went down. Kasargod and nothern parts of Kerala are testing grounds for US seeds, fertiliser etc. This is happening even now, how it happens is mystery to common man, but known to others. Affluent people get away, but the poor are worst hit. Communist or Capitalist has made no difference, it is more like a curse.

Anonymous said...

//BalajiS///------------
did you study at IISc?

BASKI said...

useless message.... Nuclear energy is must.. Kalam has answered this question as well..

For increasing power demand.. the only viable solution is nuclear energy...

YES, ALL PRECAUTIONS HAS TO BE TAKEN AT THE PLANTS.. IAEA NORMS ARE NOT FOLLOWED IN JAPAN...

My request is....
Please don't listen to such propaganda... Most of the countries.. US,UK,Germany,France,Russia,China,South Africa is using this energy.. it is cheap..

Jayaprakash said...

We need nuclear energy to keep moving against growing energy needs, We should concentrate on the security infrastructure around it.

Sighting the occurrence of earth quake in Japan to stop this effort is stupidity.

Jayaprakash said...

May be government can look for a remote land which is at-least 10 to 15 miles away from populated area for building Nuclear Power Plant.