பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Wednesday, April 06, 2011

Issued in Public Interest



அண்ணா ஹஸாரே

விளையாட்டு முதல் விஞ்ஞானம் வரை ஊழல் தலைவிரி கோலமாக ஆடும் தேசமாக பாரதம் மாறி வருகிறது. ஊழலுக்கெதிராக நடவடிக்கை எடுக்கும் பொறுப்பிலிருக்கும் அரசாங்கமும், அதன் தலைமையும், அது பற்றி எங்களுக்கு எதுவுமே தெரியாது என அப்பாவி வேஷம் போட்டு வருகிறது. ஆனால் மேடைகள் தோறும், ஊழலை ஒழித்தாலொழிய எங்கள் அரசாங்கத்தின் ஜென்மம் சாபல்யம் பெறாது என்ற ரீதியில் அரசாங்கத்தை ஆட்டுவிப்பவர்கள் பேசி வருகிறார்கள்.

இந்நிலையில் முதுபெறும் சமூக சேவகரான அன்னா ஹஸாரே, ஜன் லோக்பால் என்ற ஊழலுக்கெதிரான மசோதாவை பாராளுமன்றத்தில் நிறைவேற்ற வேண்டுமென தில்லியின் ஜந்தர் மந்தரில் சாகும்வரை உண்ணா நோன்பு துவங்கியுள்ளார். இதற்கு முன்னாள் ஐபிஎஸ் அதிகாரியான கிரண் பேடி, சீர்திருத்தவாதியான ஸ்வாமி அக்னிவேஷ் மற்றும் மகஸேசே விருது பெற்ற சந்தீப் பாண்டே போன்றோர்கள் ஆதரவளித்து, உண்ணா நோன்பில் பங்கேற்றுள்ளனர். மேலும் பொதுமக்களுடைய பெருவாரியான ஆதரவும், மீடியா கவனமும் பெற்று இந்த உண்ணா விரதம் அரசாங்கத்தின் கவனத்தைக் கலைத்துள்ளது.



ஜன் லோக்பால்:

ஜன் லோக்பால் என்ற இந்த மசோதாவின் சூத்ரதாரி கர்நாடகத்தில் மிகவும் சிறப்பாகச் செயல்பட்டுவரும் லோகாயுக்தா அமைப்பின் நிறுவனரும், முன்னாள் உச்சநீதிமன்ற நீதிபதி சந்தோஷ் ஹெக்டே மற்றும் பிரபல உச்சநீதிமன்ற வழக்கறிஞர் ப்ரசாந்த் பூஷன் போன்றோர் ஆவர். இம்மசோதாவின் நோக்கம், ஜன் லோக்பால் அமைப்பின் மூலம் ஊழல் புகார்களை உடனுக்குடன் (ஒரு வருடத்தில்) விசாரித்து முடித்து, சம்பத்தப்பட்ட நபருக்கு தண்டனை வாங்கித் தருவது, ஊழலின் மூலம் ஈட்டிய சொத்துக்களை முடக்குவது, போன்றவை ஆகும். தவிர, ஊழலில் ஈடுபட்டவர் மந்திரியாகவோ அல்லது முக்கிய அரசாங்க அதிகாரியாகவோ இருப்பின், அவர் மீது வழக்குத் தொடர அரசாங்க அனுமதி தேவையில்லை என்பதுவும் இம்மசோதாவின் முக்கிய அம்சமாகும். இம்மசோதாவை பாராளுமன்றத்தில் ஏற்று நிறைவேற்ற வேண்டுமென்பதுதான் இப்போதைய அன்னா ஹஸாரே தலைமையிலான உண்ணா நோன்பிருப்பவர்களின் முக்கியக் கோரிக்கை.

ஊழலுக்கெதிராகப் பிறப்பெடுத்துள்ள தற்போதைய காங்கிரஸ் தலைமையிலான அரசாங்கம் ஏற்கனவே ஊழலை ஒழிக்க லோக்பால் என்ற மசோதாவை பாராளுமன்றத்தில் கொணர்ந்து நிறைவேற்றியும் உள்ளது. ஆனால் அதிலுள்ள ஓட்டைகளின் காரணமாக அது செயல்படுத்த முடியாத ஒரு சட்டம் என்பது அதை எதிர்க்கும் ஹஸாரே போன்றோர் கூறும் காரணம்.

அரசாங்கத்தில் லோக்பால் மசோதா மூலம் ஒரு மந்திரியோ அல்லது அரசாங்க அதிகாரி தொடர்புடைய ஊழலையோ வெளிக் கொணர்ந்து, விசாரித்து தண்டனை பெற்றுத் தர வேண்டுமானால், பொதுமக்கள் முதலில் லோக்சபா அல்லது ராஜ்யசபாவின் சபாநாயகரிடம் ஊழல் தொடர்பான புகார் மனுவை அளிக்க வேண்டும். சபாநாயகர் அம்மனுவைப் பரிசீலித்து, அது ஏற்புடையது என்றால் லோக்பால் கமிட்டிக்கு அனுப்புவார். பின்பு அது விசாரிக்கப்பட்டு, தண்டனையளிக்கப்படும்(???). இயல்பாகவே சபாநாயகர் ஆளுங்கட்சியையோ அல்லது கூட்டணியையோ சார்ந்த நபராக இருப்பதால், ஆளுங்கட்சி அல்லது அதற்கு வேண்டிய அதிகாரி தொடர்பான புகார்களை விசாரிப்பதற்கு சபாநாயகர் எடுத்துக் கொள்வது சந்தேகமே. அதற்கு மீறி கமிட்டிக்கு அனுப்பப்பட்டாலும் விசாரணை ஆண்டுகள் கணக்கில் எடுத்து, மறக்கப்பட்டு, பொதுமக்களின் பணமும் விசாரணை என்ற பெயரால் வீணடிக்கப்படும். எனவே அந்த லோக்பால் சட்டம் ஏற்புடையதல்ல என்பதே ஹஸாரே மற்றும் குழுவினரின் வாதம்.

ஜன் லோக்பால் மசோதாவின் அம்சங்கள்:

* மத்தியில் லோக்பால் என்ற அமைப்பும், ஒவ்வொரு மாநிலத்திலும் லோகாயுக்தா அமைப்பும் நிறுவப்படும்.

* உச்சநீதிமன்றம் மற்றும் தேர்தல் ஆணையம் போன்று இவ்வமைப்பும் சுதந்திரமான அமைப்பாகும். இதன் விசாரணையில் அரசாங்கமோ அல்லது அதிகாரிகளின் குறுக்கீடோ இருக்காது.

* மற்ற வழக்குகள் போல் பல மாமாங்கங்களாக விசாரணை நடைபெறாமல், ஜன் லோக்பால் அமைப்பின் மூலம் எந்தவொரு வழக்கு விசாரணையும் ஒரு வருடத்தில் முடிக்கப்பட்டு, அடுத்த ஓராண்டில் வழக்கும் முடிக்கப்பட்டு, இரண்டாண்டுகளுக்குள் தொடர்புடைய நபருக்கு தண்டனையும் அளிக்கப்பட்டு விடும்.

* ஊழல் மூலம் ஈட்டப்பட்ட, அரசாங்கத்திற்கு நட்டமேற்படுத்தப்பட்ட தொகை தண்டனைக்காலத்தில் மீட்கப்படும்.

* பொது மக்களுக்கு எந்தவொரு அரசாங்க அலுவலகத்தில் குறிப்பிட்ட பணி முடித்துக் கொடுக்கப்படா விட்டாலோ அல்லது தாமதப்படுத்தப்பட்டாலோ, தொடர்புடைய அதிகாரிக்கு அபராதம் விதிக்கப்பட்டு, அவ்வபராதம் மனுதாரருக்கு நிவாரணமாக அளிக்கப்படும்.

* ஆக உங்களுடைய ரேஷன் கார்டு, வாக்காளர் அடையாள அட்டை, பாஸ்போர்ட் போன்றவை பெறுவதில் மெத்தனமோ, தாமதமோ ஏற்படுத்தப்பட்டாலோ, நீங்கள் இவ்வமைப்பை அணுகலாம். இதன் மூலம் ஒரு மாதத்திற்குள் உங்களுக்கு அது கிடைப்பதோடு மட்டுமல்லாமல், நிவாரணமும் பெற்றுத் தரப்படும். தவிர தரமற்ற சாலைகள், பஞ்சாயத்து அளவில் நடைபெறும் ஊழல்கள், முறைகேடுகள் போன்றவற்றையும் நீங்கள் இவ்வமைப்பின் கவனத்திற்கு எடுத்துச் செல்லலாம். இரண்டாண்டுகளுக்குள் தொடர்புடைய குற்றவாளி தண்டனை பெறுவார்.

* லோக்பால் அமைப்பின் உறுப்பினர்கள் அரசாங்கம் மூலம் நியமிக்கப்பட மாட்டார்கள். நீதிபதிகள், பொதுமக்கள் போன்றவர்கள் மூலம் மிகவும் வெளிப்படையான நியமனம் இருக்கும். ஆகவே ஊழல் பேர்வழிகளே ஊழலை ஒழிக்கப் புறப்படும் அவலங்கள் தவிர்க்கப்படும்.

* ஜன் லோக்பால் உறுப்பினர்களே ஊழல்வாதிகளாக இருப்பின், அவர்கள் மீதான புகார்கள் உடனுக்குடன் விசாரிக்கப்பட்டு, இரண்டு மாதங்களுக்குள் டிஸ்மிஸ் செய்யப்பட்டு, தண்டனை பெற்றுத் தரப்படுவர்.

* புகார் அளிப்பவர்கள் மற்றும் புகாரில் தொடர்புடையவர்களுக்கு முழு பாதுகாப்பு அளிக்கப்படும்.

மேற்கண்ட எந்தவொரு அம்சமும் அரசாங்கத்தின் தற்போதைய லோக்பால் மசோதாவில் இல்லை. இது போன்ற ஒரு அமைப்பு ஏற்படுத்தப்பட்டு, கொண்ட நோக்கில் பழுதின்றி செயல்பட்டால், நிச்சயம் இந்தியா ஊழலற்ற தேசமாக மாறும் என்பதில் சிறிதளவும் ஐயமில்லை. தவிர, லோகாயுக்தா அமைப்பு கர்நாடக அமைச்சர்கள் கண்களில் விரலை விட்டு ஆட்டுவதால், இவ்வமைப்பு நிச்சயம் ஒரு மாற்றத்தை ஏற்படுத்து என்பதிலும் ஐயமில்லை. ஆக இந்தியர்கள் உலகக் கோப்பை வெற்றியை ஒற்றுமையோடு வரவேற்றுக் கொண்டாடியதைப் போல், ஹஸாரேவின் உண்ணா நோன்பிற்கும் ஆதரவளித்து, அவரது உயர்ந்த நோக்கம் ஈடேற ஆதரவளிப்போம்.
லோக்பால் பற்றி யாரும் அவ்வளவாக பேசுவதில்லை. பேசாமல் லோக்பால் என்பதை கிரிக்கெட் பால் என்று வைத்தால் பலரும் பேசுவார்கள் என்று நம்புகிறேன். அண்ணா ஹஸாரே முயற்சி வெற்றி பெற வாழ்த்துகள். வெற்று பெற்றால் இவர் தான் பாரத ரத்தனா!


கீழே உள்ள இந்த வீடியோ டுபுக்கு செய்தது.



பிகு: டுபுக்கு எடுத்த இந்த குறும்படம் அருமை, அவருக்கு என் வாழ்த்துகள்.

22 Comments:

Roaming Raman said...

தேசத்துக்கு எவ்வளவு ஒரு முக்கியமான விஷயம்??...ஆனால் மீடியாக்களின் கவனம் போதாது!! இந்த நாட்டிற்கு நன்மைகள் நடக்கத் தொடங்கி விட்டன!! ஊழல்ஒழிந்தாலே முன்னேற்றம்தான்!!

நல்லாத்தானே எழுதி இருக்கீர்... அதென்ன மஞ்சள் கமென்ட் போடும்போது குரங்கா மாறணுமா??
ரொம்ப அழுத்தமான கட்டுரையைப் போட்டு விட்டு, மஞ்சள் கமென்ட்டினால்- அதன் சிறப்பே போச்சு!!

ஷொட்டு: கட்டுரை எழுதினவருக்கு!!
குட்டு: மணல கமென்ட்டுக்கு!!

சகமனிதன் - இவன் உங்களில் ஒருவன் said...

டுபுக்கின் படைப்பு மிக அருமை!! கொஞ்சம் பாசிடிவ் ஆக மாற்றி ஒவ்வோர் டிவி சானலிலும் ஒளிபரப்ப வேண்டும்!! இணைய ஊடகத்தில் மட்டும்தான் இப்போது தைரியமாக செயல்பட முடிகிறது!! "Issued In Public Interest" என்பதை, Issued in MY KID'S INTEREST" என்று கூட சொல்லலாம்! இதைப் பிடித்தவர்க்கு, இதையும் பிடிக்கும்... வருக..
http://sagamanithan.blogspot.com/

kggouthaman said...

ஊழலை எதிர்ப்பவர்கள் எல்லோரும் ஒன்று சேர்ந்து அ இ அ ஹ ஆ க (அனைத்து இந்திய அண்ணா ஹஸாரே ஆதரவு கழகம்) ஆரம்பிக்கலாம் என்று தோன்றுகிறது.

USA விஜய் ரசிகன் said...

நம் தேசத்தை மாற்றும் நேரம் வந்து விட்டது , என்னை போன்ற இளைஞர்கள் கனவு கண்டிப்பாக நிறை வேறும்.

Gopal said...

What Anna Hazare is doing is the graetsest service to the hapeless Indian.His demands should be met.Dilute version of Lokpal bill should be strenghtened and adopted. Above all it should be implemented without fear or favor.Hope Manmohan singh wakes up at least now and save Hazare and our country from likes of Raja and Karunanidhi

கானகம் said...

அண்ணா ஹஸாரேஇன் போராட்டம் வெல்லட்டும். டுபுக்கின் குறும்பட்டம் அருமை. குறிப்பாய் நடிகர்களின் வசன உச்சரிப்பும், பிண்ணனி இசையும்.. சொல்ல வந்ததை நச்சென்றும் சொல்லியிருக்கிறார்கள். வாழ்த்துக்கள் டுபுக்கு அண்ட் டீம்.

மஞ்சக் கமெண்டுல ரெண்டு ஸ்பெல்லிங் மிஷ்டேக்கு..

ramanans said...

மிக மிக நல்ல விழிப்புணர்வைத் தரும் கட்டுரை. குறும் படமும் கூட. இது அமெரிக்காவில் எடுக்கப்பட்டதா? அல்லது மலேசியா?

இதை அனைவருக்கும் பரப்ப வேண்டியது ஒரு தமிழ்க்குடி மகனின் கடமை.

Anonymous said...

People like Anna Hazare are doing great work. We should listen more to such people.

At the same time, I urge people to keep away from fraudsters like the so called Swami Agnivesh. He seems to involve himself in such activities in order to promote himself and his hidden agenda of anti Hindu propaganda.

Please visit this link as a sample.

http://www.google.co.in/url?sa=t&source=web&cd=1&ved=0CB4QFjAA&url=http%3A%2F%2Fwn.com%2FSwami_Agnivesh_urges_Muslims_NOT_to_recite_Vande_Mataram&ei=H_ibTezzGIqzrAf57eyLCg&usg=AFQjCNHx4KryDdgI9spwPuGnebSBUFxIAA

M Ram

Chandramouli said...

I was not aware of why Anna Hazare is fasting, though I thought it must have been for elimination of corruption from body polity. Reading the details now, I am now convinced that the likes of Anna Hazare should be given full media coverage by every means so that this government wakes up from its slumber.

Anonymous said...
This comment has been removed by a blog administrator.
தமிழன் said...

அன்ன சஹாரே குறித்த ஊழல் எதிர்ப்பு ஊர்வலம், ஒரு வாரத்திற்க்கு முன்பு பெங்களூரில் நடைபெற்றது, அதில் நான் கலந்து கொண்டேன் அதற்காகப் பெருமைப்படுகிறேன்!

கர்நாடகாவில் உள்ள ஊழலுக்கு எதிரான லோகயுக்த்தா மிகவும் சக்திவாய்ந்த அமைப்பு. முதலமைச்சரையே கேள்விகேட்கும் விசாரிக்கும் அதிகாரம் கொண்ட அமைப்பு. இது போன்ற அமைப்புக்கள் தமிழ்நாட்டில் கட்டாயம் தேவை! அப்போதுதான் முதல்வர் பதவியில் அமர்ந்துள்ள சில ஊழல் பெருச்சாளிகளுக்கு பயம் வரும்!

கிறுக்கன் said...

இந்தக் குறும்படம் Facebook-இல் வந்த போதே என்னால் ஏற்க முடியவில்லை.. படத்தில் எதிமறைக் கருத்துக்களைச் சொல்லிவிட்டு, கடைசியாக ஒரு நல்ல செய்தியை எழுத்தில் சொல்வது எந்த மாதிரி விளைவை ஏற்பத்தும் எனத் தெரியவில்லை.

கிறுக்கன் said...

இந்தக் குறும்படம் Facebook-இல் வந்த போதே என்னால் ஏற்க முடியவில்லை.. படத்தில் எதிமறைக் கருத்துக்களைச் சொல்லிவிட்டு, கடைசியாக ஒரு நல்ல செய்தியை எழுத்தில் சொல்வது எந்த மாதிரி விளைவை ஏற்பத்தும் எனத் தெரியவில்லை.

Varadarajan said...

இட்லிவடை அவர்களே, இதற்காக
நடத்தப்படும் வலைத்தளமான www.indiaagainstcorruption.org பற்றியும் வாசகர்களுக்கு தெரிவிக்கவும்.
- Man

krishnan said...

திரு அண்ணா ஹசாரே முயற்சி வெற்றி பெற வேண்டும். நாம் எல்லோரும் அவருக்கு ஆதரவு தருவோம்.

R. Jagannathan said...

கர்நாடகாவில் லோக் அயுக்தா நீதிபதி ராஜினாமா செய்து பிறகு அதை வாபஸ் பெற்றது தெரியும். ஆனால் அந்த அமைப்பினால் எடியூரப்பாவோ ரெட்டி சகோதரர்களோ தண்டிக்கப் பட்டதாகவோ அவர்கள் சொத்து கைப்பற்றப் பட்டதாகவோ நான் படிக்கவில்லை. இவர்களின் நிலையைப் பற்றி தெரிந்தவர்கள் எழுதவும்.

இன்றைய செய்தி: கொலைக் குற்றத்தில் கைது செய்யப்பட்டு ஜெயிலில் இருக்கும் பப்பு யாதவும் ஹசாரேக்கு ஆதரவாக ஜெயிலில் உண்ணாவிரதம் தொடங்கி இருக்கிறான்(ர்?).

40 / 45 வருடமாக இந்த பில் பாராளுமன்றத்தில் இருக்கிறதாம்! இப்போது ஊழலில் திளைக்கும் காங்கிரஸா இந்த வேண்டுகோளை நிரைவேற்றும்?

-ஜெ.

R.Gopi said...

// kggouthaman said...
ஊழலை எதிர்ப்பவர்கள் எல்லோரும் ஒன்று சேர்ந்து அ இ அ ஹ ஆ க (அனைத்து இந்திய அண்ணா ஹஸாரே ஆதரவு கழகம்) ஆரம்பிக்கலாம் என்று தோன்றுகிறது.//

*******

கௌதமன் சார்... இதுக்கு கூட கழகமா?

Anonymous said...

"நான் ஊழலுக்கு நெருப்பு" - என்ன நினைப்பார்?

Anonymous said...

R.Gopi "தல"யை பற்றி ஒன்றுமே எழுதவில்லையே?

Anonymous said...

ஆடியோ கேட்க்கவில்லை. அதென்ன வீடியோ அண்ணாத்துரை மூஞ்சியுடன் துவங்குகிறது. ஆரம்பமே சரியில்லையே. டுபுக்குக்கு ஏதாவது தமிழ் நாட்டு அரசியல் குறித்த பொது அறிவு உண்டா? அண்ணாத்துரைக்கும் நேர்மையான ஊழலற்ற அரசியலுக்கும் என்ன ஐயா சம்பந்தம்? அவரது கட்சிக் கவிஞரான பாரதிதாசனே அண்ணாத்துரை காசு அடித்தவர் என்று தன் குயில் பத்திரிகையில் எழுதியுள்ளாரே? ஒழுக்கமற்ற நேர்மையற்ற தமிழ் நாட்டைக் கெடுத்துக் குட்டிச் சுவராக்கிய ஒருவரது படத்துடந்தானா இந்த குறும் படத்தை ஆரம்பிக்க வேண்டும்? அதன் நோக்கமே அடி பட்டு போகிறதே. ஐயா டுபுக்கு முதலில் அந்த மூஞ்சியை நீக்கி விட்டு வெளியிடவும். இல்லாவிட்டால் உங்களது பொது அறிவு கேள்விக்கு உள்ளாக்கப் பட்டு விடும். கக்கன், காமராஜ் போன்றவர்களுடன் அண்ணாத்துரை படத்தைப் போட்டு தயவு செய்து அவர்களை எல்லாம் அசிங்கப் படுத்த வேண்டாம். அரசியல் குறித்து எதுவும் படம் எடுக்கும் முன்னால் கொஞ்சம் அரசியல் அறிவை வளர்த்து கொண்டு எடுக்கவும்

மற்றபடி வீடியோவில் ஆடியோ கேட்க்காதபடியால் படத்தைப் பற்றி எதுவும் சொல்ல முடியவில்லை. கேட்க்க முடிந்தால் சொல்லுகிறேன். முதலில் இந்த தில்லு முல்லுக் கழகத்தின் பிதாமகனின் படத்தை நீக்குங்கள்.

இந்த லட்சணத்தில்தான் நம் அரசியல் விமர்சகர்களின் அறிவு இருக்கிறது. கஷ்டம்

விஸ்வாமித்ரா

Dubukku said...

சுட்டி குடுத்து வீடியோவை பகிர்ந்தத்ற்கும், பாராட்டுக்கும் மனமார்ந்த நன்றி இட்லிவடை. தங்களைப் போன்ற நண்பர்களின் உதவியால் தற்போது நிறைய பேர் பார்த்து வருகிறார்கள் மிக்க நன்றி.

கான்கம்/ரமணன் - பாராட்டுக்கு மிக்க நன்றி.

கிறுக்கன் - தங்கள் மாற்றுக் கருத்தை தெரிவித்தமைக்கு மிக்க நன்றி. எனது பதிவில் பின்னூட்டத்தில் இதற்கு ஒரு விளக்கம் அளித்துள்ளேன். எனினும் இதை இனி எடுக்கும் படங்களில் கருத்தில் கொள்கிறேன்.

விஸ்வாமித்ரா - //அரசியல் குறித்து எதுவும் படம் எடுக்கும் முன்னால் கொஞ்சம் அரசியல் அறிவை வளர்த்து கொண்டு எடுக்கவும். இந்த லட்சணத்தில்தான் நம் அரசியல் விமர்சகர்களின் அறிவு இருக்கிறது. கஷ்டம்// எனது அரசியல் அறிவு பற்றி கூறியது உண்மைதான். எனக்கு தெரிந்த அண்ணாத்துரை மக்கள் சொல்லிக் கேட்ட பொதுஅக் கேளிவி ஞானம் தான். துறையில் வல்லுனர்களிடம் கேட்டிருக்கலாம். சிரம் தாழ்த்தி தாங்கள் குடுத்த குட்டை வாங்கிக் கொள்கிறேன்.

- இ த ய ன் said...

// எனது அரசியல் அறிவு பற்றி கூறியது உண்மைதான். எனக்கு தெரிந்த அண்ணாத்துரை மக்கள் சொல்லிக் கேட்ட பொதுஅக் கேளிவி ஞானம் தான். துறையில் வல்லுனர்களிடம் கேட்டிருக்கலாம். சிரம் தாழ்த்தி தாங்கள் குடுத்த குட்டை வாங்கிக் கொள்கிறேன். //