பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Saturday, April 02, 2011

India vs Pakistan - மொஹாலி மஹாயுத்தம்



ஒரு உலகக்கோப்பை இறுதியாட்டத்துக்கு உண்டான எல்லா அம்சங்களும் கொண்டதாக (ஸ்ரீலங்கா ஆடிய உலகமகா மொக்கை காலிறுதி, அரையிறுதி ஆட்டங்கள் போல அல்லாமல்) இந்தியா-பாக் அரையிறுதி ஆட்டம் இருந்தது என்றால் அது மிகையில்லை! இந்த ஆட்டத்திற்கு முன்னால் இந்திய மீடியா அரங்கேற்றிய கூத்துகள் சுவாரசியமாக இருந்தன. ஆட்டத்தைப் பார்க்க இந்தியப் பிரதமர், பாக் பிரதமர் கிலானியை அழைத்திருந்தது கண்டு, பால் தாக்கரே அஜ்மல் கசாபையும் அழைக்க வேண்டியது தானே என்று சாம்னாவில் காய்ச்சியிருந்தார் :) இந்திய அரசின் இந்த கிரிக்கெட் diplomacy-யால் ஒரு எழவு பயனும் இருக்காது என்பது நிதர்சனமான ஒன்று தான்!

சமபலம் வாய்ந்த இரு அணிகள் சந்தித்த ஆட்டம் என்று சொல்லலாம். இந்தியாவின் பேட்டிங் வலிமையை compensate செய்யும் வகையில் பாக் அணியின் பந்துவீச்சு திறமையான ஒன்று என்பதால் தான் சமபலம் என்கிறேன். அஷ்வினுக்கு பதிலாக, சற்றே நம்பிக்கை தளர்ந்த நிலையில் இருக்கும் நெஹ்ராவை தேர்வு செய்திருந்தது, ரிஸ்க்கானது என்று டிவிட்டரில் ஆட்டம் தொடங்குவதற்கு முன்னமே அபஸ்வரம் கேட்க ஆரம்பித்து விட்டது ;) தோனியின் பக்கம் அதிர்ஷ்டமிருந்தது, டாஸில் வென்று பேட்டிங்கை தேர்வு செய்தார்.

3வது ஓவரில் சேவாக் புயல் மொஹாலியைத் தாக்கியதில், உமர் குல் காணாமல் போனார் :) 5 பவுண்டரிகளும் tracer bullets! ஆனால், புயல் அதிகச் சேதத்தை ஏற்படுத்தாமல், வீரியம் இழந்தது! ஸ்கோர் 49/1 (6 ஓவர்கள்). விக்கெட் எடுத்தது, சின்னப்பையன் வஹாப் ரியாஸ். சச்சின் தனது இயல்பான ஆட்டத்தைத் தொடர்ந்தாலும்,for a change, தன் விக்கெட்டை இழப்பதற்கு கடுமையாக போராடியும் (இதுவரை 2 lifes, 2 referrals) பாக் ஃபீல்டர்கள் ஒத்துழைக்கவில்லை :) கம்பீர் விக்கெட் இழந்தபோது ஸ்கோர் 116/2 (19 ஓவர்கள், RRR 6.10). வடிவேலு பாஷையில், எல்லாம் நல்லாவே போய்க்கிட்டு இருந்தது ;-)

22வது ஓவரில், சச்சினின் அரைச்சதம். வஹாப் வீசிய 26வது ஓவரில் double strike, கோலியும், யுவராஜும் அடுத்தடுத்த பந்துகளில் அவுட்! யுவராஜுக்கு வீசப்பட்ட முதல் பந்து வேகமாக வீசப்பட்ட scorching inswinging yorker! ஸ்கோர் 145/4 (26 ஓவர்கள்). திருவாளர் தோனி ஃபார்மில் இல்லாத நிலையில், ஒரு fighting total (250+) வர வேண்டுமே என்று மிதமான ரென்ஷன் :) சச்சின் களத்தில் இருந்த நம்பிக்கையில், தோனி தன் விக்கெட்டை தக்க வைத்துக் கொள்ள தடவித் தடவி ஆடியது பார்க்க பரிதாபமாய் இருந்தது!

Sachin continued to live a charmed existence at the crease with 2 more dropped catches! ஒரு வழியாக, 85 ரன்கள் எடுத்த நிலையில், சச்சின் அதிர்ஷ்டம் காலாவதியாகி அஜ்மல் பந்தில் அவுட்! ஸ்கோர் 187/5 (37 ஓவர்கள், RRR 5.05). 6.10 என்றிருந்த ரன்ரேட்டை 5.05க்கு இட்டு வந்த பாக் பந்து வீச்சு பாராட்டுக்குரியது! ஃபீல்டிங் சொதப்பாமல் இருந்திருந்தால், இந்தியாவின் நிலைமை இதை விட மோசமாக போயிருக்கும்.

எனக்குப் பிடித்த ரெய்னா களமிறங்கினார். நம்பிக்கை தரும் வகையில் நிதானமாக ஆட ஆரம்பித்தார். பாக் தரப்பில் வஹாப் அபாரமாக பந்து வீசினார். அதோடு, அஃப்ரிடியும், அஜ்மலும் பந்து வீசியதிலிருந்து, ஆடுகளம் மெல்ல சுழற்பந்து வீச்சுக்கு சாதகமான ஒன்றாக மாறி வருவது கண்டு, அஷ்வினை அணியில் சேர்க்காதது தவறான முடிவாகவே தோன்றியது! 40 ஓவர்களில் ஸ்கோர் 200/5. தோனி ஃபார்மில் இல்லாவிட்டாலும், BPP எடுக்கப்படாத சூழலில், 275 என்பது எட்டக்கூடிய இலக்காகவே தோன்றியது.

42வது ஓவரில் தோனியின் சிரமங்களுக்கு விடிவு பிறந்தது :) ஹர்பஜன் வேகமாக வந்தார், ஆனால் ரன்கள் வேகமாக வரவில்லை! 45வது ஓவரில் பேட்டிங் பவர் ப்ளே எடுக்கப்பட்டது. உமர் குல் மீண்டும் அடித்துத் துவைக்கப்பட்டதில், 46வது ஓவரில் 14 ரன்கள்! பவர் ப்ளே ஓவர்களில் இந்தியா எடுத்தது 43 ரன்கள். இந்தியாவின் மொத்தம் 260 ரன்கள். ரெய்னா (36 ரன்கள், 39 பந்துகள்) கடைசி வரை இல்லாமல் இருந்திருந்தால் 240 கூட தேறியிருக்காது. Raina's contribution was vital in the end.

பாக் இன்னிங்க்ஸ்: கம்ரானும், ஹஃபீஸும் களமிறங்கினர். 9வது ஓவரில், சாகீர் வீசிய மெதுவான பந்தில் ஏமாந்து கம்ரான் விக்கெட் இழந்தார். 16வது ஓவரில் ஹஃபீஸ் முனாஃப் பந்தில் காலி! ஸ்கோர் 72/2. யூனிஸ் கான் வந்தார். தோனியை விட பயங்கரமாக தடவினார் :) பலர் வாயில் விழுந்து புறப்பட்ட நெஹ்ரா சிறப்பாக பந்து வீசியது குறிப்பிட வேண்டியது, 5-0-19-0.

தங்ககரத்தின் சொந்தக்காரர் யுவராஜ் ஷஃபீக்கை வீழ்த்தினார்! 24 ஓவர்கள், ஸ்கோர் 103/3, தேவையான ரன்ரேட் 6-ஐத் தொட்டது! In the 26th over, Yuvi ended the Younis Khan's miserable tenure (13 off 32 balls) at the crease :) யுவராஜ் 4-1-9-2 !!!! மற்றொரு பக்கத்தில், ஹர்பஜனும் நன்றாகவே பந்து வீசிக் கொண்டிருந்தார். 7-0-31-0

30வது ஓவரில், "தானத்தில் சிறந்தது நிதானம்" என்பதை விடுத்து, உமர் அக்மல் யுவராஜை target பண்ணி, ஒரு சிக்ஸரும், பவுண்டரியும் அடித்து, 'The game is ON' என்று அறிவித்தார்! அதற்கு நேர்மாறாக, மிஸ்பா உருப்படியில்லாமல் ஆடிக் கொண்டிருந்தார். 34வது ஹர்பஜன் ஓவர் ஒரு turning point, உமர் அக்மலின் ஸ்டம்ப் பஜ்ஜியின் தூஸ்ராவில் சிதறியது. இந்தியாவின் பந்து வீச்சும் மேம்பட்டுக் கொண்டே இருந்தது, முனாஃப் 8-1-29-1 ஹர்பஜன் 8-0-33-1. 36வது ஓவரில் ரன்ரேட் 8-ஐத் தொட்டது, ஸ்கோர் 148/5.

ஆடுகளம் பேட்டிங்குக்கு சிரமம் மிக்க ஒன்றாகவே இருந்தும், அஃப்ரிடி இன்னும் களமிறங்காத நிலையில், India cannot & should not relax என்பது தெளிவாக புரிந்தது. அப்துல் ரஸாக் ரொம்ப நேரம் தாக்கு பிடிக்கவில்லை, முனாஃபுக்கு இன்னொரு விக்கெட், 9-1-33-2. அஃப்ரிடி களமிறங்கிய பின் ஆட்டம் மிக லேசாக சூடு பிடித்தது. தோனியின் ஃபீல்டிங் அமைப்பும், பந்து வீச்சு மாற்றங்களும் மிக சிறப்பாக இருந்ததால், பாக் அணியின் மீது அழுத்தம் துளியும் குறையாமல் இருந்தது.

The game was effectively in India's hands when Afridi lost his wicket to Harbajan in the 42nd over! ஸ்கோர் 184/7. தேவையான ரன்ரேட் 9.62. மீண்டும் பந்து வீச வந்த நெஹ்ரா, தோனி அவர் மீது வைத்த நம்பிக்கைக்கு பங்கம் ஏற்படாத வண்ணம், 2 விக்கெட்டுகளை கைப்பற்றி, தனது 10 ஓவர்களை பூர்த்தி செய்தார், 10-0-33-2. பந்து வீசிய ஐவரில், நெஹ்ராவின் பந்து வீச்சு தான் most economical என்பதை பதிவு செய்கிறேன்! அதே சமயம், எனது முந்தைய பதிவில், நெஹ்ராவை இந்த ஆட்டத்துக்கு தேர்வு செய்ய வேண்டும் என்று நான் பரிந்துரைத்ததையும் பதிவு செய்து என் காலரை சற்றே தூக்கி விட்டுக் கொள்கிறேன் :-)

பேட்டிங் பவர் பிளேயில், மிஸ்பா மட்டையை பொழுதுபோக்காக சுழற்றியதில், ஒரு சில பவுண்டரிகள் வந்தும், பாக் 49.5 ஓவர்களில் 231-க்கு ஆட்டமிழந்தது. இந்தியாவுக்கு எதிரான உலகக்கோப்பை T-20 இறுதியாட்டம் போலவே, மிஸ்பாவுக்கு இது இன்னொரு "மிஸ்" பா :) இந்தியா 3வது முறையாக உலகக்கோப்பை இறுதி ஆட்டத்துக்கு தகுதி பெற்றது! ஸ்ரீலங்கா சுமாரான அணிகளை வென்று இறுதிக்கு தகுதி பெற்றிருந்தாலும், அவ்வணியில் சங்கக்காரா, ஜெயவர்த்தனே, முரளி, மலிங்கா ஆகிய நால்வரிடம் இந்தியா உஷாராக இருப்பது அவசியம் என்று நினைக்கிறேன்!

என்றென்றும் அன்புடன்
பாலா
http://balaji_ammu.blogspot.com

( படம் : நன்றி தினமலர் )
இன்று சச்சின் 100 அடித்து இந்தியா ஜெயிக்கும்.

13 Comments:

(-!-) said...

அப்பாடா. தொடர் முடியப் போகுது. :>

Anonymous said...

என்னாது, காந்திய சுட்டுட்டாங்காளா? ;-)

SUBBU said...

Good !!!

Anonymous said...

didnt expected this comment from dinamalar in ad. But the caption is opt one. When i saw the full page ad in today's dinamalar, i gueesed IV may post it. Kudos.

saran said...

http://ungalsarans.blogspot.com

check tis too...

Anonymous said...

இலங்கையில் படுகொலை செய்யப்பட்ட தமிழர்களுக்காக, இலங்கையுடன் இனி கிரிக்கெட் விளையாட மாட்டோம் என இந்தியா அறிவிக்காதது ஏன்? என்று அதிரடியாகக் குரல் கொடுத்துள்ளார் பால் தாக்கரே.
தமிழகத்துக்கு வெளியே வேறு எந்த அரசியல்வாதியுமே தமிழீழத்தில் கொல்லப்பட்ட அப்பாவித் தமிழர்களுக்காக குறைந்தபட்சம் நீலிக் கண்ணீர் கூட வடிக்கவில்லை. ஆனால், உலகக் கோப்பை கிரிக்கெட் இறுதிப் போட்டி நடக்கும் இந்த முக்கிய தருணத்தில், அதிரடியாகத் தமிழர்களுக்குக் குரல் கொடுத்துள்ளார் சிவசேனா நிறுவனர் பால் தாக்கரே. அவர் மீது பல்வேறு விமர்சனங்கள் இருந்தாலும், விடுதலைப் புலிகளுக்கு பகிரங்கமாக ஆதரவளித்தது, தொடர்ந்து தமிழர்களுக்கு சாதகமான நிலைப்பாட்டை அவர் எடுத்து வருவது போன்றவற்றில் துணிச்சலான அரசியல் தலைவராக தன்னை காட்டி வருகிறார்.
இன்று அவர் தனது சாம்னா பத்திரிகையில் எழுதியுள்ள தலையங்கக் கட்டுரையில், “உலகக் கோப்பை கிரிக்கெட் போட்டியின் அரை இறுதி மும்பையில் நடக்காததற்காக அன்னை ஜெகதாம்பாளுக்கு நன்றி செலுத்துவோம். இந்தப் போட்டியைக் காண பாகிஸ்தான் பிரதமரை அழைத்தது முட்டாள்தனம். இதனால் ஒன்றும் நடந்து விடாது, வெற்று விளம்பரம் கிடைத்ததைத் தவிர. பாகிஸ்தானின் குணம் அப்படி.
சரி, அரை இறுதியைக் காண இந்திய பிரதமர் அழைத்ததால் கிலானி இந்தியா வந்தார். இப்போது இலங்கை அதிபர் இந்தியா வருவது எதற்கு? ராஜபக்சே அழைக்கப்பட்டதாகத் தெரியவில்லையே? இவருக்கு இந்தியா அழைப்பு அனுப்பியதா அல்லது அழைக்காமலேயே அவர் வருகிறாரா?
இலங்கையில் கொல்லப்பட்ட தமிழர்கள், அதற்காக வேதனைப்படும் தமிழ் சகோதரர்களுக்காக ஏன் இலங்கையுடன் இனி கிரிக்கெட் விளையாட மாட்டோம் என இந்திய அரசு அறிவிக்கக் கூடாது? இலங்கையில் உள்ள தமிழர்கள் இந்திய வம்சாவளியினர்தானே… கிரிக்கெட்டைப் பயன்படுத்தி பாகிஸ்தானுடனான பிரச்சினையைத் தீர்க்க முடியும் என நம்பும் மன்மோகன் சிங், தமிழர் பிரச்சினையையும் இதே கிரிக்கெட்டைப் பயன்படுத்தி தீர்த்து வைக்க ஏன் முனையவில்லை. இலங்கையுடன் கிரிக்கெட் விளையாடமாட்டோம் என அறிவிக்கலாமே… பாகிஸ்தானுக்கு ஒரு அணுகுமுறை, இலங்கைக்கு ஒரு அணுகுமுறையா?”, என்று கேட்டுள்ளார் பால் தாக்கரே.

பொன்கார்த்திக் said...

சகா அருமை உங்க நேர்மை ரெம்ப பிடிச்சுருக்கு..

http://ponkarthiktamil.blogspot.com/2011/04/1.html

Anonymous said...

in this match how come we got 3 drs (shwag,sachin.& msd) during our batting while the rule allow only 2.any body can explain pl

Anonymous said...

Gosh!
Just one more game.
And, Just one more commentary.

The excitement of watching the former and the irritation of reading the latter will get over.

Hurray!!!

Anonymous said...

Bala....Thanks for your commentary of the world cup cricket. Thanks very much indeed.

Pls...Pls...Do Not Write Commentary for IPL!!!

Anonymous said...

IDLY Vadai: Be generous enough to publish comments as it is.

USA விஜய் ரசிகன் said...

நம் தேசத்தை மாற்றும் நேரம் வந்து விட்டது , என்னை போன்ற இளைஞர்கள் கனவு கண்டிப்பாக நிறை வேறும்.

USA விஜய் ரசிகன் said...

நம் தேசத்தை மாற்றும் நேரம் வந்து விட்டது , என்னை போன்ற இளைஞர்கள் கனவு கண்டிப்பாக நிறை வேறும்.