பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Sunday, April 24, 2011

சன்டேனா (24-04-11) இரண்டு செய்திவிமர்சனம்

செய்தி # 1
பாலுக்கு காவல் பூனை என்பதற்கு சரியான உதாரணங்களாய் இரண்டு சம்பவங்கள் நடந்து இருக்கின்றன.

முதலில், பி.ஜெ. தாமஸ் என்பவர் மத்திய லஞ்ச கண்காணிப்பு ஆணையராக நியமிக்க பட்டார். இவரை பிரதமர் மன்மோகன் சிங்கே நேரடியாக நியமித்தார். ஆனால், பிறகுதான் தெரிந்தது...இந்த தாமஸ் மீதே ஊழல் வழக்கு இருப்பது.

எதிர்கட்சிகளின் போராட்டங்களுக்கு பிறகு, தாமஸ் மீது ஒரு ஏற்றுமதி விவகாரம் தொடர்பாக லஞ்சம் வாங்கிய வழக்கு இருப்பதே தனக்கு தெரியாது என்று சொன்னார் பிரதமர். இதை தொடர்ந்து தாமஸ் நியமனம் செல்லாது என்று நீதிமன்றம் உத்தரவிட்டது.

லஞ்ச ஒழிப்பு துறைக்கு தன்னால் நேரடியாக தேர்ந்தெடுக்கபட்டவர் பற்றி பிரதமர் பொறுப்பில் இருப்பவருக்கு எப்படி தெரியாமல் போகும்??
தாமஸ் தேர்ந்தேடுக்கப்பட்டதின் பின்னால் வழக்கம் போல சோனியா தலையீடு இருப்பது நமக்கு புரியாமல் இல்லை.

இதை போன்று இன்னொரு சம்பவம் நடைபெற்று இருக்கிறது. ஆனால், இது அதை விட பெரிய அதிர்ச்சி தரும் விவகாரமாய் இருக்கிறது.

ஊழலுக்கு நிரந்திர தீர்வு என்று கூறி ஜன்லோக் பால் மசோதாவை நிறைவேற்ற வேண்டுமாய் ஒரு போராட்டத்தில் திரு.அன்னா ஹசாரே இறங்க, அவருக்கு பின்னால் இந்தியாவே திரண்டது. பின்னர் மத்திய அரசு வரும் குளிர்கால கூட்டத்தொடரில் இம்மசோதாவை நிறைவேற்றுவதாக வாக்களித்ததாக கூறி, தனது உண்ணாவிரத போராட்டத்தை முடித்தார் ஹசாரே.

இம்மசோதாவின் படி, ஹாசாரே அவர்களால் தேர்வு செய்யப்பட்ட அரசியலுக்கு அப்பாற்பட்டவர்கள் கொண்ட ஒரு வரைவு குழு அமைக்கப்பட்டது.

இந்த ஒரு அம்சத்தை சுட்டிக்காட்டி, இந்த மசோதாவை நிறைவேற்ற அனுமதிக்ககூடாது என்று நீதிமன்றத்தில் ஒரு பொதுநல மனு தாக்கல் செய்யப்பட்டு இருக்கிறது.

இந்த வரைவு திட்டத்தில் ஹசாரேவுக்கு அடுத்தபடியாக முக்கிய பொறுப்பில் இருக்கும் முன்னாள் சட்ட அமைச்சர் சாந்தி பூஷன் மற்றும் இதே குழுவில் இடம் பெற்று இருக்கும் அவரது வாரிசு(??) பிரசாந்த் பூஷன் ஆகியோர் சம்பந்தப்பட்ட சிடி ஒன்று கடந்த வாரம் வெளியாகி பெரும் பரபரப்பை ஏற்ப்படுத்தி உள்ளது.

"எனது மகன் பிரசாந்த் பூஷண் நினைத்தால் ரூ.4 கோடி வரை கொடுத்து நீதிபதிகளை விலைக்கு வாங்கிவிடுவார் " என்று சாந்தி பூஷன் சமாஜ்வாடி கட்சியின் தலைவர் முலாயம் சிங் யாதவ் அவர்களுடன் உரையாடி இருப்பது தெரியவந்து இருக்கிறது.

இந்த சிடியை ஆராய்ந்த சில தடயவியல் நிபுணர்கள், இது உண்மையான சிடி தான் என்று கூறியுள்ளனர்.

நீதித்துறையிலும் லஞ்சமும்,ஊழலும் புகுந்து விளையாடுவது என்பது நம்மால் ஜீரணிக்க முடியாததாக இருக்கிறது. அதுவும் நீதிபதிகளையே இந்த நாட்டில் விலைக்கு வாங்கி விட முடியும் என்று முன்னாள் உச்ச நீதிமன்ற நீதிபதியாகவும், தற்போது ஜன்லோக்பால் மசோதா வரைவு குழுவிலும் ஒருவரே இது போன்ற செயல்களில் ஈடுபட்டு இருப்பதாக வாக்குமூலம் கொடுத்து இருப்பதுதான் அதிர்ச்சியின் உச்சகட்டமாக இருக்கிறது.

ஹாசாரேவால் தேர்ந்து எடுக்கப்பட்ட சாந்தி பூஷணும், அவர் மகனும் நீதிபதிகளையே வாங்கும் உலக மகா ஊழல் ஆசாமிகள் என்பது....எங்கையோ "லாஜிக்" இடிக்கிறேதே.

"நொய்டாவில் முதல்வர் மாயாவதியின் சிலைகள் கொண்ட பூங்கா அமைக்கப்படுவது தொடர்பான வழக்கில் அவருக்கு எதிராக சாந்தி பூஷண் ஆஜராகி வந்தார். இந்நிலையில், அவருக்கும் அவரது மகனுக்கும் நொய்டாவில் 10 ஆயிரம் சதுர அடி பரப்பளவு உள்ள பண்ணை வீட்டுக்கான நிலம் ஒதுக்கப்பட்டுள்ளது. இது லஞ்சம் இல்லாமல் வேறு என்ன? இதுகுறித்து சாந்தி பூஷண் விளக்கமளிக்க வேண்டும்." என்று மேலும் ஒரு புதிய புகாரை தெரிவித்து இருக்கிறது.
சாந்தி பூஷண் மீது குற்றச்சாட்டுக்கள் புதிது புதிதாக வந்த வண்ணம் உள்ளன.

இது பற்றி கருத்து தெரிவித்து இருக்கும் அன்னா ஹசாரே "சாந்தி பூஷனின் நம்பகத்தன்மைக்கு நான் உத்தரவாதம் அளிக்க முடியாது. என் மீதான நம்பகத் தன்மைக்கு மட்டுமே உத்தரவாதம் அளிக்க முடியும்" என்கிறார்.

வரைவு குழுவில் இருக்கும் சாந்தி பூஷன் மற்றும் வழக்கறிஞ்சரான அவரது மகனே இப்படி என்றால், அரசியல்வாதிகளோடு வரைவு குழு உறுப்பினர்களும் "பொட்டி" வாங்கிகொண்டு, ரகசியமாக கை குலுக்கமாட்டார்கள் என்பதற்கு என்ன உத்திரவாதம்??

லோக்பால் வரைவு மசோதா கமிட்டிக்கு சாந்திபூஷனை பொறுப்பில் அமர்த்த வேண்டும் என அன்னா ஹசாரே அவர்களால் முன்மொழியப்பட்ட சாந்திபூஷனுக்கே, ஹசாரேவால் உத்திரவாதம் தரமுடியாத போது, அந்த வரைவு கமிட்டியில் உள்ள மற்றவர்களுக்கும், ஊழல் ஒழிப்பிற்கும் அவரால் எப்படி உத்திரவாதம் தர முடியும்??

"என்னை பொறுத்தவரை, பார்லிமென்ட் தான், மிக உயர்ந்த ஜனநாயக அமைப்பு. லோக்பால் மசோதாவை, பார்லிமென்ட் புறக்கணித்து விட்டால், பார்லிமென்டின் அந்த முடிவை ஏற்றுக் கொள்வேன்" என்று வேறு அறிவித்து இருக்கிறார் ஹசாரே.

எல்லா அரசியவாதிகளும் ஒரே குட்டையில் ஊறிய மட்டைகள் என்பது ஹசாரேவுக்கு தெரியாதா? ஊழல் செய்யாத அரசியவாதிகள் யாரும் இல்லை என்பது அவருக்கு புரியாதா? இதற்குத்தானே அவர் போராட தொடங்கி, மக்களை திரட்டினார்??
பெண்களுக்கான 33 சதவீத இடஒதுக்கீடு மசோதா போன்று வெறும் வாய் வார்த்தையில் மட்டுமே வேலைக்காகும் ஜன்லோக் பால் மசோதா.இது,வெறும் கண்துடைப்பு அல்லது நாடகம் என்ற உணர்வையே தருகிறது.

"ஜனநாயகத்தில், அனைவருக்குமே, தங்கள் கருத்துக்களை தெரிவிப்பதற்கு உரிமை உள்ளது.லோக்பால் விவகாரத்தில் நீங்கள் கூறும் கருத்துக்கள் மட்டுமே சரி என்றும், மற்றவர்கள் பதில் அளிக்கக் கூடாது என்றும் நீங்கள் கருதினால், அது எப்படி ஜனநாயக நடவடிக்கையாக இருக்கும். எவ்விதமான நடைமுறையை நீங்கள் பின்பற்றுகிறீர்கள் என, தெரியவில்லை". என்று காங்கிரஸ் கட்சியினர் இந்த மசோதாவிற்கு எதிராக செயல்பட்டு வருகிறார்கள் என்ற ஹாசாரேவின் குற்ற சாட்டுக்கு பதில் அளித்து இருக்கிறார் காங்கிரஸ் கட்சியின் செய்தி தொடர்பாளர்.

ஹாசாரேவின் நடைமுறைகள் நிஜமாகவே குழப்பமாகவே இருக்கின்றன. குறிப்பாக, பார்லிமென்ட் இந்த மாசோதாவை புறக்கணித்தாலும் ஏற்றுகொள்வேன் என்று அவர் கூறியிருப்பது.

அன்னா ஹசாரே - நீங்கள் நல்லவரா? கெட்டவரா?

செய்தி # 2

"இனியும் நமது தமிழ் இனத்தை இலங்கை ராணுவம் அழிப்பதை பொறுத்துக்கொள்ள முடியாது. தமிழக மீனவர்களை கொன்று குவிப்பதை நாம் பார்த்துகொண்டிருக்க முடியாது. உடனே மத்திய அரசு இந்த கொடுமைகளை தடுத்து நிறுத்த வேண்டும். இதுவரை பொறுத்தது போதும் ."
இப்படியெல்லாம் வார்த்தைக்கு வார்த்தை தமிழ் இனம், தமிழ் மொழி என்றெல்லாம் படு உணர்ச்சிகரமாக பேசியதோடு, தமிழக மீனவர்கள் மீதான இலங்கை ராணுவத்தின் தொடர் தாக்குதலை கண்டித்து சென்னையில் உள்ள இலங்கை தூதரகத்தையும் முற்றுகை இட சென்று, காவல்துறையால் கைது செய்யப்பட்டார் "அவர்".

அவர்....சீமானோ, திருமாவளவனோ,வைகோ, பழ.நெடுமாறன் வகையாறாக்களோ இல்லை. அவர்...காங்கிரஸ் கட்சியின் தமிழ் மாநில தலைவர்..திரு.கே.வி.தங்கபாலு.

தங்கபாலுவுக்கு காங்கிரஸ் கட்சிக்குள் எதிர்ப்பு வலுத்துவருவதால், அதை திசை திருப்பவே இப்படி ஒரு நாடகத்தை செய்து இருக்கிறார்" என்று குற்றம் சாட்டுகிறார்கள் அவரால் நீக்கப்பட்ட கராத்தே தியாகராஜன் போன்றோர்.

கட்சியில் இருந்து நீக்கப்பட்ட அனைவருடனும் யாரும் எந்த வித தொடர்பும் வைத்துகொள்ளகூடாது என்றும்,அப்படி மீறி வைத்தால் அவர்கள் மீது நடவடிக்கை எடுப்பேன் என்றார். ஆனால், ப.சிதம்பரம்,ஜி.கே.வாசன் என இவரை தவிர மற்ற அனைத்து காங்கிரஸ் தலைவர்களும், கட்சியில் இருந்து நீக்கப்பட்டவர்களை சந்தித்து பேசி இருக்கிறார்கள். மேலும், அவர்களுக்கு ஆதரவாக சோனியாவிடம் தங்கபாலுவுக்கு எதிராக புகாரையும் தெரிவித்து இருக்கிறார்கள்.

அதிமுகவை பொறுத்தவரை சசி சொல்படி ஜெயா முடிவெடுப்பார். திமுகவை பொறுத்தவரை "செயற்குழு முடிவு செய்யும்" என்று கருணாநிதி அறிவித்தால், அது ஸ்டாலின் மற்றும் அழகிரியோடு பேசி முடிவெடுப்பது என்று அர்த்தம்.

ஆனால், தொண்டர்களை விட கோஷ்டி தலைவர்கள் அதிகமுள்ள காங்கிரஸ் கட்சியை பொறுத்தவரை, கூட்டணியில் இருந்து கொண்டே கூட்டணி கட்சி தலைவரை விமர்சிப்பது, கட்சிக்குள்ளேயே கட்சி தலைவர்களின் கொடும்பாவியை சத்திய மூர்த்தி பவனில் எறிப்பது, சொந்த கட்சி தலைமையை கண்டித்து உண்ணாவிரதம் இருப்பது என்று சம்பவங்கள் தொடர்கின்றன.

உணமையிலேயே, "உட்கட்சி ஜனநாயகம்" என்பது மற்ற எந்த கட்சிகளையும் விட காங்கிரஸ் கட்சியை பொறுத்தவரை சிறப்பாகவே இருக்கிறது.

ஒரு தேசிய கட்சியின் மாநில தலைவரின் மனைவி சட்டமன்ற தேர்தலில் போட்டியிட வேட்புமனு தாக்கல் செய்கிறார். ஆனால்,அந்த மனு தள்ளுபடி செய்யப்பட்டு, மாற்று வேட்பாளாராக அவரது கணவர் அறிவிக்கபடுகிறார்.

வேட்புமனு தள்ளுபடி செய்யப்பட்டதற்கு காரணம்...அந்த மனுவில் "கையெழுத்து" போடவில்லையாம். மைலாப்பூரில் தங்கபாலு மற்றும் அவரது மனைவி ஜெயந்தி தங்கபாலு அரங்கேற்றிய கூத்துதான் இது.

கூட்டணி ஆட்சி வந்தால், எப்படியும் மாநில அமைச்சர் பதவி வாங்கி விடலாம் என்று கணக்கு போட்டு, மயிலாப்பூரில் போட்டியிட்டு இருக்கிறார் தங்கபாலு. தேர்தலில் தோற்றால் காங்கிரஸ் கட்சி தலைவர் பதவியில் இருந்து நீக்கபடுவார். திமுக கூட்டணி வென்றால், இன்னும் கட்சிக்குள் வலுவாக இருப்பார் என்று தெரிகிறது.

போர்ஜரி செய்வதில் கருணாநிதி மற்றும் ஜெயலலிதா இரண்டும் கலந்து செய்த கலவையாய் இருக்கிறார் கே.வி.தங்கபாலு.

இதன் உச்ச கட்டமாக, கே.வி.தங்கபாலு சம்பத்தில் தனக்கு எதிராக கட்சிக்குள் நடைபெறும் எதிர்ப்புகள் குறித்து ஒரு பதில் அளித்து இருக்கிறார்.

" 40 ஆண்டுகளாக காங்கிரஸ் கட்சிக்கும், சோனியா குடும்பத்திற்கு விசுவாசமாக உள்ளேன். கட்சி விரோத நடவடிக்கையில் ஈடுபடுவோர் என் நண்பர்களாக இருந்தாலும் பாரபட்சம் பார்க்காமல் அவர்கள் மீது நடவடிக்கை எடுத்துள்ளேன்.எல்லா மாவட்டத்திலும், வட்டார அளவிலும் எனக்கு ஆதரவாளர்கள் உள்ளனர்.

எனக்கும் தொண்டர்கள் பலம், ஆள்பலம் உண்டு. ஆனால், நான் அமைதியாகவும், அடக்கமாகவும் உள்ளேன். தமிழகம் முழுவதும் எனது ஆதரவாளர்கள் கொந்தளிப்புடன் உள்ளனர். அவர்களை நான் அடக்கி வைத்துள்ளேன். நான் ஒரு அறிக்கை வெளியிட்டால் தமிழகமே பற்றி எரியும். ஆனால், எனக்கு கட்சிதான் முக்கியம். தொண்டர்களை தவறாக பயன்படுத்த மாட்டேன்"
என்று ஒரு பேட்டி அளித்து இருக்கிறார் தங்கபாலு-- (தங்க)பாலு தாக்கரே???

(தங்கபாலு 'தமிழ்நாடே பற்றி எரியும்' என்று சொன்னதின் அர்த்தம் , வாசன்,ப.சிதம்பரம் ஆகியோரின் கொடும்பாவிகளை அவரது ஆதரவாளர்கள் ஊருக்கு ஊர் எரிப்பார்கள் என்பதைத்தான்!)

(நன்றி..இனி,அடுத்த வாரம்)

-இன்பா

5 Comments:

pvr said...

I have just 2 questions and shall be grateful if you can get a response (even from THE goldBalu), but pl try for a trust worthy response (I said just 'try'):

1) Recent: why Jayanthi Thangkabalu could not vote? If her name was not in the voters' list, how did she submit her papers, which her husband claims, were in oder?

2) Old: Was Pon Paramaguru once a chief of Chennai Police and did he arrest or framed a charge against our goldBalu for cheating several with 'foreign job offers' ?

Anonymous said...

//(தங்கபாலு 'தமிழ்நாடே பற்றி எரியும்' என்று சொன்னதின் அர்த்தம் , வாசன்,ப.சிதம்பரம் ஆகியோரின் கொடும்பாவிகளை அவரது ஆதரவாளர்கள் ஊருக்கு ஊர் எரிப்பார்கள் என்பதைத்தான்!)//

This is the manjaL comment!

Shri Hari said...

அவருடைய பிரிவில் வாடும் அவரது சீடர்களுக்கு எனது வருத்தத்தை தெரிவித்து கொள்கிறேன். இதை கூட அரசியல் ஆக்கி அதில் ஒரு கவர்
ஸ்டோரி போடும் கேவலமான ஆங்கில மீடியாவை நினைக்கும் பொழுது என்ன சொல்வது? சரியான புறம் போக்குகள்.காசுகாக எதையும் செய்கின்ற நாய்கள்.

Anonymous said...

கோல்ட் மில்க் ஸ்டில் சூப்பர் தல...

Change said...

இட்லிவடை மற்றும் இட்லிவடை வாசகர்களுக்கு,
ஒரு மாபெரும் இயக்கம், நாம் அனைவரும் எப்போதும் பிதற்றிக்கொண்டிருக்கும் ஒரு பிரச்சனையை சார்ந்து எழுந்துள்ளது. அதை நமது அறிவுஜீவித்தனமான கேள்விகள் மூலம் இல்லாமல் செய்ய முயற்சிக்க வேண்டாம் என்று மட்டும் கேட்டுக்கொள்வேன்.
உங்கள் சந்தேகங்களுக்கு www.indiaagainst.corruption.org பார்க்கலாம். அதில் Lokpal bill draft version 2.2 உள்ளது. இந்த பின்னூட்டத்தின் நோக்கம் ஊழல் வாதிகளை ஆதரிப்பது அல்ல. நமக்கு இப்போதைய தேவை ஊழலுக்கு எதிரான ஒரு சட்டம் – அது நல்லவர்களாலோ அல்லது ஊழல் வாதிகளால் இயற்றப்பட்டாலும்.

நன்றி,
http://change-within.blogspot.com