பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Sunday, February 27, 2011

பாகிஸ்தான் vs ஸ்ரீலங்கா - The day of the "Under Dogs"

பாகிஸ்தான் vs ஸ்ரீலங்கா - The day of the "Under Dogs" - எ.அ.பாலா
பாகிஸ்தானை, அடைப்புக்குறிக்குள் தான் Under Dogs என்று குறிப்பிட்டு இருக்கிறேன் என்பதை கவனத்தில் கொள்ளவும் :) பிரேமதாசா மைதானத்தில் புதிதாக இடப்பட்டுள்ள ஆடுகளத்தில் நடந்த முதல் உலகக்கோப்பை ஆட்டம் இது. புதியதோ, பழையதோ, நமது துணைக்கண்டத்தில் பெரும்பாலான ஆடுகளங்கள் பொறி பறக்கும் வேகப்பந்து வீச்சுக்கு ஒரு போது 'துணை' போகாது என்பது உலகறிந்த உண்மை! டாஸில் வென்ற பாக் பாதுகாப்பான முடிவான பேட்டிங்கை தேர்ந்தெடுத்தது. ஷெசாத் 6வது ஓவரில் விக்கெட் இழக்க, ஹ·பீஸ்-கம்ரன் அக்மல் ஜோடி கவனமாக ஆடியும், சுறுசுறுப்பாக ஓடியும், ஸ்கோர் 15 ஓவர்களில் 79/1. From what I saw, Hafeez seemed to have a lot of time to play the ball & has a simple and uncomplicated approach to batting. இத்தருணத்தில் ஹ·பீஸ் முட்டாள்தனமாக ரன் அவுட் ஆனார்.

சங்ககாரா பந்து வீச்சு மாற்றங்களை சிறப்பாக கையாண்டார். குலசேகராவின் பந்து வீச்சு மோசமாக இருந்தாலும், மற்ற பந்து வீச்சாளர்கள் ஒழுங்காகவே பந்து வீசினர். 21வது ஓவரில் (105/3) கம்ரன் விக்கெட்டுக்குப் பின், அனுபவமிக்க யூனுஸ் கானும், மிஸ்பாவும் ஸ்ரீலங்காவின் பந்து வீச்சை நன்றாக பால் கறந்தனர் :) 41வது ஓவரில் யூனுஸ் ஆட்டமிழந்தார் (ஸ்கோர் 213/4). உமர் அக்மல் களமிறங்கினார்! ஆனால் 44வது ஓவரில் தான் பேட்டிங் பவர் பிளே தொடங்கியது! இது மகா அபத்தம் என்று நினைக்கிறேன். 45 ஓவர்களுக்குள் பவர் பிளே முடிவடைந்து விடுவது நல்லது. எப்படியும், ஒரு நாள் ஆட்டத்தில் கடைசி 5 ஓவர்கள் slog ஓவர்களாக தான் அமைகின்றன!

இந்த பவர் பிளேயில், அடிதடி மன்னன் அ·ப்ரிதி இருந்தும், 5 ஓவர்களில் பாக் 36 ரன்களே எடுத்ததற்கு முரளியின் கருமித்தனம் தான் காரணம் :-) (2 ஓவர்கள், 5 ரன்கள், உமர் அக்மலின் விக்கெட்) முரளி தனது 10 ஓவர்களில் 35 ரன்களே கொடுத்தது ஸ்ரீலங்கா பந்து வீச்சின் ஹைலைட்! பாக் இன்னிங்க்ஸின் முடிவில் மொத்த ஸ்கோரான 277/7 (மிஸ்பா விக்கெட் இழக்காமல் 91 பந்துகளில் 83 ரன்கள்) ஒரு 15-20 ரன்கள் குறைவு போலத் தோன்றினாலும், 2வது இன்னிங்க்ஸில் ஆடுகளம் சுழற்பந்து வீச்சாளர்களுக்கு இன்னும் சற்று அதிகமாகவே உதவும் என்பது தெளிவாகவே புலப்பட்டது!

278-ஐ வெற்றி இலக்காகக் கொண்டு களமிறங்கிய ஸ்ரீலங்கா, நிதானமாக ஆடி, முதல் 10 ஓவர்களில் விக்கெட் இழக்காமல், 42 ரன்களை எடுத்தது. அக்தர் சிறப்பாக பந்து வீசினார் (5-0-18-0). 17 ஓவர்களில் 86/1. 18வது ஓவரில், ஸ்ரீலங்காவின் வீழ்ச்சிக்கு பூம்பூம் அ·ப்ரிடி பிள்ளையார் சுழி போட்டார்! நன்றாக ஆடிக்கொண்டிருந்த தில்ஷன் clean bowled! ஜெயவர்த்தனே வந்தார், அ·ப்ரிடி மீண்டும் அக்தரை பந்து வீச அழைத்தார். 21வது ஓவரில், அக்தர், சற்று தாமதாக உள்வந்த ஒரு பந்தின் வாயிலாக ஜெயவர்த்தனேயின் நடு ஸ்டம்ப்பை பெயர்த்தெடுத்தார். அடுத்த ஓவரில் அ·ப்ரிடி சமரவீராவை வீட்டுக்கு பத்திரமாக அனுப்பி வைத்ததில், 22வது ஓவரின் முடிவில் ஸ்ரீலங்கா ஸ்கோர் 98/4. அக்தர் 7-0-21-1

அ·ப்ரிடியும் மிக மிக திறமையாக வேகத்தை கூட்டி குறைத்து பந்து வீசினார் (3-0-7-2). Controlled leg spin bowling at its best! இந்த சரிவுக்குப் பின், சுழற்பந்து வீச்சாளர் ரஹ்மான், AR ரஹ்மான் இசையில் காணப்படும் ரிதத்தை தனது பந்து வீச்சில் காட்டினார்! இதில் ஒரு மெய்டன் ஓவரும் அடக்கம் (4-1-14-0). அவரது 5வது ஓவரில், கம்ரன் (சங்ககாரா) ஸ்டம்பிங்கை கோட்டை விட்டது ஒரு கரும்புள்ளி. சங்ககாராவும், சமரசில்வாவும் தடவித் தடவி ஆடி, 13 ஓவர்களில் (20 to 33) எடுத்தது 39 ரன்கள் மட்டுமே! பிரதி ஓவர் 8.5 ரன்கள் தேவை என்று நிலைமை.

பாக் கொடுத்த குடைசலைத் தாங்க முடியாமல், சங்ககாரா பேட்டிங் பவர் பிளேயை தேர்ந்தெடுத்தார் :) அதுவும் சோபிக்கவில்லை! 38வது ஓவரில், ஸ்கோர் 169-4. மீண்டும் அ·ப்ரிடிக்கு விக்கெட், (அவரது 300வது), சங்ககாரா வீழ்ந்தார். கடைசி 7 ஓவர்களில், ஸ்ரீலங்கா வெற்றிக்கு 75 ரன்கள் (RR 10.7) தேவை என்ற நிலையில், தனது 10வது ஓவரை வீசிய அ·ப்ரிடி, முக்கியமான மேத்யூஸின் விக்கெட்டை வீழ்த்தினார். அபாரமான பந்து வீச்சு (10-0-34-4). அதே நேரம், இந்த ஆட்டத்தில் பாகிஸ்தான் ·பீல்டிங்கில் ஓட்டைகள் அதிகம்.

இறுதி 6 ஓவர்களில் 67 ரன்கள் (RR 11.2) தேவை, 4 விக்கெட்டுகளே மிச்சம் என்றிருந்தபோதும், அரங்கிலிருந்த இலங்கை கிரிக்கெட் ரசிகர்கள் நம்பிக்கை இழக்காமல், தங்கள் அணியை உற்சாகப்படுத்திய வண்ணமிருந்தனர்! இது போன்ற நிலையில், நம்மூரில் (சென்னை தவிர்த்து) தண்ணீர் பாட்டில்களை மைதானத்தில் வீசி கலாட்டா செய்வது வழக்கம்! சமரவீராவும், குலசேகராவும், சாகிற சமயத்தில் "சங்கரா சங்கரா" என்று, மன்னிக்கவும், "ராஜபக்ஷே ராஜபக்ஷே" என்று மட்டையை சுழற்றி ரன்கள் சற்று குவிந்தபோதும், தொலைக்காட்சி வர்ணனையாளர்கள் ஸ்ரீலங்காவை "உன்னால் முடியும் தம்பி" என்று ஏத்தி விட்டபோதும், பாகிஸ்தான் தான் வெற்றி பெறும் என்று நான் உறுதியாக நம்பியதை போல அவ்வணி வென்றது! பாகிஸ்தான் வென்றதை விட ஸ்ரீலங்கா மண்ணைக் கவ்வியதில் மிக்க மகிழ்ச்சியும் கூட!

அன்புடன்
பாலா
http://balaji_ammu.blogspot.com/

பாகிஸ்தான் வென்றதை விட ஸ்ரீலங்கா மண்ணைக் கவ்வியதில் மிக்க மகிழ்ச்சியும் கூட! - உங்களுக்கு ஏன் இந்த இனகொலைவெறி ?


4 Comments:

Anonymous said...

கடைசியில்...

அன்புடன்
என்றன்றும் அன்புடன் பாலா
என்றல்லவா இருக்க வேண்டும்.

தவறை சரி செய்து கொள்ளவும்.

நிறைய ஸ்மைலிகளுடன் இருப்பதால் போஸ்ட் வடிவேலு நடித்த படத்தின் தாக்கத்தை தருகிறது. அடுத்த முறை இட்லிவடையின் டிரேட் மார்க் :> ஸ்மைலீக்கு மாறி விடவும். ;-)

M.Shanmugan said...

Me also happy for pak win and sl loss

Vikram said...

\\நன்றாக ஆடிக்கொண்டிருந்த தில்ஷன் clean bowled!\\

If i am not wrong, dilshan was bowled off a bottom edge

Anonymous said...

இப்போ தான் "Language" ஒழுங்கா இருக்கு.... செம்மொழி இல்ல...