பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Tuesday, February 08, 2011

எல்லாமே இலவசம் தான் நாடகம் - அநங்கன்

எல்லாமே இலவசம் தான் - நாடகம் - அநங்கன்

இலக்கிய வரிசையில் நேற்று சிறுகதையை தொடர்ந்து நாடகம். அலுவலகத்தில் வேலை இல்லை என்றால் தொடர்ந்து படித்துவிட்டு எப்படி இருக்கிறது என்று சொல்லவும். நான் பாதி தான் படித்தேன் :-)




இலவசங்களைக் கொடுத்துக் கொடுத்து மக்களை பிச்சைக்காரர்கள் ஆக்கி விட்டார்கள். இதே நிலை நீடித்து அது பூவுலகம் தாண்டி மேலுலகத்திலும் தொடர்ந்தால் என்ன ஆகும்....
காட்சி 1
இடம் கைலாயம்
(பாத்திரங்கள்: சிவன், உமை, நாரதர்)

கைலாயமே ஆழந்த அமைதியில் ஆழ்ந்திருக்கிறது. “ஓம் நமசிவாய” கோஷங்கள் இல்லை. முனிவர்கள் இல்லை. பூத கணங்களும் இல்லை. சிவனும் பார்வதியும் தனித்தனியாக ஏகாந்தத்தில் வீற்றிருக்கின்றனர். படைத்தல், காத்தல், அழித்தல் என அனைத்தையுமே பூவுலகத்தில் மானிடர்களே வெகு முனைப்புடன் செய்துவருவதால் மும்மூர்த்திகள் உட்பட யாருக்கும் செய்வதற்கு எந்த வேலையுமே இல்லை. ‘நம் நிலைமை இப்படி ஆகிவிட்டதே இனி என்ன செய்வது, எங்கு போவது' என சிந்தித்துச் சிந்தித்து, விவாதித்து, விவாதித்து, பேசிப் பேசி சிவனுக்கும் பார்வதிக்கும் போரடித்து விட்டதால், பேசாமல் ஆளொக்கொரு பக்கம் மௌனமாய் அமர்ந்து ஏதோ யோசித்தவாறு இருக்கின்றனர். பிரம்மா, விஷ்ணு, இந்திராதி தேவர்கள் உட்பட அனைவரின் நிலைமையும் இதே தான்.

அப்போது.. அங்கே நாரதர் வருகிறார். அவர் கையில் தம்புரா இல்லை. கர்லாக் கட்டை இல்லை. மாறாக ஏதோ ஓர் அட்டைப் பெட்டி. இனி......

நாரதர்: நாராயண...... நாராயண......

சிவன்: அடடே! நீங்களா!? வாருங்கள் வாருங்கள். ஆமாம். கேஸ் எல்லாம் என்ன ஆயிற்று? உங்களை விடுதலை செய்து விட்டார்களா என்ன?.

நாரதர்: (திடுக்கிட்டவராய்) கேஸா... சிவபெருமானே! என்ன உளறுகிறீர்கள்? சித்தபிரமை ஏதும் ஏற்பட்டு விட்டதா என்ன? நான் நாரதர் வந்திருக்கிறேன்! அது கூடத் தெரியாமல் கேஸ் அது இதுவென்று உளறுகிறீர்களே... என்ன ஆயிற்று உங்களுக்கு? ஏன் இப்படி வெகு சோகமாக அமர்ந்திருக்கிறீர்கள்...

சிவன்: ஓ நாரத முனிவரா, வரவேண்டும். வரவேண்டும். பார்த்து வெகுநாட்கள் ஆகிவிட்டதல்லவா? அதுதான் ஆளே அடையாளம் தெரியவில்லை! ‘நாராயண நாராயண', என்று வேறு சொல்லி விட்டீர்களா, எனக்கு புத்தி சற்றே தடுமாறி விட்டது. வேறு யாரோ என்று நினைத்து விட்டேன். ஐயாம் வெரி ஸாரி..

நாரதர் : சரி, சரி அதை விடுங்கள்.. உங்கள் முகத்தில் ஏன் இத்தனைக் குழப்பம்... கவலை.. வாட்டம்.. ஒன்றுமே புரியவில்லையே...

சிவன் : அது வந்து.... அது வந்து...

நாரதர் : இதோ பாருங்கள், என்னிடம் சொல்லக் கூடிய விஷயம் என்றால் சொல்லுங்கள்.. இல்லாவிட்டால் நான் செல்கிறேன்..

சிவன் : அவசரப்படாதே நாரதா. கிட்டே வா...

நாரதர் (அருகே சென்று) : என்ன....
சிவன் (சற்றே தழுதழுப்பான குரலில் : நாரதா எனக்கு வாழவே பிடிக்கவில்லை. பேசாமல் சந்யாசம் வாங்கிக் கொண்டு காசி, ராமேஸ்வரம், கிருஷ்ணாபுரம், கோபாலாபுரம் என்று எங்காவது போய் விடலாமா என்று பார்க்கிறேன்.

நாரதர் : என்ன இது சுத்த பேத்தலாக இருக்கிறதே... மனைவி, துணைவி என்று ஒன்றுக்கு இரண்டு வாழ்க்கைத் துணையை வைத்துக் கொண்டு முன்னவனாக ஒரு அஞ்சா நெஞ்சன், பின்னவனாக ஒரு உலகம் சுற்றும் தளபதி என்று இரு கண்மணிகளை வைத்துக் கொண்டு... நீங்கள் இப்படிப் பேசலாமா?

சிவன் : நாரதா, பிரச்சனையே அங்கே தான்...

நாரதா : என்ன என்றுதான் சொல்லுங்களேன்..

சிவன் : என்னத்தைச் சொல்ல... நேற்றுக் காலை பார்வதியைப் பார்க்கப் போயிருந்தேன். பிலுபிலுவென்று பிடித்துக் கொண்டு விட்டாள். ”உங்களுக்கு வாழக்கைப்பட்டு என்ன சுகத்தைக் கண்டேன், ஒரு வெளிநாட்டுப் பயணம் உண்டா, கோவில் தரிசனம் உண்டா, ஏன் ஒரு டெல்லி, பம்பாய்னு கூட்டிக்கிட்டு போகப்படதா? ஒண்ணுக்கும் லாயக்கில்லே. தின்னு தின்னுப்புட்டு சும்மா சுவத்தை வெறிச்சு வெறிச்சு பார்த்துக்கிட்டு இருக்கீங்க. பூவுலகத்துல பாருங்க... அவனவன் மனைவிக்கும், துணைவிக்குமா பார்த்துப் பார்த்து என்னவெல்லாம் செய்யுறான். பசங்க நல்லா இருக்கணுகறதுக்காக எப்படியெல்லாம் பாடுபடறான். நீங்களும் இருக்கீங்களே. ஒரு மாம்பழத்துக்காக பையன்களுக்குள்ளேயே சண்டை மூட்டி விட்டீங்க. ஆனா அதே ’கனி’க்காக சண்டை போட்ட பசங்க எல்லாம் பூலோகத்துல ஒண்ணா கூடி என்ன என்னமோ பண்ணிக்கிட்டிருக்காங்க. என்னமோ போங்க, எல்லாம் என் தலையெழுத்து.” என்று சொல்லி ஒரே அழுகை. சரி, ஒரு ஆறுதலுக்காக ’கங்கா’ வீட்டுக்குப் போனா... அவ, என்னை எதுக்குக் கல்யாணம் பண்ணிக்கிட்டீங்க... நாங்க உங்களுக்கு வேண்டாதவங்களாகிப் போயிட்டோம், எங்களை சுத்தமா ஒதுக்கி வச்சுட்டீங்க... பழம் அவங்களுக்கு... தோல் எங்களுக்கா”ன்னு ஒரே சண்டை. என்னால நிம்மதியா இருக்க முடியலை நாரதா.. ஒரே டார்ச்சர்.

நாரதர் : கவலைப்படாதீர்கள்... உங்கள் கவலைகள் எல்லாம் விரைவில் தீரப் போகின்றன. அதுக்கு நான் காரண்டி..

சிவன் : நல்ல வார்த்தை சொல்லும் நாரதா நீ வாழ்க. ஆமா... எங்கே உன்னை வெகுநாட்களாக ஆளையே காணோம்? ஏதாவது சம்மர் டூர் போய் விட்டாயா என்ன?

நாரதர் : அட நீங்கள் வேறு! சம்மராவது. டூராவது. ஒரு சேஞ்சுக்காக பூவுலகம் சென்றிருந்தேன். இப்பொழுது தான் வந்தேன். வந்தவுடன் உங்கள் ஞாபகம் வந்து விட்டது. உடனே பார்க்க வேண்டும் போல் இருந்தது அதான் ஓடோடி வந்தேன்.
சிவன் : நல்லது நாரதா அப்புறம்... (என்று ஏதோ சொல்ல வரும்போது அங்கே அன்னை உமை வருகிறாள்)

உமை : வா.. வா.. நாரதா... நலம் தானே... பூவுலகம் எப்படி இருக்கிறது? மக்கள் எல்லாரும் சௌக்யம் தானே, ஆமாம், பூவுலகிலிருந்து எனக்காக என்ன வாங்கிக் கொண்டு வந்தாய்?

(உடன் நாரதர் கையை பின்னால் இழுத்துக் கொண்டு, கையில் இருக்கும் பெட்டியை மறைக்கப் பார்க்கிறார்.)

சிவன் : நாரதரே! என்ன இது, உமது கையில் கானம் மீட்டும் வீணையைக் காணோமே! கர்லா கட்டையையும் காணோம்... என்னமோ பார்சல் மாதிரி வைத்திருக்கிறீரே என்ன அது? மாம்பழங்களா? இல்லை வெகு நாட்கள் கழித்து பார்க்க வந்திருப்பதால் ஏதேனும் தின்பண்டங்கள் வாங்கி வந்திருக்கிறீரா...?

நாரதர் : மாம்பழமா? அய்யோ.., அதனை மீண்டும் எடுத்துக் கொண்டு தங்களிடம் வர எனக்கு என்ன பைத்தியமா? ஒருமுறை நான் பட்ட பாடு போதாதா என்ன? முருகன் என்னை யாருக்கும் தெரியாமல் தனியாகக் கூப்பிட்டு துரத்தி துரத்தி அடித்ததை எப்படி என்னால் மறக்க முடியும்?

உமை: அதை எல்லாம் விடு நாரதா... பசங்கள் என்று இருந்தால் அடி தடி, வெட்டுக் குத்து என்று எல்லாம் இருக்கத்தான் செய்யும். காப்பாற்ற இல்லாமல் நாங்கள் எதற்கு இருக்கிறோமாம். நீ பார்சலில் என்ன வைத்திருக்கிறாய், அதைச் சொல் முதலில்.. கிருஷ்ணா ஸ்வீட்ஸ் மைசூர்பாகா? நானும் ரொம்ப நாளாக இவரிடம் கேட்டுக் கொண்டே இருக்கிறேன், வாங்கித் தர மாட்டேன் என்கிறார். ஏன் கேட்கிறாய், பூவுலகத்திற்குப் போகவே பயப்படுகிறார். நான் துணைக்கு வருகிறேன் என்று சொன்னாலும் கேட்கமாட்டேன் என்கிறார், ஆனாலும் இப்படி பயப்படக்கூடாது இவர். ஏன் என்று கேட்டால், “யாராவது அடித்து விடுவார்கள், சிறையில் தள்ளி விடுவார்கள், பைத்தியம் என்று கல்லால் அடிப்பார்கள்” என்றெல்லாம் புலம்புகிறார். இவரைக் கல்யாணம் பண்ணிக்கிட்டு நான் என்ன சுகத்தைக் கண்டேன்.. ஒரு சினிமா உண்டா.. ட்ராமா உண்டா.. ஏன் ஒரு கோயில் குளத்துக்காவது கூட்டிக்கிட்டு போயிருக்காறாரா.. எல்லாம் ரகசியப் பயணம், ரகசிய பூஜைதான். கேட்டா யாருக்கும் தெரிஞ்சிடக் கூடாது, கொள்கை விரோதம், அது இதுன்னு ஏதேதோ உளறுறார். என்னமோ போ...

(சொல்லி விட்டு உம்மை, கண்ணைக் கசக்கி, மூக்கையும் புடைவையில் சிந்தி துடைத்துக் கொள்கிறாள்)

நாரதர் : அம்மையே! இனி நீங்கள் கவலையே படவேண்டாம். சினிமா, டிராமா என்ன, இனிமேல் நீங்கள் உட்கார்ந்த இடத்தில் இருந்தே எல்லாவற்றையும் பார்க்கலாம். அதற்கான முன்னேற்பாட்டோடு தான் வந்திருக்கிறேன்.

சிவன்: அப்படியா நாரதா! நீ நிஜமாகத் தான் சொல்றியா?.., நிஜமாகத் தான் சொல்றியா?..., நிஜமாகத் தான் சொல்றியா?... நிஜமாகத் தான் சொல்றியா?...

உமை: அடடடா... மறுபடியும் ஆரம்பித்து விட்டீர்களா உங்க திரு வேலையை.. கொஞ்ச நேரம் சும்மா இருக்க முடியாதே.. நாரதா, நீ சொல், என்ன ஏற்பாடு அது?..

நாரதர் : அம்மா அது வந்து....

சிவன் : அம்மாவா...

நாரதர் : மன்னிக்க வேண்டும். நான் பூவுலகத்தில் சிலகாலம் சுற்றி விட்டு வருவதால் எனக்கு இந்த அம்மா, அய்யா, சின்னய்யா, பெரியய்யா, சின்ன சின்னய்யா, பெரிய பெரியய்யா.. என்றெல்லாம் தான் வாயில் வருகிறது..

உமை : சரி சரி அதை விடு.. நீ கையில் வைத்திருப்பது என்ன...

நாரதர்: அம்மையே, நான் பூவுலகம் சென்றிருந்தேன் அல்லவா, அங்கே ஒரு மா. செ. எனக்கு நண்பரானார்.

சிவன் : மா.செ வா? ஓ, மாசேதுங்கைச் சொல்கிறாயோ நீ?

நாரதர் : சம்போ மகாதேவ! மாசேதுங் அல்ல ஈஸ்வரனே, மா.செ. அதாவது மாவட்டச் செயலாளர். அவர் ஓர் அரசியல்வாதி

உமை : ஓ, சரி, சரி மேலே சொல்.

நாரதர் : நண்பர் மா.செவுடன் எனக்கு நெருக்கமான தொடர்பு ஏற்பட்டு விட்டது.

சிவன் : (சந்தேகத்துடன்) நெருக்கமான என்றால்...... புரியவில்லையே?!

நாரதர் : அய்யகோ, ஈசனே, உமது புத்தி ஏன் இப்படிப் போகிறது என்று தெரியவில்லை. அவரோடு நல்ல நட்பு ஏற்பட்டுவிட்டது. அதன் மூலம் எனக்கு ஒரு அதிசய பரிசும் கிடைத்தது. அதனை தங்களுக்குக் கொடுக்கலாம் என்று கொண்டு வந்தேன். என்னைப் போய் ஏதேதோ நினைத்து சந்தேகப்படுகிறீர்களே?

உமை : அதை விடு நாரதா! சந்தேகப்படுவது என்பது அவர் கூடவே பிறந்த குணம். அதை யாராலும் மாற்ற முடியாது. ஆமாம், நீ கொண்டு வந்திருக்கிறாயே பரிசு.. என்ன அது?

நாரதர் : வேறொன்றும் இல்லை அன்னையே பூவுலகில் பாவம் மக்கள் மிகவும் கஷ்டப்படுகிறார்கள், நிம்மதியே இல்லை. சதா ஏதாவது மனக்கவலையில் வாடிக் கொண்டிருக்கிறார்கள். அவர்களுக்கு நல்லது செய்வதற்காகவும், மன மகிழ்ச்சிக்காகவும் அரசாங்கம் ஒரு திட்டம் கொண்டு வந்திருக்கிறார்கள்.

சிவன் : ஆகா, பலே பலே ஆமாம், அப்படி என்ன திட்டம் அது?

நாரதர் : அதுதான் இலவச கலர் டி.வி. வழங்கும் திட்டம் ஈசுவரா!. உலகத்திலே எங்குமே இல்லாத புதுமைத் திட்டம். அத்திட்டத்தின் மூலம் மக்களில் பலருக்கும் அரசாங்கமே இலவசமாக கலர் டி.வி. வழங்குகிறது. அவர்கள் அனுதினமும் அதனைப் பார்த்து இன்புற்று மகிழ்கிறார்கள். ஆகா, அதை எப்படிச் சொல்வேன், என்னென்று சொல்வேன், அதனை நீங்கள் அனுபவித்துப் பார்த்தால் தான் தெரியும். அதே இன்பத்தை நீங்களும் பெற வேண்டும் என்று எனக்கு ஆவல்.. அதனால் தான் தங்களுக்கு மட்டுமே என்று தனியாக இதனைக் கொண்டு வந்தேன்.

சிவன் : மக்களுக்கு கஷ்டம் ஏற்பட்டால் இலவசமாக அரிசி போடுவார்கள், இலவசமாக கோதுமை போடுவார்கள். இலவசமாக துணிமணி கொடுப்பார்கள். இலவசமாக டி.வியே கொடுப்பதென்றால்.. எனக்கு ஒன்றும் புரியவில்லையே..

உமை: இவர் கிடக்கிறார் நாரதா! விட்டுத் தள்ளு. ஏதாவது குறை சொல்லிக் கொண்டிருப்பது தான் இவருக்கு வேலை. உண்மையில் இவருக்கு இதைப் பற்றியெல்லாம் ஒன்றுமே தெரியாது. மக்கள் மகிழ்ச்சியே மகேசன் மகிழ்ச்சி என்று கூடத் தெரியாத ஞான சூன்யம். என்னை நினைவில் வைத்துக் கொண்டு, இதனை நீ கொண்டு வந்தது உண்மையிலே எனக்கு ரொம்ப சந்தோஷம். நீ நீடுழி வாழ்க. அப்புறம் இப்போதே சொல்லிவிட்டேன். மறுமுறை நீ பூலோகம் சென்று விட்டு வரும் பொழுது வேறெதாவது ஒன்று இதைப் போலே கொண்டுவர வேண்டும். என்ன புரிகிறதா?

நாரதர் : நிச்சயம் அன்னையே.. அங்கே இன்னும் இதுபோல ஏராளமாகத் தர இருக்கிறார்கள்.. உங்களுக்கும் ஒரு ‘பார்சல்’ செய்து விடுகிறேன். கவலையே வேண்டாம்.

சிவன் : சரி நாரதா, அதனைப் போட்டுக் காண்பி. உடனடியாக நான் பார்க்க வேண்டும்.அப்படி என்ன தான் இருகிறது இந்த டி.வியில் என்று பார்த்து விடுவோம்..

நாரதர் : இந்தாருங்கள்.. (பார்சலைப் பிரித்து டிவியையும், ரிமோட்டையும் கொடுக்கிறார்.) அப்புறம் ஒரு விஷயம், இதை நான்தான் தங்களிடம் கொடுத்தேன் என்று வேறு யாருக்கும் சொல்லி விடாதீர்கள். அப்புறம் எல்லாரும் ‘எனக்கு, உனக்கு' என்று என்னை மொய்த்துக் கொள்வார்கள். என்னால் தாங்க முடியாது. சரியா, நான் வருகிறேன்.

(நாரதர் செல்கிறார்)

இதே போன்று பிரம்மா, விஷ்ணு, இந்திரன், தேவர்கள் என அனைவருக்கும் மற்றவருக்குத் தெரியவே கூடாது என்று கூறி ஒரு டி.வியைக் கொடுத்து விட்டு பூலோகம் சென்று விடுகிறார் நாரதர்.

காட்சி 2
இடம்: கைலாயம்
(பாத்திரங்கள்: சிவன், உமை, முருகன், லட்சுமி,)

உமை : சீக்கிரம் கனெக்ஷன் கொடுங்கள் சுவாமி, எனக்கு கை, கால் எல்லாம் ‘பர பர' வென்கிறது.

சிவன் : கொஞ்சம் பொறுமையாகத் தான் இரேன் சக்தி. அப்படி என்ன அவசரம். லைன் கிடைக்க வேண்டாமா?

(சிவன் தன்னுடைய பவரின் மூலம் சாட்டிலைட்டிலிருந்து டைரக்ட் கனெக்ஷன் கொடுக்கிறார்.)

சிவன் : சக்தி.. இந்தா ரிமோட்.. உன் கையால் டி.வி.யை ஆன் பண்ணு. மங்களகரமாக இருக்கட்டும்.

(சக்தி மிகுந்த ஆர்வத்துடன் ரிமோட்டை வாங்கி டி.வி.யை ஆன் பண்ணுகிறாள்.)

டி.வியில்.......

“ரெண்டுல தான் ஒண்ணத் தொட வார்றியா.. நீ ரெண்டுல தான் ஒண்ணத் தொட வார்றியா” என்று ஒரு பெண் ஆடிக் கொண்டிருக்கிறாள். கூடவே 40,50 பேர் கோரஸாக ஆடிக் கொண்டிருக்கின்றனர்.

உமை : (அதிர்ச்சியுடன்) சுவாமி என்ன இது? என்ன அர்த்தம் இந்தப் பாடலுக்கு? ஏன் இவர்கள் எல்லாம் இப்படி அரையும் குறையுமாக ஆடிக் கொண்டிருக்கிறார்கள்?

சிவன் : புரியவில்லை.. ஹா ஹா ஹா. சக்தி என்னை நன்றாக உற்றுப் பார்.

உமை : ஐயோ! சே, சரியான மாங்காவாக இருக்கிறீர்களே, நான் இங்கே சீரியசாகப் பேசிக் கொண்டிருக்கிறேன், நீங்கள் என்னடாவென்றால்...

சிவன் : சாரி உமா! சற்று உணர்ச்சிவசப்பட்டுவிட்டேன். என்னவென்று சொல்..

உமை : அதான் இரண்டிலே ஒன்று என்றால்..??

சிவன் : இரண்டிலே ஒன்று என்றால் - இரண்டிலே ஒன்று.

உமை : (சிவனை சற்று கடுமையாக முறைத்துப் பார்க்கிறாள்)

சிவன் : சரி, சரி, கோபித்துக் கொள்ளாதே, இரண்டிலே ஒன்று என்றால்.. இரண்டில் ஒன்றைத் தொடு என்றும் அர்த்தம். அதாவது.. அதாவது.. இரண்டு கைகளில் ஒன்றைத் தொடு என்று அர்த்தம்.

உமை : (சிவனை வெறுப்புடன் பார்க்கிறாள்)
சிவன்: என்னை முறைத்தோ கோபித்தோ ஒரு பயனுமில்லை உமா! இப்படித்தான் பூவலகில் பாட்டு எழுதிக் கொண்டிருக்கிறார்கள். கேட்டால் இது மாதிரித்தான் விளக்கம் சொல்வார்கள். இல்லாவிட்டால் நம்மை ‘ரசனை கெட்ட ஜன்மம்' என்று திட்டுவார்கள். இது போன்ற பாடல்களுக்காக, ‘சிறந்த கவிஞர்’, ’விக்காத கவிஞர்’ ‘கலைமாமணி’, பத்மஸ்ரீ என்று விருதுகளும் வேறு நிறைய கிடைக்கிறதாம். என்ன செய்வது சொல். எப்படியெல்லாம் கஷ்டப்பட்டு தமிழை வளர்க்கிறார்கள் பார்த்தாயா?

உமை : சே! வெட்கக்கேடு. இந்த மாதிரி தொழில் செய்து வாழ்வதற்கு பேசாமல் கூலி வேலை செய்து வயிற்றைக் கழுவலாம். (ஆத்திரத்துடன் சேனலை மாற்றுகிறாள்)

அடுத்த சேனலில்..

“ஏய், கைய வச்சுக்கிட்டு சும்மா இருடா!” என்ற பாடலுக்கு ஆண்களும் பெண்களுமாய் அரைகுறை ஆடையுடன் ஆடிக் கொண்டிருக்கின்றனர். சிவன் வைத்த கண் வாங்காமல் உற்று உற்றுப் பார்ப்பதைக் கவனித்த சக்தி உடனடியாகச் சேனலை மாற்றுகிறாள்.

அடுத்த சேனலில்..

(ஒரு பெண் தாலியைக் கழற்றி கணவனின் முகத்தில் விட்டெறிகிறாள். பின் கணவனை நோக்கி..) எனக்கு உன் கூட வாழப் பிடிக்கல.. உன் தம்பிய தான் எனக்குப் பிடிச்சிருக்கு. நான் அவன் கூடத் தான் வாழப் போறேன்.. நீ எக்கேடோ கெட்டு ஒழி, இல்ல அவன் பொண்டாட்டியக் கூட்டிக்கிட்டு ஓடிப் போ.. (சொல்லி விட்டு வேகமாக சூட்கேசுடன் வெளியேறுகிறாள். அவள் குழந்தை அம்மா.. அம்மா.. என்று அழுது கொண்டே பின்னால் வருகிறது. பின்னணியில் ஆ.. ஆ.. ஆ.. ஆ.. என்று கோரஸ் குரல் ஒலிக்கிறது.)

சிவன்: (கண் இமைக்காமல் பார்த்துக் கொண்டிருக்கும் உமையை சற்று பயத்துடன் ஓரக்கண்ணால் பார்த்தவாறே சேனலை மாற்றுகிறார்.)

அடுத்த சேனலில்...

(ஒரு வழுக்கைத் தலையர் உரையாற்றிக் கொண்டிருக்கிறார்.)

“ஆகவே நீங்கள் அனைவரும் சிந்தித்துப் பார்க்க வேண்டும். அதற்கு முன்னால் எதற்காக சிந்திக்கிறோம் என்பதைச் சிந்திக்க வேண்டும். சிந்தனை மிகவும் முக்கியமானது. அதே சமயம் அந்தச் சிந்தனை மற்றவரையும் சிந்திக்கத் தூண்டுவதாய் அமைந்திருக்க வேண்டும்..சிந்திக்க சிந்திக்கத் தான் சிந்தனையில் தெளிவு பிறக்கும். சிந்தனையில் தெளிவு பிறந்தால்...”

உமை : அய்யோ, என்னால் தாங்க முடியவில்லையே. (ரிமோட்டை சிவனின் கையில் இருந்து பிடுங்கி சேனலை மாற்றுகிறாள்.)

அடுத்து..

ஒரு சேனலில் செய்தி வாசிக்கப்பட்டுக் கொண்டிருக்கிறது.

“பெட்ரோல், டீசல் விலை உயர்வை எதிர்த்து சென்னையில் இன்று எதிர் கட்சிகள் நடத்திய பந்த் வெற்றி. பேருந்துகள் ஓடவில்லை. கடைகள் அடைக்கப்பட்டிருந்தன. பந்துக்கு மக்கள் முழு ஆதரவு.”

(பின்னணியில் காட்சிகள் காட்டப்படுகின்றன. அதில் சாலைகள் வெறிச்சோடிக் கிடக்கின்றன. கடைகளும் அடைக்கப்பட்டிருக்கின்றன. மக்களில் ஒரு சிலரும் பந்துக்கு ஆதரவாகப் பேட்டியளித்தனர்)

சிவன் : அப்பாடா, இந்த மாதிரி விஷயத்திலயாவது மக்கள் ஒத்துமையா இருக்காங்களே!

உமை : சரி, சரி வேற சானல் மாத்துவோம். ( சேனல் மாற்றுகிறாள்)

அந்தச் சேனலிலும்...

செய்திகள் ஒளிபரப்பாகிக் கொண்டிருக்கிறது.

““பெட்ரோல், டீசல் விலை உயர்வை எதிர்த்து சென்னையில் இன்று எதிர் கட்சிகள் நடத்திய பந்த் மாபெரும் தோல்வியில் முடிந்தது. பந்துக்கு மக்களிடையே ஆதரவு இல்லை. கடைகள் அனைத்தும் திறந்திருந்தன. பேருந்துகள் அனைத்தும் வழக்கம் போல் ஓடின.

(இதிலும் பின்னணியில் காட்சிகள் காட்டப்படுகின்றது. அதில் சாலைகளில் பேருந்துகள் விரைந்த வண்ணம் இருக்கின்றன. கடைகள் அனைத்தும் திறந்திருந்தன. மக்களில் ஒரு சிலர், இந்த பந்த் தேவையற்றது என்றும், பெட்ரோல், டீசல் விலை உயர்வு நியாயமானது, தவிர்க்க முடியாதது, இந்த உயர்வு தேவை தான் என்றும் பேட்டியளித்தனர். முந்தைய சானலில் தாடி, மீசையோடு பந்துக்கு ஆதரவு தெவித்த அதே நபர், இந்தச் சேனல் செய்தியில் அதனை ஷேவ் செய்து கொண்டு வந்து விட்டு பந்தை எதிர்த்துப் பேட்டியளித்தார்.)

சிவன் : (டி.வி.யைப் பார்த்த அதிர்ச்சியில்) ஆ, ஐயோ, உமா, எனக்கு தலையைச் சுற்றுகிறதே, மூளை குழம்புகிறதே என்ன செய்வேன்! அய்யோ..அய்யோ. முதலில் இந்த டிவியை நிறுத்து..

சக்தி அதை சட்டை செய்யாமல் சேனலை வேக வேகமாக மாற்றிக் கொண்டே இருக்கிறாள். தமிழ், தெலுங்கு, மலையாளம், கன்னடம், ஹிந்தி என குரல்கள் மாறி மாறி ஒலிகின்றன. எல்லாவற்றிலும் யாராவது பெண்கள் அரைகுறை ஆடைகளுடன் ஆடிக் கொண்டேயிருக்கின்றனர். இல்லாவிட்டால் தாலியை, புடைவையை அல்லது செருப்பைக் கழற்றி மற்றொருவர் மேல் வீசிக் கொண்டே இருக்கின்றனர். விடாமல் கண்ணீர் விட்டுக் கதறி அழுது கொண்டே இருக்கின்றனர்.

சிவன் : (விடாமல் டி.வி. பார்த்துக் கொண்டே இருக்கும் சிவன்) ஆ.. அய்யோ... அம்மா.. ( திடீரென மயக்கம் போட்டுக் கீழே விழுகிறார்)

உமை : (பதட்டத்துடன்) ஆ, அய்யோ நாதா, பிராணநாதா, என்ன ஆயிற்று தங்களுக்கு.. அய்யகோ யான் என் செய்வேன்.. அய்யோ, எல்லாம் அந்தப் பாவி நாரதனால் வந்த வினை. மகா பாவி நாரதா.. இப்படிச் செய்து விட்டாயே!

(தனது செல்போனை எடுத்துப் பேசுகிறாள்.)

உமை : ஹலோ.. யாரு லஷ்மியா, நாந்தான் பார்வதி பேசறேன், அவரு திடீர்னு மயக்கம் போட்டு விழுந்துட்டாரு. என்னன்னு தெரியலை. கொஞ்சம் அவசரமா புறப்பட்டு அண்ணனை உடனே வரச் சொல்றியா.. வரப்போ ஆம்புலன்சையும் கூட்டிட்டு வரச் சொல்லு. எனக்கு ரொம்ப பதட்டமா இருக்கும்மா. என்ன பண்றதுன்னே தெரியலை.. ப்ளீஸ்..

லஷ்மி : (மறுமுனையில்..) பதட்டப்படாதீங்கம்மா.. தைரியமா இருங்க. வாழக்கைன்னா பிரச்சனை இருக்கத் தான் செய்யும். நாம தான் தைரியமா போராடி எதிர்த்து நிண்ணு ஜெயிக்கணும். சரியா!, நம்ம நிலையத்துக்கு வாங்க மனம் விட்டு பேசுங்க. ஓகேவா.. (பின்னணியில்.. அச்சமில்லை.. அச்சமில்லை..குரல் ஒலிக்கிறது)

உமை : சே, எல்லாம் இன்னிக்குன்னு பார்த்து ராங் நம்பரா போவுதே, என்ன செய்யறது.. ம்ம்.. டேய் முருகா இங்க வா!

முருகன் : (வேகமாக வருகிறார்) என்னம்மா!

உமை : இந்த பாரு உங்க அப்பா டி.வி பார்த்துகிட்டே இருந்தவர், திடீர்னு மயக்கம் போட்டு விழுந்துட்டார். என்ன ஏதுன்னு தெரியலை, எனக்கு கையும் ஓடலை, காலும் ஓடலை. நீ உடனே போய் நம்ம டாக்டர் அய்யாவை இட்டாறியா?

முருகன் : ஓ அப்படியா, மயக்கம் போட்டு விழுந்துட்டாரா? ஒருவேளை தெரியாம FTV எதுவும் பார்த்துட்டாரோ.., சரி சரி, நான் போய் டாக்டரக் கூட்டிக்கிட்டு வர்ரேன். நீ பயப்படாம தைரியமா இரு..

(முருகன் மயில் மீது ஏறி விரைகிறான்.)

காட்சி 3
(பாத்திரங்கள் : உமா, டாக்டர், முருகன், சிவன், நாரதர், விநாயகர்)

(முருகன் டாக்டருடன் வருகிறார்)

உமை : முருகாZ யார் இவர்? டாக்டர் எங்கே?

முருகன் : இவர் தாம்மா அவர்!

உமை : டேய், டேய்.. வேண்டாம். மறுபடியும் ஆரம்பிக்காத. நான் கூட்டிக் கிட்டு வரச் சொன்னது டாக்டர. இவர் யாரு..

முருகன் : அட என்னம்மா நீ, இவரு தாம்மா அவருங்கறேன் நம்ப மாட்டென்கறிய, அய்யா, என்னய்யா பார்த்துக்கிட்டு பேசாம இருக்கிறீங்க, சொல்லுங்கய்யா.. சொல்லுங்க.. நீங்க யாருன்னு அம்மாகிட்ட சொல்லுங்க..

டாக்டர் : தமிழ்நாடு குப்பைத் தொட்டியாகிக் கொண்டு வருகிறது. எங்கு பார்த்தாலும் பிரச்னைகள். அராஜகம். ரவுடிகள் ராஜ்யம். ஊழல்.. பெண்கள் வெளியே தலைகாட்ட முடியவில்லை. இது சரியில்லை. ஆகவே...
(அதற்குள் போன் ஒன்று வருகிறது. பேசுகிறார். பின் முகமலர்ச்சியுடன்..)
தமிழகம் அமைதிப்பூங்காவாகத் திகழ்கிறது. மக்கள் நிம்மதியாக வாழ்கின்றனர். ரவுடிகள் கொட்டம் ஒடுக்கப்பட்டு வருகிறது. காவல் துறையினருக்கு பாராட்டுக்கள்.
(மீண்டும் போன் வருகிறது..பேசுகிறார் பின்..) மக்கள் நிம்மதியாக வாழ வேண்டுமானால் எல்லோரும் ஏழு மணிக்கெல்லாம் சாப்பிட்டுவிட்டுப் படுத்து விட வேண்டும். எட்டு மணிக்கு மேல் யாராவது வெளியே தலைகாட்டினால் அவர்களை சவுக்கால் அடிக்க வேண்டும். இளைஞர்கள் எட்டு மணிக்கு மேல் வெளியில் சுற்றினால் காவல்துறையினர் அவர்களைக் கைது செய்து சிறையில் அடைக்க வேண்டும். இல்லாவிட்டால் நாங்களே காவல்துறையினரைக் கைது செய்ய வேண்டி வரும் என்று கடுமையாக எச்சரிக்கிறேன். ஆகவே...

உமை : போதும் நிறுத்துங்கள்! டேய்! முருகா, நீ இந்த அளவுக்கு உங்க அப்பா மாதிரி புத்திசாலியா இருப்பேன்னு எனக்கு தெரியாமப் போச்சே! நான் கூட்டிக்கிட்டு வரச் சொன்னது நம்ம மருத்துவர் தன்வந்திரி அய்யாவ! ஆனா, நீ கூட்டிக்கிட்டு வந்ததோ இந்த அய்யாவை சீ, முதல்ல இவரை இங்கேர்ந்து வெளிய கூட்டிக்கிட்டு போ. ஒரு மனுஷன் மயக்கம் போட்டு கீழே விழுந்து கிடக்குறாரு. அதைப் பத்திக் கொஞ்சம் கூட அக்கறை இல்லாம என்னெனவோ உளறிக்கிட்டு...

டாக்டர் : டேய், தம்பி, என்னவோ அவசரம்னு சொன்னதாலதாயும், சீட்டு நிறைய கிடைக்குனும்னு நினைச்சு.. சாரி.. சாரி.. பீஸ் நிறைய கிடைக்குனும் நினைச்சு.. நம்பி தான் இங்க வந்தேன். நீங்க என்னடான்னா வேஷ்டி, துண்டு மட்டும் இல்லாம சட்டையையும் உருவிடுவிங்க போல இருக்கே, இருக்கட்டும். இருக்கட்டும். இருக்கட்டும். எனக்கும் நேரம் வரும். எங்கிட்டயும் நீங்க கெஞ்ச வேண்டி வரும். அப்போ வச்சுக்கறேன். சே. துரோகம்.. துரோகம்.. பச்சைத் துரோகம். சிவப்புத் துரோகம்... மஞ்சள் துரோகம்.

(திட்டிக் கொண்டே வெளியே செல்கிறார்)

முருகன் : ஐயாம் சாரி மம்மி, நீ டாக்டர் அய்யான்னு சொன்னதால சட்டுனு நான் குழம்பிப் போய் இவரை இட்டாந்துட்டேன். அயாம் ரியலி வெரி வெரி சாரி மம்மி.
உமை ; இதில, உன்னைச் சொல்லிக் குத்தமில்லடா, இங்க யாருக்கும் இங்க்லீஷ் சரியா பேச வரலைன்னு விவேகானந்தா இன்ஸ்டிட்யூட்ல சொல்லி இங்க ஒரு பிராஞ்சு ஓபன் பண்ணச் சொன்னேன் பாரு அது தான் என் தப்பு. போட்டிக்கு உங்க அப்பா, யாரையோ கூட்டிக் கிட்டு வந்து தமிழ் தமிழ்னு லூட்டி அடிச்சதால வந்த வினை தான் இது. ம்.. ம்... நல்ல வேளை இவரக் கூட்டியாந்த. நீ அந்த டாக்டரக் கூட்டி வந்திருந்தா எனக்கே வெறி பிடிச்சிருக்கும். இதோ பாருடா... இன்னொரு டாக்டர் அங்க இருக்குறாரு. அவரைக் கண்டா எல்லாருக்கும் பயம். அதை வெளியேக் காட்டிக்காம அவரை ’கோமாளி’, ’ஜோக்கர்’னு சொல்லி மக்களை ஏமாத்திக்கிட்டிருக்காங்க. அவரை மட்டும் கூட்டி வந்திடாதே. யார் சொன்னாலும் கூட்டியாந்திடாதே. அடிச்சுக் கூடச் சொல்லுவாங்க. கூட்டியாராதே. சரியா..

(இப்பொழுது சிவன் மெல்ல அசைகிறார். ம்.. ம்.. என்று முனகுகிறார்)

முருகன் : ஐ! அம்மா, அப்பாக்கு ஞாபகம் வந்திடுச்சி, ஞாபகம் வந்திடுச்சி..ஞாபகம் வந்திடுச்சி..

உமை : சரிடா, சத்தம் போட்டுக் கத்தி ஏன் ஊரைக் கூட்டுறே! வேறெதாவது வந்திடுச்சின்னு யாராவது நினைச்சுக்கப் போறாங்க!

முருகன் : அப்பா ஏந்திரு அப்பா ஏந்திரு.. ஏந்திரு அப்பா ஏந்திரு.. ஏந்திரு அப்பா ஏந்திரு.. (சிவனைப் போட்டு உலுக்குகிறார்)

சிவன் : (மெல்லக் கண் விழித்து) நான் யாரு... எங்க இருக்கேன்.

உமை : அய்யகோ சுவாமி! என்ன ஆயிற்று தங்களுக்கு.. (அவரைப் போட்டு பயங்கரமாக உலுக்குகிறாள்)

முருகன் : அப்பா.. என்னாச்சுப்பா. என்னாச்சு. அம்மா, அப்பாக்கு என்னாச்சும்மா? என்னாச்சு. அப்பா ஏந்திரி அப்பா ஏந்திரி. ஏந்திரி அப்பா! ஏந்திரி. ஏந்திரி அப்பா! ஏந்திரி.

உமை : டேய், கொஞ்ச நேரம் சும்மா இருக்க மாட்டியாடா?.. ஏண்டா இப்படி நேரம், காலம் தெரியாம சாவடிக்குறே...

சிவன் : மே, ஈசுவரன் போல்ராவுங். தோடா உப்பர்வாலாக்கோ புலாயியே! ஹாஹங். ஈ மூட்டா அட்ட படி உண்ணி.. இல்லி நோடு.. இக்கடச் சூடு.. ஊட்டா மாடு.. மொக்கி நோடு.. எந்தா அவிட சம்சயம்.. ஞான் ஏதும் அறிஞ்சிட்டான் பாடில்லா.. நை சாஹியே நை சாஹியே ஹா சாப்! யெஸ், யெஸ், ஷூட் ஹிம். ஆஹாங்.. அம்மாடி.. ஆத்தாடி.. என்னை உனக்குத் தர்ரீயாடி.. மோளே மோளே எவிட போயி! எந்த பறயுன்னு..

உமை: அச்சச்சோ.. இவருக்கு பைத்தியம் பிடிச்சுடுச்சுடா. கொஞ்ச நேரம் இந்த டி.வியப் பார்த்ததுல ஆண்டவனுக்கே பைத்தியம் பிடிச்சுடுச்சே. இந்த பூவுலக மக்கள் எப்படி சமாளிக்கறாங்களோ, என்ன செய்யறாங்களோ தெரியலையே!

(அப்போது நாராயண.. நாராயண.. என்று சொல்லிக் கொண்டே நாரதர் வருகிறார்.)

உமை : அடேய் மகாபாவி.. உன்னால் வந்தது தான் இந்த வினை..

நாரதர் : அம்மையே கவலை வேண்டாம். அனைத்தும் நாம் அறிவோம். உங்கள் துயர் தீர்க்கவே பூவுலகிலிருந்து இதனைக் கொண்டு வந்துள்ளோம்.

உமை : வேண்டாம்..வேண்டாம் போ இங்கிருந்து..

நாரதர் : அம்மையே, தாங்கள் அப்படிச் சொல்லக் கூடாது. இது தங்கள் கணவருக்கு மட்டுமல்ல.. தாங்கள் உட்பட அனைவருக்கும் பயன்படும். பூவுலகில் முதலில் இலவசமாக டி.வி கொடுத்தார்கள் அல்லவா. அடுத்து இப்பொழுது இதைத் தான் இலவசமாகக் கொடுக்க உத்தேசித்திருக்கிறார்களாம். நீங்கள் வேறு முன்பு என்னிடம் சொல்லி இருந்தீர்கள் அல்லவா.. அடுத்தமுறை பார்க்க வரும்போது ஏதாவது பரிசு கொண்டு வா என்று.. அது தான் கொண்டு வந்தேன்.. இந்தாருங்கள்.. (பெரிய நீண்ட பார்சலை நீட்டுகிறார்)

முருகன் : ஐ.. பார்சல்... (பார்சலை வாங்கிப் பிரிக்க முற்படும் போது, விநாயகர் வந்து அதனைப் பறித்துத் திறந்து பார்க்கிறார்)

உள்ளே.. மிக நீண்ட பெரிய நீண்ட பாய் காணப்படுகின்றது.

நாரதர் : இதனை சிவனுக்காக பத்தமடையிலிருந்து ஸ்பெஷலாக ஆர்டர் செய்து வாங்கி வந்திருக்கிறேன். விரைவில் உங்கள் எல்லோருக்கும் கூட பயன்படும். வரட்டுமா? நான் அவசரமாக மகாவிஷ்ணுவைப் பார்க்கப் போக வேண்டும். அவருக்கு ஏதோ உடம்பு சரியில்லையாம். திடீரென மயக்கம் போட்டு விழுந்து விட்டாராம்.

(நாரதர் வேகமாகச் செல்கிறார்.)

சக்தி திகைத்துப் போய் நிற்கிறாள்.

சிவன் : (சிவன் முருகன் கையில் இருக்கும் பாயைப் பிடுங்கி.. அதில் படுத்துப் புரண்டு கொண்டே..)

மே.. குன்மோகன் சிங்.. மீரு எவரண்டி பாபுகாரு.. தோடா. கீச்சுடுவேன். சோமாரி.. போய் வரும்போ எந்து கொண்டு வரும்.. வாட் அ மார்வலஸ் ஷாட் பை சச்சின் டெண்டுல்கர்.. நாக்கு டமில் கொஞ்சம் கொஞ்சம் பேசும். ராசா, ஊழலே செய்யவில்லை. ஊழல் செய்திருப்பதாகத் தெரிய வந்தால் அவரைத் தண்டிப்போம். கைது செய்வவதால் மட்டும் அவர் குற்றவாளி இல்லை. A.Raja is a Gentle Man. தீப்பிடிக்க தீப்பிடிக்க.. என்னைத் தொடுடா.. உன் திமிரெல்லாம் அடங்கத் தான் என்னைக் கடிடா..

(எழுந்து நின்று ஆடிக் கொண்டே முருகனையும், சக்தியையும் கடிக்கப் போகிறார். அவர்கள் அலறிக் கொண்டு ஓட.. “இந்தா டிவி.. இந்தா பாய்.. இந்தா அடுப்பு.. இந்தா செருப்பு” கூறிக் கொண்டே துரத்துகிறார்)

முற்றும்

- அநங்கன்

34 Comments:

Anonymous said...

Idlyvadai, i too have a article... speaks about the story of muhamad. Do you have guts to publish them? Please remove this story if you dont have a guts to publish the story of muhamad.

BalajiS said...

Extra ordinary stuff!!

Vinoth said...

pls give anangan link

Anonymous said...

sema ragalai

Ramjothidar said...

அட போங்கப்பா....வர வர இட்லிவடை படிக்கன்னு டெய்லி ஒரு மணிநேரம் ஒதுக்க வேண்டியிருக்குது...
உருப்பட்டு விடுவேணோ?

பெருங்குளம் ராமகிருஷ்ணன் ஜோஸ்யர்.

Anonymous said...

Idlyvadai can you publish this
http://divyadesamyatra.blogpsot.com

க்ருஷ்ண பாகவதர் said...

என்னப்பா
ரெட்டை வேஷம் போடும் அரசியல்வாதிகளுக்கும் உமக்கும் என்ன வித்தியாசம். கொஞ்ச வாரத்திற்கு முன், வரலஷ்மியை பற்றி ஆபாசமாக எழுதினதுக்கு கமலை பொட்டு தாக்கின அதே இ.வ. இன்று ஹிந்து கடவுள்களை வைத்து கேவலமாக எழுதலாமா!
அனானி சொன்னது போல தைரியமிருந்தால் அல்லாவைப் பற்றியோ, ஏசுவை கெலி செய்தோ எழுதுங்களேன். ஊருக்கு இளைச்சவன் எப்பவும் இந்துதானா!

உங்கள் விஷமத்தை வன்மையாக கண்டிக்கிறேன்.

ரிஷபன்Meena said...

இஸ்ரோ-வுலயும் 2 லட்சம் கோடியாமே!!

கண்ணா !!இன்னொரு லட்டு திங்க ஆசையா ? வாரவாரம் ஒரு ஊழல் வரும் போலருக்கே

solan said...

இப்படியொரு பதிவை இட்லி வடையிடம் நான் எதிர் பார்க்க வில்லை. ஹிந்து மதம் என்றுமே சுய பரிசோதனைக்கு தயங்கியது இல்லை. இந்த பதிவு விமர்சனமாக இல்லாமல், ஹிந்து கடவுள்களை கேவலபடுத்தும் நோக்குடன் இருக்கிறது.... மிகவும் வருத்தம் தரகுடியது. சின்ன மற்றும் பெரிய திரைகளில் தான் திட்டமிட்ட ஹிந்து மத தாக்குதல் என்றால் வலை தளத்திலுமா? " Inactive angel is worse than active evil"

உங்களை சொல்லி தப்பில்லை :(

நீங்கள் அனைவரும் ஒரு விஷத்தை புரிந்து கொள்ள வேண்டும்.
சாது மிரண்டால் காடு கொள்ளது....

இந்த பதிவை தயவு செய்து நீக்குமாறு பணிவுடன் கேட்டுகொள்கிறேன். இல்லை நானும் ஹிந்து மத கடவுளை மட்டும் ஏதிற்கும் ஒரு போலி மத சார்பின்மைவாதி என்றால், நான் எதுவும் சொல்வதருகு இல்லை. இத்தகைய மனிதர்களுக்கு காலம் தான் பதில் சொல்ல வேண்டும்.

Anonymous said...

நக்கற நாய்க்கு செக்குன்னா தெரியுமா, சிவலிங்கம் நா தெரியுமா! எத வேணா நக்கும்ங்கற மாதிரி, அநங்கன் நக்கியிருக்காரு.வேற மதத்து சாமிங்களை இப்படி நக்கியிருந்தா இத்தனை நேரம் ஆஸ்பத்திரியிலே இருப்பாரு இல்லேன்னா போயே சேர்ந்திருப்பாரு.

இதை ப்ரசுரம் பண்ண இ.வ வின் தரம் ரொம்ப தாழ்ந்துவிட்டது. உடனடியாக இதை remove செய்யவும்

சுபத்ரா said...

//அட போங்கப்பா....வர வர இட்லிவடை படிக்கன்னு டெய்லி ஒரு மணிநேரம் ஒதுக்க வேண்டியிருக்குது...//

அதே அதே :-)

guna said...

இன்று ஹிந்து கடவுள்களை வைத்து கேவலமாக எழுதலாமா!
அனானி சொன்னது போல தைரியமிருந்தால் அல்லாவைப் பற்றியோ, ஏசுவை கெலி செய்தோ எழுதுங்களேன். ஊருக்கு இளைச்சவன் எப்பவும் இந்துதானா!

உங்கள் விஷமத்தை வன்மையாக கண்டிக்கிறேன்.

rk said...

I agree with Krishna Bhagavathar. IV, you have no shame. How about reprinting the Mohammed Danish cartoons? Do you have the guts?

வீரராகவன் said...

நல்ல நகைச்சுவை. இதற்கு மதச் சாயம் பூசுவதை வன்மையாக கண்டிக்கிறேன். புராண படங்களையும் இந்த அம்மன், அந்த அம்மன் என்று கிராபிக்ஸ் சினிமா எடுக்கிறேன் பேர்வழி என்று தெய்வங்களை படாதபடுத்தும் சினிமாக்காரர்களை விட இந்த பதிவில் அநாகரிகம்/ கேவலம் எதுவும் எனக்கு புலப்படவில்லை. கமலஹாசன், ஹுசேன், சல்மான் ருஷ்டி போன்றோர் செய்த தவறு வேறு வகை. கமல் ஒரு சமயம் சொன்னது போல் அவர் வீட்டு படுக்கையறையை சன்னலிருந்து எட்டி பார்க்காதீங்கன்னு சொல்வார். ஆனால் அவர் எழுதிய பாடல் அப்படி இல்லை என்பதுதான் வருந்தக்கூடிய கண்டிக்க கூடிய தவறு.
ஹுசேன், ருஷ்டி தெரிந்தே தவறு செய்துவிட்டு கலைக் கண்னோடு பார்க்க வேண்டும் என்று சொல்வார்கள்.
இந்த நாடகத்தில் இன்னும் கொஞ்சம் திருத்தி எழுதியிருக்கலாம். இமயமலை டெல்லிக்கு அப்பால் காஷ்மீர் பக்கத்தில் இருக்கிறது என்று ஞாபகம். இலங்கை ராவணன் சிவ பக்தனாம். சரி, சரி கதை, கவிதை நாடகம் அடுத்தது என்ன?

Roaming Raman said...

//“இந்தா டிவி.. இந்தா பாய்.. இந்தா அடுப்பு.. இந்தா செருப்பு” கூறிக் கொண்டே துரத்துகிறார்)
--முற்றும்//
அப்பாடா, முற்றும் னு சொல்லிட்டாரு! ஆனால் இந்த இலவசங்கள் முடியும் என்று அர்த்தமா அல்லது இங்கே பிடித்திருக்கும் பைத்தியம் முற்றுமா?

//இந்த பதிவு விமர்சனமாக இல்லாமல், ஹிந்து கடவுள்களை கேவலபடுத்தும் நோக்குடன் இருக்கிறது.... மிகவும் வருத்தம் //

அப்படி ஒன்றும் இல்லையே!! இது ஆண்டவனுக்கே அடுக்கவில்லை என்று எடுத்துக்கொள்ளுங்களேன்!!

Anonymous said...

thoo....thoo...thooo


murali

ரிஷபன்Meena said...

//இந்த பதிவு விமர்சனமாக இல்லாமல், ஹிந்து கடவுள்களை கேவலபடுத்தும் நோக்குடன் இருக்கிறது.... மிகவும் வருத்தம் //

இந்துக்கள் இவ்வளவு சென்சிட்டிவாக மாற வேண்டிய அவசியம் என்ன ?

கண்ணனை காதலனாக, சேவகனாக எல்லாம் உருவகப் படுத்தி பாரதியார் பாடியது போன்ற ஆரோக்யமான சுதந்திரம்.

இப்படி தான் இருக்கனும் இது இது தான் பேசனும் என்ற கட்டுப்பாடுகள் இல்லாததே அதன் தனித் தன்மை.

//இதை ப்ரசுரம் பண்ண இ.வ வின் தரம் ரொம்ப தாழ்ந்துவிட்டது//

இந்தக் கூற்றில் கொஞ்சம் உண்மை இருக்கிறது. இந்தப் பதிவைக் கொஞ்சம் எடிட்டி இருக்கலாம்.

அநங்கன்:
நீங்கள் எடுத்துக் கொண்ட சப்ஜெக்ட் ஓகே. ஆனால் அளவே தெரியாமல் எழுதித் தள்ளி விட்டீர்கள். முதலில் எழுதிய டிராப்ட்-ஐ மூன்றில் ஒன்றாக குறைக்க முடிகிறதா பாருங்கள் என்பார் மறைந்த எழுத்தாளர் சுஜாதா.

Anonymous said...

ஐயா இட்லிவடை இத்தோட நிப்பாட்டிக்கோங்க..புதுமையா செய்றேன்னு சொல்லி வர வர ரொம்ப மொக்கையா இருக்குது...

solan said...

\\ நல்ல நகைச்சுவை. இதற்கு மதச் சாயம் பூசுவதை வன்மையாக கண்டிக்கிறேன்.\\

திரு வீரராகவன் அவர்களே, இதில் எங்கு மதச்சாயம் உள்ளது. ஹிந்துக்கள் தெய்வ திரு உருவங்களை தாய் தந்தையராக வணங்க குடியவர்கள். நாங்கள் எங்கள் கடவுளை கேவலபடுத்தும் அனைவரையும் கண்டிக்கிறோம். நீங்கள் சொல்வது பார்த்தல், அவன் 100000 கோடி கொள்ளை அடிக்கிறான், இவன் 100 கோடி தானே கொள்ளை அடிக்கிறான் தவறில்லை என்பது போல உள்ளது. ஒரு பேசுக்கு உங்கள் நெருக்கமான ஒருவரை பற்றி நான் நகைச்சுவை செய்தல் ஒத்து கொள்விர்களா? விமர்சனம் செயயும் பொழுது குட நாகரிகம் காட்டுபவர்கள் ஹிந்துக்கள். ஹிந்துக்களின் பொறுமையை சோதிப்பது சீண்டுபவகளுகும் நல்லது அல்ல... ஹ்ம்ம்...

கடவுளே தயவு செய்து இது போன்ற மக்களை பாகிஸ்தான் என்ற ஒரு நாடு எதிர் காலத்தில் இருந்தால் அங்கு படைத்தது விடுங்கள். அப்பொழுது தான் இவர்களுக்கு ஹிந்துக்களின் மேன்மை புரியும்.

Anonymous said...

I AM REALLY SURPRISED.SLOWLY WE ARE LOSING OUR SENSE OF HUMOUR AND BECOMING EXTRA SENSITIVE WHEN IT CONCERNS OUR GODS. IN THAT CASE EVEN SARASWATHI SABATHAM WHICH PICTURES OUR GODDESSES QUARALLING HAS TO BE CRTICISED.
THERE ARE LOT OF CHRISTIAN NOVELS WHICH QUESTION JESUS.THERE ARE FAMOUS NOVELS WHICH TALK OF POPES AND ISSUES OF CHRIST.
ONLY ISLAM PUTS A BAN ON DISCUSSING THEIR GOD. IN ISLAM THERE CAN NOT BE A NON BELIEVER.

IN CHRISTIANITY AND HINDUISM, ONE CAN QUESTION GOD. BERTRAND RUSSEL WROTE THE CELEBRATED ESSAY WHY HE IS NOT A CHRISTIAN IN THAT HE QUESTIONS THE PREECHINGS OF CHRIST.

WE ALL KEEP SILENT FOR OUR GODS TO BE PICTURED EVERYWHERE INCLUDING MARRIAGE INVITATIONS AND CARRY BAGS. THESE BAGS WITH GOD'S PICTURES ARE USED TO CARRY EVERYTHING FROM VEGETABLES TO SANITARY NAPKINS. WE HAVE TO DO SOMETHING ABOUT IT. LET US NOT DEMEAN OUR GOD'S BY PUTTING THRIE PICTURES EVERY WHERE. YOU HAVE LAKSHMI VEDI'S WHERE YOU BURST THE IMAGE OF LAKSHMI. LET US PUT AN END TO ALL THIS. LET OUR GODS BE IN TEMPLES.

LET US NOT BRING IN ISLAM OR CHRISTIANITY. A STAUNCH HINDU WILL ALWAYS RESPECT OTHER RELIGIONS. LET US ALL JOIN TOGETHER TO KEEP OUT GODS WHERE THEY SHOULD BE AND START A MOVEMENT AGAINST DISPLAYING OUR GODS EVERY WHERE.

ananth said...

bad article

ananth said...

should be removed

Anonymous said...

Worst. Should be removed

krishna said...

hahahaa,
Good Drama.... I like the way you serve us "Idly Vadai".
Wishes....

Anonymous said...

Very bad taste.

We have watched stupid movies and songs like " Jambulingame jatadhara" and that stupid scene where a certain super star plays Lord Siva.

Enough of this Himalayan stupidity-we are just lying down flat and asking /begging people to spit on us.

If wrongs like this have been allowed since long that doesnt make it right.
Wake up.
Saravanan

Anonymous said...

அட கடவுளே... வெறும் நகைச்சுவையாக ஒரு ட்ராமா எழுதினால் அதற்கு இத்தனை எதிர்ப்பா, வசையா? கடவுள் என்ற குறியீட்டின் மூலமாக யாரைப் பற்றிச் சொல்லப்பட்டிருக்கிறது என்பதைக் கூடவா புரிந்து கொள்ள முடியவில்லை?

வழிபாடு செய்ய, காதலிக்க, மன முருகி வேண்ட கடவுளிடம் உரிமை இருப்பது போல் சற்றே கிண்டல் செய்யவும் உரிமை இல்லையா என்ன?

இதில் மற்ற (கட்டுபெட்டி) மதங்களை ஏன் இழுக்க வேண்டும். வாழ்த்தவும், வ்சை பாடவும், வணங்கவும் என் மதம் அளித்திருக்கும் சுதந்திரத்தை அவர்கள் இதன் மூலமாவது புரிந்து கொள்ளட்டுமே!

ரிஷபன் சார், நான் அதை பகுதி பகுதியாகத்தான் (காட்சி1, 2 என்று) எழுதியிருந்தேன். அனைத்தும் சேர்ந்து ஒன்றாக இட்லிவடையில் வந்து விட்டது. அதற்கே இந்தக் கூத்து...

காளமேகமோ, புதுமைப்பித்தனோ, ஜெயமோகனோ செய்யாத கிண்டலை ஒன்றும் நான் செய்யவில்லையே.., என்ன அவர்கள் எல்லாம் பிரபலம். இந்த அநங்கன் இந்த ஊருக்கே புதுசு. சிவனால் எரிக்கப்பட்டு உருவம் வேறு இல்லாமல் திரிபவன். அவ்ளோதான்.

என்னத்த சொல்றது, நம்மவர்களுக்கு நகைச்சுவை உணர்வு கம்மி என்பது இதன் மூலம் தெரிய வருகிறது. வசை பாடியவர்களுக்கு என் நன்றிகள். குறிப்பாக, ‘நாய்’ என்று குறிப்பிட்டு அநங்கனை பைரவ அம்சமாகப் பாவித்து, சீக்கிரமே பரலோக ப்ராப்திரஸ்து என்று ஆசிர்வதித்த அநாநிக்கு சிறப்பு நன்றி

அநேக கோடி ஸ்தோத்திரங்களுடன்
அநங்கன்

Anonymous said...

http://www.youtube.com/watch?v=ugEGOih0JZk

Anonymous said...

அநங்கன்
தவறுகளை எப்படி வேண்டுமானாலும் நீர் நியாயப்படுத்த முயற்சிக்கலாம். நீர் செய்தது தவற்தான். இந்துக் கடவுளை பற்றிய உமது அறிவு அரை வேக்காட்டுத்தனம் என்பதை நாரதரின் கையில் இருப்பது ‘கர்லாக் கட்டை’ என்று எழுதியிருப்பதிலிருந்தே தெரிகிறது. அது சிப்ளாக் கட்டை Mr. ஞான சூன்யமே! கடவுள் நம்பிக்கை உள்ளவர்களின் மனம் நோக எழுதிய உம்மை அந்த கர்லாக் கட்டையாலேயே ரெண்டு போட்டாத்தான் உம்ம பித்தம் தெளியும்!!

Anonymous said...

Dear IV

We are extremely pained at your and anangan's arrogance in justifying your abusive writing about Hindu gods. We have taken a serious view of this and registered a complaint with google to delete your blogspot. Google policy clearly says" While Blogger values and safeguards political and social commentary, material that promotes hatred toward groups based on race or ethnic origin, religion, disability, gender, age, veteran status, or sexual orientation/gender identity is not allowed on Blogger."

If you fail to apologize and remove the anangan's post, we are even ready to file a legal case and ensure justice is done.

Anonymous said...

நண்பர்களே

யாரையும் புண்படுத்தும் நோக்கம் எனக்கோ இவக்கோ இல்லை. இந்த விஷயத்தினால் ஆன்மீகவாதிகள் மனம் புண்பட்டிருக்குமானால் அதற்காக நான் மனம் வருந்துகிறேன். இந்த எதிர்ப்பு, இனிமேலாவாது இந்துக்களை, மதங்களை கிண்டல் செய்வோரிடம் ஒற்றுமையையும், ஒருங்கிணைப்பையும் ஏற்படுத்தட்டும்.

வருத்தத்துடன்
அநங்கன்

Anonymous said...

நண்பர்களே

யாரையும் புண்படுத்தும் நோக்கம் எனக்கோ இவக்கோ இல்லை. இந்த விஷயத்தினால் ஆன்மீகவாதிகள் மனம் புண்பட்டிருக்குமானால் அதற்காக நான் மனம் வருந்துகிறேன். இந்த எதிர்ப்பு, இனிமேலாவாது இந்துக்களை, மதங்களை கிண்டல் செய்வோரிடம் ஒற்றுமையையும், ஒருங்கிணைப்பையும் ஏற்படுத்தட்டும்.

வருத்தத்துடன்
அநங்கன்

Anonymous said...

நண்பர்களே

யாரையும் புண்படுத்தும் நோக்கம் எனக்கோ இவக்கோ இல்லை. இந்த விஷயத்தினால் ஆன்மீகவாதிகள் மனம் புண்பட்டிருக்குமானால் அதற்காக நான் மனம் வருந்துகிறேன். இந்த எதிர்ப்பு, இனிமேலாவாது இந்துக்களை, மதங்களை கிண்டல் செய்வோரிடம் ஒற்றுமையையும், ஒருங்கிணைப்பையும் ஏற்படுத்தட்டும்.

வருத்தத்துடன்
அநங்கன்

Anonymous said...

Funny, two of my comments were displayed earlier -now they are missing.
Now I understand:-)that I must have hit a sore spot.
Saravanan

Anonymous said...

Idlivadai
You removed aother blog within 20 minutes of a reaction.We are not MLA's.n
We understand. Our feelings matter like dust to you.
The faith of People who just mind their business can be trampled upon and spit upon.
With friends like you do we need enemies?
Saravanan