பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Sunday, February 13, 2011

சன்டேனா இரண்டு (13-02-11 ) செய்திவிமர்சனம்

இந்த வார செய்திகளில் ...'சினிமாத்துறை'சாமி மற்றும் சு.சாமி.


செய்தி # 1

தெருக்கூத்து, தோற்பாவைக் கூத்து, பொம்மலாட்டம், பகல்வேடம், இலாவணி, உடுக்கைப் பாட்டு, சேவையாட்டம், ஒயிலாட்டம்,கணியான் கூத்து, வில்லுப் பாட்டு போன்றவை கதை தொடர்புடைய கலைகள்

கரகாட்டம், காவடியாட்டம், பொய்க்கால் குதிரையாட்டம்,தேவராட்டம், கோலாட்டம், மயிலாட்டம், காளையாட்டம்,குறவன் குறத்தி ஆட்டம், கைச்சிலம்பாட்டம், சக்கையாட்டம், மரக்காலாட்டம், தப்பாட்டம், புலியாட்டம் . போன்றவை கதை தொடர்பு அற்ற கலைகள்.

இக்கலைகள் யாவும் இன்று அழிந்து விட்டன. கரகாட்டம் மட்டும் அங்கொன்றும் இங்கொன்றுமாக இருக்கிறது. கடலூர் மற்றும் சிதம்பரம் சுற்றுவட்டார பகுதிகளில் சிறுவயதில் நான் பார்த்த தோல்பாவை என்ற கலையை இப்போது அதே பகுதிகளில் தோல்பாவை என்றால் என்ன என்று கேட்கிறார்கள்.

கிராமத்து கலைஞர்கள் தங்களின் வாரிசுகள் கூலி அல்லது விவசாயவேலைக்கு சென்று விட்டதாகவும், தங்களோடு இக்கலைகள் முடிந்துவிடும் என்றும் வேதனையோடு சொன்னதை ஒரு நிகழ்ச்சியில் பார்த்தேன்.

எதற்கெடுத்தாலும், தமிழ், மொழி, பண்பாடு என்று முழங்கும் கருணாநிதி, நாட்டுபுற கலைஞர்களுக்கு, நாட்டுபுற கலைகளின் மறுவாழ்வுக்கு என்ன செய்தார்?? நாட்டுபுற நலவாரியம் என்று ஒன்றுக்கும் உதவாத அமைப்பு ஒன்று குப்பை கொட்டிக்கொண்டு இருக்கிறது.

இதைபோன்று தேவாரம்,திருவாசகம் பாடி திருக்கோவில்களில் தமிழை பரப்பும் ஓதுவார்களின் சம்பளம் எவ்வளவு தெரியுமா? வெறும் நானூறு ருபாய்.

விவசாயம்,பொதுப்பணித்துறை உட்பட இன்னும் எத்தனையோ துறைகளில் கவனம் செலுத்தவேண்டியது இருக்க, முதல்வர் பொறுப்பில் இருக்கும் கருணாநிதி சினிமாதுறையினருக்கு மட்டும் சலுகைகளை அள்ளி அள்ளி வழங்கும் அநியாயத்தை தொடர்ந்து கொண்டுவருகிறார்.

சினிமாகாரர்களுக்கு சலுகைகள் காட்டினால், பாராட்டு விழா நடத்துவார்கள். குறிப்பாக தேர்தல் சமயத்தில் பிரச்சாரத்துக்கு உதவுவார்கள் என்கிற மிகவும் குறுகிய, சுயநல நோக்கத்தோடு மக்கள் பணத்தை அவர்களுக்கு வாரி வழங்குகிறார் கருணாநிதி.

சென்னை பையனூரில், திரைத்துறையினர் வீடுகளை கட்டிகொடுக்க 492 கோடி ருபாய் கடனும், சுமார் 90 ஏக்கர் அரசின் நிலத்தையும் ஒதுக்கி உள்ளார் கருணாநிதி.இதர செலவுகள் உட்பட மொத்தம் ரூ.674 கோடியே 84 லட்சத்து 68 ஆயிரம் மதிப்பீட்டில் 10 ஆயிரத்து 323 குடியிருப்புகளை கட்ட திட்டமிடப்பட்டு உள்ளது தமிழக அரசு.

தமிழ் திரைப்பட தொழிலாளர்கள், திரைப்பட தயாரிப்பாளர்கள், சின்னத்திரை கலைஞர்கள் மற்றும் நடிகர், நடிகைகள் ஆகியோருக்கு இதனால் வீடுகள் கிடைக்கும்.இந்த கடன் தொகையை கொண்டு சினிமாவில் முதலீடு செய்யும் தயாரிப்பாளர்களுக்கு எதற்கு வீடு கட்டி தரவேண்டும் என்றும் புரியவில்லை.

இந்த நகருக்கு பெயர் என்ன தெரியுமா? வேறு என்ன "கலைஞர் நகர்"

சினிமா மற்றும் சின்னத்திரை தொழிலில் எண்ணற்ற தொழிலாளர்கள் வறுமைகோட்டிற்கு கீழே இருப்பதையும், அவர்களுக்கு உதவிகள் செய்திடவேண்டும் என்பதையும் நான் ஒப்புக்கொள்கிறேன்.

ஆனால், இதே சினிமாவில்தான் ஆசியாவிலேயே அதிக சம்பளம் வாங்கும் நடிகர் ரஜினிகாந்த் இருக்கிறார். எத்தனை கோடி வேண்டுமானாலும் முதலீடு செய்யக்கூடிய சன் பிக்சர்ஸ் நிறுவனம் இருக்கிறது. ஆஸ்கார் பிலிம்ஸ் இருக்கிறது. கருணாநிதியின் கோடிஸ்வர பேரன்கள் உதயநிதி ஸ்டாலின்,தயாநிதி அழகிரி போன்ற தயாரிப்பாளர்கள் இருக்கிறார்கள். மேலும், சம்பளமாக கோடியை நெருங்கிய கமல்,ஏ.ஆர்.ரகுமான், ஷங்கர் இன்னும் பலர் இருக்கிறார்கள்.

இவர்கள் மனது வைத்தால் சினிமாத்துறையினரின் தேவைகளை நிறைவேற்றலாம்தானே?

அதை விடுத்து, கட்டிடம் கட்டுவது முதல் கக்கூசுக்கு கதவு போடுவது வரை சினிமாக்காரர்கள் கருணாநிதியிடம் போய் நிற்பதும், அவரும் சிரித்துகொண்டே அதை நிறைவேற்றுவதும், அதன்பின்னர் பல லட்சம் செலவில் நடிகைகள் குத்தாட்டதொடு பாராட்டு விழா நடத்துவதும்....சகிக்க முடியவில்லை.

இது கடன் தொகைதான் என்றாலும், அதை சினிமாத்துறைக்கு வழங்கியது போல, ஏன் நாட்டுபுற நல வாரியத்திற்கு,நாட்டுபுற கலைகளின் மேம்பாட்டிற்கு இது போன்ற கடன் மற்றும் சலுகைகளை கருணாநிதி வழங்கவில்லை?

சினிமாத்துறை ஆதரவு தேர்தலுக்கு பெரிதும் பயன்படும். ஆனால், ஏழை நாட்டுபுற கலைஞர்களுக்கு சலுகை செய்தால் கட்சிக்கு என்ன பலன் என்பதே ஆள்பவர்களின் உள்நோக்கமாக இருக்கிறது. அது, கருணாநிதியாக இருந்தாலும் சரி. ஜெயலலிதாவாக இருந்தாலும் சரி

சுமார் 700 கோடிகள் வரை இந்த வீடு கட்டும் திட்டத்திற்கு அரசு ஒதுக்கி இருக்கிறது.

ரஜினி,கமல்,விஜய்,அஜித்,விஜயகாந்த்,சூர்யா,சரத்குமார்,விக்ரம் போன்ற முன்னணி நடிகர்கள்,த்ரிஷா,அசின்,அனுஷ்கா போன்ற முன்னணி நடிகைகள் அனைவரும் ஒரு படம் மட்டும் சம்பளம் வாங்காமல் நடித்து கொடுத்தால் போதும். இவர்களுடன் ஏ.ஆர்.ரகுமான் போன்ற இசை அமைப்பாளர்களும், சன் போன்ற மற்ற பெரிய தயாரிப்பாளர்களும் இணைந்து இத்திட்டத்தின் பாதி தொகையை ஏற்கலாம் அல்லது ஒரு குறிப்பிட்ட தொகையை நிச்சியமாக தரலாம். நாட்டுபுற கலைஞர்கள் மற்றும் கிராமிய கலைகள் மறுவாழ்வு போன்ற வேறு சில நல்ல திட்டங்களுக்கு இந்த தொகையை திசை திருப்பலாம்.

கோடிக்கணக்கில் சம்பளம் வாங்கும் சினிமாக்காரர்களை நம் தமிழ்நாட்டுக்கு எதாவது செய்யுங்கள் என்று கேட்கவில்லை. அவர்கள் சார்ந்த சினிமாத்துறைக்கு ஏன் எந்த நல்ல காரியமும் செய்ய முன்வரவில்லை என்றுதான் கேட்கிறேன்.

நடிகர் சங்கம், தயாரிப்பாளர்கள் சங்கம், இயக்குனர் சங்கம் போன்ற நல்ல வருமானம் உள்ள சங்கங்கள், லைட் பாய் சங்கம், சினிமா தையர் கலைஞர்கள் சங்கம் உட்பட வருமானம் குறைந்தவர்கள் உள்ள சங்கங்களுக்கு பொறுப்பு ஏற்கலாம்.

சினிமாதுறையை பொறுத்தவரை, நான் பார்த்த ஒரே நல்ல விஷயம்...யாராவது ஒருவர் நல்ல காரியம் செய்ய முன்வந்தால் போதும். கவுரவம் கருதியாவது மற்றவர்களும் அதில் இணைந்து விடுவார்கள்.

அத்தியாவசிய பொருட்களுக்கு திண்டாட்டம் உள்ள இன்றைய பொருளாதார சூழலில்,

திரைதுறையினருக்கான கருணாநிதியின் வீடு வசதி திட்டத்தில், அரசு செலவீனங்களை குறைக்க, மக்கள் பணம் விரயமாகாமல் தடுக்க, அந்த சினிமாத்துறையில் ஒரு படத்துக்கு பெரிய அளவில் சம்பளம் வாங்கும் யாராவது ஒருவராவது, தனது சொந்த பணத்தில் இருந்து நிதி வழங்க முன்வருவாரா???

செய்தி # 2

"யார் ஊழல் செய்தாலும் நான் வெளிப்படுத்துவேன்" - இப்படி அதிரடியாக அறிவித்து இருக்கிறார் ஜனதா கட்சி(?) தலைவர் சுப்ரமணிய சாமி.

தமிழக அரசியலின் கோமாளி என்றும், இவர் ஒரு சிஐஏ ஏஜென்ட் என்றும் விமர்சிக்கபட்டவர் அல்லது விமர்சிக்கபடுபவர் சு.சாமி.

இருந்தாலும், சில விஷயங்களில் இவர் செய்யும் காரியங்கள், அறிக்கைகள் மற்றும் தொடரும் வழக்குகள் மிகவும் நியாயமானதாக தோன்றுகிறது.

கருணாநிதி, ஜெயலலிதா என இவர் பாரபட்சம் காட்டுவதில்லை என்று சொல்ல சில உதாரணங்கள் இருக்கின்றன.

ஜெயாவை பொறுத்தவரை, ப்ளசன்ட் ஸ்டே ஊழல் வெளிவந்ததில் சாமின் கைவண்ணம் இருக்கிறது. அதிமுக முதுகில் அமர்ந்து சசிகலா குடும்பத்தினர் அடித்த கொள்ளையை கடுமையாக அப்போது விமர்சித்தார் சாமி.ஜெயா பேரவையின் தலைவரும், சசிகலா உறவினரும் ஆன டி.டி.எஸ் தினகரன், பெரியகுளம் பாராளுமன்ற தேர்தலில் போட்டியிட்ட போது, தினகரன் இந்திய குடிமகனே இல்லை என்று வழக்கு தொடர்ந்தார் இவர். அச்சமயம் அதிமுக ஆட்சியில் இருந்தது. சசியின் குடும்பத்திற்கு இவர் சூட்டிய "மன்னார்குடி மாபியா" என்னும் பொருத்தமான பெயர் இன்றும் நிலைத்து நிற்கிறது.

கருணாநிதி என்று பார்த்தால், "2-ஜி அலைக்கற்றை முறைகேடு தொடர்பான தனது புகார் மிகவும் விரிவானது. இதில் தேச பாதுகாப்பு சம்பந்தப்பட்டுள்ளது. இந்தப் பிரச்னையில் சி.பி.ஐ.யின் விசாரணை சிறிய கோணத்திலேயே உள்ளது.ஸ்பெக்ட்ரம் வழக்கில் கருணாநிதியையும் எதிரியாக சேர்க்க வேண்டும்" என்று கோர்ட்டில் அறிவித்ததோடு, இது தொடர்பான மனுவையும் தாக்கல் செய்யப்போவதாக கூறினார் சாமி.

ராசா, கருணாநிதியின் குடும்பத்திற்கு மிகவும் நெருக்கமானவர்.மத்திய அமைச்சராக கருணாநிதியால் நேரடியாக தேர்வு செய்யப்பட்டவர். கருணாநிதியின் அனுமதி இல்லாமல் இத்தனை கோடிகள் கொண்ட ஒரு விவகாரத்தை அவர் கையாள வாய்ப்பே இல்லை என்பதே நிஜம்.

ஆகையால், கருணாநிதியும் ஸ்பெக்ட்ரம் தொடர்பான வழக்கில் ஒரு குற்றவாளியாக சேர்க்கப்படவேண்டும் என்ற சாமியின் கோரிக்கை மிகவும் நியாயமான ஒன்றாக இருக்கிறது. கருணாநிதி மட்டுமல்ல, சோனியா காந்தி, பிரதமர் பொறுப்பில் இருக்கும் மன்மோகன் சிங் ஆகியோரும் இவ்வழக்கில் சேர்க்கப்படவேண்டும்.

இதை தொடர்ந்து, கடும் கண்டனங்கள் சாமிக்கு திமுக தரப்பில் வந்துகொண்டே இருக்கின்றன. மேலும், சாமி மீது மானநஷ்ட வழக்கு தொடர அவர்க்கு நோட்டீஸ் அனுப்பி இருக்கிறார் கருணாநிதி.

ஸ்பெக்ட்ரம் தொடர்பாக, திமுக பொதுக்குழு அறிவித்ததை போல குற்றமே நடக்கவில்லை என்றால், கருணாநிதியின் பெயரை இவ்வழக்கில் சேர்க்கவேண்டும் என்று வாதம் செய்த சாமிக்கு ஏன் நோட்டீஸ் தரவேண்டும். தாமாகவே முன்வந்து தனது பெயரை இணைத்துக்கொள்ள வேண்டியதுதானே..

இது போதாது என்று "தமிழ்நாடு வீட்டு வசதி வாரிய திட்டத்தில், தன் அதிகாரத்தை பயன்படுத்தி முறைகேடாக உயர் அதிகாரிகளுக்கு முதல்வர் கருணாநிதி நிலம் அளித்துள்ளார். அதற்கான ஆதாரங்கள் எங்களிடம் உள்ளது. சிலர் தகவல் அறியும் உரிமை சட்டம் மூலம் எனக்கு ஆவணங்கள் கொடுத்துள்ளனர்.இது தொடர்பாக முதல்வர் கருணாநிதி மீது கோர்ட்டில் வழக்கு தொடர அனுமதி கோரி கவர்னரிடம் மனு கொடுக்க வந்தேன். ஆனால், கவர்னருக்கு உடல் நிலை சரியில்லாததால், அவரை பார்க்க அனுமதி கிடைக்கவில்லை. இருப்பினும் என் கோரிக்கை மனு ராஜ்பவன் உயர் அதிகாரிகள் முலம் கவர்னருக்கு அனுப்பி வைக்கப்பட்டுள்ளது " என்று கூறி இருக்கிறார் சு.சாமி.

. "அரசு விருப்புரிமை' என்ற பெயரில் சட்ட விதிகளை மீறி தி.மு.க., அரசு தங்களுக்கு வேண்டப்பட்டவர்களுக்கு நிலம், வீடுகளை ஒதுக்கீடு செய்துள்ளது" என்பதே சு.சாமி கூறியுள்ள குற்றச்சாட்டு. இதற்கு, சட்டசபையில். "விருப்புரிமை ஒதுக்கீட்டால் அரசுக்கு எந்த இழப்பும் இல்லை' என முதல்வர் கருணாநிதி விளக்கம் அளித்துள்ளார்.

இந்த விவகாரங்களால் வரும் தேர்தலில் முன்னிறுத்த உள்ள திமுகவின் சாதனைகள் என்ற கட்டிடமே ஆட்டம் கண்டு இருப்பதாக தெரிகிறது.

சு.சாமி - ஆட்சியில் இருப்பவர்களுக்கு ஒரு சூ.சாமி.........சூனியம் வைக்கும் சாமி. ஸ்பெக்ட்ரம் வழக்கை பொறுத்தவரை நிஜமாகவே ஒரு சூப்பர் சாமியும் கூட.

(நன்றி..இனி அடுத்தவாரம்).

-இன்பா

17 Comments:

King Viswa said...

நன்றி,

பட் வை நோ எல்லோ கமென்ட்?

கிங் விஸ்வா
தமிழ் காமிக்ஸ் உலகம் - புதிய காமிக்ஸ் கதைகளுடன்,புதிய வடிவில் தினமலர் சிறுவர்மலர்

virutcham said...

கட்டுரை சுட்டிக்காட்டும் இரண்டு விஷயங்களும் நியாயமானவை.
சினிமாத் துறையினரின் வேண்டுகோள் எதுவாதியினும் வெகு சுலபத்தில் நிறைவேறி விடுகிறது( பட வெளியீடு தவிர ). உண்மையிலேயே வறுமைக் கோட்டுக்கு கீழ் இருக்கும் சினிமா துறையினர் பயன்பெறுவர்களா என்பது சந்தேகமே.

ஜோக்கராக அடையாளப்படுதப்பட்ட சு.சுவாமி குறித்த பிம்பம் இப்போது பெருமளவில் மாறி வருகிறது . இவர் சொல்லும் விஷயங்கள் இப்போது கவனிக்கப்படுகின்றன. இது அவருக்கு வெற்றி தான். இவர் தொடுத்திருக்கும் வழக்குகள் ஏராளம். அதில் நியாயம் இருக்கத் தான் செய்கிறது.
இப்போதைக்கு நாட்டில் நிலவும் ஊழலுக்கு எதிராக நமது கருத்துக்களை பதிய வைப்பது அவசியம். அதற்காகவேனும் இவரது முயற்சிகளுக்கு ஆதரவு தெரிவிக்கும் அவசியம் மக்களுக்கு இருக்கிறது.
http://www.virutcham.com/2010/11/mrcleansinghvz…ுப்ரமணியசுவாமி/

Anonymous said...

what ever it may be DMK will win again...no doubts...

ரிஷபன்Meena said...

டி.வி.க்களால், தமிழர்களுக்கு சினிமா ஓவர் டோஸ் ஆகி விட்டது.

ஹரன் பிரசன்னா, திருமலை பின்னூட்டங்களை இன்னும் காணோமே ?

jaisankar jaganathan said...

//what ever it may be DMK will win again...no doubts.../

repeatu

வழிப்போக்கன் said...

”தூர் வாறலையோ, சாமி! தூர் வாறலையோ, சாமி” என்ற சப்தம் கேட்டிருக்கிறீர்கள் அல்லவா? முடைநாற்றம் வீசும் அரசியல் சாக்கடையை ஏதோ ஒரு சாமி சுத்தம் செய்ய முன்வந்துள்ளது பற்றி மகிழ்வோமாக!

R.Gopi said...

இன்பா...

சினிமாவும் “தல”யும் பின்னி பிணைந்த ஒரு விஷயம்...

அவர்கள் இல்லையென்றால் 6 மணி நேரம் முதுகு வலியையும் பாராமல் முதல் ரோவில் உட்கார்ந்து கண் சிமிட்டாமல் (!!) நமீதாவின் பிரம்மாண்டத்தை ரசிக்க முடியுமா? இல்லையென்றால் அளவிட முடியாத பாராட்டு விழா தான் கிடைத்து இருக்குமா?

சு.சுவாமியின் செய்கையால் “தல”ய உள்ள தூக்கி போட வாய்ப்பில்லை.. சோனியாவிடம் “தல”க்கு அம்புட்டு செல்வாக்கு...

ஏற்கனவே சு.சாமிக்கு துரைமுருகன் வாயிலாக மண்டகப்படி ஆரம்பமாகி விட்டது... கழக கண்மணிகள் சுப்ரமணிய சுவாமியின் கொடும்பாவி எரித்து விளையாட்டை துவக்கி வைத்து விட்டார்கள்...

//what ever it may be DMK will win again...no doubts..//

இதை மட்டும் நடக்காமல் நாம் செய்து விட்டால், தமிழ்நாடு உருப்பட / பிழைக்க வழி உள்ளது...

டகிள் பாட்சா said...

உலகத்தில் எந்த நாட்டிலும் சினிமாக்காரர்களை அரசாங்கம் இப்படி சீராட்டுவதில்லை. இவனும் மற்றவர்களை போல ஒரு குடிமகன் என்றுதான் கருதுகின்றன. இவர்களுக்கு பாராட்டு விழா நடத்துவதோ, பத்மஸ்ரீ பட்டம் கொடுப்பதோ, உதவி சம்பளம் கொடுப்பதோ, இலவச வீடு கட்டக் கொடுப்பதோ கிடையாது. விருதுகள் எல்லாம் க்ராமி, ஆஸ்கார் மற்றும் பல தனியார் ஸ்தாபனங்கள் கொடுப்பதே. விருது, பாராட்டு இவைகளில் எல்லாம் அரசியல் நுழைவதே காரணம்.
சம்பாதிக்கும் காலங்களில் இவர்கள் வரி கூட கட்டுவதில்லை. அமெரிக்காவில் டாக்ஸி ஓட்டுனர் கூட ‘டிப்ஸ்’ பணத்துக்கு வரி கட்டவேண்டும். இங்கே லைட் பாய் முதல் நட்சத்திரங்கள் வரை பெரும்பாலும் கணக்கில் வரா பணம் அதிகம். அது சரி நன்றாய் இருக்கும் நாளில் ‘personal finance management' ஆவது இவர்கள் சரியாய் செய்கிறார்களா! குடித்து கும்மாளம் போடுவது, பணத்தை தண்ணீராக செலவழிப்பது, மார்க்கெட் விழும் நேரம் கடன் வாங்கியாவது உருப்படியில்லா படம் எடுத்து கடனாளியாவது.. பிறகு கஷ்டப்படும் காலத்தில், கவர்மெண்ட்டிடம் கையேந்துவது, கொடுக்கவில்லை என்றால் கண்ணீர் வழிய பத்திரிக்கைகளிடம் ‘அரசி கவனிக்கவேயில்லை’ என்று பேட்டி கொடுப்பது. அரசாங்கம் ஏன் நாட்டுக்காக பாடுபட்ட, ஒழுங்காக வரி கட்டி வந்த, இ்ப்போது வறுமையில் வாடி வதங்கும் முன்னாள் ராணுவ வீரரையோ, விஞ்ஞானி, teacher, engineer, மற்று்ம் நாட்டு முன்னேற்றத்துக்கு பாடுபட்ட பல தரப்பினரை ‘ எப்படியாவது சாவு’ என்று கண்டு கொள்வதே இல்லை.இந்த கூத்தாடிகளுக்கு மட்டும் ஏன் இந்த special treatment? that too using tax payer's money?

காரணம் நாமதான். சினிமாக்காரர்களுக்கு அளவுக்கு மேல் இடம் கொடுத்து விட்டோம். சினிமா மோகம் நம்மை பிடித்து ஆட்டுகிறது. முதலில் நாம் இவர்களை வைகிற இடத்தில் வைக்க வேண்டும். கேளிக்கை நிகழ்ச்சிகளில் இவர்களை பார்த்தோம், ரஸித்தோம்.. அத்தோடு இவர்கள் வேலை முடிந்தது.. அரசியல் சம்பந்தப்பட்ட விஷயங்களில் இவை யாவையும் ஒதுக்கி வைத்துவிட்டு. யார் தகுதியானவர், யார் நன்மை செய்பவர், யார் சுயநலமில்லாமல், education, finance, sports, engineering மற்ற துறைகளில் இந்நாடு முன்னணியில் வளர உபயோகமானவ்ர். அவர் கையில் அதிகாரம் கொடுப்போம் என்று யோசித்திருப்போமா. பல வருடங்களுக்கு முன் இரா. செழியன் என்கிற மூத்த அரசியல் தலைவர் மயிலையில், MP சீட்டுக்கு நின்றார். தி.மு.க வும் காங்கிரஸும் சேர்ந்து ‘வைஜயந்தி மாலாவை’ நிறுத்தின. ‘ மேடைதோறும் தி.மு.க ‘என்க வைஜயந்தி பாரளுமன்றத்தில் ‘சாதுர்யம் பேசாதேடி.. என் சலங்கைக்கு பதி சொல்லுடி’ ந்னு அட்ட முடியும். இர.செழியன் என்ன செய்யமுடியும். இந்த ஆள் மூஞ்ச பாக்க கூட யாரும் பாக்க முடியாதே’ ந்னு ப்ரச்சாரம் செஞ்சாங்க. இத்தனைக்கும் தென் சென்னை மிக மிக படித்தவர்கள் உள்ள தொகுதி. கடைசியில் யார் வென்றார் என்பதை சொல்லவும் வேண்டுமோ! வைஜயந்திதான். ஜெயித்து பாராளுமன்றத்துக்கு போய் அவர் என்ன கிழித்தார். ஒன்றுக்கும் ப்ரயோஜனமில்லாத இந்த சினிமாக்காரர்களை ஒதுக்குவோம்! அரசியலிலிருந்து துரத்துவோம்.

டகிள் பாட்சா said...

இன்பாவின் எல்லா கருத்துகளிம் எமக்கு ஏற்புடையவை அல்ல. பழைய கிராமியக் கலைகள் அழிந்து போகின்றனவே! அவர்கள் விவசாய கூலிகளாகி விட்டனரே! அரசாங்கம் ஒன்றும் செய்யவில்லையே என்பது அறியாமை தவிற வேறொன்றுமல்ல.

சோழர் காலத்தில் கல்வெட்டு கலை செழித்தோங்கியது இப்பொது மெஷினை வத்து செய்கிறார்களே என்று கூட புலம்புவாரோ என்னவோ! அவனவன் காலத்திற்கு ஏற்ப வேலை செய்து குடும்பத்தை காப்பாற்ற வேண்டாமா! சீத்தளை சாத்தனார் காலத்தில் சிறந்தோங்கிய பனை ஒலையில் எழுதும் கலை இன்று அழிந்து போய்விட்டதே என்று இன்பா இன்று blogல் எழுதாமல் பனை ஓலையில் எழுதி புறாத்தூது விடட்டுமே! ‘பழையன கழிதலும், புதியன புகுதலும்’ உலக நியதி அல்லவா. it is a cycle. ஏறக்குறைய அழிந்தது என்று நினைத்த யோகாவும், ஆயுர் வேதமும் இப்போது commercial formல் இன்று உலகம் முழுதும் செழித்து ஓங்கவில்லையா! சிலது உருமாற்றம் பெற்று மீண்டும் ஒரு ரவுண்டு வரும். சிலது மறைந்து போகும். சும்மா புலம்பக்கூடாது.

Harish said...

சு.சுவாமியிடம் எதிர்பாக்கும் அடுத்த bouncer videos சில பார்க்க http://www.harish-sai.blogspot.com/

Anony8 said...

டகிள் பாட்சா

---------

Only in India we tend to forget and hate our own roots. Not practicing/following is okay but we don't even have supporting documents of all these old art forms.

Most developed/developing countries have given a special place to all their old traditions, arts, literature etc and preserve it for their future generations to know about it.

Anonymous said...

Tamilarkal kavarchikku thaan athika mukkiyathuvam kodupaarkal. Ellaarum nalla emaatha emaatha eemanthukitte iruppaanunga. Maathi Maathi kollai adikka vittukitte iruppanunga. Soranai illathavanunga

Anonymous said...

தேவையா இந்தச் சலுகை ?
நிறைவேற்றப்படாத மக்கள் கோரிக்கைகள் ஆயிரக்கணக்கில் இருந்தாலும், சினிமாத் துறைக்கு மட்டும், கேட்காமலேயே சலுகைகளை வாரி வழங்கும் வள்ளலாக முதல்வர் கருணாநிதி இருக்கிறார். அவர்கள் கேட்காமலேயே ‘தமிழில் பெயர் வைத்தால் வரிச் சலுகை’ என்று அறிவித்து, மக்களுக்கு வர வேண்டிய பல சலுகைகளுக்குக் கல்லறை கட்டினார் கருணாநிதி. தற்போது, தடாலடியாக ‘கடந்த நான்கு வருடங்களாக பட்ஜெட் படம் எடுத்து நஷ்டமடைந்தவர்களுக்கு, தலா 10 லட்ச ரூபாய் மான்யம் வழங்கப்படும்’ என்று அறிவித்துள்ளார் இதே வள்ளல் பெருமகனார்.


இது எவ்வளவு பெரிய பேத்தல் என்பது, விஷயம் அறிந்தோருக்குப் புரியும். இன்னும் சொல்லப்போனால், இது ஒரு பச்சையான மக்கள் விரோத செயல். கருணாநிதிக்கு சினிமாக்காரர்கள் மேல் பாசம் இருக்குமானால், தனது கோபாலபுரம் வீட்டைத் தானம் கொடுத்த மாதிரி, அண்ணா அறிவாலயத்தையோ, சி.ஐ.டி. காலனி வீட்டையோ, ‘இருவர் உள்ளம்’ படத்துக்கு வசனம் எழுதி, வாங்கிப் போட்ட நிலத்தையோ நஷ்டம் அடைந்த சினிமா தயாரிப்பாளருக்குத் தானமாக கொடுக்கலாம். இதை விட்டுவிட்டு, ஒவ்வொரு தமிழனும் வியர்வை சிந்தி சம்பாதித்த காசை விற்பனை வரி, வீட்டு வரி, கழுதை வரி, குதிரை வரி என்று செலுத்தும் நிலையில், அந்தக் காசை, தனக்கு ஒரு பாராட்டு விழா நடக்க வேண்டும் என்பதற்காக, சினிமாவில் நஷ்டமானவர்களுக்கு கருணாநிதி தூக்கிக் கொடுப்பது எந்த விதத்திலும் நியாயம் இல்லை.

2006-ஆம் ஆண்டு பதவிக்கு வந்ததும், சினிமாக்காரர்கள் பாராட்ட வேண்டும் என்பதற்காக, நஷ்டம் அடைந்த தயாரிப்பாளர்களுக்கு, 7 லட்சம் ரூபாய் மான்யம் அறிவித்தார் கருணாநிதி. அப்போது ‘அந்த மான்யத்தைப் பெற்ற தயாரிப்பாளர்களுக்கு, 5 லட்சம் ரூபாய்தான் போய்ச் சேர்ந்தது. இரண்டு லட்சம் ரூபாயை, பரிந்துரை செய்தவர்கள் கமிஷனாக எடுத்துக் கொண்டார்கள்’ என்று முணுமுணுப்புகள் கிளம்பின.

அப்புறம், 2007 முதல் 2010 வரை தமிழக அரசு எந்த மான்யத்தையும் வழங்கவில்லை. இந்தக் காலகட்டத்தில், நஷ்டம் அடைந்த தயாரிப்பாளர்கள் மான்யம் கேட்டு ஊர்வலமோ, போராட்டமோ நடத்தவில்லை. அவர்களுக்குத் தெரியும் – ‘நாம படம் எடுத்து நஷ்டப்பட்டால், பாவம் அரசாங்கம் என்ன செய்யும்?’ என்று. அதோடு ‘நம்ம படம் சூப்பர் ஹிட்டாகி, கோடி கோடியாகப் பணம் கொட்டினால், நாம லாபத்தில் அரசாங்கத்துக்குப் பங்கா கொடுக்கப் போறோம்?’ என்ற நியாயமும் அவர்களுக்குத் தெரியும். சினிமா தயாரிப்பு என்பது ஒரு சூதாட்டம் போலத்தான் என்பது தெரிந்தேதான் அவர்கள் படமெடுக்க வருகிறார்கள்.

ஆக, அவர்கள் மான்யம் கேட்கவில்லை. ஓரிரு சங்கங்களின் நிர்வாகிகள் போய் முதல்வரிடம் கேட்கிறார்கள். ஏனென்றால், அதில் ஒரு சிலருக்குப் படங்களைப் பரிந்துரை செய்யும் வாய்ப்பு அமையும். இதில் ஒரு சிலருக்கு கமிஷனாகப் பல லட்சங்கள் வந்து விழும். இதற்காக மக்கள் வரிப் பணம் சூறை விடப்படுகிறது. நான்கு வருடங்களுக்கும் தனித் தனியாகப் படங்களின் பட்டியல் தேர்வு செய்யப்பட்டு, ஒவ்வொரு படத்துக்கும் தலா 10 லட்ச ரூபாயை அள்ளிக் கொடுக்க இருக்கிறது தமிழக அரசு.

இது எவ்வளவு பெரிய அநியாயம்? எங்கள் வீட்டுக்குப் பக்கத்தில் ஆதரவில்லாத ஒரு வயசான ஆயா வடை சுட்டு விற்கிறது. எத்தனையோ நாட்கள் வடை விற்காமல், மிஞ்சிப் போய், நஷ்டம் அடைந்து மனதிற்குள் அழுகிறது அந்த ஆயா. ஓடி வந்து மான்யம் கொடுத்தாரா இந்தக் கருணாநிதி? மளிகைக் கடைகள், துணிக் கடைகள்... என்று, எத்தனையோ புதிய தொழில்களை ஆரம்பித்து எத்தனையோ வியாபாரிகள் நஷ்டம் அடைகிறார்கள். அவர்களுக்கெல்லாம் மான்யம் தருமா இந்த அரசு? குதிரை பந்தயம், சீட்டாட்டம் என்று தினசரி எத்தனையோ பேர் நஷ்டம் அடைகிறார்கள். பாவம், அவர்களுக்கெல்லாம் இந்த அரசு மான்யம் வழங்க முன்வருமா?

ஒரு துறையின் மூலமாக அரசுக்கு நூற்றுக்கணக்கான கோடி ரூபாய் வருமானம் வருகிறது என்கிற நிலையில், ஒரு சில கோடி ரூபாயை அந்தத் துறைக்கே சலுகையாக வழங்குவது வேண்டுமானால் ஓரளவு ஏற்கக் கூடிய விஷயமாக இருக்கலாம். முன்னர் அந்தத் தகுதி சினிமாத் துறைக்கும் இருந்தது. ஆனால், தற்போது ‘வ’, ‘கோ’ என்றெல்லாம் தூய தமிழிலும், ‘வாடா போடா’ என்று செல்லத் தமிழிலும் பெயர் வைத்துக் கொண்டு, பைசா காசு கூட வரி செலுத்தாமல், படங்களை ஓட்டுகிறார்கள் தமிழ் சினிமாக்காரர்கள். அவர்களுக்கு வரிச் சலுகை கொடுப்பது போதாது என்று, மக்கள் வரிப் பணத்தையும் எடுத்து மான்யமாகக் கொடுப்பது எந்த விதத்திலும் நியாயமாக இருக்க முடியாது. யாராவது புண்ணியவான்கள் இந்தச் சலுகையை எதிர்த்துப் பொதுநல வழக்குப் போடலாம்.
நன்றி:துக்ளக்

kothandapani said...

Su Swamy gets undue importance because of the mediahype.What is the fate of scams exposed by him during ADMK regime.The same thing will happen to 2G scam. People like him anf party like PMK are political brokers and should be washed of indian politics as early as possible.
This will never happen as long as hype crazy channels and power crazy parties exist.

vshe said...

My vote is for any government who has the dare to close all the TASMAC in TN. Why?

India is the diabetic capital of the world.
TN consumes rice as staple food. Rice has high glycemic index compared to wheat.
Media is creating an impression that drinking is an ok habit and it is the only outlet for fun in a social setting.

The habit of drinks is spoiling the livelihood, health of families. Especially the poor, with the least margin of recovery in case of an illness related expenditure, drinking is best avoided.

If the Government cares for its people, closing TASMAC is certainly
wanted.

MK a cacophonist cares only to accumulate nidhi for the next generations of his family,by all means.

Its time to boot him out of power.


The cost of more than any other state.

vshe said...

My vote is for any government who has the dare to close all the TASMAC in TN. Why?

India is the diabetic capital of the world.
TN consumes rice as staple food. Rice has high glycemic index compared to wheat.
Media is creating an impression that drinking is an ok habit and it is the only outlet for fun in a social setting.

The habit of drinks is spoiling the livelihood, health of families. Especially the poor, with the least margin of recovery in case of an illness related expenditure, drinking is best avoided.

If the Government cares for its people, closing TASMAC is certainly
wanted.

MK a cacophonist cares only to accumulate nidhi for the next generations of his family,by all means.

Its time to boot him out of power.


The cost of more than any other state.

Sundar B said...

super saami