பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Wednesday, June 02, 2010

மைடியர் பாடிகாட் முனீஸ்வரனே! - 6-2-2010

வணக்கம் முனி.

உங்க கடிதம் கிடைத்தது. கொஞ்சம் பிசி. அதுக்குள்ள, போன கடிதத்துக்கு ஏன் பதில் போடலை? என்னிடம் மன்னிப்பு கேள் என்று இன்னொரு கடிதம். என்ன இது சின்னப்புள்ளைத்தனமா? நான் எதற்கு மன்னிப்புக் கேட்க வேண்டும்? இல்லை ஏதாவது டிவி கேமராதான் என் முன்னாடி இருக்கா நான் மன்னிப்புக் கேட்க? மன்னிப்பு கேள் என்பது ஏசு நாதர் டெக்னிக். ஆனால் ஃபாலோ செய்வது புத்தரை அப்பறம் எப்படி நான் எதற்கு மன்னிப்புக் கேட்க முடியும் ?

டிவி கேமராவைப் பார்த்தவுடன் மன்னிப்புக் கேட்க விரும்புகிறவர்களுக்கு ஒரு அட்வைஸ். வீரபாண்டிய கட்ட பொம்மன் படத்தில் சிவாஜி மன்னிப்புக் கேட்க மாட்டேன் என்று ஒரு வசனம் பேசுவார். டிவி கேமரா பார்த்தவுடன் அலர்ஜியாகும் எழுத்தாளர்கள் எல்லாம் பேசாமல் இந்த வசனத்தை டப்பா அடித்து ஒப்பித்துவிடலாம். வீர வசனங்களை ரெண்டு நாள் கழித்து எழுதி, கூடவே மற்றவர்களையும் வேண்டி விளம்பரப்படுத்தச் சொல்லி, ஊரு சிரிப்பா சிரிக்கறதை விட கட்டபொம்மன் வசனத்தை டிவில பேசிடறது எவ்வளவோ பெட்டெர். ( அப்படி வசனம் பேசும் போது, வீரப்பாண்டிய கட்டபொம்மன் காஸ்டியும் போடுங்க அப்பறம் யாரும் உங்களை சிகப்பு டி-ஷர்ட் போடாதீங்க என்று சொல்ல மாட்டார்கள் )








சிரிச்சா என்ன செலவா ஆகும் என்று ஒரு பாட்டு இருக்கு. ஆனால் போன வாரம் விஜய் டிவி நீயா நானா நிகழ்ச்சி பார்த்த பிறகு ரொம்பச் சிரிச்சு எனக்கு வயத்த வலி வந்து டாக்டரிடம் போனேன். டாக்டர் கேட்டாரு, என்ன சாப்ட்டீங்க? தோசா ஆர் இட்லி? என்று. நான் டிவி பார்த்தேன் என்றதும், அப்படி என்ன பார்த்தீங்க என்றார். கொஞ்சம் விவரித்தேன். நான் சொன்ன மேட்டரை கேட்டு அவருக்கு பைல்ஸே வந்து விட்டது. நிகழ்ச்சியில் எழுத்தாளர் தனக்கும் நித்தியாவிற்கு ‘காமென்-ஆக " ஒன்று இருப்பது கண்டுபிடித்தேன் என்றார். நான் பதறிவிட்டேன். பிறகு தான் தெரிந்தது அவருக்கும் நித்தியாவிற்கு காமனாக இருந்தது புத்தராம். நிகழ்ச்சியில் வந்த நித்தியாவின் பெண் சீடர் பார்க்க பாவமாக இருந்தார். அவரும் மஞ்சள் உடையில் வந்த்திருந்தார். மஞ்சள் என்றால் நம் நினைவுக்கு வருவது வேற என்ன? புத்தர் தான்! அட அவர் சொன்னது Laughing Buddhaவை !

புத்தர் பழைய காலத்து ஆள், என்பதால் கொஞ்சம் பழைய நியூஸ் சொல்றேன். கேட்டுகங்க. "2ஜி என்பது பொது வினியோகத்தின் கீழ் வழங்கப்படும் ரேஷன் அரிசி போன்றது. 3ஜி என்பது பாசுமதி அரிசி போன்றது”. யார் ராசா இதை சொன்னது? என்று கேட்காதீர்கள். இதிலிரிந்து தெரிந்துக்கொள்ளும் உண்மை என்ன? 2ஜி, ரேஷன் அரிசி போன்று மட்டமானது. அவ்வளவு தான் மேட்டர். வாங்கியவர்கள் எப்படி அதிக விலைக்கு விற்றார்கள்? என்று நீங்க கேட்கலாம். தமிழ்நாட்டு ரேஷன் அரிசியை கேரளாவிற்கு கடத்தி விற்பதில்லையா? அது போல தான் இது.

இது கூட பரவாயில்லை, சில நாட்களுக்கு முன் ”பெரியார் பெயரைச் சொல்லிக் கொண்டு – கோவிலுக்குச் செல்வது, வாஸ்து பார்ப்பது முதலியன, பெரியாருக்குச் செய்கின்ற நன்றியாகாது” என்று கலைஞர் சொல்லியுள்ளார். அப்போ, பெரியார் பெயரைச் சொல்லிக்கொண்டு அவர் சமாதிக்கும், சிலைக்கும் மாலை போடுவது? சரி அதை விடுங்க. இதையே எவ்வளவு நாட்களுக்கு நாம பேசிகிட்டு இருக்கிறது.

நம்ம துணை முதல்வர் செய்த காரியத்தை பாருங்க. ஒரு திருமண விழாவில் மணமக்கள் நெற்றியில் திருநீறு பூசி வாழ்த்து தெரிவித்திருக்கிறார். மற்றவர்கள் நம்பிக்கையை மதித்து, ஸ்டாலினின் முதிர்ச்சியை நாம் பாராட்ட வேண்டும். அரசியல்ல இதெல்லாம் சகஜமப்பா.

நம்ம நாட்டு அரசியல்வாதிகளுக்கு பேசவா கற்றுகொடுக்க வேண்டும்? எல்லாம் அரசியல் பேச்சு. ”இந்தியர்கள் பேசும் அளவிற்கு சீனர்கள் பேசுவதில்லை; அவர்கள் செயல் வீரர்கள்” இதை சொன்னவர் ஜெய்ராம் ரமேஷ். இவர் இப்படி பேச மன்மோகன் சிங் தன் அதிகாரத்தை எல்லாம் உபயோகித்து இப்படி எல்லாம் பேசாதீர்கள் என்று அவரை செல்லமாக கண்டித்துள்ளார்.

கலைஞர் அவர் லெவலுக்கு ஜெயலலிதாவுடன் சண்டை போடலாம் ஆனால் விஜயகாந்த்தைப் பார்த்து அவர் பகுதி நேர அரசியல் செய்கிறார் என்று ஏதோ தத்து பித்து என்று பேச, அதற்கு விஜயகாந்த் ‘திரைப்படங்களுக்குக் கலைஞர் வசனம் எழுதினால், அது கலைச் சேவை. நான் சினிமாவில் நடித்துக் கொண்டு அரசியலிலும் பங்கு பெற்றால், அது பகுதி நேர அரசியலா? என்று கேள்வி கேட்டுள்ளார் அதற்கு இன்று வரை கலைஞரிடமிந்து பதில் இல்லை. சரி என்ன செய்வது என்று தெரியாமல், இப்ப பதில் சொல்ல குஷ்பு நியமித்துள்ளார். வந்தவர் எல்லாம் பத்திரிக்கையிலும் விஜயகாந்துக்கு குட்டு வைத்துள்ளார் அம்மணி. சபாஷ் சரியான போட்டி!

அரசியலில் காழ்ப்புணர்ச்சியைக் கடந்து, வேறுபாடுகளை மறந்து, தோழமை உணர்வுடன் இருக்க வேண்டும். நமக்குள் ஆயிரம் வேறுபாடுகள் இருந்தாலும், தமிழ்ப் பண்பாடு இருக்கிறது. அதைக் காப்பாற்ற வேண்டும்”. கருத்து என்றாலே கலைஞர் என்று ஆகிவிட்டது. இதை குஷ்பு கடைப்பிடிக்க மாட்டார் கவலைப்படாதீங்க.

அடுத்த தமாஷ் கலைஞர் சட்டசபையில் பேசியது “எம்.ஜி.ஆர். என் துணைவியாரைச் சமாதானப்படுத்தினார்; என் சகோதரிகளைச் சமாதானப்படுத்தினார்; குறிப்பாக முரசொலி மாறன், நாவலர்தான் ஏற்றவர் என்று சொல்லியதையும், மாறன் வழியிலேயே நானும் நாவலர் பற்றிச் சொன்னதையும் ஏற்க மறுத்துவிட்டார் எம்.ஜி.ஆர்! “இவர்தான் முதலமைச்சராக ஆக வேண்டும்; நீங்கள் யாரும் தடுக்கக் கூடாது என்று என்னுடைய வீட்டிலுள்ளவர்களைச் சமாதானப்படுத்த இரண்டு மூன்று நாட்கள் வந்தார்!” என்றல்லாம் சொல்லியிருக்கார்.

இதே கலைஞர் ”புறங்கையைத்தானே நக்கினோம்!’ அதற்கு 14 ஆண்டுகள் அனுபவித்த தண்டனை போதாதா?” என்று மக்களிடம் ஓட்டுக்கு மன்றாடினார். தலையில் ராஜகோபுரம் விழுந்த எஃபெக்ட் கிடைக்கலை?
காளகஸ்தி கோவில் ராஜகோபுரம் இடிந்து விழுந்ததால் 2012 உலகம் அழிய போகிறது என்று சொல்லுவது உண்மையா? நம்ம ஜோசியர்கள் எல்லாம் உடனே கிளம்பிவிட்டார்கள், படிக்கத் தமாஷா இருக்கு. திரும்பக் கட்டும் போது நல்ல சிமெண்ட் போட்டுக் கட்டச் சொல்லணும் என்ற ஒரு அறிவுரையை தவிர மற்ற எல்லா அறிவுரையும் சொல்லிவிடுகிறார்கள். நல்ல சிமெண்ட், நல்ல கலவை போட்டு கட்டினால் தான் பில்டிங் ஸ்டிராங்கா இருக்கும்.



கலவை பற்றி சொல்லும் போது இதை பத்தி சொல்லியே ஆகணும். சில விஷயங்கள் கேட்க நல்லா இருக்காது. பார்க்க நல்லா இருக்கும். நடிகைகளின் பேச்சு மாதிரி. மனசுல அப்டியே ஒட்டிடும். செந்தமிழ் பாடல் கூட அதே மாதிரி தான். ரஹமான் இசை அமைத்த பாடலைப்பற்றி எல்லாம் கும்மிவிட்டார்கள். ஆனால் அதே பாடலை பாருங்க. எவ்வளவு அருமையா இருக்கு என்று. கம்பர் பத்தின வரி வரும்போதானும் ஆடியோ mute பண்ணிட்டு பாருங்க. இன்னும் அருமையா இருக்கும். கம்பருக்கு மாநாட்டுல கடைசியா ஒரு இடம் குடுத்து, பாட்டுலயும் கடைசியா ஒரு வரி போட்டு, அதை ராப் செய்து பாட வெச்சு ராமாயணம் எழுதின அவருக்கு சிறப்பு பண்ணிட்டாங்க.

ராமாயணம் எழுதிய மகரிஷி வால்மீகி உண்மையில் திருடன் இல்லை' என்று பஞ்சாப் மற்றும் அரியானா ஐகோர்ட் நீதிபதி கூறியுள்ளார். கிபியோ கிமுவோ சரியா தெரியலை ( ஹாய் மதனிடம் கேட்க வேண்டும் ) வாழ்ந்த வால்மீகி பற்றி இப்பதான் தீர்ப்பு வந்துள்ளது. அட ராமா! நேற்று செய்த குற்றங்களை பற்றி எப்ப விசாரிக்க போகிறார்களோ? எப்ப தீர்ப்பு சொல்ல போகிறார்களோ ?கவலைப்படாதீர்கள் வழக்குகளை சீக்கிரம் முடிக்க விரைவு நீதிமன்றங்கள் அமைப்பது பற்றி மத்திய அரசு ஆலோசித்து வருகிறது.

தமிழ் பற்றி இன்னொரு மேட்டர் சென்னையில் உள்ள கடைகள் மற்றும் வர்த்தக நிறுவனங்களில் பெயர் பலகைகளில் முதலில் தமிழில் பெரிய எழுத்துக்களில் பெயர்களை எழுதவேண்டும். அதற்கு அடுத்ததாக மற்ற மொழிகளில் எழுதி கொள்ளலாம் என்று மாநகராட்சி உத்தரவிட்டது. உலக தம்ழி மாநாடு வருது இல்லை அதனால இந்த உத்தரவு. அப்படி செய்யவில்லை என்றா பெயர் பலகைகள் அகற்றப்படும் என்று மேயர் சொல்லியுள்ளார். என்ன ஒரு தமிழ் பற்று. செம்மொழி பாடல் வெளியிட்ட போது கூட்டமாக இருந்த மக்கள் எல்லாம் என்ன சொன்னார்கள் தெரியுமா ”ஒன்ஸ் மோர்” வாழ்க நம் தமிழ் பற்று!.

இலங்கை திரைப்பட விழாவில் பங்கேற்க மாட்டேன் என்று நடிகை நமீதா திட்டவட்டமாகக் கூறிவிட்டார். இலங்கை அரசு பயந்து விட்டது. இந்த பிரச்சனையை ஒபாமாவிடம் சொல்லலாமா என்று யோசித்துக்கொண்டு இருக்கிறார்கள். தமிழர் நலனுக்கு எதிரான எந்த நிகழ்விலும் நான் பங்கேற்க மாட்டேன் என்று விளக்கம் வேற அளித்துள்ளார். மச்சான்ஸ்களுக்கு எல்லாம் இப்ப சந்தோஷம் தானே? அப்பறம் இந்த மேட்டரை சொன்னது ஒரு பிரபல டிவிட்டர் ஆசாமி. அவருக்கு நமிதா சார்பிலும், இட்லிவடை சார்பிலும் நன்றி.

கீழே உள்ள வரிகள் என்ன? ஏதாவது புரியுதா?
ஏய்
ஜெகன்மோகினி
நீங்கள்
எங்கள் அண்ணா
அழகிய தமிழ் மகன்
பில்லா
இங்கிலீஷ்காரன்

அட, இது கவிதை இல்லை. நமிதா நடித்த படங்களின் பெயர். இப்ப இந்த மாதிரி கவிதை எழுதுவது தான் ஃபேஷனாக்கும்.

மேலே உள்ள கவிதை நன்றாக இருந்தால் எனக்கு ஒரு பாட்டில் அனுப்புங்கள். “எனது பாடல்களை ரசிக்கும்போதெல்லாம் கவிஞர் கண்ணதாசன் எனக்கு பிடுத்த வாட் சிக்ஸ்டி நைன் மது மாட்டிலை அனுப்பி வைப்பார்” இப்படி சொன்னவர் நீங்க நினைக்கும் ஆள் கிடையாது அவர் கவிஞர் வாலி சொன்ன இடம் தான் ஜாலியான மேடை “தமிழ் கடவுள்” நூல் வெளியீட்டு விழாவில்.

சோழியன் குடுமி சும்மா ஆடாது என்பார்கள். அன்புமணி ராமதாசின் ராஜ்யசபா எம் பி பதவிக்காலம் முடிவுக்கு வரும் நிலையில் அவரை மீண்டும் எம் பியாக தேர்ந்தெடுக்க திமுகவின் ஆதரவை பாமக கோரியிருந்தது. அதாவது கூட்டமாக போய் கை கட்டி நின்று கொண்டு பிச்சை கேட்டிருக்கிறார்கள். ராமதாஸ் கட்சியில் இவர்களுக்கு நல்ல வேலை. இதற்கு அவர்கள் போடும் டிராமா அடேய்யப்பா.

கேள்வி:- தி.மு.க.வுடன் கூட்டணி சேருவீர்களா?

பதில்:- தி.மு.க. உயர்நிலை செயல்திட்ட குழுவிலேயே பா.ம.க.வை கூட்டணியில் சேர்ப்பது என்று முடிவு எடுத்து விட்டார்கள். எனவே கூட்டணியில் மாறுபாடு இல்லை.

இதை சொன்னவர் ஜி.கே.மணி ஆக திமுக முடிவு செய்துவிட்டால் போதுமாம். டாக்டர் ஒத்துக்கொண்டு விடுவாராம்.

தமிழ்நாட்டில் கொசுவிற்கு மருந்து அடிக்கிறார்கள், ஆனால் ஒழிந்த பாடு இல்லை.

சரி தமிழ்நாட்டிலிருந்து ஆந்திராவுக்கு தாவுவோம்.

ஜெகன்மோகன ரெட்டி ராஜசேகர ரெட்டியின் புதல்வர் இப்ப அரசியல் மேக்கப் போட ஆரம்பித்திருக்கிறார். ராஜ சேகர ரெட்டியின் மரணம் தந்த அதிர்ச்சியால் தற்கொலை செய்து கொண்ட தொண்டர்களின் குடும்பத்தை ஆறுதல் படுத்துகிறேன் பேர்வரி என்று அவரது மகனும், கடப்பா தொகுதி எம்பியுமான ஜெகன்மோகன ரெட்டி தெலங்கானா பகுதியில் ஆறுதல் யாத்திரை மேற்கொண்டுள்ளார். இப்ப கலவரம், சோனியாவிடம் விளக்கம் என்று போய்க்கொண்டு இருக்கிறது. இப்ப இவர் பிஜேபியில கூட சேர போகிறார் என்று புரளி வேற. நல்லா தான் அரசியல் மேக்கப் போடுகிறார்.

ஒரு முறை என் நண்பன் பியூட்டி பார்லரிலிரிந்து வந்த ஒரு பெண்ணை விசில் அடித்து கூப்பிட்டான். வீட்டுக்கு போன பிறகு அவன் பாட்டியிடம் நல்ல அடி வாங்கினான். ஏன் என்று விசாரித்ததில் பியூட்டி பார்லரிலிந்து வந்த அந்த பெண் அவன் பாட்டியாம். இளைஞர்களே ஜாக்கிரதை!

சற்று முன் கிடைத்த செய்தி:
மன்னிக்கவும், நீங்கள் தேடிய கட்டுரை எங்கள் இணையத்தளத்தில் புழக்கத்தில் இல்லை.
மருத்துவமனைக்காக வீட்டை ஒப்படைத்தது மன நிறைவு அளிக்கிறது என்று கலைஞர் பேட்டி கொடுத்துள்ளார்

இந்த கடிதம் படித்தவுடன்

நீங்க ஆஸ்திகன் என்றால்
ஆத்மா திருப்தி அடைந்து விடுங்க.
நாஸ்திகன் என்றால்
மன திருப்தி அடையவும்.

இப்படிக்கு,
இட்லிவடை

15 Comments:

ரமி said...

ஒரு முக்கியமான விஷயம் பற்றி எழுதுவிங்கன்னு பார்தேன்.

ம்ஹும். மூச்சி கூட காட்ல.

:(

Anonymous said...

சந்தனமா கேள்வி வினவினா, நரசிம்மமா மாறுவீங்களா?

வால்பையன் said...

அந்த சன்னியாசி பெண்ணின் அருகில் இருக்கும் மஞ்சள் பனியன் ஒன்றுமே சொல்லாமல் அடிக்கடி கையை மட்டும் ஆட்டுகிறான், அடுத்த சாமியார் அவன் தான் போல!

இன்னும் அந்த நித்தியாவை கடவுள் என நம்பும் கூட்டத்தை என்ன செய்வது!?

சரவணன், திருப்பூர். said...

எல்லாம் சரி தான், லேட்டா வந்தாலும் லேட்டஸ்ட்டா சொன்னீங்க. ஆனா ஒண்ண மட்டும் விட்டுடீங்ளே.
இன்னைக்கு இசைஞானி இளயராஜாவோட பிறந்தநாள் - ஒரு வரி வாழ்த்த கூடாதா?

இன்று ஸ்பெஷல் பதிவு வரும் என்று காத்திருந்தேன். அனேகமா நாளைக்கு போடுவீங்க போல(கலைஞருக்கு).

நடத்துங்க.

jaisankar jaganathan said...

நமீதா ட்ரஸ் சூப்பர்தல

Subbaraman said...

Romba naal kazhichu full form le ezhudhi irukeenga?

யதிராஜ சம்பத் குமார் said...

சாரு அங்கு மன்னிப்பு கேட்டுவிட்டு அவருடைய இணையதளத்தில் புலம்புவது விநோதத்தின் உச்சம்.

ரிஷபன்Meena said...

சாரு மற்றும் அவர் கூட வந்திருந்த மற்றோரு என்னமோ பேருள்ள எழுத்தாளர்களை எல்லாம் விஜய் டி.வி. அழைப்பதே வினோதம் தான்.

இந்த எழுத்தாளர்கள் எல்லாம் யாருமே இல்லாத டீக்கடையில் டீ ஆற்றுபவர்கள்....

மஞ்சள் ஜட்டி said...

Good Article about Mu. Ka's strategy..

http://thatstamil.oneindia.in/news/2010/06/02/karunanidhi-pmk-ramadoss-alliance-admk.html

Ramakrishnan Jothidar said...

கேள்வி: ஸ்ரீ காளஹஸ்தி ராஜகோபுரம் இடிந்து விழுந்ததால் ஏதேனும் ஆபத்து உண்டா?


பதில்: எந்த ஆபத்தும் இல்லை. கடந்த காலங்களில் கோவில் ராஜகோபுரமோ, கோவில் விமானமோ, மதில் சுவரோ இடிந்து விழுந்தால் நாட்டிற்கு ஆபத்து, நாட்டின் அரசுக்கு ஆபத்து, நாட்டை ஆள்பவருக்கு ஆபத்து, நாட்டிலுள்ள மக்களுக்கு ஆபத்து என்றெல்லாம் சொல்லப்பட்டது. ஆனால் இப்போது நடைபெற்றிருக்கும் சம்பவம் வெறும் சம்பவம்தான். யாரும் பயப்பட வேண்டாம். மேலும் சில ராசிக்காரர்களுக்கு ( மேஷம், மிதுனம், கடகம், விருச்சிகம், தனுசு, மகரம் ) இதனால் ஆபத்து என்றெல்லாம் புரளியை சில பத்திரிகைகள் எழுதியுள்ளன. யாரும் இதை நம்ப வேண்டாம். அந்த ராஜகோபுரம் இடிந்து விழுந்ததற்கு பல காரணாதிகள் உண்டு. உதாரணமாக அந்த ராஜகோபுரம் களி மண்ணைக் கொண்டு கட்டப்பட்டதாக சொல்லப்படுகிறது. இல்லை இல்லை எங்களுக்கு பயமாக இருக்கிறது என்பவர்கள் அருகிலுள்ள ஸ்ரீ விநாயகர் கோவிலுக்கு சென்று வணங்கி வாருங்கள். வீட்டில் நெய் தீபம் ஏற்றுங்கள். அவ்வளவு போதும்.

அமுதப்ரியன் said...

//
[1] அப்படி வசனம் பேசும் போது, வீரப்பாண்டிய கட்டபொம்மன் காஸ்டியும் போடுங்க அப்பறம் யாரும் உங்களை சிகப்பு டி-ஷர்ட் போடாதீங்க என்று சொல்ல மாட்டார்கள்.
[2] சந்தனமா கேள்வி வினவினா, நரசிம்மமா மாறுவீங்களா?
//
நீங்க என்ன, எதை, யாரை சொல்ல வர்றீங்கன்னு தெளிவா புரிஞ்சிருச்சே!!!!!

//
ஒரு முக்கியமான விஷயம் பற்றி எழுதுவிங்கன்னு பார்தேன்.
//

இதுதான் பொட்டு வாங்கறதா?

//
நம்ம துணை முதல்வர் செய்த காரியத்தை பாருங்க. ஒரு திருமண விழாவில் மணமக்கள் நெற்றியில் திருநீறு பூசி வாழ்த்து தெரிவித்திருக்கிறார். மற்றவர்கள் நம்பிக்கையை மதித்து, ஸ்டாலினின் முதிர்ச்சியை நாம் பாராட்ட வேண்டும். அரசியல்ல இதெல்லாம் சகஜமப்பா.
//

ஒரு விஷயம் தெரியுமா, கருநாநிதி வீட்டில் அவர் மட்டும்தான் நாஸ்திகர்(பெயரளவில் மட்டும்), ஏனயோர் எல்லாம் ஆஸ்திகர்(ஸ்டாலின் உட்பட).

கேள்வி: திருச்செந்தூரில் கோவில் பிரகாரத்தில் சத்ரு ஸம்ஹார ஹோமம் தொடர்ந்து 18 மாதங்கள்(மாதா மாதம் மிருகசீரிட நக்ஷத்திரன்று) நடத்தியவர்கள் யார்?
பதில்: தெரியவில்லை.

கேள்வி: அதே இடத்தில் ஹோமம் முடிந்தவுடன் ராம்கோ திருமண மண்டபத்தில் 108 பிராமணர்களுக்கு(அவர்களது மொழி பார்ப்பான்களுக்கு) 2 ஜதை வேஷ்டி துண்டு கொடுத்து, ஸங்கல்பம் செய்து புருஷஸூக்தம் சொல்ல சொல்லி, ரூ.500 தக்ஷணை கொடுத்தது யார்?
பதில்: தெரியவில்லை.

கேள்வி: திருவனந்தபுரம் ஆற்றுங்கால் பகவதியம்மன் கோவிலில் மாதாமாதம் மிருகசீரிட நக்ஷத்திரன்று பாயாஸன்ன நைவேத்தியம் செய்வது யார்?
பதில்: தெரியவில்லை.

இதே போன்று டைப்பில் பல கேள்விகள் உள்ளன. ஆனால் எல்லாவற்றிக்குமே பதில் தெரியவில்லை.

ngoppan said...

பல நாட்களுக்குப்பிறகு ஒரு நல்ல முனி கடிதம். நன்றி!
அப்புறம், எனக்கு ஒரு சந்தேகம்... எல்லா பிரபலங்களும் சேர்ந்து வீடியோவில் கூட்டு பிச்சை எடுக்குறாங்களே, என்ன வேணுமாம் ?

Anonymous said...

ஆமா ஏற்கனவே சாரு நிவேதிதாவுக்கும், நீயா நானா கோஷ்டிக்கும் சண்டைல்ல. அப்புறம் எப்படி? ஒன்னும் புரியலையா..ஊருக்குதானே உபதேசம்...

அப்பாவி said...

சாருவை ஓட்டுவதில் இட்லி வடைக்கு அப்படி என்ன சந்தோசமோ தெரியவில்லை. சாரு உங்களிடம் பணம் வாங்கி ஏமாற்றி விட்டாரா? உண்மையை சொல்லுங்க.

Gaana Kabali said...

//ரஹமான் இசை அமைத்த பாடலைப்பற்றி எல்லாம் கும்மிவிட்டார்கள். ஆனால் அதே பாடலை பாருங்க. எவ்வளவு அருமையா இருக்கு என்று. கம்பர் பத்தின வரி வரும்போதானும் ஆடியோ mute பண்ணிட்டு பாருங்க. இன்னும் அருமையா இருக்கும்.//

செம்மொழி பாடலில் ராப் இசையை சேர்த்தது உங்களுக்கு பிடிக்கவில்லை என்று தெரிகிறது.
உங்கள் மேலான கருத்துக்கு நன்றி. உங்களுடைய இந்த கருத்தே சில நாட்களுக்குள் மாறுவதற்கு சாத்தியமுண்டு.

தமிழே தெரியாத என் நண்பனொருவன் இந்த பாடலின் இசை மிகவும் நன்றாக இருப்பதாக சொல்லி பாராட்டினான்.பாடலின் பொருள் என்ன என்று கேட்டான் நானும் எனககுத் தெரிந்த ஆங்கிலத்தில் மொழி பெயர்த்துச் சொன்னேன் . அதையும் பாராட்டினான்.

நாம் குண்டு சட்டியில் குதிரை ஒட்டிக்கொண்டிருப்பதை விட்டு விட்டு "திறமான புலமையெனில் வெளிநாட்டோர் அதனை வணக்கம் செய்தல் வேண்டும்" என்று மகாகவி பாரதி சொன்னதை உண்மையாக்க வேண்டும். உலக அளவில் நம் பார்வையை விரிவாக்கவேண்டும் . உலகமே விரும்பி கேட்கும்படி இசையை குழைத்துக் கொடுக்க வேண்டும். அதைத் தான் ரகுமான் செய்திருக்கிறார்.

ரகுமானின் இந்த திறமையால் தான் சிவாஜி படத்தில் வரும் "பல்லேலக்கா " பாடலை இன்று வெள்ளைக்காரகள் குழு இசையில், மொழி தெரியாமலே பாடிக்கொண்டிருக்கிறார்கள். இதற்கான ஆதார வீடியோவை கீழ்க் கண்ட இணைப்பில் தயவுசெய்து காண்க:

http://www.youtube.com/watch?v=j5Lar77VJzI