பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Tuesday, March 09, 2010

பாகிஸ்தானிலிருந்து திரும்பி வரும் ஹிந்துக்கள்

மீண்டும் ஒரு மொழி பெயர்ப்புக் கட்டுரை. இம்முறை “The Week” பத்திரிக்கையிலிருந்து. இவ்வார இதழில் இக்கட்டுரை சிறப்புக் கட்டுரையாக வெளியிடப்பட்டிருந்த்து. பாகிஸ்தானிலுள்ள சிறுபான்மை ஹிந்துக்கள் பற்றியும், இந்தியாவில் அவர்கள் எவ்வாறு நடத்தப்படுகிறார்கள் என்பது பற்றியும் இக்கட்டுரை அலசுகிறது. இனி கட்டுரைக்குள் செல்வோம்.


பெண்கள் (ஹிந்துக்கள்) பாலியல் பலாத்காரத்திற்கு ஆட்படுத்தப்படுகிறார்கள். ஆண்கள் அடித்து உதைக்கப்படுகின்றனர் அல்லது கொல்லப்படுகின்றனர். குழந்தைகள் கடத்தப்படுகின்றனர். இப்படியொரு தாலிபானிய அட்டூழியம் பாகிஸ்தானில் அரங்கேறிக் கொண்டிருக்கிறது. பாகிஸ்தானிலுள்ள சிறுபான்மை ஹிந்துக்கள் அடிக்கடி துன்புறுத்துதலுக்கு ஆளாவது அதிகரித்து வருகிறது. அவ்வாறான அதிர்ஷ்டஹீனர்களான ஹிந்துக்களுக்கு தங்களது பூர்வீக தாய் பூமியான பாரதத்தைத் தவிர போவதற்கு வேறு இடமோ கதியோ இல்லை.

கடந்த ஐந்தாண்டுகளில், சுமார் 5000 பாகிஸ்தானிய ஹிந்துக்கள் ராஜஸ்தான் மாநிலத்திலுள்ள எல்லையோர மாவட்டங்களான பார்மர், ஜெய்சால்மர், ஜோத்பூர் போன்ற இடங்களில் அடைக்கலமடைந்துள்ளனர். பாகிஸ்தானுக்கு எப்பொழுதும் திரும்பிச் செல்லவேண்டுமென்ற எண்ணமே இல்லாமல்.

இவர்களில் ராணாராம் பில் என்பவர் கனத்த இதயத்தோடு சிந்து மாகாணத்திலுள்ள தனது வீடு மற்றும் சொத்துக்களை விட்டுவிட்டு இந்தியாவில் அடைக்கலம் தேடியுள்ளார்.

காரணம், அடிப்படைவாத மத வெறியர்கள் அவரது மனைவியைக் கடத்திச் சென்று கட்டாயமாக இஸ்லாத்திற்கு மதம் மாற்றியுள்ளனர். உள்ளூர் உருது தினசரிகள் இந்நிகழ்வை ஏதோ பெரிய உத்ஸவம் போல் கொண்டாடித் தீர்த்தனர். அவர்களது அடுத்த இலக்கு ராணாராம் மற்றும் அவரது குழந்தைகள். அவர்களது கொடுமை சஹிக்க இயலாத்தாய் இருந்தபடியால், அவர் தனது பூர்வீக மண்ணை விட்டு வெளியேற வேண்டியதாகிவிட்டது. எனது மனைவி இன்று உயிரோடு இருக்கிறாரா என்று கூடத் தெரியவில்லை என்று ராணாராம் மிகவும் துக்கத்துடன் கூறுகிறார்.

இந்திராராம் மேக்வால், 55 வயதான இவர் 2006 ஆண்டு இந்தியாவிற்கு குடிபெயர்ந்து வந்தவர். பாகிஸ்தான் பற்றிய நினைவுகளை அசை போடுவதே இவருக்கு பீதியளிக்கக் கூடியதாய் இருக்கிறது. இஸ்லாத்தைத் தழுவ மறுத்த ஒரு ஹிந்து பண்டிட்டை பலமாடிக் கட்டிட உச்சியிலிருந்து தூக்கி வீசிக் கொன்றதை நேரில் கண்ட இவர், அக்காட்சியிலிருந்து இன்னமும் மீள முடியாமல் தவிக்கிறார்.

“அவர்கள் பண்டிட்டின் வீட்டை சூறையாடினர், அவரது குடும்பத்தார் அனைவரையும் கொன்றனர். தவிர அங்கிருந்த சிறு ஹிந்து கோவிலையும் தகர்த்தனர். இதுபோன்றதொரு நிலை எனது அயலாருக்கு ஏற்படும் போது எனக்கு ஏற்பட எவ்வளவு நேரமாகும் என்ற பயத்திலேயே இந்தியாவிற்குக் குடி பெயர்ந்தேன் என்று நடுக்கத்துடன் தெரிவிக்கிறார்.”

பொதுவாக பாகிஸ்தானிலுள்ள ஹிந்துக்கள் இந்தியாவிற்கு, இந்திய பாகிஸ்தான் போர்க்காலங்களில் குடிபெயர்வது இயல்பே. தவிர 1992 – இல் பாபர் மசூதி இடிப்பிற்குப் பிறகு பாகிஸ்தானில் ஹிந்துக் கோவில்களை இடிப்பதும், ஹிந்துக்களைத் துன்புறுத்துவதும் அதிகரித்துள்ளது. தற்போது பாகிஸ்தானில் தாலிபான்களின் செல்வாக்கு வேறு அதிகரித்து வருவதால், மதரீதியிலான துன்புறுத்தல்களும் அதிகரித்து வருகின்றன.

சமீபத்தில் பாராளுமன்றத்தில் பேசிய வெளியுறவுத்துறை அமைச்சர் எஸ்.எம்.கிருஷ்ணா, பாகிஸ்தானில் சிறுபான்மையினர் மீது நடத்தப்படும் தாக்குதல் காட்டுமிராண்டித்தனமானதும், சஹிக்க முடியாததும் ஆகும் என வர்ணித்தார்.

தவிர, பாகிஸ்தானின் வட மேற்கு மாகாணத்தின் ஒரே ஹிந்து சட்டசபை அங்கத்தினரான கிஷோர் குமார், ஹிந்துக்கள் படும் துன்பங்களைப் பற்றியும், அவர்கள் அமைதியாக வாழ்வதற்குண்டான சூழ்நிலையை ஏற்படுத்தித் தருமாறும் பாகிஸ்தான் அரசைத் தொடர்ந்து வலியுறுத்தி வருகிறார்

இவ்வாறு இந்தியா திரும்பும் பெரும்பாலானவர்களுடைய மூதாதையர்கள் ராஜஸ்தான் மாநிலத்திலிருந்து வேலை தேடி பிரிவினைக்கு முந்தைய பாகிஸ்தானில் குடியேறியவர்கள். ஆனால் மீண்டும் தாயகம் திரும்புவது அவ்வளவு சுலபமானதாக இல்லை. தவிர, இந்தியாவில் அவர்களுடைய வாழ்க்கையும் மலர் படுக்கையாக இல்லை.

“பாகிஸ்தானிலிருந்து வெளியேறும்போது எனது தாயகத்திற்குத் திரும்புகிறேன் என்ற மகிழ்ச்சியில் இருந்தேன். ஆனால் இங்கு எங்களை முறையற்ற வழியில் பிறந்த குழந்தையைப் போல் பாவிக்கிறார்கள். அதிகாரிகளும் எங்களை பாகிஸ்தானியர்களாகவே கருதுகின்றனர்.” இவ்வாறு கூறுபவர் 2005 இல் இந்தியாவிற்குத் திரும்பிய ப்ரேம் சந்த் என்பவர்.

ப்ரேம் சந்தோடு, ஏழு நபர்கள் அடங்கிய குழு ஒன்று வாகா எல்லை வழியாக இந்தியாவிற்குள் நுழைய முயற்சித்த போது அவர்களுடைய விசாக்கள் போலியானவை என்று கூறி இந்திய அதிகாரிகள் இந்தியாவிற்குள் நுழைய அனுமதி மறுத்துள்ளனர். தவிர, ஒரு நபருக்கு ரூபாய் 5000 கொடுத்தால் அனுமதிப்போம் என்றும் கூறியுள்ளனர். அவர்களிடம் அவ்வளவு பணம் இல்லாததால், ப்ரேம் சந்தினுடைய வயது முதிர்ந்த தாத்தா அதிகாரியினுடைய காலில் விழுந்து கெஞ்சியுள்ளார். ஆனால் அம்முதியவரை இந்திய அதிகாரிகள் பூட்ஸ் காலால் எட்டி உதைத்ததில் அவர் நினைவிழந்து வீழ்ந்து விட்டார்.

இந்நிலையில் அதிகாரிகள் அவர்களிடமிருந்த அனைத்து பணத்தையும் பறித்துக் கொண்டு, எல்லைக்குள் அனுமதித்துள்ளனர். ஆனால் வழியிலேயே அம்முதியவர் இறந்து விட்டார். இந்தியாவிற்குள் நுழைவதற்காக அவர் கொடுத்த விலை, தனது உயிர்.

அகதிகளாக வருபவர்கள் குடியுரிமை பெற முயற்சிக்கிறார்கள். ஆனால் ஹிந்துக்களாக இருப்பது அவர்களுக்கு எவ்விதத்திலும் சலுகையளிப்பதாக இல்லை. 2004 ஆண்டு வரை, குடியுரிமை பெற விரும்பும் அகதிகள் ஐந்தாண்டுகள் வரை காத்திருக்க வேண்டும். தற்போது இது ஏழாண்டுகளாக நீட்டிக்கப்பட்டுவிட்டது. தவிர, இக்குடியுரிமைக்கு விண்ணப்பம் செய்வதற்குண்டான கட்டணம் ரூபாய் 100 லிருந்து தற்போது ரூபாய் 30,000 மாக சிறுகச் சிறுக உயர்த்தப்பட்டுவிட்டது.

ஜோத்பூரின் புறநகர் பகுதிகளான காலி பேரி மற்றும் ராம்தேவ் நகரில் நூற்றுக் கணக்கான அகதிகள் இவ்வாறு வசிப்பதைப் பார்க்கலாம். எல்லோரும் பார்ப்பதற்கு கிட்டத்தட்ட எலும்புக் கூடுகளாய் காட்சியளிக்கின்றனர். அவர்களது கிழிந்த ஆடைகளும், உணர்ச்சியற்ற முகங்களுமே அவர்களது கதையைக் கூறுகின்றன.

பெரும்பாலான அகதிகள் குடிசைகளில் வசிக்கின்றனர். குடிநீர், மின்சாரம், கழிப்பறை, சுகாதாரம் போன்ற எவ்விதமான அடிப்படை வசதிகளும் இல்லை. அருகிலுள்ள கல் குவாரிகளில் தினமும் 12 மணி நேர கடினமான வேலை. தவிர, சிலர் ரிக்‌ஷா ஓட்டிப் பிழைக்கின்றனர்.

”நான் பாகிஸ்தானில் விவசாயம் செய்து கொண்டிருந்தேன். ஆனால் தற்போது இங்குள்ள கல் குவாரியில் வேலை செய்கிறேன் என்றபடியே தனது கொப்பளித்த உள்ளங்கையைக் காட்டுகிறார்” மிது ராம் என்பவர்.

எரிகிற நெருப்பில் எண்ணை ஊற்றுவதைப் போல், உள்ளூர் காவலர்களும் அடிக்கடி இவர்களிடம் மாமூல் வசூல் செய்கின்றனர். தர மறுப்பவர்களை சிறையில் தள்ளுவதாகவும் மிரட்டுவதாகத் தெரிவிக்கின்றனர்.

இதற்கெல்லாம் மேலாக, சட்டமும் அகதிகளை ஒரு குறிப்பிட்ட எல்லைக்கு மேல் நகர அனுமதிப்பதில்லை. யாராவது மோசமாக நோய்வாய்ப்பட்டால் கூட அருகிலுள்ள நகரிலுள்ள மருத்துவமனைக்குக் கொண்டு செல்ல முடியாத நிலை.

பாகிஸ்தானுக்கே திரும்புவது என்பதுவும் கூட இயலாத காரியம். அஜிதா ராம், ஆறு வருடமாக இங்கு வசித்து வருபவர், தனது தாயினுடைய ஈமக் கடன்களைக் கூட செலுத்த பாகிஸ்தானுக்குத் திரும்ப முடியவில்லை. காரணம், இந்திய அதிகாரிகள் விசா மறுத்து விட்டனர்.

இந்த ஆதரவற்ற அகதிகளின் துயரக் குரல்களுக்கு செவி மடுப்பது ஹிந்து சிங் சோதா மட்டுமே. இவர் பாகிஸ்தான் விஸ்தபீட் சங் என்ற அமைப்பின் நிறுவனர் ஆவார். இவ்வமைப்பானது அகதிகளின் உரிமைகளுக்காகப் போராடும் ஒரு சமூகம் சார்ந்த அமைப்பாகும். இதன் நிறுவனரான சோதா, கடந்த பதினைந்து ஆண்டுகளாக அகதிகளின் நலனுக்காகப் போராடி வருகிறார். பல ஆண்டுகள் ஆகியும் குடியுரிமை கிடைக்காத்தால், இம்மக்களுக்கு வங்கிக் கணக்கு துவங்குவது முதல் ஓட்டுனர் உரிம்ம் பெறுவது வரை அனைத்துமே இயலாத காரியமாக இருக்கிறது என்று குமுறுகிறார்.

தனது நிலத்திலிருந்து வரும் சொற்ப வருவாயைக் கொண்டு மாதந்தோரும் ராஜஸ்தான் முழுக்க பிரயாணம் செய்யும் இவர், இதுவரை 13,000 பாகிஸ்தானிய ஹிந்து அகதிகளுக்கு குடியுரிமையைப் போராடிப் பெற்றுத் தந்திருக்கிறார். இன்னமும் போராடும் இவரை அம்மக்கள் தங்கள்து கடவுளாகவே பாவிக்கின்றனர். சோதா கூறுகையில், ”அரசாங்கம் இவர்களைக் கண்டுகொள்வதில்லை, காரணம் இவர்களிடம் அவர்களுக்குத் தேவையான ஓட்டு வங்கி இல்லை”.

ராஜஸ்தான் அரசாங்கம் 2001 ஆம் ஆண்டு, இப்பிரச்சனைகளை ஆராய்வதற்காக ஒரு கமிட்டியை அமைத்த்து. அக்கமிட்டியும் நிலையை ஆராய்ந்து, மாவட்ட மாஜிஸ்திரேட்டுகளுக்கு குடியுரிமை வழங்கும் அதிகாரத்தை அளிக்கப் பரிந்துரைத்த்து. ஆனால் 2007 ஆண்டு முதல் இதற்கான அதிகாரத்தை மைய அரசு ஸ்வீகரித்துக் கொண்ட்தால், அக்கமிட்டியின் பரிந்துரைகளும் விழலுக்கிறைத்த நீராய்ப் போனது.

தற்போதைய ராஜஸ்தான் முதல்வர் அஷோக் கெலாட் இது தொடர்பாக 2009 ஏப்ரலில் உள்துறையமைச்சர் ப.சிதம்பரத்திற்கு ஒரு கடிதம் எழுதினார். ஆனால் இன்றுவரை அக்கடித்த்திற்கு எவ்விதமான பதிலோ, நடவடிக்கைகளோ இல்லை. இதற்கு முன் பதவியிலிருந்த வசுந்தரா ராஜே அவர்களும் அப்போதைய உள்துறையமைச்சர் சிவராஜ் பாட்டீலுக்கு கடிதமெழுதினார். அதற்கும் எவ்வித பதிலும் இல்லை.

2009 மார்ச்சில் தற்போதைய ராஜஸ்தான் அரசாங்கம் மீண்டும் ஒரு கமிட்டியை அமைத்த்து. ஆனால் அதுவும் செயல்படவில்லை.

”ஒருபுறம் வெறியர்களின் துன்புறுத்தல், மறுபுறம் சட்டச்சிக்கல்கள். நாங்கள் பிரிவினையை மேற்கொள்ளவில்லை, ஆதரிக்கவும் இல்லை, ஆனால் நாங்கள் ஏன் இவ்வாறு பந்தாடப்படுகிறோம்?? என்று கேட்கிறார் நைனு ராம்.

( Source : The Week, தமிழில் யதிராஜ் )



26 Comments:

jaisankar jaganathan said...

//ஒருபுறம் வெறியர்களின் துன்புறுத்தல், மறுபுறம் சட்டச்சிக்கல்கள். நாங்கள் பிரிவினையை மேற்கொள்ளவில்லை, ஆதரிக்கவும் இல்லை,//

விதிங்கறது இது தான் போல

jaisankar jaganathan said...

தமிழ் அகதிகள் பத்தி எழுத மாட்டீங்களா. பாகிஸ்த்தான் இந்து மேல இவ்வளவு பாசம்

யதிராஜ் உங்க மெயில் ஐடி என்ன

பெயர் சொல்ல விருப்பமில்லை said...

"இந்தியாவில் நடந்து கொண்டிருப்பது மத சார்பற்ற அரசாகும். எனவே, ஹிந்துக்களுக்கு என்று தனியாக உதவி செய்ய முடியாது" என்று அறிவிப்பு விரைவில் வெளியாகுமோ?

என்று மடியும் இந்த "மதசார்பற்ற" மோகம்?

Anonymous said...

Inghe indiala irukkura allungalappatthiye yenna yedhunnu kekka matranungha angirundhu varugindra hindukkala kashtangalai patthi ivanga engirundhu yossikkaporanga.

vignaani said...

பிரிவினையின் போது இந்தியாவைத் தேர்ந்தெடுத்தவர் பயன் அடைந்து இருக்கிறார்கள். இங்கிருந்து அங்கே போன முஸ்லீம்களும், அங்கேயே தங்கிய முஸ்லீம்களும் மகிழ்ச்சியாக இல்லை; இந்தியாவின் வளர்ச்சி கண்டு பொறாமை படுகிறார்கள். அதே போல், அங்கேயே தங்கிய ஹிந்துக்களும் மிக மோசமான நிலையில் இருக்கிறார்கள்.
(சமீபத்தில் M J அக்பர் புது தில்லியில் நிகழ்த்திய உரையில் மிக அழகாக இதை சொல்லி இருக்கிறார். அவர் மேலும் சொன்னது: இந்தியாவில் தங்கிய முஸ்லீம்கள் அல்லாவுக்கு நன்றி சொல்ல வேண்டும்)

இந்தியாவில் தங்கிய முஸ்லீம்கள் இங்கு மதச் சார்பற்ற ஆட்சி வரும் என எதிர் பார்த்தார்களா என தெரியாது; ஆனால் அவர்களுக்கு பெரும்பான்மை ஹிந்துகளின் மீது நம்பிக்கை இருந்தது; அவர்கள் தங்கியது வியப்பு இல்லை. ஆனால், அங்கே தங்கிய ஹிந்துக்கள் என்ன எதிர்பார்த்து தங்கினார்களோ? அது தவறான முடிவு; அதற்கு அவர்களின் சந்ததியினர் பலன் அனுபவிக்கிறார்கள். அங்கேயே தங்கிய சீக்கியர்களின் நிலையும் அதுவே. இங்கே திரும்பி வருபவர்களுக்காக
முகாம்கள் அமைத்து அவர்களின் நலம் பேணப்பட வேண்டும்

பிள்ளையாண்டான் said...

படித்து விட்டு, நீண்ட பெருமூச்சு விடுவதை விட வேறொன்றும் நம்மால் செய்ய முடியாது.

மூலத்திற்க்கான, இணைப்பையும் கொடுக்கலாமே!

ஸ்ரீராம். said...

//அம்முதியவரை இந்திய அதிகாரிகள் பூட்ஸ் காலால் எட்டி உதைத்ததில் அவர் நினைவிழந்து வீழ்ந்து விட்டார்//

இந்தியர் என்ன, பாகிஸ்தானியர் என்ன...நில எல்லைகளை வெறும் கோடுகள்தான் பிரிக்கின்றன? மனிதர்கள் எங்கும் ஒன்றுதான்..

சைவகொத்துப்பரோட்டா said...

எத்துனை பூகம்பம், சுனாமி வந்தாலும், திருந்த கூடாது.

Anonymous said...

Reminds me of vivek comedy about guys reading Indira gandhi death news. Did they think that Pak that's officially sponsoring terrorism to wage proxy war with India, will protect them? I don't understand why they're coming back now, when Pak has made it's stand quite clear with India, ever since it was formed. Probably they might have been running profitable businesses there and when situation turns bad, they're now returning. Such fools don't deserve mercy.

Sitrodai said...

இந்த பாகிஸ்தானிய இந்து அகதிகளுடன், பங்களாதேஷ் அகதிகளின் நிலைமையை ஒப்பிட்டு பார்க்கும் பொழுது, கோபம்தான் மிஞ்சுகிறது. இன்று அனேகமாக எல்லா பங்களாதேஷ் அகதிகளும் வாக்குரிமை உட்பட எல்லா வசதிகளும் பெற்று இந்தியாவில்வாழ்கின்றனர். இன்று பெங்களூர் வரை அவர்கள் பரவி உள்ளனர். (பெங்களூரில் நிறைய பகளாதேஷ் செகுரிடிகளை பார்க்கலாம். ).

ஒட்டுக்காக சொந்த மக்களையே கண்டு கொள்ளாமல், அந்நியர்களை ஆதரிக்கும் அரசாங்கத்தை என்ன சொல்லுவது?

Anonymous said...

//பாகிஸ்தானிலுள்ள ஹிந்துக்கள் இந்தியாவிற்கு, இந்திய பாகிஸ்தான் போர்க்காலங்களில் குடிபெயர்வது இயல்பே. தவிர 1992 – இல் பாபர் மசூதி இடிப்பிற்குப் பிறகு பாகிஸ்தானில் ஹிந்துக் கோவில்களை இடிப்பதும், ஹிந்துக்களைத் துன்புறுத்துவதும் அதிகரித்துள்ளது.//
This is the benefit of BJP.

உண்மையான இஸ்லாமியன் said...

நெஞ்சு கொதிக்கிறது.. இந்தியாவின் காஷ்மீரிலிருந்து வந்து டெல்லியில் அல்லல்படும் இந்துக்களுக்கே உதவ முடியாத, இரக்கமற்ற அரசாங்கம். பங்களாதேஷ் முஸ்லிம்களுக்கு ஓட்டுரிமையாம், குடியுரிமையாம்.. காஷ்மீர் மாநிலத்திற்கு விசேஷ அந்தஸ்தாம்..பெத்த புள்ளைக்கு பசியில சாக , ரோட்டுல போற புள்ளைக்கு பாயசத்தோட சாப்பாடு.. வெளங்குமா இந்த நாடு..

இதுல பாகிஸ்தானிலிருந்து வருகின்ற இந்துக்கள் வேற.. போங்கப்பா, அங்கேயே சாவுங்க.. இங்க நாங்களே நாதியத்துக் கிடக்கோம்.. எங்க அரசியல்வாதிகளெல்லாம் இஸ்லாமியர்கள் ஓட்டுக்காக தீவிரவாதிகளையே வீட்டுல வச்சு சோறு போடுறவங்க... இவங்களா உங்களை காப்பாத்தப்போறாங்க?

இஸ்லாம் அமைதி மார்க்கம்ப்பா.. யாரும் தப்பாச் சொல்லிறாதீக.. தலைய வெட்டி, மாடியிலிருந்து தூக்கி வீசி, நாங்களாடா வன்முறையாளர்கள்னு கேப்பாங்க.. இல்லை ராசா, அன்பே உருவான அமைதியின் சின்னம்னு சொல்லனும்.. மொத்தமா பூகம்பம் வந்து உலகமே அழிஞ்சா எவ்வளவு நல்லா இருக்கும்?

kggouthaman said...

// இந்த ஆதரவற்ற அகதிகளின் துயரக் குரல்களுக்கு செவி மடுப்பது ஹிந்து சிங் சோதா மட்டுமே. இவர் பாகிஸ்தான் விஸ்தபீட் சங் என்ற அமைப்பின் நிறுவனர் ஆவார். இவ்வமைப்பானது அகதிகளின் உரிமைகளுக்காகப் போராடும் ஒரு சமூகம் சார்ந்த அமைப்பாகும். இதன் நிறுவனரான சோதா, கடந்த பதினைந்து ஆண்டுகளாக அகதிகளின் நலனுக்காகப் போராடி வருகிறார்.//
இவருக்கு எந்த வகையிலாவது நாம் யாராவது உதவமுடியுமா?

யதிராஜ சம்பத் குமார் said...

ஜெய்ஷங்கர் ஜெகந்நாதன்

தமிழ் அகதிகளின் நிலையும் பரிதாபத்திற்குரியதுதான். ஆனால் அவர்களுக்காக குரல் கொடுத்து தங்களது கல்லாவை நிரப்பிக் கொள்பவர்களுக்குத் தமிழகத்தில் பஞ்சமே இல்லை. தவிர திருச்சி, தொட்டியம், முசிறி பகுதிகளில் எனக்குத் தெரிந்த வரையில் பல்லாயிரக்கணக்கான இலங்கைத் தமிழர்கள் 80 களின் மத்தியிலிருந்தே வசித்து வருகின்றர். ஆனால் அவர்களுக்கு இக்கட்டுரையில் குறிப்பிட்டுள்ளது போன்ற அவலங்கள் ஏதுமில்லாமல் இங்கு கண்ணியமானதொரு வாழ்க்கையையே மேற்கொண்டு வருகின்றனர். சமீப காலங்களில் அகதிகளாக வந்தோர்களுக்கும் குடியுரிமை வேண்டும் என்று தமிழகத்தில் கோஷங்கள் எழுந்து கொண்டுதானிருக்கின்றன.

I got your email id from IV, and my add request is awaiting your approval. :-)

Anonymous said...

//இவருக்கு எந்த வகையிலாவது நாம் யாராவது உதவமுடியுமா?//

modhalla neenga eezha thamizhanu enna udhavi senjinga sir?

♥Manny mazhaikalam.blogspot.com♥ said...

Its really a sad thing what is happening to those people.

Hello Anonymous: From Kggouthaman said, he wants to provide some help to those people, if you have contact to help Ezham people please provide here, If anyone is willing to help they will do it. Only the people matters, not Ezham or pakistan hindu.

This article is mainly for discrimination happening in our country but i am afraid that we are again doing the same speaking about ezham tamil and pakistan hindu.

Anonymous said...

Time to paint the Paki Muslims as victims - what will the common man do when his brethren in Palestine, Kashmir, Afghanistan etc. are going through freedom struggle? He'll have to take it out on the nearest guy who wouldn't fight back.

Also, why's everyone suddenly equating this with Eezham Tamils? Can't one help both? Should it always be one at the cost of another? Dravida kunjugal's short-sightedness and narrow mindedness astounds me.

யதிராஜ சம்பத் குமார் said...

இக்கட்டுரை ஏற்படுத்திய சோகத்திலும், நகைப்புக்குரிய ஒரு விஷயம் என்னவென்றால், பாராளுமன்றத்தில் எஸ்.எம்.கிருஷ்ணாவின் கண்டனம்தான். இந்தக் கண்டனம் தெரிவிப்பதைத்தான் காலா காலமாக நாம் செய்து கொண்டிருக்கிறோமே?? உள்ளூரிலேயே தீவிரவாதிகளின் வெறியாட்டத்திற்கு ஆயிரக்கணக்கான அப்பாவிகளைப் பலி கொடுத்த போதும் இதே கண்டனம்தான் நம்மால் தெரிவிக்க முடிந்தது. அதற்கு மேல் எதுவுமே சாதிக்க முடியவில்லை. இந்த லட்சணத்தில் பாகிஸ்தானிலுள்ள தாலிபான்களுக்கு நாம் தெரிவிக்கும் கண்டனம் என்ன பெரிய மாற்றத்தை உண்டு பண்ணிவிடப் போகிறது?

இந்தக் கண்டனத்தால் அவர்கள் மேலும் கொதிப்படைந்து, ஹிந்துக்களை மேலும் துன்புறுத்தாமலிருக்க வேண்டுமே என்று நான் கவலைப்படுகிறேன்.

ஒருவேளை பாகிஸ்தானிலிருந்து இங்கு புகலிடம் தேடி வரும் அகதிகள் சிறுபான்மையின மதத்தைச் சேர்ந்தவர்கள் என்ற போர்வையில் நுழைந்தால் ஒருவேளை அங்கீகரிக்கப்படுவார்களோ என்னவோ?

asir said...

மொத்தமா பூகம்பம் வந்து உலகமே அழிஞ்சா எவ்வளவு நல்லா இருக்கும்?

Congrats....

Anonymous said...

அற்புதம் பக்தா உனது வியர்வை சிந்தி உழைத்து சம்பாதித்த பணத்தை வரி என்று பிடுங்கி வங்காள ரயில் திட்டத்திற்கு மம்தா எடுத்து செல்வர் பீகாருக்கு உத்தர பிரதேசத்திற்கு போகும் காவிரியில் தண்ணீர் திறந்து விட உச்ச நீதி மன்றம் ஆணை இட்டது அனால் அதை செயல்படுத்த மறுத்த கர்நாடக அரசை என்ன செய்துவிட்டது உங்கள் இந்திய அரசு பாகிஸ்தானில் இரண்டு சிக்கியயர்கள் கொல்லப்பட்டதற்கு இந்திய அரசாங்கமே பதறி துடித்தது தினம் தினம் இந்திய தமிழ் மீனவர்கள் சிங்கள தமிழர்களால் சுட்டு கொல்லப்பட்டதற்கு ஒருத்தனும் உச்ஹு கூட...

Anonymous said...

இட்லிவடை குறிப்பிட்ட மதத்துக்கு எதிரான கருத்து அதிகமா வருது.நடுநிலையாக பதிவுகள் போடலாமே?

சீனு said...

//இட்லிவடை குறிப்பிட்ட மதத்துக்கு எதிரான கருத்து அதிகமா வருது.நடுநிலையாக பதிவுகள் போடலாமே?//

இன்னாதூ...இந்த பதிவு கூட ஒரு 'குறிப்பிட்ட' மதத்துக்கு "எதிரானதா"? அட போங்கடா ங்கொய்யால...

Anonymous said...

In BD the Hindu population was 25+ % before independence and now it is less than 10%. In Pakistan it was 10+ % and now it is less than 5 %.

India shud take all Hindus from BD and Pakistan, for saving from the barbaric ethnic cleansing and forced conversion.

ஜீயார் said...

மனித மனம் சுருங்கி வருவதை இதன் மூலம் உணரலாம். பாகிஸ்தானி்ல் ஆஸ்திரேலியாவி்ல் சீக்கியர்கள் தாக்கப்படும் போது சீக்கியர்கள் கொதித்தெழுந்தார்கள். ஆனால் பிற மாநிலத்தவர்களை பொருத்தவரை அது ஒரு செய்தி என்ற அளவில்தான் இருந்தது. தமிழனுக்கு ஒன்று என்றால் துடித்துபோகும் தமிழன் ஆகட்டும் காவிரியை காப்பாற்ற? முயலும் கன்னடனாகட்டும் மும்பையை காப்பாற்ற முயலும் மராத்தியனாகட்டும் இந்தியனுக்கு ஒரு ஆபத்து என என்று நினைக்கின்றோமோ அன்றுதான் இந்தியா பிறநாட்டு பிரச்சனைகளில் இருந்து விடுபட முடியும். மனிதனுக்கு ஒரு பிரச்சனை என ஒரு மனிதனாக உணர்கிறோமோ அன்றுதான் உலகம் அமைதி வழியில் திரும்பும். இந்திய பிரதமர் இந்தியர் எல்லா மாநிலத்திற்கும் பொதுவானவராக இருந்து இந்தியனுக்கு ஒரு பிரச்சனை என எண்ணாமல் இருந்தால் சீக்கியர் பிரச்சனையில் உடனே நடவடிக்கை எடுக்க ஒரு சீக்கிய பிரதமர் இருப்பது போல் தமிழனுக்கு ஒரு பிரச்சனை என்றால் நடவடிக்கை எடுக்க ஒரு தமிழ் பிரதமர். அப்படியே மாநிலத்திற்கு ஒரு பிரதமர் தேவைபடும். நடிகர் கமல கூறியது போல் உரிமைகள் பறிக்கப்படும் போது தீவிரவாதம் தலைதூக்கும். பிரச்சனையை பிரச்சனையாக பார்க்காமல் இது சீக்கியர் பிரச்சனை, இது தமிழன் பிரச்சனை, இது இந்துக்கள் பிரச்சனை என ஆட்சியாளர்கள் பிரித்து பார்ப்பதால் ஏற்படும் விளைவுகள் மிக மோசமாக இருக்கும்.

kargil Jay said...

Very good article ethiraja sampath kumar. appreciate it.

anony : Why do you see tamils dying in srilanka as tamils, try seeing them as Hindus. When Tamils die in Srilanka, Govt. takes no action. No help for hindu refugess from pak/srilanka. But non-refugees infiltrate from BD are given ration card and money if they are Muslims. So difference is not non-tamil or tamil. It is Hindu or Muslim.

If you still believe, it is tamil-non-tamil problem then ask Tamil ruler Karunanindhi to take action.

Cheenu said...

Throw this cogress party and Gandhism into dustbin. Announce VEERSAVARKAR as father of nation and declare India as Hindu state....who has guts to do this....