டைடுக்கு ரின் செய்யும் விளம்பரம்

பாசத்தலைவனுக்கு நன்றி பாராட்டும் விழாவை இரண்டு நாட்கள் கலைஞர் டிவியில் பல விளம்பரங்களிடையே ஒளிபரப்பினார்கள்.

பல குத்தாட்டங்களை சென்சார் செய்யாமல், அஜீத் பேச்சை மட்டும் சென்சார் செய்தார்கள்.

இந்த ஒளிபரப்பில் என்னை கவர்ந்தது இரண்டு - ஸ்டாலின் புத்தக விளம்பரம், டைடுக்கு ரின் செய்த விளம்பரம்.

இந்த விளம்பரம் பற்றி தமிழ் நாளிதழ்கள் அவ்வளவாக கண்டுகொள்ளவில்லை. டிவிட்டர் மக்கள் கூட தூங்க போகும் முன் இதை பற்றி பேசவில்லை.

செய்தி படிக்க விரும்புகிறவர்கள் இங்கே படிக்கலாம்

இன்று டைடு நிறுவனத்தினர் கேஸ் போட்டிருக்கிறார்கள்....


டைடு சலவை பவுடர் P&G நிறுவனத்தினுடையது. ரின் இந்துஸ்தான் யுனிலீவர்யுடையது.
கடந்த வெளிக்கிழமையிலிருந்து ரின் நிறுவனத்தின் விளம்பரத்தில் டைடு சலவை பவுடரை நேரடியாக தாக்கியது. இதை எதிர்த்து P&G நேற்று வழக்கு தொடர்ந்துள்ளது.

டைடு மல்லிகை, ரோஜா போன்ற வாசனையில் வந்தது. அது மட்டும் இல்லாமல் டைடு குறைந்த விலைக்கு கிடைத்ததால், ரின் பவுடர் விற்பனை பாதிக்கப்பட்டது. மக்கள் இப்ப எல்லாம் விலையை பார்த்துவிட்டு எது கம்மியோ அதை தான் வாங்குகிறார்கள். இதனால் ரின் மார்க்கெட்டை டைடு அபகரித்தது. எவ்வளவு நாட்கள் தான் நீல கலர் சலவை சோப்பு வாங்குவார்கள் ?

பொதுவாக போட்டி நிறுவனத்தின் தயாரிப்பை நேரடியாக காண்பித்தோ, பெயரைச் சொல்லியோ விளம்பரங்கள் வருவதில்லை. கோக் பெப்சி போன்ற விளம்பரங்கள் இதற்கு எடுத்துக்காட்டு. சட்டப் பிரச்னை எதற்கு என்று இவர்கள் நேரடியாக தாக்குவதில்லை. தற்போது முதல்முறையாக(?) நேரடியாக தாக்கி விளம்பரம் வெளியிட்ட யுனிலீவர் மீது P&G வழக்கு தொடர்ந்துள்ளது.

இந்த விளம்பரம் கீழே "Schematic representation of superior whiteness is based on Whiteness Index test of Rin Vs Tide Naturals as tested by Independent lab" இதை எவ்வளவு பேர் பார்பார்கள் ? சட்டம் தெரிந்தவர்கள் யாராவது விளக்கினால் நன்றாக இருக்கும். ( பார்க்க : http://www.ascionline.org/regulation/code.htm )



என்ன நடக்கிறது என்று வேடிக்கை பார்ப்பது நமது வேலை !

பிகு: உங்க வீட்டில் என்ன சலவை சோப்பு ? ( சைடு பாரில் ஓட்டு )