100வது சர்வதேச மகளிர் தினம்

இன்று 100வது சர்வதேச மகளிர் தினம்.

மகளிர் தினம் என்றால் என்ன ?

எப்படி காதலர் தினம் இந்தியாவிற்குள் வந்ததோ, எப்படி வடக்கே இருந்த பிள்ளையார் சதுர்த்தி ஊர்வலம் தெற்கு பக்கம் வந்ததோ அதே போல தான் இந்த மகளிர் தினமும் சில ஆ‌ண்டுகளாக இந்தியாவில் களை க‌ட்டியு‌ள்ளன. Lux, Fair & Lovely, Garnier போன்ற நிறுவனங்களுக்கு நன்றி. இந்த 'தினங்கள்' எல்லாம் வெறும் வியாபாரமே ! சரி,
நாம் மகளிர் தினத்தை எப்படி கொண்டாடுகிறோம் ?

1. கீழே உள்ளது போல பெண்கள் ஆட்டோ ஓட்டும் படம், பெட்ரோல் போடும் படம் என்று செய்திதாள்களில் படம் போட்டு சில டப்பா செய்திகளை போடுகிறோம். இதில் சொல்லும் உண்மை என்ன ? மகளிர் ஆண்களுக்கு சமமாக எதையும் செய்கிறார்கள் என்று சொல்லுகிறோம் (விக்ரம் படத்தில் வரும் ஜோக் தான் நினைவுக்கு வருகிறது). இதை விட நல்ல வேலைகளை செய்யும் பெண்களை ஏன் அவர்கள் காண்பிக்க மறுக்கிறார்கள். இன்றும் என்ஜினியரிங் காலேஜில் மெகனிக்கல் பிரிவை எடுப்பதில் பெண்கள் தயக்கம் காட்டுகிறார்கள் என்பது தான் உண்மை. சில வேலைகளை ஆண்கள் செய்வது தான் சரி, எப்படி நர்சிங் தொழில் ஆண்களுக்கு சரி வராதோ அதே மாதிரி.

அடுப்பு ஊதும் பெண்களுக்கு படிப்பு எதற்கு? என்ற எதிர்ப்பு தெரிவித்து வந்த இடையூறுகளை தாண்டி பெண்கள் எல்லா துறைகளிலும் சாதனைப்படைக்கிறார்கள் என்று நான் காட்டும் படங்களை பாருங்கள்.










2. இன்று மட்டும் பெண்கள் பிரியங்கா சோப்ரா போல ஸ்கூட்டி ஓட்ட வேண்டும்.



இன்று வரும் விளம்பரங்களை பாருங்க. பெண்கள் ஸ்கூட்டி ஓட்ட வேண்டும். பல மேக்கப் சமாசாரங்களை உபயோகித்து பளிச் என்று தெரிய வேண்டும். நாளையிலிருந்து டைடு, ரின் எது விலை கம்மியோ அதை உபயோகித்து துணி துவைக்க வேண்டும். என்றாவது சலவை சோப்பு விளம்பரத்தில் ஆண்கள் வந்துள்ளார்களா ? பெண்கள் யோசிக்க வேண்டும்.

3. இன்றைய ஸ்பெஷல் செய்திகள் சில
* சர்வதேச மகளிர் தினத்தில் முழுவதும் மகளிரே இயக்கும் விமானம் மும்பை-அமெரிக்காவுக்கு 14 மணி நேர தொடர் பயணம். இதற்கு இந்த ரிஸ்க் இதனால் யாருக்கு என்ன லாபம் ?

* மகளிர் திட்டங்களை செயல்படுத்துவதில் மற்ற மாநிலங்களுக்கு தமிழகம் முன்னோடி வாழ்த்துச்செய்தியில் கருணாநிதி பெருமிதம். டாஸ்மார்க் போன்ற திட்டங்களால் எவ்வளவு பெண்கள் வீட்டில் அழுகிறார்கள் என்று யாராவது கணக்கெடுப்பு நடத்த வேண்டும்.

* மகளிர் மசோதா என்று அரசியல் செய்வது. நம் நாட்டில் எவ்வளாவு மகளிர் லோக்சபாவிற்கு செல்கிறார்கள் என்ற புள்ளி விவரம். உண்மை புரிந்தால் சரி.




* தலைவர்களின் மகளிர் தின வாழ்த்து. இப்படி கூட ஒரு செய்தி வந்திருக்கிறது. ஆனால் அதற்கு கீழே நித்தியானந்தாவுடன் மற்ற நடிகைகள் என்ற செய்தி. பெண்களை எவ்வளவு கொச்சை படுத்த முடியுமோ அவ்வளவு கொச்சைப்படுத்துகிறார்கள்.

4. மகளிர் தினம் என்றால் என்ன ?

1908 - மார்ச் 8. நியூயார்க் நகரின் பஞ்சாலைகள் அனைத்தும் சினிமாவில் ஃபிரீஸ் செய்ததுமாதிரி அன்று நின்று போயின. அவற்றில் வேலை செய்து கொண்டிருந்த பெண்கள் எல்லாம் வீதியில் திரண்டு ஊர்வலமாக புறப்பட்டனர்.
"ஆண்கள் சமமாக பெண்களுக்கும் சம்பளம் கொடு!"
"எட்டுமணி நேரம் மட்டும் வேலை செய்வோம்!" என்று கோரிக்கை வைத்து வெற்றியும் பெற்றனர்!"
கிளாரா ஜெட்கின், ரோஸா லக்ஸம்பர்க் ஆகியோரின் பெருமுயர்ச்சியால் 1910 ஆண்டு கோபன்ஹேகனின் சர்வதேச சோஷலிஸ்ட் பெண்கள் மாநாடு கூட்டப்பட்டபோது அந்த மார்ச் 8ஐ சர்வதேச உழைக்கும் பெண்கள் தினமாக ஆண்டுதோறும் கொண்ட முடிவெடுக்கப்பட்டது.
"வாட் ? உழைக்கும் பெண்கள் தினமா ? நோ நோ" என்று மறுத்துவிட்டது அமெரிக்கா.
பிறகு 1945ல் ஐ.நா. சபை அமைக்கபட்டபோது அக்கோரிக்கையை அமெரிக்கா தடுத்துவிட்டது. எனினும் 1975 "உழைக்கும்" என்பதை எடுத்துவிட்டு வெறும் மகளிர் தினமாக வைத்தால் ஓ.கே என்று அமெரிக்கா ஒப்புக்கொள்ள ஒருவழியாக மார்ச்-8 மகளிர் தினமானது.
( என் பழைய பதிவிலிருந்து )


பெண் - எனும்
பதம் ...
இரண்டே
இரண்டு எழுத்து;
அதை ஏத்தி -
அப்புறம் ஏத்து ...
( கவிஞர் வாலி )