துக்ளக் முதல் இதழும், முதல் கடிதமும்.

துக்ளக் முதல் இதழ் பற்றி சோ 'அதிர்ஷ்டம் தந்த அனுபவங்கள்' என்ற புத்தகத்தில் சொல்லியிருப்பார். அதிலிருந்து சில பகுதிகளும், முதல் 'வாசகர்' கே ஜி கௌதமன் அவர்களின் கடிதமும் இந்த பதிவில். முன்னால் 'கே.ஜி' என்ற இருந்தாலும் இவர் நமக்கு சீனியர்.

பழைய துக்ளக் வாசகரும் இட்லிவடை வாசகர் என்பதில் எனக்கு மகிழ்ச்சியே!


துக்ளக் முதல் இதழ் வரலாறு ( சில பகுதிகள் )














படத்தை கிளிக் செய்தால் படிக்கலாம்.
( நன்றி: அதிஷ்டம் தந்த அனுபவங்கள், அல்லயன்ஸ் )

---

அன்புள்ள இட்லிவடை,
பின்னூட்டத்திற்குப் பின்னூட்டமாக - நீங்க கேட்டிருந்த விவரம் எனக்குப் பெருமகிழ்ச்சியளித்தது.
மிக்க நன்றி.

என் முதல் கடிதம் பற்றி சுருக்கமாகச் சொன்னால், சோ அவர்கள், துக்ளக் இதழின் முதல் இதழின் அட்டையில், இரண்டு கழுதைகள் பேசிக்கொள்வது போல ஒரு
கேலிச்சித்திரம் வெளியிட்டிருந்தார். ( பார்க்க படம் )

இதில், துக்ளக் வாசகர்கள் எல்ல்லோரும் கழுதைகள் என்கிற ஓர் அர்த்தமும் இருந்ததுபோல தோன்றிற்று எனக்கு. எனவே, ஒரு தபால் கார்டில், இவ்வாறு எழுதி அனுப்பினேன்:

அன்புள்ள ஆசிரியருக்கு,
முதல் இதழின் அட்டையிலேயே ஆசிரியரையும், துணை ஆசிரியரையும் அறிமுகப் படுத்திக் கொள்ளும் ஐடியா யாருக்குத் தோன்றிற்று?
க கொ கௌதமன்
நாகப்பட்டினம்

(க கோ கௌதமன் நாகப்பட்டினம் என்பது தவறுதலாக க கொ கௌதமன் நாகப்பட்டினம் என்று பிரசுரம் ஆகியிருந்தது :-) )


இந்தக் கடிதம் துக்ளக்கின் இரண்டாவது இதழில், ஆசிரியருக்குக் கடிதங்கள் "டியர் மிஸ்டர் துக்ளக்" பகுதியில் முதல் கடிதமாக பிரசுரம் ஆகியது.

பாலிடெக்னிக் சக மாணவர்கள் தொடங்கி - வீதியில், சுற்றுப்புறத்தில் உள்ள மாமா மாமிகள் வரை எல்லோரும் என்னை ஒரு ஹீரோ மாதிரி, அடுத்த துக்ளக் வரும் வரையில் பார்த்துக்கொண்டிருந்தனர்.


பொங்கலுக்கு அடுத்த நாள் மாட்டு பொங்கல் மாதிரி புது 'புது வருட பிறப்புக்கு' அடுத்த நாள் கழுதை பொங்கல் ஸ்பெஷல் என்று இந்த பதிவை வைத்துக்கொள்ளுங்களேன் !