பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Wednesday, January 27, 2010

மைடியர் பாடிகாட் முனீஸ்வரனே! - 27-1-2010

ஓடிப் போன இட்லிவடைக்கு முனி எழுதும் கடிதம்.

ஹலோ இட்லி,

லீவு நாளுல கூட நிம்மதியா என்ஜாய் பண்ண முடியாம கு[டியர]சு மேட்டர் எல்லாம் போட்டு மக்களைக் காலி பண்ணிட்ட! என்ன, நீ பத்திரமா இருக்கையா? 'Maa' படம் பார்த்தையா ? Amma meets Maa தான் தற்போது ஹாட் செய்தி! இந்த சந்திப்பு விஷயம் சுழியா பிள்ளையர் சுழியா என்று போக போக தான் தெரியும். தற்செயலான நிகழ்வு என்று உள்ளூர் காங்கிரஸ் தலைவர்கள் சொன்னாலும், அம்மாவின் டெல்லி பயணத்துக்கு முன்பே இந்தியன் எஸ்பிரஸ் அம்மா-சோனியா சந்திக்க போகிறார்கள் என்று போட்டுவிட்டார்கள். அதுவும் தற்செயலாக தான் இருக்கும். யாருக்கு தெரியும் ? சரி ஏன் ஜெயலலிதா சோனியா சந்திப்பு மேட்டரை பற்றி ஒரு பதிவு கூட போடலை ? அம்மா கூட ஏன் இட்லிவடை இதை பற்றி கண்டுக்கவில்லை நினைத்தாராம். அம்மா அட்சிக்கு வந்தால் நீ காலி!

காலி என்று சொன்னவுடன் எனக்கு அஞ்சாநெஞ்சன்தான் ஞாபகத்துக்கு வராரு!
அவர் டெல்லியை காலி செய்வாரா என்பது தான் தற்போதைய மில்லியன் டாலர் கேள்வி. அப்படி அவர் காலி செய்யும் பட்சத்தில் பாலுவிற்கு அதிர்ஷ்டம் அடிக்க வாய்ப்பு இருக்கிறதாம். அதே சமயம் தயாநிதி மாறன் தொலைத்தொடர்பு இலாகாவை மீண்டும் பிடிக்க முடியுமா என்று முட்டி மோதி பார்க்கிறாராம்.

தயாநிதி மாறன் குடும்பத்தினர் தற்போது பயங்கர கடுப்பில் இருக்கிறார்கள் என்று கேள்விப்பட்டேன். தினகரன் மேட்டர் முடிவுக்கு வந்தாலும், சன் டிவிக்கு கலைஞர் டிவி டார்ச்சர் கொடுத்துக்கொண்டு தான் இருக்கிறதாம். என்ன தான் டீலா-நோ டீலா என்று விளையாடினாலும், புது படம், விழாக்கள் எல்லாம் கலைஞர் டிவி ஹைஜேக் செய்துவிடுகிறதாம். ஆனால் இதில் வேடிக்கை என்னவென்றால் முன்பு சன் டிவி மற்ற டிவிக்கு செய்த அதே மசாஜை இப்ப கலைஞர் டிவி சன் டிவிக்கு செய்கிறது. அரசியல் பண்ணறவனுக்கு அந்த அரசியல் மூலம்தான் ஆப்பு என்று சும்மாவா சொன்னாங்க!

கொஞ்ச நாளா அரசியல் பண்ணாம அடங்கி இருந்த தலைவர் தமிழ்க்குடிதாங்கியும் அவர் கட்சித் தொண்டர்களும் இடைத்தேர்தல் களத்தில் உற்சாகமாக செயல்படுகிறார்களாம்! விஜயகாந்த், அதிமுக, திமுக, பாமக என்று நான்கு முனை போட்டியை மும்முனை போட்டியாக செய்ய கம்யூனிஸ்ட் தோழர்கள் முயன்று வருகிறார்கள். எப்படி என்று கேட்டால் மண்டை குழம்பும். அதாவது அதிமுகவிடம் போய் நீங்க பேசாம பா.ம.கவிற்கு ஆதரவு தெரிவியுங்க என்று சொல்லியிருக்காங்க. அம்மாவும் யோசிக்க ஆரம்பிச்சிருக்காங்க. பா.ம.கவை ஒழித்துக்கட்ட அப்பப்போ பன்ச் வசனம் பேசும் "அவரே" நினைச்சாலும் கூட மற்றவர்கள் விட மாட்டார்கள் போல.

நான் போலீஸ் இல்லை, ரவுடி என்ற சாமி வசனம் மாதிரி இப்ப விஜய் ஒரு பன்ச் வசனம் பேசியிருக்கார். "நான் நடிகன் இல்லை Entertainer" என்கிறார். இந்த ஒரு தகுதி போறும் அரசியல்வாதி ஆவதற்கு. அரசியல் செய்வதற்கு நீங்க நல்ல Entertainerஆக இருப்பது தான் முதல் தகுதி. இதில மாற்று கருத்தே இருக்க முடியாது.

தகுதின்னு சொன்னதும் வேற ஒரு மேட்டர் ஞாபகத்துக்கு வருது. "நம்ம" விஜய்க்கு டாக்டர் பட்டம் குடுத்த நிகர் நிலைப் பல்கலைக்கழகம் உள்பட சில "கல்லூரிகளுக்கு" நிகர்நிலை பல்கலைக்கழக அங்கீகாரம் ரத்து என்ற மத்திய அரசு முடிவால் மாணவர்கள் ஆத்திரம் அடைந்து, கல்லூரி அறைகள் மற்றும் கம்ப்யூட்டர்கள் நொறுக்கப்பட்டன, சூறையாடப்பட்டன என்ற செய்தி பல செய்திதாள்களில் வந்தது. "கேடில் விழுச் செல்வங் கல்வி யொருவற்கு மாடல்ல மற்றை யவை." என்கிறது குறள். அதாவது "கல்வியே அழிவு இல்லாத சிறந்த செல்வம்; பிற எல்லாம் செல்வமே அல்ல" என்று பொருள். ஆனால் இன்று இந்தக் கேடு கெட்ட செல்வத்தால்தான் இந்த அங்கீகாரம் ரத்து என்று சம்பந்தப்பட்டவர்கள் உணரவேண்டும். இங்கே இந்த படத்தில் இருக்கும் மாணவர்கள் நாளை நம் தேசத்தை ஆளப்போகிறார்கள் என்றால் இப்பவே எனக்கு பயமாக இருக்கிறது. இந்த மாதிரி கல்லூரிகளில் படித்தவர்கள், நாளை அரைவேக்காட்டுப் பட்டதாரிகளாக வந்து டீக்கடை வைக்க கூட லாயக்கு இல்லை என்ற நிலைமைதான் வரும்.

டீக்கடை கடை வைத்திருந்த பன்னீர்செல்வத்தை முதலமைச்சர் ஆக்கினார் ஜெயலலிதா, கருணாநிதி செய்தாரா? என்று நடிகர் ராமராஜன் பேசியுள்ளார். அவர் அதிமுக சார்பில் பேசியிருக்கார். ஆனால் இதை படிக்கும் போது அப்படி தெரியவில்லை. அதனால் மாணவர்கள் கவலைப்படவேண்டாம். ஒளி மயமான எதிர் காலம் உள்ளத்தில் தெரிகிறது என்று பாட வேண்டும் போல இருக்கு.

ஜோதி என்றால் ஒளி....ஆனால் இந்த ஜோதி (பாசு) எவ்வாறு ஒரு மாநிலத்தை இருளில் மூழ்கடித்தார் என்று இங்கே விளக்கியிருக்கிறார்கள்.

ரொம்ப நாளாக கவலைப்பட்டுக்கொண்டும் ட்விட்டர்ல சண்டை போட்டுக்கொண்டும் இருந்த இசைஞானியின் ரசிகர்களுக்கு இளையராஜாவுக்கு பத்மபூஷன்
விருது என்பது சந்தோஷமான செய்தியே . ரொம்ப நாளைக்கு முன்பே இவருக்குக் கிடைத்திருக்க வேண்டியது விருது இது. இம்புட்டு நாள் அவார்டு குடுக்காம திடீர்னு எப்டி குடுத்தாங்கன்னு நேத்திக்கு பூரா தூங்காம் ரொம்பவே யோசனை பண்ணேன். கொஞ்சம் சீரியஸ்ஸாக தின்க் பிறகுதான் தெரிந்தது, சாரு இளையராஜா பற்றி தாறுமாறாக எழுதியது தான் காரணம் என்று. அட, சாரு ஒருவரைப் பற்றி தப்பாக எழுதினால் அவர் பெரிய ஜீனியஸாக இருப்பார் என்று உடனே முடிவு செய்து இவருக்கு இந்த விருது வழங்கியுள்ளது. யாருக்கு தெரியும் அடுத்தது ஞாநிக்கு கூட கிடைக்கலாம். உங்களுக்கு விருது வேண்டும் என்றால் சாரு உங்களை பற்றி மோசமாக எழுத வேண்டும். இதற்கு நீங்க 2000 ரூபாய் செலவு செய்ய வேண்டும். முடியுமா?

சாருவிற்கு நிறைய ரசிகர்கள் இருக்கிறார்கள். அதில் சந்தேகம் இல்லை. பொங்கல் அன்று டாஸ்மாக் கலெக்ஷ்ன் 80 கோடியாம். அதிகாரம் தங்கள் கையில் இருப்பதால் அதிகாரத்துக்கு ஏற்றவாறு கன்னியாகுமரியில் திருவள்ளுவர் சிலை வைத்தார்கள். அதில் கள்ளுண்ணாமை என்ற அதிகாரமும் அடங்கும். தை முதல் தேதிதான் "புத்தாண்டு" என்று சொல்லிட்டார்களே! அதனால் பொங்கல் பொங்கவில்லை, அதுக்கு பதிலா பீர் பொங்கியிருக்கிறது. எது எப்புடி இருந்தாலும் கொஞ்சநாளா கள்ளச்சாராய சாவு செய்திகள் குறைந்திருக்கிறது என்பது டாஸ்மாக் நடத்தும் புண்ணியவான்களாலா என்றுகூட நினைக்கத் தோணுது.

கள்ளச் சாராயத்தில தீர்ந்து போன பேட்டரி ஒரு முக்கியமான மூலப்பொருள் என்று கேள்விப்படிருக்கிறேன். அது உண்மை என்றால் இளங்கோவன் போன்ற காங்கிரஸ்காரர்கள் ஜாக்கிரதையாக இருக்க வேண்டும். "இளங்கோவன் போன்ற காங்கிரஸ்காரர்கள் பயன் முடிந்து போன பேட்டரி; அதை ரீசார்ஜ் செய்யவே முடியாது" என்கிறார் விடுதலை சிறுத்தைகள் வன்னியரசு. இவர் யார் என்று நீங்க கேட்கலாம். இவர் பயன்படுத்தபடாத பேட்டரி! இருந்தாலும், ஏற்கனவே எக்ஸ்பைரி ஆனது. இந்த விஷயத்தை எல்லாம் அடக்கி வாசிக்காம நாம சத்தம் போட்டுப் பேசினா கொஞ்சநாள் முன்னாடி சத்தியமூர்த்திபவன் முன்னாடி நடந்த அடிதடி மாதிரி ஏதாவது நடந்துடும்.

இங்கே இவர்கள் இப்படி லோக்கல் அடிதடியில் ஈடுபட்டால், வடக்கே மக்கள் கொஞ்சம் பெரிய அடிதடியில் ஈடுபட்டுள்ளார்கள். இந்தியா- பாகிஸ்தான் இடையே கடந்த ஒரு வாரமாக போர் நடைபெற்று வருகிறது. உடனே துப்பாக்கிப் போர் என்று நினைக்க வேண்டாம். வழக்கமான அறிக்கை போர். காரணம் ஐபிஎல் கிரிக்கெட் போட்டிக்குண்டான முதற்கட்ட ஏலத்தில் எந்த பாகிஸ்தான் ஆட்டக்காரர்களும் ஏலம் போகவில்லை. இதற்கு இந்திய அரசுதான் காரணம் என பாகிஸ்தான் அரசு துவங்கி, எதிர்க்கட்சி வரை அனைவரும் இந்திய அரசு மன்னிப்பு கோர வேண்டும் என போர்க்கொடி தூக்கியுள்ளனர். ஆனால் இந்திய அரசு, இதற்கும் அரசிற்கும் தொடர்பில்லை, இது முழுக்க முழுக்க பிசிசிஐ விவகாரம் எனக் கூறி மன்னிப்பெல்லாம் கேட்க முடியாது என்று சொல்லிவிட்ட்து. நல்ல காலம்...தேர்தல் எதுவும் அருகில் இல்லை. இல்லாவிடில் சிறுபான்மை ஓட்டு பயம் காரணமாக மன்னிப்பு கேட்க வேண்டியதாகியிருந்திருக்கும். இப்போது பாகிஸ்தான் கிரிக்கெட் சம்மேளனம் இது தொடர்பாக ஐசிசியிடம் முறையிடப் போகிறதாம். அடுத்து என்ன நடக்குமென்பதைப் பொருத்திருந்து பார்க்க வேண்டும். எனக்கு ஒரு பெரிய டவுட்டு - விளையாட்டு வீரர்களுக்கு மட்டும் தான் இந்த ஏலமா ? அல்லது சியர்-மங்கையர்களுக்குமா ?

ஆனால் வேற ஒரு சம்பவத்திற்கு மத்திய அரசு மன்னிப்பு கேட்டுள்ளது. சில நாட்கள் முன் செய்தித்தாளில் வெளியான மத்திய அரசு விளம்பரம் புதிய சர்ச்சையைக் கிளப்பியுள்ளது. உடனே பிரதமர் அலுவலகம் நாட்டு மக்களிடம் மன்னிப்பு வேறு கோரியுள்ளது. இது என்னடா புதிய கதை என்று நீங்க யோசிக்கலாம். மேட்டர் இது தான். உலக பெண் குழந்தைகளுக்கான தினத்தை முன்னிட்டு, அரசு ஒரு விளம்பரத்தை வெளியிட்ட்து. அந்த விளம்பரத்தில் என்ன இருக்கும் ? கரக்ட் வழக்கம் போல சோனியா, பிரதமர் மன்மோகன் போன்றோர்களது போட்டோவுடன் பாகிஸ்தானின் விமானப்படைத் தலைவரது புகைப்படத்தையும் பிரசுரித்தது. வந்தது பிரச்சனை!. அவர்களை சொல்லி குற்றம் இல்லை. கூகிள் இமேஜ் தேடலில் கிடைத்திருக்கும். எடுத்து போட்டிருப்பார்கள். கொஞ்சம் நாள் முன்பு எய்ட்ஸ் விளம்பரத்துக்கு இதே மாதிரி ஒரு பிரச்சனை வந்தது ஞாபகம் இருக்கா ? மத்திய அமைச்சர் "விளம்பர வாசகம்தான் முக்கியமே தவிர வெளியிடப்பட்டுள்ள புகைப்படங்கள் முக்கியமில்லை" என்று கூறியுள்ளார். நல்ல சமாதானம். அப்படி என்றால் சோனியாவிற்கு பதில் நாளை ஜெயலலிதா படம் கூட வரலாம். அழகிரிக்கு பதில் தயநிதி மாறன் படம் வரலாம், வேட்டைக்காரனுக்கு பதில் அசல் வரலாம், கலைஞருக்கு பதில் சோ படம் வரலாம். யார் கண்டது? நல்ல தமாஷ்!


இப்ப இந்த ஜோக்கை கேளு
"தலைவரே நேத்து ஃபுல் போதையில பன்றிகள் இருந்த சாக்கடைக்குள் விழுந்துவிட்டீங்களாமே?"
"ஆமாய்யா அதுக்கு என்ன?"
"இன்னிக்கு அந்த பன்றிகளுக்கு எல்லாம் காய்ச்சலாம்" ( பன்றி காய்ச்சல் என்பது இது தானோ ? )

உனக்கு சிரிப்பு வரலை எனக்கு தெரியும். இந்த நியூஸை பாரு நிச்சயமா சிரிப்பு வரும். மஹாராஷ்டிர அரசு சமீபத்தில் ஒரு சட்டம் கொண்டு வந்துள்ளது. மும்பை நகரில் இனிமேல் புதிய டாக்ஸி ஓட்டுவதற்கான லைசன்ஸ் பெற வேண்டுமெனில் அவர்களுக்கு மராத்தி பேச, எழுத, படிக்கத் தெரிந்திருக்க வேண்டுமாம்; தவிர மஹராஷ்டிராவில் குறைந்தபட்சம் 15 ஆண்டுகளாவது வாழ்ந்து வருபவராக இருக்க வேண்டுமாம். ஏற்கனவே டாக்ஸி லைசன்ஸ் வைத்திருப்பவர்களுக்குப் பிரச்சனையில்லை. நல்ல வேளை!. மராத்தி தெரிந்தால் டாக்ஸி ஓட்ட கூட தெரியவேண்டாம் போல. நல்ல சட்டம். பொதுவாக மும்பை மாநகரில் ஓடும் டாக்ஸி ஓட்டுநர்கள் பீஹார், உத்திரப் பிரதேசம் மற்றும் பஞ்சாபைச் சேர்ந்தவர்கள். தவிர ஆண்டுக்கு 4000 புதிய டாக்ஸி உரிமங்களும் வழங்கப்பட்டு வருகின்றன என்கிறது புள்ளிவிவரம். ஏற்கனவே நவநிர்மான் சேனா என்ற அமைப்பு தீவிரவாதிகள் போல செயல்படுகிறது இப்ப அவர்களின் அராஜகத்திற்கு கொடி பிடிக்கும் விதமாக முதல்வர் அஷோக் சவான் இந்த உத்தரவைப் பிறப்பித்துள்ளார். ஒரு தேசியக் கட்சி ஒரு மாநிலக் கட்சியின் மொழி வெறிக்கு உரம் போட்டு அரசியல் ஆதாயம் தேட முனைகிறது. இது காங்கிரஸிற்கோ அல்லது மஹராஷ்டிராவிற்கோ நல்லதல்ல. சோனியா, மன்மோகன் சிங் எல்லாம் என்ன செய்துக்கொண்டு இருக்கிறார்கள். இந்தே மாதிரி செய்தால் பி.ஜே.பிக்கு ஏற்பட்ட கதி தான் காங்கிரஸுக்கு ஏற்படும். பைத்தியம் பிடிக்காத தோசைக்கல்லை தண்ணி தெளிச்சு விளக்குமாத்தால அடிக்கிறோம். ஆனால் .....

இந்த மாதிரி 'வெறி'யை நாட்டில் வைத்துக்கொண்டு இந்திய மாணவர்கள் ஆஸ்திரேலியாவில் தாக்கப்படுவதற்கு நாம் இனவெறி, நிறவெறி என்று ஜல்லி அடிக்கிறோம். எப்படி ஆஸ்திரேலியாவை குற்றம் சொல்ல முடியும் ?

ஆஸ்திரேலியாவில் சுமார் 20 ஆண்டுகளாக வாழ்ந்து வரும் ஸ்ரீனிவாசன் என்பவரிடம் ஜெயா டிவியில் ரபி பெர்னார்ட் பேட்டி எடுத்தார். அவர் சொன்ன கருத்து கொஞ்சம் வித்தியாசமானது.

அவர் சொன்ன விவரம் இது தான் "அனைத்து நாடுகளிலுள் ரெளடிகள், சமூக விரோதிகள் இருப்பது போலத்தான் இங்கேயும் இருக்கின்றனர். மாணவர்கள் பயத்தின் காரணமாக புகார் கொடுக்க முன்வருவதில்லை. ஆனால் சமீபத்தில் கொல்லப்பட்ட சீக்கிய மாணவன் விவகாரத்தில்தான் இப்பிரச்சனை பூதாகாரமாகக் கிளம்பியுள்ளது" என்கிறார்.

அவர் சொன்ன இன்னொரு விஷயம் "ரயிலில் பின்னிரவு நேரத்தில் வீடு திரும்பும் போது அங்கிருக்கும் லோக்கல் தாதாக்கள் அவர்களிடமிருந்து பணத்தைப் பறிக்க முயல்கின்றனர். பணத்தைக் கொடுத்து விட்டால் பிரச்சனையில்லை. அதை எதிர்த்து வாக்கு வாதம் செய்தால் அது அடிதடி துவங்கி பல விபரீதங்களுக்கு இட்டுச் செல்கிறது என்று அவர்கள் தெரிவித்தனர். இதில் தமிழர்களை மிரட்டினால் கொடுத்து விடுவார்களாம், ஆனால் சீக்கிய மாணவர்கள் அவர்களிடம் எதிர்ப்பு தெரிவித்து வாக்குவாதம் செய்வார்களாம். அதனால்தான் பிரச்சனை வருகிறதே தவிர, இதற்கும் இனவெறிக்கும் எவ்வித தொடர்பும் இல்லை" என அடித்துக் கூறினர்

நம்ம ஊரிலேயே மேற்படிப்பு படித்து குடும்பம்-குட்டி என்று சௌக்யமாக செட்டில் ஆகி கோயில்-கொளம் என்று போவதை விட்டுட்டு ஏன்தான் நம்ம இளைஞர்கள் இப்படி வேறு ஊர்களுக்கு சென்று வம்பை விலை குடுத்து வாங்குகிறார்களோ?!

ராகவேந்தரா கோயில் ஒன்றை சென்னையில் கட்டியுள்ள நடிகர் லாரன்ஸ் அனாதை குழந்தைகளை வைத்தே திறப்பு விழாவை நடத்தியுள்ளார். சினிமாக்காரர்களை அழைக்கவே இல்லையாம். ஏனென்றால் சினிமாக்காரர்களை பார்த்தால் கோயிலுக்கு வரும் பக்தர்களின் கவனம் சிதறிவிடுமாம். நல்ல கருத்து!

இது இப்படி இருக்க, அமெரிக்காவில் சினிமாக்காரர்களை வைத்து வேறு மாதிரியான விளம்பரம் செய்துள்ளது ஒரு உயிரணு வங்கி. எங்களிடம் 'ஹாலிவுட்' நடிகர்கள் சிலரின் தோற்றத்தில் உயிரணு கொடையாளிகள் உள்ளனர். ஆகவே எங்களிடம் வாருங்கள், நடிகரின் சாயலில் குழந்தைகளைப் பெறுங்கள் என்று விளம்பரம் செய்துள்ளது. கோட்டு-சூட்டு தொடங்கி பீசா, பர்கர், ஹாலிவுட் படங்கள் என்று தொடர்ந்து இன்னிக்கு லேட்டஸ்டா டீலா-நோ டீலா வரைக்கும் ஒண்ணு விடாம எல்லாத்தையும் காப்பி அடிச்சே பழக்கப்பட்ட நம்ம ஊருல சீக்கிரமே மேற்படி விளம்பரங்களும் வரும் என்று எதிர்பாரு. வர்ட்டா! பை! பை! :-)

கடைசியாக ஒரு நம்பினால் நம்புங்கள் டைப் செய்தி: ஜனவரி மாதம் எப்போதுமே எழுத்தாளர்களுக்கு குஷியளிக்கும் மாதம். அம்மாதத்தில்தான் பதிப்பகத்தார் ராயல்டி செக்குகளை எழுத்தாளர்களுக்கு அனுப்பும் மாதம். முன்பெல்லாம் எழுத்தாளர்கள் தங்களுக்குக் கிடைக்கும் ராயல்டியைக் கொண்டு ஒரு இட்லிவடை கூட வாங்க இயலாது. ஆனால் இப்போது பேஜெரோ கார் வரை வாங்கலாம். தமிழ் உலகில் இல்லை ஆங்கில உலகில். இது கேலியல்ல. தருண் தேஜ்பாலுக்கு 2009 ஆ ஆண்டில் மட்டும் கிடைத்த ராயல்டி தொகை சுமார் 45 லட்சம், தவிர அவருடைய இரண்டு நாவல்கள் மூலமாக அவர் சம்பாதித்த தொகை சுமார் 3 கோடிகள்.

இப்படிக்கு
முனி

ஒரு வலைப்பதிவில் உங்களை மாதிரி + உங்களை பற்றி மஞ்சள் கமெண்ட் போடுகிறார்கள் பார்த்தீர்களா என்று ஒருவர் மெயில் அனுப்பியிருக்கார். அவருக்கு என் பதில் "முகத்துக்குப் போடும் க்ரீமை ஃபேஸ் க்ரீம்னு சொல்லலாம்; கண்களுக்குப் போடும் க்ரீமை ஐஸ்க்ரீம்னு சொல்ல முடியுமா ?" அது மாதிரி தான் அதுவும் :-)

27 Comments:

ppage said...

சர வெடி பதிவு.

நச்சுன்னு எல்லா விவரத்தையும் நகைச்சுவையா சொல்லிருங்கீங்க....

இத... இத .... இதத்தான் எதிர்பார்த்தோம். இட்லி வடை.

ஆயிரத்தில் ஒருவன் உங்க விமர்சனம் பார்த்துட்டு, நம்பி படம் பார்க்க போயி நொந்த காயம் போயே போச்சு.

யதிராஜ சம்பத் குமார் said...

ஜெ-சோனியா இருவரும் பரஸ்பரம் நலம் விசாரித்துக் கொண்டிருக்கிறார்கள். மற்றபடி வேறெதுவும் பேசவில்லை என்றுதான் தெரிகிறது. ஒருவரையொருவர் நேருக்கு நேர் பார்க்கும்போது, நலம் விசாரிப்பது ஒரு நாகரீகம்....பொதுவாக வட இந்திய அரசியல்வாதிகளிடம் இது நிறையவே இருக்கிறது. ஆகவே இச்சந்திப்பை வைத்து பெரிதாகப் பேச ஒன்றுமில்லை. ஆனால் திமுக தரப்பில் ஒரு சலசலப்பை உண்டாக்கிய பலன் இதற்கு உண்டு.

maddy73 said...

//ஒரு வலைப்பதிவில் உங்களை மாதிரி + உங்களை பற்றி மஞ்சள் கமெண்ட் போடுகிறார்கள் பார்த்தீர்களா என்று ஒருவர் மெயில் அனுப்பியிருக்கார். அவருக்கு என் பதில் "முகத்துக்குப் போடும் க்ரீமை ஃபேஸ் க்ரீம்னு சொல்லலாம்; கண்களுக்குப் போடும் க்ரீமை ஐஸ்க்ரீம்னு சொல்ல முடியுமா ?" அது மாதிரி தான் அதுவும் :-) //

-- yellow bg is for symbolic representation (reference) for IV. take it easy our dear.

ஆதி மனிதன் said...

//....இதில் தமிழர்களை மிரட்டினால் கொடுத்து விடுவார்களாம்........//

தமிழனா கொக்கா?

வந்தாரை வாழவைக்கும் தமிழனுக்கு சென்ற இடத்தில் வாழத் தெரிந்தவரை வாழ்த்துக்கள்.

sreeja said...

அப்பாடா...ரொம்ப நாள் கழிச்சு முனி கடிதம்...நல்ல கவரேஜ்.

வழக்கம்போல மஞ்சள் கமென்ட் - டாப்.

Anonymous said...

I disagree with the view about violence in australia. In many of the incidents money doesn't seem to be the motive. It's a pure hate crime. Thanks to the Indian media, for announcing Indians as the most defenceless and easy targets,in such situations. Now even the unfearing social Indian will start feeling unsafe there. Though the primary reason for such violence, has been attributed to the heavy boozing habits of aussies, I find the inefficiency of police as the major cause for the continual of attacks. In countries like US, the efficiency of Police helped keeping such crimes in check.

SUBBU said...

//மைடியர் பாடிகாட் முனீஸ்வரனே! - 27-1-2010

ஓடிப் போன இட்லிவடைக்கு முனி எழுதும் கடிதம்.//

எங்கயோ இடிக்கிதே!!!!

SUBBU said...

ஆயிரத்தில் ஒருவன் படத்துல தனுஷ் ஒரு சீனில் வருவார் , யாருக்காவது தெரியுமா? இ.வ உங்களுக்காவது ?

jaisankar jaganathan said...

//ஆயிரத்தில் ஒருவன் உங்க விமர்சனம் பார்த்துட்டு, நம்பி படம் பார்க்க போயி நொந்த காயம் போயே போச்சு//

repeataiiiiiiii

முகிலன் said...

நல்ல பகிர்வு..

Anonymous said...

யோவ் நீயே, அப்படியே அறிவழகனோட(பீர் தொப்ப சாரு) ஐசிஐசிஐ அக்கௌன்ட் நம்பரையும் குடுக்கவேண்டியது தானே??

Itsdifferent said...

அந்த மாணவர்களும், அவர்களை பெற்றோரும், பார்த்து வெட்கப்பட வேண்டிய செயல்.
அதெப்படி, அடுத்தவன் பொருள் என்றல் அடித்து உடைக்க தோன்றுகிறது? இவர்கள் செய்தார்கள் என்று, எவர்கள் வீட்டுக்கு சென்று இதை செய்தால் சும்மா இருப்பார்களா? வெட்கம் கெட்ட மனிதர்கள்.

Anonymous said...

ஆஸ்திரேலியாவில் வெறுப்புக் குற்றம் என்று நாம் ஆட்டம் போடுகிறோம்.
தமிழகத்தில் தலை உள்பட நேற்று முளைத்த பதிவர்கள் முதல் வால்முளைக்காத பையன்கள் வரை “பார்ப்பான்” என்றும், “அவாள் இவாள்” என்றும் “தினமணி வைத்தியநாத அய்யர்” என்றும் ஒவ்வொரு நாளும் வெறுப்பைக் கக்கிக் குற்றம் புரிகிறார்களே-இவர்களை யார் கேட்பது?
அ. நாமதேயன்

அமைதி அப்பா said...

ரெண்டு அம்மா சரி, அந்த பின்னாடி உட்கார்ந்திருக்கிற ஆள் முழி சரியில்லையே...!

Baski said...

//Amma meets Maa தான் தற்போது ஹாட் செய்தி! இந்த சந்திப்பு விஷயம் சுழியா பிள்ளையர் சுழியா என்று போக போக தான் தெரியும். //

அம்மா ரொம்ப மாறிட்டாங்க போல?
அடி மேல் அடி விழுந்தால் அ(ம)ம்மியும் நகரும் - சரி தான்.

கட்சியின் தேவையை / இடைவெளிகளை புரிந்து கொண்டால் இன்னும் நன்று.


//....இதில் தமிழர்களை மிரட்டினால் கொடுத்து விடுவார்களாம்........//

நம்ம ஊரு போலீஸ்/அரசு அலுவரர்களிடம் படி அளப்பதாய் நினைத்துக்கொள்வார்கள் போல..!!
நம்ம மக்கள் பொதுவாக இது மாறி பிரச்சனைகளில் "துஷ்டரை கண்டால் தூர விலகு" என சொல்லி escape.

People normally avoid going out in odd hours.. Let it be USA/Australlia/etc...
And also one should stay in a locality where crime-rate is less... (they should not try to save money here...) Even a small room is better in a good area....than a big home in problem place...

vedhanarayanan said...

Good updates................
Ilayaraja...................
I liked the way you connected Charu and Ilayaraja award.

The main reason is AR Rehman.
ARR got Oscar. So Center suddenly woke up and realised that the award has to be given to him otherwise our award will loose its meaning. Then our tamil cultural advisers must have told center that Ilayaraja need to be given if ARR gets it.

My personal feeling is that we probably should have given the award to ARR during Lagaan , Bhagat Singh time itself. Ilayaraja must have got it long time back in 1990s. Yenna oru chomperi-thanam, thookkam.

I am not sure whether MSV, KVM were given the award anytime.

SAN said...

IV,
Off topic,the next scam by Spectrum Raja:

http://www.dailypioneer.com/231988/Raja-Ministry-in-fresh-scam.html

Anonymous said...

இரவு நேரங்களில் ரொக்கப்பணத்துடன் செல்லும் இந்திய மாணவர்களிடம் வழிப்பறி நடப்பதாகவும், அவை இனவெறி தாக்குதல் அல்ல என்றும் ஆஸ்திரேலியா தரப்பில் கூறப்பட்டு வருகிறது.

இந்நிலையில், 'ஆஸ்திரேலியாவில் பணிபுரியும் பணியாளர்களும் மேலதிகாரிகளின் இனவெறிக்கு ஆளாகி இருப்பதாகவும், குறிப்பாக அரசு சார்ந்த பணிகளில் இந்தியர்கள் பணி புரிவதை ஆஸ்திரேலியர்கள் விரும்புவதில்லை' என்று தகவல் வெளியாகி உள்ளது.

Source: http://thatstamil.oneindia.in/news/2010/01/27/indian-oz-fights-against-racism-at.html

Jayashree Govindarajan said...

///இந்த நியூஸை பாரு நிச்சயமா சிரிப்பு வரும்...... முதல்வர் அஷோக் சவான் இந்த உத்தரவைப் பிறப்பித்துள்ளார். ஒரு தேசியக் கட்சி ஒரு மாநிலக் கட்சியின் மொழி வெறிக்கு உரம் போட்டு..///

பதட்டத்தில் அவர்கள் எடுக்கும் அடாவடி நடவடிக்கைகளுக்காக சிரித்துவைக்கலாம்; தவறில்லை. ஆனால் பின்னர் முனி சாவகாசமாக அதற்குப் பின்னால் இருக்கும் அவர்களின் எரிச்சலையும் ஆதங்கத்தையும்கூட சிந்திக்கவும் புரிந்துகொள்ளவும் முயன்றால் நல்லது.

ஒரு வார்த்தைகூட மராத்தி தெரியாமல் வெறும் ஹிந்தியை வைத்துக்கொண்டே சின்ன பிரச்சினைகூட எழாமல் அதற்கான சிறிய குற்றவுணர்ச்சிகூட இல்லாமல் கடந்த நான்கரை ஆண்டுகளாக மும்பையில் வாழ்கிறேன். ஏற்கனவே இங்கிருக்கும் குஜராத்தி, பீஹாரி, பஞ்சாபி,.... குழந்தைகளுக்கு அவர்களின் மொழி தெரியாமலே போய்விட்ட நிலையில்(இவர்களின் பெற்றோர்களே வீட்டில் ஹிந்திதான் பேசுகிறார்கள்) இங்கே மராத்தி குழந்தைகள் கூட இப்பொழுதெல்லாம் தங்களுக்குள் மராத்தியில் பேசிக்கொள்வதில்லை.

திருச்சியில், மும்பை என்றால் ஹிந்திபேசும் ஊர் என்று நினைத்துக்கொண்டிருக்கும் மனிதர்களை எனக்குத் தெரியும். அப்படி ஆக்கிவைத்திருக்கிறோம்.

இந்த விஷயத்தில் தமிழ்நாட்டின் அதன் கட்சிகளின் பிடிவாதத்தைப் பாராட்டியே தீரவேண்டும்.

Anonymous said...

Regarding political differences not
coming in the way of exchanging
pleasantries when leaders meet
in person, this is something totally alien to the present day
Tamil politics. There was no greater and bitter critic of Nehru and his socialist policies than
Rajaji. Yet when they met in Delhi
in the late fifties they cracked
jokes on their youthfulness; Nehru
asked Rajaji how young he was and
the latter promptly responded that
he wanted to see how old he (Nehru) looked like. Wit and sarcasm were the forte. In 1956 when C D Deshmukh
resigned as Finance Minister protesting against the Govenment's
perceived injustice to Maharashtra,
there was a sharp exchange. The
Home Minister G. B. Pant said that
Maharashtrians were valourous but
Gujaratis were sagacious. In his
reply, Deshmukh reminded Pant that
valour and sagacity left Maharashtra when a certain family
migrated from Ratnagiri district
to Naini Tal in UP. (The reference
is to Pant's forefathers). In 1952
Rajaji called the Communists his
Enemy No.1 in the Madras Assembly,
and yet outside the Assembly he and
P. Ramamurthy were decemt enough to
exchange jokes and pleasantries.

It is only after the advent of the
crude Kazhagam culture injected into Tamil Nadu politics that
personal attacks descended to the
disgusting level that we are now
witnessing. Therefore it does make
news when even a casual friendly
encounter gets so much coverage.

யதிராஜ சம்பத் குமார் said...

இந்த விஷயத்தில் தமிழ்நாட்டின் அதன் கட்சிகளின் பிடிவாதத்தைப் பாராட்டியே தீரவேண்டும்.//

தமிழ்நாட்டு கட்சிகள் இந்த விஷயத்தில் கண்ட மிகப்பெரிய பலன், இன்றைய தலைமுறையினருக்கு தமிழைத் தவிர எந்த மொழியையும் உருப்படியாகத் தெரியாமல் அடித்ததுதான். நவநிர்மாண் சேனாவும், சிவசேனாவும் அங்கு அடிக்கும் கூத்தால் பாதிக்கப்படபோவது மஹராஷ்டிராவின் இளம் தலைமுறையினரும், அவர்களது எதிர்கால சந்ததியினரும்தான்.

ராஜ் தாக்கரேவின் குழந்தைகள் மட்டும் சர்வதேச பள்ளியில் வேற்று நாட்டு மொழி பயில்கின்றனர். இது நிச்சயமாக சிரிக்கும் விஷயமல்ல, சிந்திக்க வேண்டிய விஷயம்.

R. Jagannathan said...

Though 'Muni'has touched a lot of issues, I thank him for the link to the Sunday Pioneer article on Jothi Basu by Kanchanda. I fully agree with what is written and I feel the article is written from the heart with deep concern for the Bengalis who have lost so much due to the Communist rule under JB. We can only thank the Lord that JB did not follow the negative straits of MK, J, Ramdoss, Khoda, Shibu Choran et al. But this is no consolation to praise JB to the sky just because he is no more. I strongly recommend IV readers to read the article patiently and share their opinions. - R. Jagannathan

R. Jagannathan said...

Regarding 'Padma..'awards, it is sad that a well known industrialist Shri Venu Srinivasan - Padmasree awardee - is treated on par with these musicians and lower than Aamir khan, an actor and an year after Vivek gets it. Consider the Padma Bhushan award to Chatwal and the ongoing controversy accusing him of his cheating our banks of crores of rupees. These awards have lost their true meanings and intention to honour the recipients. - R. Jagannathan

M GANESAN said...

THANKS FOR THIS POST.

M.GANESAN
GOA.

Anonymous said...

//இந்த விஷயத்தில் தமிழ்நாட்டின் அதன் கட்சிகளின் பிடிவாதத்தைப் பாராட்டியே தீரவேண்டும்.//

நீங்க பம்பாய் போய் தமிழில் கதைகிறீர்களா ? இல்லை நாலு சுவருக்குள் உட்கார்ந்து கொண்டு கலைஞர் டிவி பார்க்குறீர்களா?

இப்போ அழகிரி பார்லிமெண்டில் கிழிக்கிறதுக்கு இந்த தமிழ் பற்று தான் காரணம்.

காலம் மாறும் பொது "தகுதி" வாய்ந்த மொழிகள் பரவும். "தகுதியற்ற" மொழிகள் அழியும்.

மொழி ஒருவருடன் ஒருவர் கலந்து பேச தானே உருவாகியது. அதை ஏன் திணிக்க வேண்டும்.

ஒருவன் தமிழ் கற்க வேண்டும் என்பது தமிழ் ஆர்வம். ஒருவன் இந்தி கற்க கூடாதென்பது தவறு என்பது என் கருத்து.

Anonymous said...

' தருண் தேஜ்பாலுக்கு 2009 ஆ ஆண்டில் மட்டும் கிடைத்த ராயல்டி தொகை சுமார் 45 லட்சம், தவிர அவருடைய இரண்டு நாவல்கள் மூலமாக அவர் சம்பாதித்த தொகை சுமார் 3 கோடிகள்.

I am sure that Badri will publish them in Tamil.They will sell more than the novels of some writers who have been publishing with Kizhaku and more than the novels by Charu,Jeyamohan and S.Ramakrishnan.Tejpal had guts to oppose BJP govt. and to expose the forces behind anti-muslim riots in 2002.He paid a heavy price and had the courage of conviction.

Jayashree Govindarajan said...

//இப்போ அழகிரி பார்லிமெண்டில் கிழிக்கிறதுக்கு இந்த தமிழ் பற்று தான் காரணம்.//

நான் சொல்லவருவது, ஒருவேளை அழகிரி உண்மையிலேயே ஏதாவது கிழிக்கக்கூடிய தலைவராக வாய்ப்பு இருந்தால், அதற்கு அவரது மொழி அல்லது மொழிப் போதாமை தடையாக இருக்கக் கூடாது என்பதுதான். எந்த பிராந்தியத்திலிருந்து வரும் அரசியல்வாதிக்கும் இது பொருந்தும்.


///காலம் மாறும் பொது "தகுதி" வாய்ந்த மொழிகள் பரவும். "தகுதியற்ற" மொழிகள் அழியும்.///

எவ்வளவு சுலபமாகச் சொல்லமுடிகிறது! அப்படியென்றால் அழிந்துகொண்டிருப்பதாக நான் சொல்லியிருக்கும் மொழிகள் தகுதியற்றவையா? தமிழ் என்ன மாதிரி மொழி என்று உங்கள் கருத்தைச் சொல்லுங்களேன்.(வழக்கம்போல் அநாநியாகவே வரலாம்.)

மராத்தியை எப்பொழுதாவது கேட்டிருக்கிறீர்களா? உண்மையிலேயே அர்த்தம் புரிந்தும் புரியாமல் இருந்தாலும் ஹிந்தியைவிட சுகமாக, காதில் தேனாகப் பாயும். ஏதாவது டிவி சேனலில் கேட்டுப் பாருங்கள்.

பாரதியார் வரி...

"கங்கை நதிப்புறத்துக் கோதுமைப் பண்டம்
காவிரி வெற்றிலைக்கு மாறுகொள்ளு வோம்
சிங்க மராட்டியர்தம் கவிதை கொண்டு
சேரத்துத் தந்தங்கள் பரிசளிப்போம்."

கோதுமைக்கும் வெத்தலைக்கும்தான் நம்ப இடங்கள். லிட்டரேச்சருக்கு மராத்தியாம். எனில் உங்கள் கருத்தில் மராத்திக்கு வாழத் தகுதி இருக்கிறதா இல்லையா?