தமிழகத்தில் அடுத்த காங்கிரஸ் கோஷ்டி ரெடி!

அதிமுகாவில் இருந்த திருநாவுக்கரசு ஜெயுடன் ஏற்பட்ட மோதலில் ( ஜெயுடன் நட்பாக இருந்தால் தான் ஆச்சரியம் ) பின் திருநாவுக்கரசராக பா.ஜ.கவில் இருந்தார். பா.ஜ.காவில் உட்கட்சி சண்டையில் முழுகாமல் ஒதுங்கியே வாழ்ந்தார்.

வாஜ்பாய்க்கு பின் இவர் டெல்லி அரசியலிலும் அதிகம் ஈடுபடவில்லை. பா.ஜ.க இவரை சரியாக உபயோகப்படுத்தவில்லை என்பது எண்ணம்.

இன்று திருநாவுக்கரசர் அந்தக் கட்சிக்கு முழுக்குப் போட்டு விட்டு காங்கிரசில் இணைந்தார்.

டெல்லியில் இன்று நடைபெற்ற நிகழ்ச்சியில் உள்துறை அமைச்சர் ப.சிதம்பரம், தமிழக காங்கிரஸ் தலைவர் கே.வி. தங்கபாலு, மத்திய அமைச்சர் குலாம்நபி ஆசாத் ஆகியோர் முன்னிலையில் திருநாவுக்கரசர் காங்கிரசில் சேர்ந்தார். இந்த கூட்டதில் வாசன் ஆதரவாளர்கள் மிஸ்ஸிங்.

தமிழகத்தில் அடுத்த காங்கிரஸ் கோஷ்டி ரெடி!. அடுத்த முறை ராகுல் காந்தி தமிழ்நாட்டுக்கு வந்தால் இவர் கையால் ஒரு மாலை/துண்டு நிச்சயம் உண்டு காங்கிரஸில் வேறு உருப்படியான வேலை இருப்பதாக எனக்கு தெரியவில்லை. அந்த பாக்கியம் கிடைக்கவில்லை என்றால் இருக்கவே இருக்கு கோபாலபுரம்.

படம்: பழைய படம், இதில் இன்னும் பா.ஜ.காவில் இருப்பவர் பாவம் இல.கணேசன் மட்டும் தான்.