பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Sunday, November 15, 2009

சண்டேனா இரண்டு (15-11-09) செய்திவிமர்சனம்

இந்த வார இரண்டு செய்திகள்...

செய்தி # 1

ராஜீவ் காந்தி கொலைக்குப் பிறகு நடந்த சம்பவங்களை மிகுந்த கவனத்தோடு, இருதரப்பிலும் நடந்தவற்றை முடிந்தவரை நேர்மையாக சயனைடு என்ற படமாகப் பதிவு செய்தவர் ஏஎம்ஆர் ரமேஷ். இந்தப் படம்தான் தமிழில் குப்பி என வெளியாகி பாராட்டுக்களைப் பெற்றது.
இப்போது காவலர் குடியிருப்பு எனும் படத்தை இயக்கி வருகிறார் ரமேஷ். இதே படம் கன்னடத்தில் போலீஸ் குவார்ட்டர்ஸ் என்ற பெயரில் தயாராகி வருகிறது.

1992-ம் ஆண்டில் பாபர் மசூதி இடிக்கப்பட்டபோது, பெங்களூரில் நடந்த பெரிய கலவரத்தை மையமாக வைத்து எடுக்கப்படும் படம் இது.

இந்தப் படத்தின் பாடல் வெளியீட்டு விழா சமீபத்தில் சென்னையில் நடந்தது. இயக்குநர் அமீர் சிறப்பு விருந்தினராகக் கலந்துகொண்டு பாடல்களை வெளியிட்டார்.

விழாவில் அவர் பேசியது:

“சமூகத்தில் நிகழும் நிஜமான அவலங்களை மையமாக வைத்து இன்றைக்கு படம் எடுப்பவர்கள் மிகக் குறைவு. முன்பு தமிழகத்தில் நடந்த சம்பவங்களை படமாக்க இங்கே யாரும் முன்வராத நிலையில், கர்நாடகத்தை சேர்ந்த ஏ.எம்.ஆர்.ரமேஷ்தான் அவற்றை மையப்படுத்தி சயனைடு (குப்பி) என்ற படத்தைத் தந்தார். அது ஒரு நேர்மையான படைப்பு.

இப்போது பாபர் மசூதி இடிக்கப்பட்டபோது நடந்த கலவரத்தை மையமாக வைத்து, ‘காவலர் குடியிருப்பு’ படத்தை இயக்கி இருக்கிறார். உண்மை சம்பவங்களை படமாக்க ஒரு சிலர் மட்டும்தான் இருக்கிறார்கள். அதில், ஏ.எம்.ஆர்.ரமேசும் ஒருவர்.

தமிழ்நாட்டுக்கும், கர்நாடகத்துக்கும் இடையே எத்தனையோ பிரச்சினைகள் இருந்தாலும், 2 மாநிலங்களையும் இணைப்பது சினிமா மட்டும்தான். 2 மாநில மக்களும் அரசியல் ரீதியாக அவ்வப்போது பிரிக்கப்பட்டாலும் அவர்களுக்கு இடையே பாலமாக இருந்து இணைப்பது சினிமாதான்…”, என்றார் அமீர்.

படத்தின் இயக்குநர் ரமேஷ் பேசுகையில், “பாபர் மசூதி இடிக்கப்பட்ட போது பெரிதும் பாதிக்கப்பட்ட நகரங்களுள் ஒன்று பெங்களூரு. அன்று நடந்த கலவரங்களை மீண்டும் அதே இடங்களுக்குப் போய் படமாக்கினோம். அப்போது, கலவரத்தால் பாதிக்கப்பட்டவர்களின் முகத்தில் அந்த வலியும் வேதனையும் கண்ணீராய் வெளிப்பட்டது. நல்ல கலைக்கும் கலைஞர்களுக்கும் மொழி பேதம் கிடையாது. அது மக்களுக்குத் தெரியும்” என்றார்.

முல்லை பெரியார் விவகாரத்தில் எவ்வளவுதான் முரண்டு பிடித்தாலும், நமது தமிழ் படங்கள் வெளியானால், முதலில் 'கியூ'வில் நிற்ப்பது கேரளா மக்களே. நமது தமிழ் முன்னணி ஹீரோக்களுக்கு, கேரளா சூப்பர் ஸ்டார்களுக்கே இல்லாத அளவு 'மாஸ்' அங்கு இருக்கிறது. 'சிவாஜி' ரிலீசான போது, அதிகாலை ஐந்து மணிக்கே கேரளாவில் உள்ள திரைஅரங்குகளில் கூட்டம் நின்றதாக ஒரு மலையாளி நண்பர் தெரிவித்தார்.
கல்லூரி விழாக்களோ, தொலைகாட்சி நிகழ்ச்சிகளோ ஒலிப்பது நம் தமிழ் சினிமா பாடல்கள்தான்.

அதைபோன்ற நிலைக்கு பயந்துகொண்டுதான் தமிழ்படங்களின் உடனடி வெளியிட்டிற்கு தடைவிதித்து இருக்கறது கன்னட உலகம்.

செய்தி # 2

ராஜபக்ஷேவின் தங்கை நிருபமா மற்றும் அவரது கணவர் திருக்குமர நடேசன் ஆகியோர் நம் தமிழகத்தில் உள்ள கோவில்களை தரிசிக்கும் பொருட்டு ஒரு ஆன்மிக சுற்றுபயணம் மேற்கொண்டார்.

இதற்க்கு இந்து மற்றும் தமிழ் அமைப்புகள் கடும் எதிர்ப்பு தெரிவித்து, போராட்டங்களில் இறங்கினார்கள்.அவர் ராமேஸ்வரம் கோவிலுக்கு வந்து தரிசனம் செய்தார்.

இந்து மக்கள் கட்சி மாநில இளைஞரணிச் செயலாளர் சரவணன், ராமநாத சுவாமி கோயில் ஆணையருக்கு எழுதியுள்ள கடிதத்தில் கூறியுள்ளதாவது:

"இலங்கையில் ஆயிரக்கணக்கான இந்து தமிழர்கள் கொத்து கொத்தாக கொலை செய்ய்பட்டனர். இதற்குக் காரணமானவர் இலங்கை அதிபர் ராஜபக்கேஷ.

அவரது தங்கை நிருபமா ராமேஸ்வரம் கோயிலுக்கு வந்துள்ளார். அவர்கள் காலடி இந்த கோவிலுக்குள் பட்டதால் கோவிலுக்கு ‘பிரம்மஹத்தி தோஷம்’ ஏற்பட்டு கோயிலின் புனிதம் கெட்டுவிட்டது.

எனவே, கோயிலின் புனிதம் காக்க கோயிலில் பரிகார பூஜை நடத்த வேண்டும். இல்லையென்றால் இந்து மக்கள் கட்சியைச் சேர்ந்தவர்களே பரிகாரம் பூசையில் ஈடுபடுவார்கள்" என்று தெரிவித்துள்ளார்.

இதை போல, ஸ்ரீரங்கம் கோவிலுக்கு அவர் சென்றபோது, சில அமைப்புகள் கருப்புக்கொடி காட்டி, ஆர்ப்பாட்டத்தில் ஈடுப்பட்டனர். இதை கண்டு, மனமுடைந்த நிருபமா பாதியிலையே தனது ஆன்மிகபயணத்தை முடித்துவிட்டு, கொழும்பு சென்றுவிட்டார்.

இதைபோல, எடியுரப்பா ஒருமுறை சிதம்பரம் நடராஜர் கோவிலுக்கு வந்தபோது, திராவிட அமைப்புகள் எதிர்ப்பு தெரிவித்து ஆர்ப்பாட்டத்தில் இறங்கினர்.

அரசியல் காரணங்களுக்காக, நமது தமிழ் நாட்டுக்கு ஆன்மிகபயணம் வந்தோரை எதிர்ப்பது என்பது மிகவும் தவறு மற்றும் நம் தமிழ்நாட்டுக்கு தலைகுனிவை ஏற்ப்படுத்தும் செயல் ஆகும்.

இந்த வார உலக செய்தி

விமானப்படையை பலப்படுத்தும் நோக்கில் சீனாவிடம் இருந்து 36 ஜே-10 ரக போர் விமானங்களை 1.4 பில்லியன் டாலர் மதிப்பீட்டில் பாகிஸ்தான் அரசு வாங்கியுள்ளது.

இதுதொடர்பாகப் பாகிஸ்தான் அதிகாரி ஒருவர் கூறுகையில், "பாகிஸ்தான் விமானப்படையின் 2 பிரிவுகளுக்குத் தேவையான அளவு விமானங்களை முதற்கட்ட ஒப்பந்தத்தின்படி சீனா வழங்கியுள்ளது. விரைவில் அதிக எண்ணிக்கையிலான விமானங்களை சீனாவிடம் இருந்து வாங்கவும் திட்டமிடப்பட்டுள்ளது" என்றார்.

ஜே-10 (J-10)அல்லது ஜியான்-10 (Jian 10) என்றழைக்கப்படும் சீனப் போர் விமானங்கள் 3ஆம் தலைமுறை தொழில்நுட்பத்தில் உருவாக்கப்பட்ட மேம்பட்ட ரக போர் விமானங்களாகும். இதனை அமெரிக்காவின் எஃப்-16 ஃபைட்டிங் ஃபால்கன்ஸ் (American F-16 Fighting Falcons) ரக போர் விமானங்களுடன் ஒப்பிடலாம் என வல்லுனர்கள் கூறுகின்றனர்.

கடந்த சில ஆண்டுகளுக்கு முன் அமெரிக்காவுடன் (அதிபர் புஷ் ஆட்சிக் காலத்தில்) செய்து கொண்ட ஒப்பந்தத்தின்படி பாகிஸ்தானுக்கு எஃப்-16 ரக விமானங்களை அமெரிக்கா வழங்கியது. இதற்கு இந்தியா எதிர்ப்புத் தெரிவித்த போது தனது அதிநவீன போர் விமானமான எஃப்-22 ரக விமானங்களை இந்தியாவுக்கு வழங்க அமெரிக்கா முன்வந்தது. ஆனால் அவற்றை வாங்குவது பற்றி இன்று வரை இந்தியா இறுதிமுடிவு எடுக்கவில்லை.

இந்நிலையில், சீனாவிடம் இருந்து நவீனத் தொழில்நுட்பங்களை உள்ளடக்கியதாகக் கூறப்படும் ஜே-10 ரக போர் விமானங்களை பாகிஸ்தான் வாங்கியுள்ளது குறிப்பிடத்தக்கது.

விரைவில், சீனா - பாகிஸ்தான் ராணுவ ஒப்பந்தம் ஏற்ப்பட்டு, நமது நாட்டுக்கு எதிரான பெரும் நடவடிக்கைகளில் இரண்டு நாடுகளும் ஒருமித்து இறங்கும் அபாய அறிகுறிகள் தெரிகின்றன.


(நன்றி...மீண்டும் அடுத்த வாரம்)
-இன்பா

17 Comments:

Itsdifferent said...

No amount such provocation by Pak or China will push our spineless government to take any action. Our politicians and bureaucrats will sell their soul for a rupee.
I dont know what kind of revolution is necessary in our country, to make the central government responsible for things. All the developments in every sector is happening inspite of government, its a big shame.
Another big concern among concerned citizenship circles are, that we almost alone in the entire planet, there is no trustable friends for us in forum across the entire continent. Including Nepal and Bangladesh, are big time influenced by China, and our bloody politicians and officials are watching. I dont know what will they do all day long at office, its their job to react and proactively manage such relations.
Very very concerning thoughts these are, and our common man is either entangles on their own problems, or enjoy the life they have got with no worries about our national interest.

யதிராஜ சம்பத் குமார் said...

ஹிந்து மக்கள் கட்சிக்கு பேப்பரில் பெயர் வர வேண்டுமென ஏதாவது ஆசை இருந்திருக்கும். அது நிருபமாவின் மூலம் நிவர்த்தியாகியிருக்கிறது. எக்கட்சிக்கும் விளம்பர ஆசை இருக்கத்தானே செய்யும்.


கோவில்களுக்கும் தீரா விடமான திராவிட அமைப்புகளுக்கும் ஸ்நானப் ப்ராப்தி கூட இல்லாத நிலையில் கோவிலுக்கு யார் வந்தாலென்ன போனாலென்ன? முதுகெலும்பை முறித்தாலும் விடோம் என்று வசனம் பேசியவர்களை விட்டு எடியூரப்பாவிற்கு எதிராக கருப்புக் கொடி காண்பித்தால் ஆயிற்றா??


அனைத்து நாடுகளுமே தங்களது ராணுவத்தை பலப்படுத்தும் நோக்கில் தங்களது நட்பு நாடுகளிடமிருந்து தளவாடங்கள் வாங்குவது வழக்கமே!! நாமும் ரஷ்யாவிடமிருந்து நிறைய வாங்கியிருக்கிறோம். ஆயினும் சீனாவின் தற்போதைய பாகிஸ்தானுக்கு உதவும் நிலை உள்நோக்கமுடையது.


சீனா தங்களுக்கு, இரண்டு அணு ஆயுதங்கள் தயாரிக்கப் போதுமான 50 கிலோ செறிவூட்டப்பட்ட யுரேனியம் வழங்கியதாக பாகிஸ்தானின் அணு ஆயுத விஞ்ஞானி கூறியுள்ளார். அதை விடவா இந்த விமான விவகாரம் பெரிதல்ல.


மாவோயிஸ்டுகளுக்கு சீனா ஆயுதம் வழங்குகிறது என வெளிப்படையாக இந்திய அரசாங்கம் கூறுகிறது. ஆனால் அதை எதிர்ப்பதற்கு இங்கிருப்பவர்களுக்கு வாய் கிடையாது. இருக்கவே இருக்கிறது கண்டனம் என்ற வார்த்தை. அது வழக்கொழியும் வரை காங்கிரஸிற்கு கவலையில்லை. பேப்பரளவில் அனைத்தையும் எதிர்த்துக் கொண்டே இருக்கலாம்.

கிருஷ்ணமூர்த்தி said...

/ இந்தியா எதிர்ப்புத் தெரிவித்த போது தனது அதிநவீன போர் விமானமான எஃப்-22 ரக விமானங்களை இந்தியாவுக்கு வழங்க அமெரிக்கா முன்வந்தது./

கடுமையான பொருளாதார நெருக்கடியில் அமெரிக்கா கடந்த ஓராண்டாக சிக்கித் தத்தளித்த பொது கூட, ஆயுத விற்பனை செய்வது மட்டும் வெகு ஜோராக 28-32 சதவீத வளர்ச்சியுடன் இருந்தது.

"மரண வியாபாரிகள்" இடது சாரிகள் அமெரிக்காவை வர்ணிக்கப் பயன்படுத்தும் வார்த்தை இது. உண்மைதான்! சிவப்பும் ஆயுத விற்பனையில் குறைந்தது அல்ல என்பது தனி விஷயம்!

vedanarayanan said...

Once Rajini said , O God, I will take care of my enemies, Pls take care of my friends . So India should say, O god I will take care of Pak, pls take care of threats from china.

We can easily handle Pakistan, but not china. They are wolfs. Even when USA and USSR were on our side during 1960s, they could make a war against us with a cause and later convince USA on their claim.
They betrayed Tibetans and made them run around the world. They piled nuclear equipments in Tibet. How many monastries, they demolished in Tibet is only known to Budha. See their threats to Taiwan. I think they are a big danger to Thailand, Burma, Lanka. Chineese will annihilate local culture.

I feel Talibans are easier to handle in the sense they are driven by some principles based on their religions. And we know what they will do.

Chineese will keep smiling, sign all agreements and finally do what they have in their mind and then suppress facts and media. I think they are the biggest threat to peace in asia.

Whenever I said chineese in the above article, read as chineese communist govt (and not the chinese people).

Our polticians know this but helpless because china is a economic super power today.

கருப்பு பூனை said...

எனக்கு மேல் நிலையில் பணிபுரியும் ஒருவருக்கு எல்லையிலிருந்து அழைப்பு வந்துள்ளது. அவர் இதற்கு முன்பு எல்லை பாதுகாப்பு படையில் பணி புரிந்து ஓய்வு பெற்றவர். எப்போது சீன ராணுவம் அர்ணச்சல் பிரதேசத்தில், இந்திய வை நோக்கி 33 கி மீ தொலைவு நெருங்கி வந்து விட்டதால் தான் இந்த அழைப்பு என்று அவர் கூறினார்....

Anonymous said...

இன்பா செய்தி 1 எங்கேயோ இருந்து காப்பி அடிக்கப்பட்டதாக தெரிகிறது.

அமுதப்ரியன் said...

அரசியல் காரணங்களுக்காக, நமது தமிழ் நாட்டுக்கு ஆன்மிகபயணம் வந்தோரை எதிர்ப்பது என்பது மிகவும் தவறு மற்றும் நம் தமிழ்நாட்டுக்கு தலைகுனிவை ஏற்ப்படுத்தும் செயல் ஆகும்.


நீங்கள் ஒரு பார்ப்பனரா?

அமுதப்ரியன்

Anonymous said...

// 'சிவாஜி' ரிலீசான போது, அதிகாலை ஐந்து மணிக்கே கேரளாவில் உள்ள திரைஅரங்குகளில் கூட்டம் நின்றதாக ஒரு மலையாளி நண்பர் தெரிவித்தார்//. ங்கொக்காமக்கா! இதெல்லாம் பெருமைப்படக்கூடிய விஷயமா என்ன? கலையை இரசிப்பது பாராட்டப்படக்கூடியது தான். ஆனால் ஒரு சினிமாவைப் பார்ப்பதற்காக, காலை 5 மணிக்கே போய் தியேட்டர் வாசலில் காத்துக்கிடப்பது, மாலை போட்டு விரதமிருப்பது போன்ற தீரச் செயல்களெல்லாம் இரசனையில் சாராது. இது போன்ற விஷயங்களைப் பெருமையாகப் பேசுவதை என்றுதான் நிறுத்தப் போகிறோமோ?

Anony8 said...

India should project a subtle intimidation of N-deterrence against the Red Chinese like the Pak always openly threaten India with it's N-Bomb.

As for the Chinese J-10 jets, they are 1 or 2 generation behind our Sukhois and Mig 27's. J10s are nothing but a pirated version of all leading fighters in the world.

பெயர் சொல்ல விருப்பமில்லை said...

என்னதான் கரடியாகக் கத்தினாலும், நமது அரசு சீனா விஷயத்தில் இன்னும் சுணக்கமாகவே இருந்து வருகிறது, என்ன செய்ய, நாம் தேர்ந்தெடுத்த ஆட்சியாளர்கள் அவ்வளவு நல்லிதயம் கொண்டவர்களாக இருக்கிறார்கள்.

Anonymous said...

இது எங்கு போய் முடியுமோ தெரியவில்லை. ஆனால், பாகிஸ்தானை நம்பி புலி வால் பிடித்த நாயராகத்தான் அமெரிக்கா இருக்கிறது. சொந்த செலவில் சூனியம் வைத்துக்கொண்ட அமெரிக்காவை பார்த்தும் திருந்தாத சீனா இப்போது பாகிஸ்தானை ஊக்குவிப்பதுமூலம் என்னென்ன பிரச்சனைகளை சந்திக்கபோகிறதோ? இருக்கிற பிரச்சனைகள் போதாதென்று உள் நாட்டு குழப்பங்களால் திண்டாடிவரும் பாகிஸ்தான் இப்போதாவது விழித்துக்கொண்டு, தன் நாட்டு மக்களுக்கு நல்லதையும், பொருளாதார முன்னேற்றத்தில் கவனத்தையும் செலுத்தினால் நல்லது.

நம் நாடு பற்றி சொல்லவே வேண்டாம், தீவிரவாத பிரச்சனைகளுக்கு ஒரு பைலும், எல்லை பிரச்சனைகளுக்கு ஒரு பைலும், ஊழல் பிரச்சனைகளை சமாளிக்க ஒரு பைலும் தயாராக வைத்துள்ளதாகவே தெரிகிறது, இம் மூன்றில் எது நடந்தாலும் CUT AND PASTE மூலம் பின்னூட்டமிடுவதை போல பைலில் இருக்கும் அறிக்கை தயாராக யாராலாவது சொல்லப்பட்டு விடுகிறது.

நம்முடைய வீக்னஸ் தெரிந்த ஆஸ்த்ரேலிய அணி கிரிக்கெட் தொடரை திட்டமிட்டு வென்றது போல நம் நாட்டை அந்நிய சக்திகள் ஆக்கிரமிக்கும் கொடுமை வராமல் இருக்க தொலை நோக்கு பார்வையுள்ள எல்லா பிரிவு மக்களையும் காக்கும் நெஞ்சுரம் படைத்த ஒரு மனிதர் வருவாராக!!

Balu said...

/***Anonymous said...
// 'சிவாஜி' ரிலீசான போது, அதிகாலை ஐந்து மணிக்கே கேரளாவில் உள்ள திரைஅரங்குகளில் கூட்டம் நின்றதாக ஒரு மலையாளி நண்பர் தெரிவித்தார்//. ங்கொக்காமக்கா! இதெல்லாம் பெருமைப்படக்கூடிய விஷயமா என்ன? கலையை இரசிப்பது பாராட்டப்படக்கூடியது தான். ஆனால் ஒரு சினிமாவைப் பார்ப்பதற்காக, காலை 5 மணிக்கே போய் தியேட்டர் வாசலில் காத்துக்கிடப்பது, மாலை போட்டு விரதமிருப்பது போன்ற தீரச் செயல்களெல்லாம் இரசனையில் சாராது. இது போன்ற விஷயங்களைப் பெருமையாகப் பேசுவதை என்றுதான் நிறுத்தப் போகிறோமோ?***/

கோபியும் அருணாசசலமும் வரிந்து கொண்டு சண்டைக்கு வரப் போகிறார்கள்.

யதிராஜ சம்பத் குமார் said...

நீங்கள் ஒரு பார்ப்பனரா?///


இது போன்று எழுதுவதற்கு பார்ப்பனராக இருக்க வேண்டிய அவசியம் இல்லை.

சென்ற வாரம் இன்பா நாஸ்திகத்தைப் பற்றிய பதிவு எழுதினார்....அதற்காக அவர் நாஸ்திகராக இருக்க வேண்டுமா?

Anonymous said...

ரொம்ப நாட்களுக்கு முன் படித்த செய்தி; முஸ்லிம்கள் முதலில் யூதர்களை அழிப்பர்.
பின்பு அவர்கள் இந்துக்களை தாக்குவார்கள்
பின்பு அவர்கள் கிறிஸ்துவர்களை தாக்குவார்கள்
பின்பு தங்களுக்குள் சண்டை இட்டுக் கொள்வார்கள்.
இது வரை நடந்து இருக்கிறது./நடந்து கொண்டு இருக்கிறது.
புத்தர்களைப் பற்றி சொல்ல வில்லை. அதாவது சீனா, ஜப்பான். சீனாவில் ஒரு பகுதி இஸ்லாமியர்கள் தனி விதிகள் கேட்டு போராடுகின்றனர். எனவே, அடுத்து புத்தர்களாக இருக்கலாம். சீனாவுக்கும் ஆப்பு வைக்க ஒருவர் வேண்டாமா ? தாலிபான்கள் மற்றும் ஒசாமா-பின்-லாதேன் சீடர்கள் சீனா போகலாம்.

Anonymous said...

என் "தசாவதாரம்" படம் ரிலீஸ் ஆனபோது, சிவாஜிக்கு கொடுத்த அளவு கவரேஜ் கொடுக்கவில்லை...

(அழுது கொண்டே சொல்பவர் உள்ளூர் உலக நாயகன் ஆள்வார்பேட்டை ஆண்டவர்)

Paagarkai said...

//அரசியல் காரணங்களுக்காக, நமது தமிழ் நாட்டுக்கு ஆன்மிகபயணம் வந்தோரை எதிர்ப்பது என்பது மிகவும் தவறு மற்றும் நம் தமிழ்நாட்டுக்கு தலைகுனிவை ஏற்ப்படுத்தும் செயல் ஆகும்.//


இந்த வரிகளை வன்மையாக கண்டிக்கின்றேன். நாம் இழந்திருப்பது ஒரு லட்சம் உயிர்கள். இத்தகைய கொலைகளை செய்தவரின் சகோதரிக்கு தமிழ் மக்கள் ஒரு சிறிய எதிர்ப்பை கூட காட்டவில்லை என்றால் தமிழக மக்கள் அனைவரும் பிணம் தான்.

Anonymous said...

பாபர் மசூதி - wrong
Babri Masjid - Correct

No relation with Babar and this Masjid. First this needs to be changed.