பதிவர்கள் சந்திப்புக்கு - டாப் 10+1 ஆலோசனைகள்

சாமி படத்தின் பஞ்ச் டயலாக் "நான் போலீஸ் இல்லை பொறுக்கி". தமிழ் வலைப்பதிவர்கள் இந்த மாதிரி பன்ச் டயலாக் அடிக்கிறார்களோ இல்லையோ ஆனால் மூக்கைப் பார்த்தால் பஞ்ச் அடித்து 'நான் பொறுக்கி' என்கிறார்கள்.



இதை படித்தவுடன் உங்களுக்கு கோபம் வரலாம், எப்படி நீங்க எல்லா எல்லா தமிழ் வலைப்பதிவர்களும் இந்த மாதிரி என்று பொதுப்படுத்துவீர்கள் என்று. "நீ நேர்ல மூக்குடன் வராமலா போய்விடுவ?" அன்னிக்கு இருக்கிடி உனக்கு ஆப்பு என்று நீங்கள் சொல்லுவது என் காதில் கேட்கிறது. ( நல்ல வேளை காது பிழைத்தது). இருந்தாலும் நீங்களும் ஒரு வலைப்பதிவர் என்றால் உங்களுக்கு சில ஆலோசனைகள். இலவசமாக தான்.

1. அடுத்த முறை யாராவது உங்களை போன் செய்து கூப்பிட்டால், போலீஸ் கமிஷ்னர் ஆபிஸுக்கு வர சொல்லுங்க. உங்களுக்கும் பாதுகாப்பு, அதே சமயம் உங்க மூக்கு போனால், போலிஸுக்கும் ஒரு கேஸ் ஆச்சு.

2. வெளிநாட்டிலிருந்து வரும் பிளாக் தமிழர்கள், இந்தியா வரும் முன், குறிப்பாக சென்னை வரும் முன் ZZ+ செக்யூரிட்டியை விசாவுடன் சேர்த்து அப்ளை செய்யவும்.

3. கிரிக்கெட் விளையாட்டுக்கு பாதுகாப்பு அவசியம் போல, இனி கவசங்களுடன் சக பதிவர்களை மீட் பண்ணச் செல்லலாம். அப்டமன் கார்ட் & ஹெல்மட் அவசியம். நமக்கு இருப்பதோ ஒன்றே ஒன்று. அது முடியவில்லை என்றால் அட்லீஸ்ட் ஒரு பாட்டில் ரத்டம் + ஒரு பாட்டில் க்ளூக்கோசுடன் சந்திப்புக்குச் செல்லவும். கூடவே மூக்கு ஈன்ஷூரன்ஸ் செய்துக்கொள்ளுங்கள்.

.4. அப்படியும் நீங்க நான் தமிழன், எனக்கு பயம் இல்லை. நான் மீட்டிங்கிற்கு போவேன் என்ற தைரியம் இருந்தால். மீட்டிங்கில் தோளைத் தொட்டு ஒருவர் அழைத்தால், உடனே திரும்பிப் பார்க்காமல், ஒரு பத்தடி குடுகுடுவென்று ஓடி, பிறகு "எதற்கு கூப்பிட்டீர்கள்?" என்று ஜாக்கிரதையாக வினவலாம்! இதைத் தான் ஆங்கிலத்தில் "Maintaining proper Distance" என்பார்கள்.

5. '(உண்மையான) எதிரிகளை நான் கவனித்துக் கொள்கிறேன். (போலியான) நண்பர்களை நீ கவனித்துக் கொள்' என்று கடவுளிடம் வேண்டிக் கொள்ளவும். பகுத்தறிவுப் பகலவர்கள் பெரியாருக்கு மாலை போட்டு வேண்டிக் கொள்ளலாம்.

6. உங்க மகன், மகளுடன் கராத்தே, குங்பூ, தேக்கோவா போன்ற பயிற்சிகளில் ஈடுபடலாம். அது முடியவில்லை என்றால் உங்கள் மனைவியை அழைத்துகொண்டு போங்கள்.

7 ஒரு பதிவருடன் எப்போதும் சண்டை என்றால் இருக்கவே இருக்கு கடைசி வழி. ஓபாமாவிடம் முறையிடுங்கள், இப்ப தான் சமாதானத்துக்கு நோபல் பரிசு வாங்கியிருக்கிறார். நிச்சயம் ஏதாவது செய்வார்.

8. சிம்பு போல் முகஜாடை இருப்பவர்கள், மீட்டிங்கை தவிர்ப்பது நலம். இல்லை உங்களுக்கு இலவச குடும்பக் கட்டுபாடு ஆபரேசன் செய்யப்பட்டு விடும் அபாயம் இருக்கிறது. மூக்கு உடைந்தால் பரவாயில்லை, .... போய்விட்டால் வாழ்க்கையே அம்பேல்!

9. இனி பாடிகாட் முனிக்கு கடிதம் எழுதுவதை விட, இந்த நிஜ பாடிகாட்'க்கு எழுதலாம். ஆட்சேபனை உள்ளவர்கள் ஒரு கையைத் தூக்கவும். ( அடுத்த கையை வைத்து மூக்கைப் பொத்திக்கொள்ளுங்கள்).

10. தீபாவளி இலவச ஆலோசனை, விஜய் டிவிக்கு.: நடந்தது என்ன ? டீம் ரஜினி குகைக்கு சென்று கஷ்டப்படாமல் பதிவர்கள் சந்திக்கும் பார்க்குக்கு சென்றால் போதும். தீவாவளி ஸ்பெஷல் நிகழ்ச்சி ரெடி.

11. பெண் பதிவர்களுக்கு ஸ்பெஷல் குத்து: மூக்கு குத்திக்கொள்ளாத பெண் பதிவர்கள் இவர்களுக்கு போன் செய்தால் இலவசமாக மூக்குக் குத்திவிடுவார்கள்.


மூக்கு முட்டக் குடித்துவிட்டு பதிவர் சந்திப்பு வேண்டாம் மூக்கு முட்டினால் பிரச்னை, அதனால்....நாக்க மூக்க என்று பாடிக்கொண்டு வீட்டில் டிவி பார்த்துக்கொண்டு இருங்கள்.