பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Wednesday, August 19, 2009

மைடியர் பாடிகாட் முனீஸ்வரனே! - 19-8-2009

இந்த வாரம் இவ முனிக்கு எழுதும் கடிதம்...

ஹலோ முனி,

சௌக்கியமா ? போன வாரம் மனசே சரியில்லை இந்தியர்களுக்கு அமெரிக் விமான நிலையத்தில் ஏற்படும் நிலமையை பார்த்தால் பயமா இருக்கு. நேவார்க் விமான நிலையத்தில் ஷாருக்கானிடம் அதிகாரிகள் விசாரணைக்கு 2 மணி நேரம் காத்திருக்க வைத்தனர் என்று மீடியாவில் செய்தி பார்த்ததிலிருந்து கையும் ஓடலை காலும் ஓடலை. அமைச்சர் அம்பிகா சோனியைப் பாராட்ட வேண்டும். அமெரிக்கர்களை பழிக்கு பழி வாங்க வேண்டும் என்று சபதமே போட்டிருக்கிறார். நல்ல வேளை அமெரிக்காவை போல் நாம் தீவிரவாதிகளை ஒழித்துக்கட்ட வேண்டும் என்று அவர் சபதம் போடலை. காங்கிரஸ் கொள்கையை காப்பாற்றி விட்டார். சில மாதங்களுக்கு முன் அமெரிக்கா சென்ற மலையாள நடிகர் மம்மூட்டியின் பாஸ்போர்ட்டில் "முகமது குட்டி" என்ற அவரது சொந்த பெயர் இருப்பதை காரணம் காட்டி அவரிடமும் அமெரிக்க அதிகாரிகள் சோதனை நடத்தினார்கள். அப்போது மீடியா அவரை இவ்வளவு பிரபல படுத்தவில்லை. ஏன் என்றால் மம்முட்டி அவர்கள் ஷாருக்கான் அளவு கிளோபல் ஃபிகர் கிடையாது. அமெரிக்கர்களுக்கு அமெரிக்கா தான் World. நம்மாளுகளுக்கு பாலிவுட்தான் சினிமா. ஏன் என்றால் அது தான் Under World!

சஞ்சய் தத் என்று ஒரு நடிகர் இருக்கிறார். அவர் அடிக்கடி "ஷூட்டிங்குக்கு" போய்விட்டு வரேன் என்று சொல்லிவிட்டு போவார், பிறகு தான் தெரிந்தது அவர் ஏ.கே.56 துப்பாக்கி வைத்திருக்கிறார் என்று. கோர்ட்டில் எதற்கு இந்த துப்பாக்கி என்றால் 'தற்காப்புக்காக' என்கிறார். தற்காப்புக்காக போலீஸ் கமிஷ்னர் கூட ரிவால்வர் தான் வைத்திருக்கிறார். சரி ஏ.கே.56 துப்பாக்கி வைத்திருக்கிறார். அது அவர் இஷ்டம். ஆனால் அதற்கு லைசென்ஸ் கிடையாது. ஏன் என்றால் அவர் அப்பா ஒரு அரசியல்வாதி. அந்த லைசன்ஸே போறும் என்று நினைத்திருப்பார் போலும்.

அதைவிடு. காட்டுப்பகுதியில் மான் வேட்டையாடியதாக நடிகர் சல்மான்கான் மீது வழக்குப்பதிவு செய்யப்பட்டது. இதில், சல்மான்கானுக்கு 5 ஆண்டுகள் சிறைத் தண்டனையும் 25 ஆயிரம் அபராதமும் விதித்தது கோர்ட். இப்ப என்னடான்னா அவர் ஜாலியா நடித்துக்கொண்டும், காரை ஏற்றி பிளாட்பாரத்தில் இருந்தவர்களை பரலோகம் அனுப்பிக்கொண்டும் இருக்கிறார். எதுக்குச் சொல்ல வரேன் என்றால் இது போன்ற "நல்ல" நடிகர்கள் மதிப்பு எல்லாம் இந்திய விசிலடிச்சான் குஞ்சுகளுக்கு மட்டும்தான் தெரியும். அமெரிக்கால இருக்கற ஏர்போர்ட் செக்யூரிடிக்கு எப்படி தெரியும் ?

என் பெயரில் 'கான்' என்று இருப்பதால் என்னை விசாரணை செய்தார்கள் என்கிறார். "மை நேம் ஈஸ் கான்” என்ற திரைப்படம், 100 கோடி ரூபாய்க்கு விற்பனையாகவுள்ளதாக தகவல். எல்லாவற்றிருக்கும் ஒரு விலை இருக்கு.
அமெரிக்காவில் IPL போன்று ஒன்று ஆரம்பித்து அதில் ஒரு அணியை ஷாருக்கான் நடத்தினால் அடுத்த முறை கான் அமெரிக்கா போகும் போது ஓபாமாவுடன் பீர் பார்ட்டி கொடுப்பார். சரியா நான் சொல்லுவது ?

"விசாரணை நடத்த ஒரு பத்து நிமிடத்தையோ அல்லது இருபது நிமிடத்தையோ எடுத்துக்கொண்டால் அதை சாதாரணமாக எடுத்துக் கொள்ளலாம். அதை விட்டு விட்டு இரண்டு மணி நேரம் விசாரித்தோம் என்றால் அதை என்னவென்று எடுத்துக்கொள்வது" என்று ப.சிதம்பரம் தன் பங்கிற்குக் கண்டனம் தெரிவித்துள்ளார். உள்துறை மந்திரியில்லயா ? அடுத்த முறை அமெரிக்கா இரண்டு மணி நேரம் விசாரணை செய்ய வேண்டும் என்றால் கால்ஷீட் வாங்கிக்கொண்டு தான் செய்ய வேண்டும் என்று உளராமல் போனாரே.

ஷாருக்கானுக்கு தன் நடிப்பை போலவே நகைச்சுவை உணர்வு கொஞ்சம் ஜாஸ்தி. "அமெரிக்கர்கள் இந்தியா வந்தால் என்ன செய்வீர்கள்?" என்று மீடியா ஏதோ கேட்டு வைக்க "ஏஞ்செலீனா ஜூலி" இந்தியா வந்தால் நான் 'frisk' ( தமிழ் வார்த்தை துழாவல்?) செய்யத் தயார் என்கிறார். ஆசை தோசை அப்பள வடை!

இந்தியா சுதந்திரம் அடைத்து 62 ஆண்டுகள் ஆகிவிட்டது. இந்தியாவின் தேசிய கீதம், சின்னம், விலங்கு, பறவை, பூ, விளையாட்டு (?) எல்லாம் இருக்கிறது ஆனால் தேசிய உணவு என்று ஒன்று இல்லை. இந்தியர்கள் உணவு பிரியர்கள். ஆனால் அவர்களுக்கு தேசிய உணவு என்று ஒன்று இல்லாதது பெரிய வருத்தம் தரும் செய்தி. தமிழனின் தேசிய உணவு இட்லி-வடை. ஆனால் இந்தியர்களின் தேசிய உணவு ? அவுட்லுக் இந்தியாவின் தேசிய உணவு என்று இந்த படத்தை போட்டிருக்கிறார்கள். நடுவில் இருப்பது இட்லி!

போன வாரம் பார்த்தால் திடீர் என்று இட்லி மாதிரி இந்திய கிரிக்கெட் டீம் நடுவில் டிராவிட் இருக்குறார். எல்லோருக்கும் ஒரே ஆச்சரியம். டிராவிட்டே ரொம்ப ஆச்சரியப்பட்டாராம். ஸ்ரீகாந்தை கேட்டால் இது தான் பெஸ்ட் இந்தியன் டீம் என்று மைக்
முன்னாடி கண்ணாட்சி போட்டுக்கொண்டு பேசுகிறார். எனக்கு என்னவோ டிராவிட் இந்த ஒரு நாள் போட்டிக்கு பிறகு நான் ஒரு நாள் கிரிகெட் போட்டியிலிருந்து ரிடையர் ஆக போகிறேன் என்று சொல்ல போகிறார் என்றே தோணுகிறது. டிராவிட் தான் இந்திய கிரிக்கெட் டீமின் 'வால்' என்பார்கள். இருந்தாலும் எதற்கு கிழவர்களை எல்லாம் எதற்கு ஒரு நாள் கிரிகெட் போட்டியில் சேர்க்க வேண்டும்? இவரைக் கிழவர் என்று சொன்னால் எனக்கு வால் முளைத்திருக்கு என்பார்கள். எனக்கு ஏன் வீண் வம்பு.

சில நாட்கள் முன் பத்திரிகையாளர்களை சந்தித்த கருணாநிதி "திருமதி ஜெயலலிதா'' என்று சொல்லியுள்ளார். வம்பு பிடித்த பத்திரிக்கயாளர் ஒருவர் "ஏன் 'திருமதி ஜெயலலிதா' என்று சொல்கிறீர்கள்?'' என்று கேட்டதற்கு "மைனாரிட்டி அரசு" என்று அவர் சொல்கின்ற வரை இப்படித்தான் சொல்வேன்'' என்று பதில் சொல்லியுள்ளார் அந்த 86 வயது அரசியல் சாணக்கியர். இந்த மாதிரி தாய்குலத்தைப் பற்றிப் பேசினால் உடனே தாய்குலம் என்ன செய்யும் ? "மங்கையராகப் பிறப்பதற்கே நல்ல மாதவம் செய்திட வேண்டும் அம்மா'', "மாதர் தம்மை இழிவு செய்யும் மடமையைக் கொளுத்துவோம்' என்று தேய்ந்து போன ரிக்கார்டு போல கொடிபிடிக்க ஆரம்பித்துவிடுவார்கள். அதையே தான் கொடா நாடு பங்களாவிலிருந்து அம்மா செய்துள்ளார். அதாவது அம்மா அங்கிருந்து அறிக்கைவிட இங்கே மகளிர் அமைப்பு ஆர்பாட்டம் அது இது என்று கலக்க ஆரம்பித்துள்ளார்கள். ஏதோ நடக்கட்டும். கொஞ்ச வருஷம் முன்னாடி நம்ம சுப்ரமணியசாமிக்கு நடந்தது போல நடக்காம இருந்தா சரிதான். எனக்கு ஒரு சந்தேகம் தேசிய விநாயகம் பிள்ளை, பாரதியார், பாரதிதாசனுக்கு அப்பறம் இது போல வீர வசனம் பேசியவர்கள் யாரும் கிடையாதா ?

நேற்று தூக்கம் வராம கலைஞர் ஏன் அப்படி பேசினார் என்று யோசித்து பார்த்தேன். அம்மா 'மைனாரிட்டி அரசு' என்று சொன்னது கலைஞர் காதில் 'மைனர் அரசு' என்று விழுந்திருக்கும் என்று நினைக்கிறேன். மேஜரான ஒருவரை மைனர் என்றால் யாருக்கு தான் கோபம் வராது ? அதனால் தான் அவர் 'திருமதி' என்று சொல்லியுள்ளார். நல்ல வேளை இனிமே கலைஞரை Mr.Mr.Mr M.Karunanidhi என்று அழைக்க வேண்டும் என்று அம்மா அறிக்கைவிடாமல் இருந்தாரே.
யார் சொன்னது தமிழ்நாட்டில் விலைவாசி ஏறிவிட்டது என்று ? தமிழ்நாட்டில் எல்லாம் சீப்பாக போய்விட்டது பார்த்தையா ?

விஜயகாந்த் நீங்க தமிழ்நாட்டுக்கு என்ன செய்திருக்கிறீர்கள் என்று கேட்க கலைஞர் நான் இது செய்திருக்கிறேன் அது செய்திருக்கிறேன் என்று 121 சாதனை பட்டியல் கொடுத்திருக்கிறார். போன வாரம் எங்க தெரிவில் ஒரு தெருவிளக்கு மாற்றினார்கள் அதையும் சேர்த்தால் 122. "உங்க இஷ்டம் எப்படி வேண்டும் அப்படி போகலாம்" என்ற இந்த சிக்னலையும் சேர்ந்தால் 123. மற்ற சாதனைகள் கூகிளில் தேடினால் கிடைக்கலாம்.

கூகிளுக்கு போட்டியாக பிங்(Bing) வந்திருக்கிறது. மைக்ரோசாப்ட் மூளை என்று சொல்லுகிறார்கள். தற்போது சுமாராக இருக்கிறது. எதுவுமே போக போக தான் தெரியும். எனக்கு பிடித்தது http://www.wolframalpha.com/ இதில் புதுமையான சில விஷயங்கள் இருக்கு. டைம் கிடைக்கும் போது போய் பாரு. அதில Google என்று தேடி பாரு விஷயம் புரியும்.

போகப் போகத் தெரியும்
என்ற கட்டுரை தொடர் ஒன்று தமிழ் இந்துவில் உருப்படியாக வருகிறது. புத்தகமாக வர போகிறதாம். இந்த புத்தகத்துக்கு தமிழக அரசு நூலக ஆர்டர் நிறைய வரும் என்று நினைக்கிறேன். ஹிந்து சைட் இப்ப தங்களுடைய வடிவமைப்பை மாற்றியுள்ளார்கள். இப்ப நல்லாவே இருக்கு. நான் சொன்னது ஆங்கில ஹிந்து சைட் பற்றி. தமிழ் ஹிந்துவும் தங்கள் பங்கிற்கு வடிவமைப்பை மாற்றியுள்ளார்கள். தி.நகர் போதீஸ் கடை பண்டிகைக்குப் பண்டிகை தங்கள் முகப்பு வாயிலை மாற்றுவர்கள். கேள்விப்பட்டதில்லை ?

முன்பு கிருஷ்ணர், விவேகானந்தர் படங்களை போட்டு ஏதோ எழுதி பார்த்தார்கள். ஆள் வரவில்லை ஆள் பிடிக்க என்ன செய்ய் என்று யோசித்தவர்கள். 'கட்டிப்பிடி கட்டிப்பிடிடா கண்ணாளா!' பாடல் நினைவுக்கு வந்து மும்தாஜ் படத்தை போட்டு ஆள் பிடிக்க ஆரம்பித்துவிட்டார்கள். பெரியாரையும், மற்ற மதங்களை பற்றி தெரிந்த அளவுக்கு மதம் பற்றித் தெரியுமா என்று எனக்குத் தெரியவில்லை. அப்ப ஹிந்துயிஸம் ? சிந்துபைரவியில் சிவக்குமாரைப் பார்த்து உங்கள் மனைவிக்கு சங்கீதம் தெரியுமா என்று கேட்கும் போது, சுலக்ஷ்ணா "கத்திரிக்காய் கிலோ என்ன விலை?" என கேட்பார். நினைவிருக்கிறதா முனி ?

40 மில்லியன் ரீடர்ஷிப் உள்ள உலகின் மிகப் பிரபலமான பத்திரிகைகளுள் ஒன்றான ரீடர்ஸ் டைஜஸ்டே திவால் நோட்டீஸ் தரப்போவதாக அறிவித்துள்ளது தெரியுமா ? 2005க்கு பிறகு இந்தப் பத்திரிகையின் விற்பனையில் பெரும் சரிவு ஏற்பட ஆரம்பித்துவிட்டது என்கிறார்கள். ரீடர்ஸ் டைஜஸ்ட் உருவான கதை பதிப்பித்தவர்கள் ரீடர்ஸ் டைஜஸ்ட் முடிந்து போன கதையையும் பிரசுரிப்பார்கள் என்று நம்புவோம். தற்போதைய பொருளாதார வீழ்ச்சியில் திவால் நோட்டீஸ் கொடுத்த தனிநபர்கள் மற்றும் நிறுவனங்களின் எண்ணிக்கை 13 லட்சம். இதை படித்தாலே பலருக்கு தூக்கம் போய்விடும்.
தற்போது பெரும்பாலோர் தூக்கம் இல்லாமல் இருக்கிறார்கள் தெரியுமா ? காரணம் ஜஸ்வர்யா ராய்க்குக் காய்ச்சலாம். மாமனார் அமிதாப் தன் வலைப்பதிவில் எழுதியிருக்கார். ஐஸ் சீக்கிரம் நல்ல நிலைக்கு வந்து பலர் தூக்கத்தை கெடுக்க வேண்டாமா ? மனிதனுக்கு தூக்கம் மிக அவசியம் என்று போன வாரம் ஒரு கட்டுரை படித்தேன். ஆடு, மாடு எல்லாம் டையத்துக்கு தூங்கிவிடுகிறதாம். மனிதன் மட்டும்தான் இயற்கையிலிருந்து மாறுபட்டு தனது தேவைக்கேற்ப தூங்கும் நேரத்தை மாற்றிக் கொண்டு Gtalk, பிளாக் என்று டையத்தை வீண் அடிக்கிறான், பின்னாளில் நோயுற்று அவதிப்படுகிறான் என்று அந்த கட்டுரை சொல்லுகிறது.

நமது அரசியல்வாதிகள் பலர் சட்டசபையிலும், பாராளுமன்றத்திலும் எப்போதும் தூங்கிக்கொண்டு இருப்பார்கள். சட்டசபை நிகழ்ச்சியின் தொகுப்பு அல்லது பாராளுமன்ற நிகழ்ச்சிகள் காண்பிக்கும் போது பார்த்தால் அதில் யாராவது நிமிஷத்துக்கு ஒருமுறை கொட்டாவி விட்டுக்கொண்டே இருப்பார்கள், படத்தில் உள்ளவரைப்போல. ஹிட்லர் போர்க்காலத்தில் தூங்காமல் இருக்க கண்களில் ஒரு வகை மருந்தை ஊற்றி தூக்கத்தைத் தடுத்தார் என்று கேள்வி. அது போல சபாநாயகர் எல்லா அரசியல்வாதிகளுக்கும் சபைக்குள்ளே வரும் போது இரண்டு சொட்டு மருந்தை ஊற்றினால் எப்படி இருக்கும்? சொட்டு மருந்து என்றால் ஜெயா டிவி வரிந்து கட்டும் என்பதால் சபாநாயகருக்கு பயமோ என்னமோ.

இன்று வெட்டி ஆபிஸர் ஒருவர் எனக்கு அனுப்பிய மெயில் கடைசியில் இப்படி எழுதியிருந்தது.
MOTHER-IN-LAW
When you rearrange the letters:
WOMAN HITLER

நிச்சயம் இது (வேலையே இல்லாத) ஒரு மருமகளின் வேலையாக தான் இது இருக்க வேண்டும்

ஆக மொத்தத்தில் மாமனார்கள் மருமகளை பற்றி பிளாக் எழுதுகிறார்கள், (வருங்கால) மாமியார்கள் இந்த மாதிரி மெயிலை அனுப்புகிறார்கள்.

கடைசி செய்தி தெரியுமா ? பாரதிய 'ஜின்னா' கட்சியிலிருந்து ஜஸ்வந்த் சிங் நீக்கப்ட்டார். மாமியார்(ஜஸ்வந்த் சிங்) உடைத்தால் மண்குடம்; மருமகள்(அத்வானி) உடைத்தால் பொன்குடமா? நல்ல கூத்து! இனி பிஜேபி மெல்ல அழியும்.

DAUGHTER-IN-LAW என்ற வாத்தையை rearrange செய்தால் என்ன கிடைக்கும் ?

பதிலை எதிர்பார்க்கும்,
இட்லிவடை

42 Comments:

Anonymous said...

மிக அருமையான லெட்டர் திரு இட்லி அண்ணா!
தொடரட்டும் உங்கள் அராஜகம்! :-D

ஸ்ரீராம். said...

ஷாருக் பண்ணற பரபரப்பைப் பார்த்தா இந்த subject ல ஒரு படம் பண்ணப் போறார் போல....

ஸ்ரீராம். said...

மைனாரிட்டி அரசு என்பதற்கு இது என்னவகை பதில்? என்ன சம்பந்தம்?

மானஸ்தன் said...

//அடுத்த முறை அமெரிக்கா இரண்டு மணி நேரம் விசாரணை செய்ய வேண்டும் என்றால் கால்ஷீட் வாங்கிக்கொண்டு தான் செய்ய வேண்டும் என்று உளராமல் போனாரே.//
இவர் சொல்லக் கூடியவர்தான்.

//அவுட்லுக் இந்தியாவின் தேசிய உணவு என்று இந்த படத்தை போட்டிருக்கிறார்கள். நடுவில் இருப்பது இட்லி!//
இட்லி எப்பவுமே centre of attraction-தான்.

//எனக்கு ஒரு சந்தேகம் தேசிய விநாயகம் பிள்ளை, பாரதியார், பாரதிதாசனுக்கு அப்பறம் இது போல வீர வசனம் பேசியவர்கள் யாரும் கிடையாதா?//
திரு.திருமா என்று ஒருவர் சிதம்பரம் எம்.பி. ஆக உள்ளார். அவர் பேசி நீங்கள் கேட்டது இல்லையா? நேத்திக்கு கூட தினத்தந்தில ஒரு பெரிய அறிக்கை குடுத்துட்டு, கோபாலபுரம் போயி அபிவாதயே பண்ணிட்டு வந்தாரு. விஜாரிசுபாருங்க. நியூஸ் கிடைக்கும்.

//அது செய்திருக்கிறேன் என்று 121 சாதனை பட்டியல் கொடுத்திருக்கிறார். //
சில நாட்கள் முன்பு ஒரு நண்பரிடம் நம்பர் குடுங்கள், பேசணும் என்றேன். 121 என்றார். :-D

//ஹிந்து சைட் இப்ப தங்களுடைய வடிவமைப்பை மாற்றியுள்ளார்கள். இப்ப நல்லாவே இருக்கு. //
எனக்கென்னமோ பழைய site-தான் நன்றாக இருப்பது போலத் தோன்றுகிறது. இருந்தாலும், beta, கொஞ்ச நாள் try பண்ணிப் பாத்துட்டு சொல்றேன்.

யதிராஜ சம்பத் குமார் said...

கலைஞர் திருமதி என்று சொன்னாலும் சொன்னார் எந்த வாராந்திரியைப் பார்த்தாலும் இந்த வாரத்திற்கு அவல் கிடைத்தாயிற்று என்ற ரீதியில் அட்டைப்படத்தில் ஜெ. திருமதியா?? என்று தலைப்பிட்டு உள்ளே ஆய்வுக் கட்டுரைகளை வரிந்து தள்ளிக் கொண்டிருக்கின்றன. அடுத்தவர்களின் தனிப்பட்ட வாழ்க்கையைப் புலனாய்வதில் பத்திரிக்கைகளுக்கு என்னதான் திருப்தியோ?? வாழ்க பத்திரிக்கை தர்மம்!! கலைஞரும் ஜெயலலிதாவின் தனிப்பட்ட வாழ்க்கை பற்றிப் பேசியிருக்கத் தேவையில்லை. இவ்வளவு அனுபவத்திலும் முதிர்ச்சியற்ற பேச்சு.


ஜஸ்வந்தின் பதவி நீக்கம் சற்றே புதிராக இருக்கிறது. நேற்று இதுபற்றிப் பேட்டியளித்த ராஜ்நாத் சிங் அவர்கள், சர்தார் பட்டேல் பற்றி ஜஸ்வந்த் சிங் கூறியது அவருடைய தனிப்பட்ட கருத்து என்று கூறியிருந்தார். இன்று தடாலடியாக அவரை கட்சியிலிருந்தே நீக்கி விட்டனர். ஆனால் ஜின்னா விவகாரம் பற்றி இன்றுதான் பேசப்பட்டது. பட்டேலைத் தோண்ட ஜின்னா புறப்பட்டார்.

Anonymous said...

"
நேற்று தூக்கம் வராம கலைஞர் ஏன் அப்படி பேசினார் என்று யோசித்து பார்த்தேன். அம்மா 'மைனாரிட்டி அரசு' என்று சொன்னது கலைஞர் காதில் 'மைனர் அரசு' என்று விழுந்திருக்கும் என்று நினைக்கிறேன்."

"'மைனாரிட்டி அரசு' என்று சொன்னது கலைஞர் காதில் 'மைனர் அரசு'"

Is he not a minor.Malluvetti minor. 1 manaivi, 100 thunaivi, 1000 pasanga

I coudnt control my laughter. U keep rocking

யதிராஜ சம்பத் குமார் said...

மாமியாரும்( அத்வானி ) மருமகளும் ( ஜஸ்வந்த் ) இடம் மாறிவிட்டனர் போல் தெரிகிறதே??

உண்மை said...

//'frisk' ( தமிழ் வார்த்தை துழாவல்?) //

- தடவல் :)

வால்பையன் said...

//டிராவிட் தான் இந்திய கிரிக்கெட் டீமின் 'வால்' என்பார்கள். இருந்தாலும் எதற்கு கிழவர்களை எல்லாம் எதற்கு ஒரு நாள் கிரிகெட் போட்டியில் சேர்க்க வேண்டும்?//

அப்போ நான் என்ன கிழவனா!?
அவ்வ்வ்வ்வ்!

Keerthi said...

இந்தியா சுதந்திரம் "அடைத்து" 62 ஆண்டுகள் ஆகிவிட்டது

- வாஸ்தவம்தான்.

snkm said...

அருமையான விஷயங்கள்!

சுதாகர் said...

அது Newark. நியூயார்க் இல்லை.

Anonymous said...

An idle, raw thug? - anagram for Daughter in law---dilli palli

Baski said...

அமெரிக்கர்களில் பல வகை.
ஆசியர்கள் மீது இனவெறி கொண்டவர்களும் சி(ப)லர் இருக்கிறார்கள். சாருக்கான் ரெண்டு மணி நேரம் வெயிட் பண்ண வைத்தது இதே மாறியான ஒரு இன வெறி செயலாக கூட இருக்கலாம்.

Believe me! This will be done so professionally.. And you cannot accuse them for it.

பொதுவாக Immigration & Baggage-Claim செய்ய 1 மணி நேரம் ஆகும். நமக்கு தான் tolerance ஜாஸ்தி ஆயிற்றே. So even ரெண்டு நாள் ஆனாலும் பேசாமல் இருந்துவிட்டு போய்விடுவோம். ஆனால் சாருக்கான் படம் வெளிவரும் இந்த வேளையில் இது நடந்துள்ளதால் இது வேண்டுமென்றே சாருக்கான் செய்து கொண்ட விளம்பரமே என தோன்றுகிறது.

But when Kalam co-operates, why not this cinima actor.

Cinema Virumbi said...

Frisking- தடவித் தேடல்?? கைகளால் மேய்தல்?? குடைதல்?? தூண்டித் துருவுதல்??

நன்றி!

சினிமா விரும்பி

sandoz said...

//ஓபாமாவுடன் பீர் பார்ட்டி கொடுப்பார்//

http://xkcd.com/617/

God said...

Good post... Bing is ok but not as good as google... google has now started "caffeine" http://www2.sandbox.google.com/ where it is said the results are better than Google itself!!!

willi said...

super ..keep it up

Baski said...

I enjoyed reading "Currency Conversion Rate : INR 1 Rs = USD $ 100 "

ஷங்கரலிங்கம் said...

DAUGHTER-IN-LAW = LA DRAUGHT WINE (OR) A LAUGHTER WIND

chutneysambhar said...

Trade mark idlyvadai letter...
keep it up..
Feel bad for jaswant singh
He was almost into tears in cnn-ibn interview

BJP is gone

கலைக்கோவன் said...

//சஞ்சய் தத் என்று ஒரு நடிகர் இருக்கிறார். அவர் அடிக்கடி "ஷூட்டிங்குக்கு" போய்விட்டு வரேன் என்று சொல்லிவிட்டு போவார், பிறகு தான் தெரிந்தது அவர் ஏ.கே.56 துப்பாக்கி வைத்திருக்கிறார் என்று.//
//காட்டுப்பகுதியில் மான் வேட்டையாடியதாக நடிகர் சல்மான்கான்//
Real Quick Gun Murugan's
//எனக்கு என்னவோ டிராவிட் இந்த ஒரு நாள் போட்டிக்கு பிறகு நான் ஒரு நாள் கிரிகெட் போட்டியிலிருந்து ரிடையர் ஆக போகிறேன் என்று சொல்ல போகிறார் என்றே தோணுகிறது.//
அட இப்படி ஒரு விஷயம் இருக்கில்ல.

//விஜயகாந்த் நீங்க தமிழ்நாட்டுக்கு என்ன செய்திருக்கிறீர்கள் என்று கேட்க கலைஞர் நான் இது செய்திருக்கிறேன் அது செய்திருக்கிறேன் என்று 121 சாதனை பட்டியல் கொடுத்திருக்கிறார்//
புள்ளி(விவர) ராஜாவிற்க்கே
புள்ளி விவரம்?!

தமிழ் எதோ மதம் said...

இட்லி வடைக்கு தமிழ் இந்துவை நினைச்சாலே அடியில மிளகாய் வச்ச மாதிரி இருக்கு போல..

NRI - அனானி said...

ஷாருக் செய்தது ஒரு வகை விளம்பரம்தான்...

ஆனா கொஞ்சம் (Room போடாம) உட்கார்ந்து யோசிச்சதுல... இப்படி யாரவது பிரபலம் சொனால் மட்டும்தானே இந்த "கான்" மேட்டர்லாம் வெளியுலகத்துக்கு தெரியுது...
..

தினமும் சென்னை / ஹைத்ராபாத் அமெரிக்க தூதரகத்தில் பல்வேறு இளைஞர்களின் வாழ்க்கை "Pending Process" ங்ற பேரில் உறங்கி கொண்டு இருப்பது எவ்வளவு பேருக்கு தெரியும்?

Vedantha Desika Dasan said...

DAUGHTER IN LAW

when rearranged,

THINE, A GLAD WAR (உன்னுடைய சண்டை ஒரு சந்தோஷ சண்டை) for Mother-in-Law

உண்மை said...

//அம்பிகா சோனியைப் பாராட்ட வேண்டும். அமெரிக்கர்களை பழிக்கு பழி வாங்க வேண்டும் என்று சபதமே போட்டிருக்கிறார்//

இப்டி அதிகப்ப்ரசங்கி தனமா பேசிய அமைச்சரை என்ன பண்றது ?

நெவார்க் விமான நிலையத்தில் ஒரு நாளில் ஆயிரகனக்கானோர் வருகிறார்கள். நாம உள்ளுர்ல் பெரிய தாதாவா இருக்கலாம். வெளியூர் போனாலே வாழ சுருட்டி கிட்டு போகணும். அப்ப வெளி நாடு போனால் ? என்ன கேட்டால் இரண்டு மணி நேரம் கம்மி தான்.

இதையே தான் உலக நாயகனும் சில வருடம் முன் கனடா நாட்டில் அனுபவிச்சார். வெளில போனால் அடங்குங்கடா.

Anonymous said...

என்ன கொடுமை சரவணன் இது...!!!

சாரு பதில்:

முதலில் 54 வயது பெரியவர் என்ற வார்த்தைப் பிரயோகத்தைக் கடுமையாக ஆட்சேபிக்கிறேன். கமலுக்கும் 54 வயதுதான் ஆகிறது. அவர் என்ன பெரியவர் மாதிரியா தெரிகிறார்?

Karthi Blog said...

Keita undan kuduthathooku nandri :)

You missed By-election news
Tiruvalluvar statue news ?

Twitter:kamahade :)

Ragavan said...

//அது Newark. நியூயார்க் இல்லை//

//நேவார்க் விமான நிலையத்தில்//0

Newark = New·ark ... (Ne.wark அல்ல.)

Pronunciation: \ˈnü-ərk, ˈnü-ˌärk, ˈ

ஆக அது நேவார்க் அல்ல. நியூஆர்க்.

அமெரிக்கவிலும் பல NRI களும் இப்படி தவறாக 'நேவார்க்' என உச்சரிக்கிறார்கள்

Anonymous said...

//இளைஞர்களின் வாழ்க்கை "Pending Process" ங்ற பேரில் உறங்கி கொண்டு இருப்பது எவ்வளவு பேருக்கு தெரியும்?//

ஏனய்யா வாழ்கை எனபதே உம்மைப் போன்றவர்களுக்கு அமெரிக்காவில்தான் இருக்கின்றதா?

ஜில்பாத்ரி said...

ஷாருக் ஒரு chain smoker ஆச்சே! ரெண்டு மணி நேரம் Non Smoking ஏரியாவில உக்காரவச்சதனாலதான் Torture அது இதுன்னு வெம்பறாரு போலிருக்கு. கையோட ஒரு ipod கொண்டு போயிருந்தா அவரோட படங்களையெல்லாம் Immigration Officerக்கு போட்டு காண்பிச்சிருந்தா கொஞ்சம் மனம் இரங்கியுருப்பாரோ! இல்லைன்னா கூட கங்கணா ராவத், ஷில்பா ஷெட்டி மாதிரி குஜிலி பார்டிங்களை கூட்டிகிட்டு போயிருந்தாருன்னா ஒரு ரவுண்டு டான்ஸ் ஆடி காட்டியாவது சீக்கிரமா stamping பண்ணியிருக்கலாம்.

யதிராஜ சம்பத் குமார் said...

ஜஸ்வந்தின் மீதான நடவடிக்கை, வசுந்தராவை சற்றே பின்வாங்க வைக்கும் என நம்பலாம். கட்சியின் சீனியர் லீடர் என்பதைத் தவிர, ஜஸ்வந்த் அத்வானிக்கு மிகவும் வேண்டியவர் என்பது குறிப்பிடத்தக்கது. ஆனால் இவரை நீக்குவதில் முனைந்தவரே அத்வானி எனும்போது வசுந்தரா சற்றே அடக்கி வாசிப்பார் என நம்பலாம்.

ஆயினும் தேசியக் கட்சியான பாஜக இவ்வாறு உட்கட்சிப் பூசல்களில் திளைத்து தன்னை சீரழித்துக் கொள்வது தேசிய அரசியலுக்கு நல்லதல்ல என்பதை இனிமேலாவது கட்சியினர் உணர வேண்டும்.

R.Gopi said...

முனியோட லெட்டர் வழக்கம்போல நிறைய சுவாரசிய விஷயங்களை உள்ளடக்கி இருந்தது...

அதோடு, குவிக் கன் முருகன் பின்னூட்டத்தில் மானஸ்தன் திரி கொளுத்தி போட்டதில், தீபாவளி மொத்தத்துக்குமான வெடிக்கும் பட்டாசு முன்கூட்டியே வெடித்து தீர்ந்தது...

அவருக்கு என் ஸ்பெஷல் நன்றி.....

Anonymous said...

/***திரு.திருமா என்று ஒருவர் சிதம்பரம் எம்.பி. ஆக உள்ளார். அவர் பேசி நீங்கள் கேட்டது இல்லையா? நேத்திக்கு கூட தினத்தந்தில ஒரு பெரிய அறிக்கை குடுத்துட்டு, கோபாலபுரம் போயி அபிவாதயே பண்ணிட்டு வந்தாரு. விஜாரிசுபாருங்க. நியூஸ் கிடைக்கும்.**/

தனி ஈழம் என்ற மாநாட்டிற்கு வந்த தொ(கு)ண்டர்கள் reserved coach ல் ஏறி அமர்க்கலாம் செய்த கொடுமை தெரியுமா மானஸ்??

sreeja said...

//எனக்கு பிடித்தது http://www.wolframalpha.com/ இதில் புதுமையான சில விஷயங்கள் இருக்கு. //

அருமையான தகவல் தொகுப்பு. அதிலும் மேற்கண்ட லின்க் மிகவும் உபயோகம். உங்கள் பிறந்த நாளை டைப் செய்து பாருங்கள்.
நன்றி இவ.

M Arunachalam said...

"Khan Banega Crorepati" பற்றி தெரிந்துகொள்ள விரும்புபவர்கள் இங்கே சுட்டவும்.

http://hereisarun.blogspot.com/2009/08/khan-holds-secret.html

"உலக நாயகன்" என்று சொல்லப்படுபவர் கூட, முன்பு வட அமெரிக்காவில் விமான நிலையத்தில் அலைக்கழிக்கப்பட்டு "உலகம் அறியா நாயகன்" என்று புகழப்பட்ட கதை எவ்வளோ பேருக்கு தெரியும்?

//அமைச்சர் அம்பிகா சோனியைப் பாராட்ட வேண்டும். அமெரிக்கர்களை பழிக்கு பழி வாங்க வேண்டும் என்று சபதமே போட்டிருக்கிறார்.//

"இந்த விமான நிலைய அலைக்கழிப்பு இத்தாலியில் நடந்திருந்தால் இந்த "சோனி" அந்த "சோனியா" வின் நாட்டையும் இப்படியே ஒண்டிக்கு ஒண்டி சண்டைக்கு கூப்பிட்டிருப்பாரா" என்று முனியை கேட்டு சொல்லவும்.

//சில நாட்கள் முன் பத்திரிகையாளர்களை சந்தித்த கருணாநிதி "திருமதி ஜெயலலிதா'' என்று சொல்லியுள்ளார். வம்பு பிடித்த பத்திரிக்கயாளர் ஒருவர் "ஏன் 'திருமதி ஜெயலலிதா' என்று சொல்கிறீர்கள்?'' என்று கேட்டதற்கு "மைனாரிட்டி அரசு" என்று அவர் சொல்கின்ற வரை இப்படித்தான் சொல்வேன்'' என்று பதில் சொல்லியுள்ளார் அந்த 86 வயது அரசியல் சாணக்கியர்//

இந்த லட்சணத்தில்தான் இருக்கிறது "தமிழர் தலைவர்" என்று சொல்லப்படுபவரின் "கலாச்சாரம்". வாழ்க தமிழ். வளர்க தமிழர். கொடிகட்டி பறக்கட்டும் "இத்தகைய" தமிழர் கலாச்சாரம்.

Young Tamilians said...

//...'கட்டிப்பிடி கட்டிப்பிடிடா கண்ணாளா!' பாடல் நினைவுக்கு வந்து மும்தாஜ் படத்தை போட்டு ஆள் பிடிக்க ஆரம்பித்துவிட்டார்கள்....//

Please give us that mumtaj link.

Anonymous said...

//......அவுட்லுக் இந்தியாவின் தேசிய உணவு என்று இந்த படத்தை போட்டிருக்கிறார்கள். நடுவில் இருப்பது இட்லி!.........//

at the top side is chicken. what is at the bottom?

brinjal?

kggouthaman said...

வழக்கமான சுவாரஸ்யம் -
ஆஹா - மற்றவர்களுக்கு வந்த / அனுப்பிய கடிதங்களைப் படிப்பது
எவ்வளவு சுவாரஸ்யமான அனுபவம்!
மதர்-இன்-லா & டாடர் இன் லா - அனக்ரம் நன்றாக உள்ளது.
இப்படிக்கு
A TOUGH MAN
(ANAGRAM)

Sethu Raman said...

pardon iv, your slip is showing !!the news is about aishwarya, but the photo looks to be that of sneha!!

Young Tamilians said...

Where is the tamilhindu link that I asked?

Too sad that idly vadai is delaying a request on mutual interest.

IdlyVadai said...

Young Tamilians,

http://www.tamilhindu.com/2009/07/oorvambu-mala-male/