மந்திரி ராஜாவுக்கு அபராதம் - ஜூவிக்கு 10K தருகிறார்

மத்திய அமைச்சர் ராஜா பற்றி செய்தி வெளியிடுவதற்கு ஜூனியர் விகடன் பத்திரிகைக்கு விதிக்கப் பட்டிருந்த இடைக்காலத் தடை நீக்கப்பட்டுள்ளதுடன் அமைச்சருக்கு 10 ஆயிரம் ரூபாய் அபராதம் விதித்து சென்னை உயர்நீதிமன்றம் உத்தர விட்டிருக்கிறது...

ஸ்பெக்ட்ரம் ஊழல் தொடர்பாக அமைச்சர் ராஜாவு பற்றி ஜூனியர் விகடன் பத்திரிகை செய்தி வெளியிட்டது. தனக்கும், தனது குடும்பத்திற்கு எதிராக அப் பத்திரிகை செய்திகள், படங்கள், கட்டுரைகள் ஆகியவற்றை வெளி யிட்டு வருகிறது என்றும், இவை உண்மைக்கு மாறானவை என்றும், எனவே இவற்றை வெளியிடுவதற்கு இடைக்கால தடை விதிக்க வேண்டும்

என்று மத்திய அமைச்சர் ராஜா சார்பில் சென்னை உயர்நீதி மன்றத்தில் மனுதாக்கல் செய்யப்பட்டது.

இந்த மனுவை ஏற்றுக் கொண்ட சென்னை உயர்நீதிமன்ற நீதிபதி ஜூனியர் விகடன் பத்திரிகைக்கு இடைக்கால தடை விதித்து கடந்த 28.4.2009-ல் உத்தரவு பிறப்பித் திருந்தார். இந்த தடையை நீக்கக்கோரி விகடன் பத்திரிகை சார்பில் மனு தாக்கல் செய்யப்பட்டிருந்தது.

மத்திய அமைச்சர் என்ற முறையில், பொது நபர் என்ற அடிப்படை யிலேயே ராஜா பற்றி செய்திகள் வெளியிடப்பட்டன. நாடாளுமன்றத் தில் நடைபெற்ற விவாதத்தை அடிப்படையாகக் கொண்டு இந்த செய்திகள் வெளியிடப்பட்டன. அவருடைய தனிப்பட்ட வாழ்க்கை யைப்பற்றி செய்திகள் வெளியிட வில்லை. எனவே இதில் அவதூறு என்பதற்கு இடமில்லை.

மேலும் அவர் பொது நிகழ்ச்சியில் கலந்து கொண்ட படத்தை தான் நாங்கள் வெளியிட்டோம். எனவே, தடையை நீக்க வேண்டும்.

இவ்வாறு அந்த மனுவில் கூறப்பட்டிருந்தது.

இந்த மனுவை இன்று விசாரித்த நீதிபதி சந்ரு, இடைக்கால தடை விதிப்பதற்கு அடிப்படை முகாந்திரம் இல்லை என்று தீர்ப்பளித்தார்.

தேர்தலில் போட்டியிடுபவர்கள் பற்றியும், அவர்களுடைய குடும்பத் தினரை பற்றியும், கடந்த கால வாழ்க்கை குறித்தும், அவர்கள் மீது நிலுவையில் உள்ள வழக்குகள் குறித்தும் மக்கள் அறிந்து கொள்ள முழு உரிமை இருக்கிறது என்று உச்சநீதிமன்றம் ஏற்கனவே தீர்ப்பளித்திருக்கிறது.

மேலும் பொது வாழ்க்கையில் ஈடுபடுபவர்களின் தனிப்பட்ட வாழக்கையும் வெளிப்படையாகி விடும். தனிப்பட்ட வாழ்க்கை குறித்த செய்தி வெளியிடவில்லை. பொது வாழ்க்கையில் ஈடுபட்டுள்ள வர்கள் தங்களுக்கு எதிராக செய்திகள் வெளியிடாமல் தடுக்க முன் தடை பெறுவதற்கு எந்த சட்டமும் இல்லை.

இப்படி தடை விதிக்க முற்படுவது விமர்சன குரல் வளையை நெறிக்கும் முயற்சியாகும். அரசியல் நோக்கத்தோடு விதிக்கப்படும் தணிக்கைக்கு சமமானதாகும் என்றும் அத்தகைய நடவடிக்கை ஆட்சேபனைக்கு உரியது என்றும் உச்சநீதிமன்றம் கூறியுள்ளது.

பொது வாழ்வில் ஈடுபடுபவர்கள் தங்கள் மீதான விமர்சனங்களை அலட்சியப்படுத்த வேண்டும். சில நேரங்களில் தனிப்பட்ட விமர்சனங்களை தவிர்க்கப்பட முடியாததாகும். எனவே, ஏற்கனவே விதிக்கப்டடிருந்த இடைக்கால தடை நீக்கப்படுகிறது.

மேலும் மனுதாரருக்கு (மந்திரி ராஜா) ரூ.10 ஆயிரம் அபராதம் விதிக்கப்படுகிறது. இந்த தொகையை ஜூனியர் விகடனுக்கு வழங்க உத்தரவிடுகிறேன்.

மத்திய அமைச்சர் ராஜா தாழ்த்தப்பட்ட சமுதாயத்தில் இருந்து படித்து உழைத்து பாடுபட்டு படிப்படியாக முன்னேறி இன்று மத்திய அமைச்சரவையில் பணியாற்றி வருகிறார். அவர் அந்தப் பொறுப்பில் இருப்பது ஒரு சிலருக்குத்தான் பிடிக்கவில்லை....." முன்பு கலைஞர் சொன்னது.

( படம்: Description:Communications and IT Minister A. Raja gestures while replying, on being cornered by journalists about irregularities over the allocation of radio spectrum for high-speed mobile services in New Delhi, 07 November 2008 )